Connect with us

Business

ഊര്‍ജ്ജ സംരക്ഷണത്തിന് കാവലായി പ്രൈം സോളാര്‍

മടങ്ങിയെത്തുന്ന പ്രവാസികള്‍ക്ക് സോളാര്‍ മേഖലയില്‍ ഭാവി കരുപ്പിടിപ്പിക്കുന്നതിനുള്ള അവസരവും ഈ സംരംഭം നല്‍കുന്നു

Published

on

0 0
Read Time:17 Minute, 48 Second

പത്ത് വര്‍ഷങ്ങള്‍ക്ക് മുന്‍പ് ഗള്‍ഫിലെ മണലാരണ്യത്തില്‍ കൊല്ലം സ്വദേശിയായ ജെ സി ലിജോ കണ്ടു തുടങ്ങിയ ഒരു സ്വപ്നമുണ്ട്, സൗരോര്‍ജ്ജത്തില്‍ ജ്വലിക്കുന്ന കേരളം. വര്‍ഷങ്ങള്‍ക്ക് ശേഷം നാട്ടില്‍ മടങ്ങിയെത്തി തന്റെ സ്വപ്നത്തിനൊപ്പം സഞ്ചരിച്ച ലിജോ കോടികള്‍ വിറ്റുവരവുള്ള പ്രൈം എനര്‍ജി സൊല്യൂഷന്‍സ് എന്ന സ്ഥാപനത്തിലൂടെ ആ സ്വപ്നം യാഥാര്‍ത്ഥ്യമാക്കുകയാണ്

സംരംഭകത്വം എന്നത് വ്യക്തികള്‍ക്കനുസൃതമായി വേറിട്ട് നില്‍ക്കുന്ന കാഴ്ചപ്പാടാണ്. കൊല്ലം സ്വദേശിയായ ജെ സി ലിജോയെ സംബന്ധിച്ചിടത്തോളം സംരംഭകത്വം എന്നതിന് സാമൂഹികമായ ഒരു ഉത്തരവാദിത്വത്തിന്റെ കൂടി മുഖമുണ്ട്. അതിനാലാണ് സ്വന്തമായൊരു സ്ഥാപനം തുടങ്ങണം എന്ന ആഗ്രഹം മനസിലുറച്ചപ്പോള്‍ അത് സമൂഹത്തിന്റെ ആത്യന്തികമായ മാറ്റത്തിന് കരണമാകുന്നതും സാമ്പത്തികമായി ഉപഭോക്താവിനെ പിന്തുണയ്ക്കാന്‍ കഴിയുന്നതും ആകണം എന്ന ആഗ്രഹം മനസിലുറച്ചത്.

Advertisement

ഇത്തരത്തില്‍ പത്ത് വര്‍ഷങ്ങള്‍ക്ക് മുന്‍പ് ഗള്‍ഫിലെ മണലാരണ്യത്തില്‍ വച്ച് ലിജോ സ്വപ്നം കണ്ടു തുടങ്ങിയതാണ് പുനര്‍നിര്‍മിക്കാന്‍ കഴിയുന്ന ഊര്‍ജ്ജവിഭാഗങ്ങളെ ഉള്‍ക്കൊള്ളിച്ചുകൊണ്ടുള്ള ഒരു സ്ഥാപനം. നാട്ടില്‍ തിരികെയെത്തി 2013 ല്‍ പ്രൈം എനര്‍ജി സൊല്യൂഷന്‍സ് എന്ന പേരില്‍ ആ സ്വപ്നം യഥാര്‍ത്ഥ്യമാക്കിയ ലിജോയുടെ സംരംഭകത്വ യാത്ര ഊര്‍ജ്ജ സംരക്ഷണ രംഗത്ത് കേരളത്തിന് പുതിയൊരു മാനം നല്‍കിക്കൊണ്ടായിരുന്നു.

2007 ല്‍ കയ്യില്‍ ബിടെക്ക് ബിരുദവുമായി വിദേശജോലി സ്വപ്നം കണ്ടുകൊണ്ട് ഗള്‍ഫിലേക്ക് വിമാനം കയറുമ്പോള്‍ ലിജോ ഒരിക്കലും കരുതിയിരുന്നില്ല, താന്‍ നാട്ടില്‍ തിരിച്ചെത്തി വലിയൊരു മാറ്റത്തിന് കാരണക്കാരനാകുന്ന ഒരു സംരംഭകനാകുമെന്ന്. എന്നാല്‍ ഗള്‍ഫിലെത്തി, ഏറെ കഴിയുമുന്‍പ്തന്നെ സ്വന്തമായൊരു സ്ഥാപനം ആരംഭിക്കണം എന്ന ചിന്ത ആ ചെറുപ്പക്കാരനെ കീഴടക്കാന്‍ തുടങ്ങി. പിന്നീട് എന്ത് സംരംഭം തുടങ്ങണം എന്നായി ചിന്ത. പല ആശയങ്ങളും മനസിലൂടെ കടന്നു പോയെങ്കിലും ഒന്നിലും മനസുടക്കിയില്ല. ഒടുവില്‍ ജലവൈദ്യുതപദ്ധതികള്‍ നാമമാത്രമായ നാടുകളിലെ ഊര്‍ജ്ജസംരക്ഷണം മനസിലുടക്കി. പുനരുപയോഗിക്കാന്‍ കഴിയുന്ന ഊര്‍ജ്ജം എന്ന നിലയ്ക്ക് ഒട്ടുമിക്ക വിദേശരാജ്യങ്ങളും സോളാര്‍ വൈദ്യുതിക്ക് നല്‍കുന്ന പ്രാധാന്യവും അതിന്റെ സാധ്യതകളും മനസിലാക്കിയ ലിജോ പ്രസ്തുത രംഗത്തേക്കുള്ള തന്റെ പ്രവേശനം മനസ്സില്‍ കുറിച്ചിട്ടു.

അഞ്ചു വര്‍ഷത്തെ പ്രവാസജീവിതം മതിയാക്കി 2013 ല്‍ തന്റെ സ്വപ്ന സാക്ഷാത്കാരം എന്ന നിലയ്ക്ക് പ്രൈം എനര്‍ജി സൊല്യൂഷന്‍സ് എന്ന സ്ഥാപനത്തിന് കൊല്ലം ജില്ലയിലെ നിലമേല്‍ ആസ്ഥാനമായി ആരംഭം കുറിക്കുമ്പോള്‍ സോളാര്‍ എനര്‍ജി രംഗത്തെ നാളെയുടെ സാധ്യതകളെയാണ് ലിജോ മുന്നില്‍ കണ്ടത്. നാട്ടില്‍ മടങ്ങിയെത്തി, കേരളത്തിന്റെ സംരംഭകത്വ – സാമ്പത്തിക രംഗങ്ങളെക്കുറിച്ചും വരുംകാല സാധ്യതകളെക്കുറിച്ചും ശരിയായ രീതിയില്‍ പഠിച്ച ശേഷമാണ് ലിജോ പ്രൈം എനര്‍ജി സൊല്യൂഷന്‍സില്‍ ആദ്യ നിക്ഷേപം നടത്തിയത്.

സൗരോജ്ജത്തിന് പുറമെ മാലിന്യസംരക്ഷണം , ജലസംരക്ഷണം എന്നിവയ്ക്ക് കൂടി മുന്‍തൂക്കം നല്‍കിയാണ് പ്രൈം എനര്‍ജി സൊല്യൂഷന്‍സ് ലിജോ രൂപീകരിച്ചത്.

സൂര്യനൊപ്പം തിളങ്ങി പ്രൈം സോളാര്‍

പുനര്‍നിര്‍മിക്കാന്‍ കഴിയുന്ന ഊര്‍ജ വിഭവങ്ങളുടെ വികസനവും വിതരണവുമായി ബന്ധപ്പെട്ട് പ്രവര്‍ത്തിക്കുന്ന സര്‍ക്കാര്‍ സ്ഥാപനമായ അനെര്‍ട്ടിന്റെ എംപാനെല്‍ഡ് കമ്പനികളില്‍ ഒന്നായാണ് പ്രൈം എനര്‍ജി സൊല്യൂഷന്‍സ് ഈ രംഗത്ത് ചുവടുറപ്പിച്ചത്. എനര്‍ജി മാനേജ്മെന്റ്, വേസ്റ്റ് മാനേജ്മെന്റ്, വാട്ടര്‍ മാനേജ്മെന്റ് എന്നിങ്ങനെ മൂന്നു വിഭാഗങ്ങളാണ് പ്രൈം എനര്‍ജി സൊല്യൂഷന്‍സ് എന്ന സ്ഥാപനത്തിന് കീഴിലുള്ളത്. ഇതില്‍ എനര്‍ജി മാനേജ്മെന്റ്, വേസ്റ്റ് മാനേജ്മെന്റ് വിഭാഗങ്ങള്‍ കേരള സര്‍ക്കാര്‍ അംഗീകാരം ഉള്ളതാണ്.

കേരളത്തിലൊട്ടാകെ സോളാര്‍ പവര്‍ പ്രോജക്റ്റുകള്‍ ഏറ്റെടുത്ത നടത്തുക, സോളാര്‍ പ്രൊജക്റ്റുകളുടെ കണ്‍സള്‍ട്ടന്റായി പ്രവര്‍ത്തിക്കുക, പ്രോജക്റ്റ് എക്‌സിക്യൂട്ട് ചെയ്യുക, ഇലക്ട്രിക്കല്‍ കോണ്‍ട്രാക്റ്റിങ് ലൈസന്‍സ് തയ്യാറാക്കി കൊടുക്കുക, സോളാര്‍ പാനലുകള്‍, ഇന്‍വെര്‍ട്ടറുകള്‍ എന്നിങ്ങനെ നിരവധി ഉല്‍പ്പന്നങ്ങളുടെ ട്രേഡിംഗ് തുടങ്ങിയ കാര്യങ്ങളാണ് പ്രൈം എനര്‍ജി സൊല്യൂഷന്‍സിന്റെ എനര്‍ജി മാനേജ്മെന്റ് എന്ന വിഭാഗത്തിലൂടെ ലിജോ ചെയ്യുന്നത്.

ഇതിനെല്ലാം പുറമെ ഈ മേഖലയില്‍ അവസരങ്ങള്‍ തേടിയെത്തുന്ന ആളുകള്‍ക്ക് പൂര്‍ണ പിന്തുണയും ആവശ്യമായ സാങ്കേതിക പരിശീലനവും തന്റെ സ്ഥാപനത്തിലൂടെ ലിജോ നല്‍കുന്നുണ്ട്. അതിനാല്‍ തന്നെ കൊറോണമൂലവും അല്ലാതെയും പ്രവാസം അവസാനിപ്പിച്ച് മടങ്ങിയെത്തുന്ന പ്രവാസികള്‍ക്ക് സോളാര്‍ മേഖലയില്‍ ഭാവി കരുപ്പിടിപ്പിക്കുന്നതിനുള്ള അവസരവും പ്രൈം എനര്‍ജി സൊല്യൂഷന്‍സ് നല്‍കുന്നു.

‘എനര്‍ജി മാനേജ്മെന്റ് രംഗത്ത് അനന്തമായ സാധ്യതകളാണുള്ളത്. പുനര്‍നിര്‍മിക്കാന്‍ കഴിയാത്ത ഊര്‍ജങ്ങളുടെ ഉപഭോഗം കുറയ്ക്കുകയും പുനര്‍നിര്‍മിക്കാന്‍ കഴിയുന്ന ഊര്‍ജത്തെ ബദലായി ഉപയോഗിക്കുകയും ചെയ്യുക എന്നതാണ് നല്ലൊരു നാളേക്കായി നാം ചെയ്യേണ്ടത്. അതിനുള്ള മാര്‍ഗമാണ് പ്രൈം എനര്‍ജി സൊല്യൂഷന്‍സ് വഴി ഒരുക്കുന്നത്. മുന്‍പൊക്കെ സോളാര്‍ പാനലുകള്‍ ഘടിപ്പിക്കുന്നത് പ്രധാനമായും കൊമേഷ്യല്‍ സ്ഥാപനങ്ങളില്‍ ആയിരുന്നു. എന്നാല്‍ ഇപ്പോള്‍ വര്‍ക്ക് ഫ്രം ഹോം രീതികളൊക്കെ കൂടുതല്‍ വ്യാപകമായതോടു കൂടി ആളുകള്‍ വീടുകളില്‍ സോളാര്‍ പാനലുകള്‍ ഘടിപ്പിക്കുന്നതിനായി നല്ല താല്പര്യം പ്രകടിപ്പിക്കുന്നുണ്ട്. ഈ അവസരം മുന്‍കൂട്ടി കണ്ടാണ് ഞാന്‍ പ്രൈം എനര്‍ജി സൊല്യൂഷന്‍സിന് രൂപം നല്‍കിയത്.”

കഴിഞ്ഞ ഏഴ് വര്‍ഷത്തെ പ്രവര്‍ത്തനകാലയളവിനുള്ളില്‍ 700ല്‍ പരം സംതൃപ്തരായ ഉപഭോക്താക്കളെ സൗരോര്‍ജ്ജ വൈദ്യുതോല്‍പ്പാദനത്തിന്റെ വിവിധ മേഖലകളിലായി സൃഷ്ടിക്കാന്‍ പ്രൈം എനര്‍ജി സൊല്യൂഷന്‍സിന് കഴിഞ്ഞിട്ടുണ്ട്. ഇതില്‍ കൊമേഷ്യല്‍, റെസിഡന്‍ഷ്യല്‍ പ്രോജക്റ്റുകള്‍ ഒരു പോലെ ഉള്‍പ്പെടുന്നു. അതോടൊപ്പം വേസ്റ്റ് മാനേജ്മെന്റ് രംഗത്ത് 2000ത്തില്‍ പരം സംതൃപ്ത ഉപഭോക്താക്കളെ പ്രൈം എനര്‍ജി സൊല്യൂഷന്‍സ് സൃഷ്ടിച്ചിട്ടുണ്ട്. നാഷണല്‍ റേറ്റിങ് ഏജന്‍സിയായ ക്രിസിലിന്റെ അംഗീകാരവും സ്ഥാപനത്തിനുണ്ട്. സൗരോര്‍ജ മേഖലയിലെ ഓരോ പുതിയ മാറ്റത്തിനും അനുസൃതമായി തങ്ങളുടെ സേവനങ്ങളും ഉല്‍പ്പന്നങ്ങളും വ്യത്യസ്തപ്പെടുത്താനും ലിജോ ശ്രദ്ധിക്കുന്നുണ്ട്.

അതോടൊപ്പം തന്നെ സൗരോര്‍ജ്ജമേഖലയില്‍ അവതരിപ്പിക്കപ്പെടുന്ന പുതിയ പദ്ധതികളും സൗരോര്‍ജ്ജ പദ്ധതികളുടെ ഗുണങ്ങളും ജനങ്ങളിലേക്ക് എത്തിക്കുന്നതിന് വേണ്ട ബോധവത്ക്കരണ പരിപാടികള്‍ക്കും ലിജോ നേതൃത്വം നല്‍കുന്നുണ്ട്. സോളാര്‍ മേഖലയുമായി ബന്ധപ്പെട്ട പ്രോജക്റ്റുകള്‍ ചെയ്യുന്ന എഞ്ചിനീയറിംഗ് വിദ്യാര്‍ത്ഥികള്‍ക്ക് അനിവാര്യമായ എല്ലാ സേവനങ്ങളും സൗകര്യങ്ങളും പ്രൈം എനര്‍ജി സൊല്യൂഷന്‍സ് പ്രദാനം ചെയ്യുന്നു. കൂടുതല്‍ ആളുകള്‍ സൗരോര്‍ജ്ജ മേഖലയുമായി ബന്ധപ്പെട്ട് മുന്നോട്ട് വരുന്നതോടെ വരും നാളുകളില്‍ പൂര്‍ണമായും സൗരോര്‍ജ്ജത്തില്‍ പ്രവര്‍ത്തിക്കുന്ന വീടുകള്‍ എന്ന സ്വപ്നം യാഥാര്‍ഥ്യമാക്കാന്‍ കഴിയുമെന്ന പ്രതീക്ഷയിലാണ് ലിജോ.

എന്തുകൊണ്ട് സൗരോര്‍ജ്ജ വൈദ്യുതി?

ഏറെ പ്രസക്തി നേടിക്കൊണ്ടിരിക്കുന്ന ഒന്നാണ് സൗരോര്‍ജ്ജ വൈദ്യുത പദ്ധതികള്‍ എങ്കിലും തുടക്കത്തില്‍ പാനലുകള്‍ ഘടിപ്പിക്കാന്‍ വലിയൊരു തുക ചെലവ് വരും എന്നതിനാല്‍ തന്നെ ഉപഭോക്താക്കള്‍ രണ്ടാമതൊന്നു കൂടി ചിന്തിക്കുന്ന അവസ്ഥയാണ്. എന്നാല്‍ ഇത് സൗരോര്‍ജ്ജ പദ്ധതികളെപ്പറ്റി ശരിയായ ധാരണയില്ലാത്തതിനാലാണെന്ന് ലിജോ പറയുന്നു.

സോളര്‍ പാനലുകള്‍ വഴി സംഭരിക്കുന്ന വൈദ്യുതി ഉപയോഗപ്പെടുത്തി വീട്ടിലെ വൈദ്യുതി ആവശ്യങ്ങള്‍ നിറവേറ്റുന്നതിലൂടെ കറന്റ് ബില്‍ തുക നന്നായി കുറയ്ക്കാന്‍ സാധിക്കുന്നു. സോളര്‍ പാനല്‍വഴി ഉല്‍പാദിപ്പിക്കുന്ന ഡയറക്ട് കറന്റ് (DC) അത്യാവശ്യത്തിനുള്ള ലൈറ്റും, ഫാനുകളും പ്രത്യേക വയറിങ് നടത്തി പ്രവര്‍ത്തിപ്പിച്ചാല്‍ ചെലവ് കുറയ്ക്കാം. സോളര്‍ ഇന്‍വെര്‍ട്ടറുകള്‍ രണ്ട് തരത്തിലുണ്ട്. ഓണ്‍ ഗ്രിഡും ഓഫ് ഗ്രിഡും. പകല്‍ ഉല്‍പാദിപ്പിക്കുന്ന സൗരവൈദ്യുതി കെഎസ്ഇബി ഗ്രിഡിലേക്കു നല്‍കി, തത്തുല്യമായ അളവ് വൈദ്യുതി, ഗ്രിഡില്‍ നിന്ന് ഉപയോഗിച്ച് ഉപകരണങ്ങള്‍ പ്രവര്‍ത്തിപ്പിക്കുന്നതാണ് ഓണ്‍ ഗ്രിഡ് പദ്ധതി.

ഈ പദ്ധതിക്ക് ഇന്ന് ആവശ്യക്കാര്‍ വര്‍ധിച്ചു വരികയാണ്. വീട്ടില്‍ ഉല്‍പാദിപ്പിക്കുന്ന സോളര്‍ വൈദ്യുതി ഉപയോഗിച്ചു തന്നെയാണ് ഓഫ് ഗ്രിഡില്‍ ഉപകരണങ്ങള്‍ പ്രവര്‍ത്തിക്കുന്നത്. അധികം ഉല്‍പാദിപ്പിക്കുന്ന വൈദ്യുതി ബാറ്ററിയില്‍ സൂക്ഷിക്കുകയും രാത്രി ഉപയോഗിക്കുകയുമാകാം. ഇതോടുകൂടി കെഎസ്ഇബി കണക്ഷനും ആവശ്യമെങ്കില്‍ എടുക്കാം. 2000 രൂപ വരെ വൈദ്യുതി ബില്‍ വരുന്ന വീടുകളില്‍ ഈ പദ്ധതി വിജയകരമായി പ്രാവര്‍ത്തികമാക്കാം.

‘40000 രൂപ മുതല്‍ 40 ലക്ഷം രൂപവരെ ചെലവില്‍ സൗരോര്‍ജ്ജ പാനലുകള്‍ ഘടിപ്പിക്കാവുന്നതാണ്. എന്നാല്‍ ഇത് ഉപഭോഗത്തെ ആശ്രയിച്ചിരിക്കും എന്ന് മാത്രം. മൊത്തം പണം ഒരുമിച്ചു നല്‍കാനില്ലാത്തവര്‍ക്കായി സബ്‌സിഡികളും ലോണ്‍ വ്യവസ്ഥയില്‍ സൗരോര്‍ജ്ജ പ്ലാന്റുകളുടെ വിപണനവും നടത്തിവരുന്നുണ്ട്. 25 വര്‍ഷത്തെ വാറന്റിയാണ് പാനലുകള്‍ക്ക് ഉള്ളത്. പ്രതിമാസം കറന്റ് ബില്ലായി വരുന്ന തുക സൗരോര്‍ജ്ജ പ്ലാന്റിന്റെ തുകയായി അടയ്ക്കുന്ന രീതിയാണിത്,” ലിജോ പറയുന്നു.

മാലിന്യം ഇനി തലവേദനയാവില്ല

ഊര്‍ജ്ജ സംരക്ഷണത്തോടൊപ്പം മാലിന്യ നിര്‍മാര്‍ജ്ജനം, ജല സംരക്ഷണം എന്നിവയ്ക്കും പ്രൈം എനര്‍ജി സൊല്യൂഷന്‍സ് തുല്യ പ്രാധാന്യം നല്‍കുന്നു. ഇതിന്റെ ഭാഗമായി ഉറവിട മാലിന്യ നിര്‍മാര്‍ജ്ജന പദ്ധതികള്‍ക്കാണ് സ്ഥാപനം നേതൃത്വം നല്‍കുന്നത്.

പരിസ്ഥിതിക്ക് ആഘാതം സൃഷ്ടിക്കാതെ ഓരോ പ്രദേശത്തും ഉല്‍പാദിപ്പിക്കപ്പെടുന്ന മാലിന്യം അതാത് പ്രദേശങ്ങളില്‍ നിര്‍മാര്‍ജ്ജനം ചെയ്യുന്നതിനായുള്ള ബയോ ഗ്യാസ് പ്ലാന്റുകളുടെ നിര്‍മാണമാണ് ഈ മേഖലയില്‍ പ്രധാനമായും ചെയ്ത് വരുന്നത്. കൊല്ലം ജില്ലയിലെ നിലമേല്‍ ആസ്ഥാനമായുള്ള ഫാക്റ്ററികളിലാണ് ഇതിന്റെ ഉല്‍പ്പാദനം നടക്കുന്നത്.

ജലം ശുദ്ധീകരിക്കാനും വഴിയുണ്ട്

ഊര്‍ജ്ജസംരക്ഷണത്തിന്റെ ഭാഗമായി ജലസംരക്ഷണത്തിനും പ്രൈം എനര്‍ജി സൊല്യൂഷന്‍സ് പ്രാധാന്യം നല്‍കുന്നുണ്ട്. വാട്ടര്‍ പ്യൂരിഫയര്‍ എന്നതില്‍ ഉപരിയായി വലിയതോതില്‍ ശേഖരിക്കപ്പെടുന്ന ജലത്തെ ശുദ്ധീകരിച്ച ശേഷം ടാങ്കില്‍ സംരക്ഷിക്കുന്നതിനായി സഹായിക്കുന്ന രീതിയിലാണ് വാട്ടര്‍ ട്രീറ്റ്‌മെന്റ് പ്ലാന്റുകള്‍ സജ്ജീകരിച്ചിരിക്കുന്നത്.ഇതില്‍ തന്നെ വാട്ടര്‍ പ്യൂരിഫയറുകള്‍, വാട്ടര്‍ ട്രീറ്റ്‌മെന്റ് പ്ലാന്റുകള്‍, വേസ്റ്റ് വാട്ടര്‍ ട്രീറ്റ്മെന്റ് പ്ലാന്റുകള്‍, സീവേജ് ട്രീറ്റ്മെന്റ് പ്ലാന്റുകള്‍ എന്നിവ ഉള്‍ക്കൊള്ളിച്ചിരിക്കുന്നു.

ഒരു സംരംഭം ആരംഭിക്കുമ്പോള്‍ അതിന് സാമൂഹിക പ്രതിബദ്ധതയുടെ ഒരു മുഖം കൂടി അനിവാര്യമാണ് എന്ന തോന്നലില്‍ നിന്നാണ് ജെ സി ലിജോ പ്രൈം എനര്‍ജി സൊല്യൂഷന്‍സ് എന്ന സ്ഥാപനം സ്ഥാപിച്ചതും മുന്നോട്ട് നയിക്കുന്നതും. തന്റെ ലക്ഷ്യത്തിലേക്ക് കഴിഞ്ഞ ഏഴ് വര്‍ഷക്കാലമായി നടന്നടുത്തകൊണ്ടിരിക്കുകയാണ് ഈ സംരംഭകന്‍.

പൂര്‍ണ പിന്തുണയായി ടീം

വളരെ ചെറിയ സമയത്തിനുള്ളില്‍ എങ്ങനെ ഇത്തരത്തില്‍ മികച്ച നേട്ടം കൈവരിക്കാനായി എന്ന ചോദ്യത്തിന് മുന്നില്‍ ലിജോ ചൂണ്ടിക്കാണിക്കുന്നത് തന്റെ സ്ഥാപനത്തിലെ സമര്‍ത്ഥരായ ജീവനക്കാരെയും പ്രവര്‍ത്തനങ്ങള്‍ക്ക് സകല പിന്തുണയും നല്‍കുന്ന പ്രാദേശിക സമൂഹത്തെയുമാണ്. സംരംഭകന്‍ മനസ്സില്‍ കാണുന്ന കാര്യങ്ങള്‍ ഉടനടി നടപ്പാക്കാന്‍ കഴിയുന്ന ജീവനക്കാരാണ് ഒരു സ്ഥാപനത്തിന്റെ വിജയ രഹസ്യം എന്ന് ലിജോ അടിവരയിട്ടുറപ്പിക്കുന്നു.

‘വളരെ യംഗ് ആന്‍ഡ് എനര്‍ജെറ്റിക്ക് ആയിട്ടുള്ള എഞ്ചിനീയറിംഗ് ബിരുദധാരികള്‍ അടങ്ങിയ ഒരു ടീം ആണ് സ്ഥാപനത്തിനുള്ളത്. വ്യക്തിപരമായ ഉയര്‍ച്ചയ്ക്കൊപ്പം, അല്ലെങ്കില്‍ അതിലും മുകളിലായി സ്ഥാപനത്തിന്റെ വളര്‍ച്ച സ്വപ്നം കാണുന്ന ഈ ടീമിനൊപ്പം കൂടുതല്‍ നേട്ടങ്ങള്‍ കയ്യെത്തിപ്പിടിക്കണം എന്നാണ് ഞാന്‍ ആഗ്രഹിക്കുന്നത്,” ലിജോ പറയുന്നു.

കൂടുതല്‍ വിവരങ്ങള്‍ക്ക് :9446393399

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Advertisement

Business

കേരളത്തിലാദ്യമായി 1 ലിറ്റര്‍ എച്ച്ഡിപിഇ ബോട്ട്ലില്‍ ഫ്രഷ് മില്‍ക്ക് വിപണിയിലിറക്കി സാപിന്‍സ്

വിപണനോദ്ഘാടനം സിനിമാതാരവും സാപിന്‍സ് ബ്രാന്‍ഡ് അംബാസഡറുമായ അനു സിതാരയ്ക്ക് ആദ്യബോട്ട്ല്‍ നല്‍കി സാപിന്‍സ് ഫാം പ്രൊഡക്റ്റ്സ് എംഡി ജിജി തോമസും ഡയറക്ടര്‍ സിബി എന്‍ വര്‍ഗീസും നിര്‍വഹിച്ചു

Published

on

0 0
Read Time:5 Minute, 25 Second

കേരളത്തിലാദ്യമായി 1 ലിറ്റര്‍ എച്ച്ഡിപിഇ ബോട്ട്ലില്‍ ഫ്രഷ് പശുവിന്‍ പാല്‍ വിപണിയിലറിക്കി സാപിന്‍സ്. വിപണനോദ്ഘാടനം സിനിമാതാരവും സാപിന്‍സ് ബ്രാന്‍ഡ് അംബാസഡറുമായ അനു സിതാരയ്ക്ക് ആദ്യബോട്ട്ല്‍ നല്‍കി സാപിന്‍സ് ഫാം പ്രൊഡക്റ്റ്സ് എംഡി ജിജി തോമസും ഡയറക്ടര്‍ സിബി എന്‍ വര്‍ഗീസും നിര്‍വഹിച്ചു.

മധ്യകേരളത്തിലെ റീടെയില്‍ സ്റ്റോറുകളിലും കേരളത്തിലുടനീളം ജിയോമാര്‍ട്.കോമിലൂടെയും റിലയന്‍സ് ഔട്ട്ലെറ്റുകളിലും ഉല്‍പ്പന്നം ലഭ്യമായിക്കഴിഞ്ഞു. നിലവില്‍ സംസ്ഥാനത്ത് അരലിറ്ററിന്റെ പോളിത്തീന്‍ കവറുകളിലാണ് ഫ്രഷ് മില്‍ക്ക് വില്‍ക്കപ്പെടുന്നതെന്ന് ജിജി തോമസ് ചൂണ്ടിക്കാണിച്ചു. ഇത് മെല്ലെ മാറ്റിയെടുക്കാനാണ് സാപിന്‍സിന്റെ ശ്രമം.

Advertisement

എച്ച്ഡിപിഇ ബോട്ട്ലുകളിലെ പാല്‍ കൈകാര്യം ചെയ്യാനും എടുത്തു വെയ്ക്കാനും താരതമ്യേന എളുപ്പമാണെന്നും ഉല്‍പ്പന്നം പാഴാകുന്നത് പരമാവധി കുറയ്ക്കാനാകുമെന്നും അദ്ദേഹം പറഞ്ഞു. ഏറ്റവും പ്രധാനം എച്ച്ഡിപിഇ കൂടുതല്‍ പരിസ്ഥിതി സൗഹാര്‍ദമുള്ള പ്ലാസ്റ്റിക്കാണെന്നതാണ്. റീസൈക്ക്ള്‍ ചെയ്യാനും എളുപ്പമാണ്. കനം കൂടുതലുള്ളതുകൊണ്ട് ബോട്ട്ലായിത്തന്നെ പുനരുപയോഗിക്കാം. 70 ഡിഗ്രി വരെ ചൂടും ചെറുക്കും. സാധാരണ മിനറല്‍ വാട്ടറൊക്കെ വരുന്ന പെറ്റ് ബോട്ട്ലുകള്‍ 40-50 ഡിഗ്രി വരെ മാത്രമേ ചൂട് താങ്ങുകയുള്ളുവെന്നും ജിജി തോമസ് പറഞ്ഞു.

ബോട്ട്ലിന്റെ വിലയടക്കം 80 രൂപ വിലയിടാമെങ്കിലും ഉദ്ഘാടന ഓഫറെന്ന നിലയില്‍ 60 രുപ മാത്രമാണ് വിലയിട്ടിട്ടുള്ളത്. കാലക്രമേണ പോളിത്തീന്‍ പാക്കുകളായി വില്‍ക്കന്ന അത്രയും പാല്‍ എച്ച്ഡിപിഇ ബോട്ട്ലുകളിലൂടെയും വില്‍ക്കാനാണ് കമ്പനിയുടെ ലക്ഷ്യം. വിപണയുടെ പ്രതികരണം നോക്കി 2 ലിറ്ററിന്റെ ബോട്ട്ല്‍ വിപണിയിലിറക്കാനും പരിപാടിയുണ്ട്.

കോവിഡ് സമയത്തും മികച്ച വളര്‍ച്ച കാണിച്ച് കഴിഞ്ഞ വര്‍ഷവും സാപിന്‍സ് വാര്‍ത്തയില്‍ ഇടം പിടിച്ചിരുന്നു. ഹോട്ടലുകള്‍, കമ്പനികള്‍ തുടങ്ങിയ കോര്‍പ്പറേറ്റ് വിഭാഗത്തില്‍ ശ്രദ്ധ കേന്ദ്രീകരിച്ചിരുന്ന കമ്പനി റീടെയിലില്‍ പ്രവര്‍ത്തനം വ്യാപിപ്പിച്ചാണ് കോവിഡിനെ വിജയകരമായി നേരിട്ടത്. പാലും പാലുല്‍പ്പന്നങ്ങളും അവശ്യസാധനങ്ങളായതുകൊണ്ട് കോവിഡ് ഒതുങ്ങുമ്പോള്‍ രണ്ട് വിഭാഗത്തിലും മികച്ച വളര്‍ച്ചയാണ് കമ്പനി പ്രതീക്ഷിക്കുന്നതെന്നും ജിജി തോമസ് പറഞ്ഞു.

കിഴക്കമ്പലത്ത് കമ്പനിക്കുള്ള പ്ലാന്റിന് പ്രതിദിനം 50,000 ലിറ്റര്‍ പാല്‍ പ്രോസസ് ചെയ്യാനുള്ള ശേഷിയുണ്ട്. ടോണ്‍ഡ്, ഫുള്‍ ക്രീം തുടങ്ങി നാല് വകഭേദങ്ങളിലുള്ള പാലിനു പുറമെ തൈര് (പ്രതിദിനം 10,000 ലിറ്റര്‍), നെയ്യ് (1500 ലിറ്റര്‍), പനീര്‍, ബട്ടര്‍ (പ്രതിദിനം 2-3 ടണ്‍) എന്നിങ്ങനെയാണ് കമ്പനിയുടെ ശേഷികള്‍. കിഴക്കമ്പലത്ത് സ്വന്തമായുള്ള ഫാമിനു പുറമെ ക്ഷീരകര്‍ഷകരില്‍ നിന്ന് ട്വന്റി20 വഴിയും കമ്പനി പാല്‍ വാങ്ങുന്നുണ്ട്.

നിലവില്‍ എറണാകുളം, കോട്ടയം, പത്തനംതിട്ട ജില്ലകളിലാണ് നേരിട്ടുള്ള റീടെയില്‍ വിപണനം. റിലയന്‍സ് സൂപ്പര്‍മാര്‍ക്കറ്റുകള്‍ വഴി സംസ്ഥാനത്തുടനീളവും സാപിന്‍സ് ഉല്‍പ്പന്നങ്ങള്‍ ലഭ്യമാണ്. റിലയന്‍സിന്റെ ജിയോമാര്‍ട് ആപ്പില്‍ ലിസ്റ്റ് ചെയ്യപ്പെട്ട ആദ്യ കേരളീയ ബ്രാന്‍ഡ് സാപിന്‍സ് ആണെന്നും ജിജി തോമസ് പറഞ്ഞു. ബിഗ്ബാസ്‌ക്കറ്റിലും ബ്രാന്‍ഡ് ഈയിടെ ലിസ്റ്റു ചെയ്യപ്പെട്ടു.

ഫോട്ടോ ക്യാപ്ഷന്‍: സാപിന്‍സിന്റെ 1 ലിറ്റര്‍ എച്ച്ഡിപിഇ ബോട്ട്ലിലെ ഫ്രഷ് പശുവിന്‍ പാല്‍ വിപണനോദ്ഘാടനം സിനിമാതാരവും സാപിന്‍സ് ബ്രാന്‍ഡ് അംബാസഡറുമായ അനു സിതാരയ്ക്ക് ആദ്യബോട്ട്ല്‍ നല്‍കി സാപിന്‍സ് ഫാം പ്രൊഡക്റ്റ്സ് എംഡി ജിജി തോമസും ഡയറക്ടര്‍ സിബി എന്‍ വര്‍ഗീസും നിര്‍വഹിക്കുന്നു.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Business

മലയാളി സംരംഭകരുടെ പരാജയത്തിന് പിന്നിലെ കാരണങ്ങള്‍

അടുത്തിടെയായി കേരളത്തിലെ സംരംഭങ്ങളുടെ പരാജയനിരക്ക് വര്‍ധിച്ചു വരികയാണ്. ബിസിനസിന് പറ്റിയ വളക്കൂറുള്ള മണ്ണായി കേരളത്തെ മാറ്റാന്‍ അവസരങ്ങള്‍ അനവധിയുണ്ടെങ്കിലും പലപ്പോഴും സംരംഭകര്‍ക്ക് അടിപതറുന്നു

Published

on

0 0
Read Time:15 Minute, 51 Second

കഴിഞ്ഞ രണ്ടു പതിറ്റാണ്ടിനുള്ളില്‍ കേരളത്തിന്റെ സംരംഭകാന്തരീക്ഷത്തിന് അഭൂതപൂര്‍ണമായ വളര്‍ച്ചയാണുണ്ടായിരിക്കുന്നത്. സ്റ്റാര്‍ട്ടപ്പ് സംരംഭങ്ങളുടെ അമ്മത്തൊട്ടിലായി കേരളം മാറിക്കഴിഞ്ഞു. ഉന്നത വിദ്യാഭ്യാസം നേടി പുറത്തിറങ്ങുന്ന ഓരോ വ്യക്തിയും ആഗ്രഹിക്കുന്നത് സ്വന്തമായി ഒരു സംരംഭം ആരംഭിച്ച് തൊഴില്‍ ദാതാവായി മാറാനാണ്. വൈറ്റ് കോളര്‍ ജോലിക്ക് പിന്നാലെ പരക്കം പായുന്ന രീതിക്ക് അവസാനമായെന്നു ചുരുക്കം. എന്നാല്‍ അടുത്തിടെയായി കേരളത്തിലെ സംരംഭങ്ങളുടെ പരാജയനിരക്ക് വര്‍ധിച്ചു വരികയാണ്. ബിസിനസിന് പറ്റിയ വളക്കൂറുള്ള മണ്ണായി കേരളത്തെ മാറ്റാന്‍ അവസരങ്ങള്‍ അനവധിയുണ്ടെങ്കിലും പലപ്പോഴും സംരംഭകര്‍ക്ക് അടിപതറുന്നു.

ശരിയായ ദിശാബോധം ഇല്ലാത്തത് മാത്രമല്ല ഇതിനു പിന്നിലെ പ്രധാന കാരണം. കേരളത്തില്‍ ഒരു മികച്ച തൊഴില്‍ അന്തരീക്ഷം സൃഷ്ടിച്ചു നല്‍കണമെങ്കില്‍ സംരംഭകര്‍ ഒട്ടേറെ മുന്‍കരുതലുകള്‍ എടുക്കേണ്ടതായുണ്ട്.ബിസിനസ് എന്നത് വരുമാനം വര്‍ധിപ്പിക്കുന്നതിനുള്ള ഒരു വഴിയായി മാത്രം കാണാതെ തികഞ്ഞ പ്രൊഫഷണലിസത്തോടെ ബിസിനസിനെ സമീപിക്കുക എന്നതാണ് പ്രധാനം. പലപ്പോഴും സംരംഭകര്‍ക്ക് അടിതെറ്റുന്നത് ഇവിടെയാണ്. തുടക്കം മുതല്‍ക്ക് ലാഭം മാത്രം ലക്ഷ്യമിട്ടു പ്രവര്‍ത്തിക്കുന്ന സംരംഭങ്ങള്‍ക്ക് എളുപ്പത്തില്‍ കാലിടറുന്നു. മാത്രമല്ല, കേരളത്തിലെ സംരംഭകത്വ നിയമങ്ങളെപ്പറ്റിയും നടപടിക്രമങ്ങളെപറ്റിയും ശരിയായ അറിവില്ലാതെ നിക്ഷേപം കൊണ്ടുവരുന്നതും അപകടം ക്ഷണിച്ചു വരുത്തുന്നു.

Advertisement

ഗള്‍ഫില്‍ നിന്നും നീണ്ട 20 വര്‍ഷത്തെ സേവനം മതിയാക്കി നാട്ടില്‍ എത്തിയതായിരുന്നു കോഴിക്കോട് സ്വദേശിയായിരുന്ന ഫിറോസ്. വീടുപണിയും അത്യാവശ്യം ബാങ്ക് ഡെപ്പോസിറ്റും എല്ലാം കഴിച്ച് കൈയ്യില്‍ ബാക്കിയുള്ള പണം കൊണ്ട് ശേഷകാലം വരുമാനം ലഭിക്കുന്നതിനായി എന്തെങ്കിലും ചെയ്യണം എന്ന് തീരുമാനിച്ചുറപ്പിച്ചാണ് ഫിറോസ് ഗള്‍ഫ് വിട്ടത്. വളരെ ചെറിയ പ്രായത്തില്‍ തന്നെ കേരളം വിട്ട ഫിറോസിന് കേരളത്തിലെ സംരംഭക അന്തരീക്ഷത്തെ പറ്റി വലിയ ധാരണയൊന്നും ഉണ്ടായിരുന്നില്ല. മാത്രമല്ല, സ്വന്തമായി ബിസിനസ് ചെയ്തുള്ള പരിചയവും ഇല്ലായിരുന്നു. നാട്ടിലെ സുഹൃത്തുക്കള്‍ നിര്‍ദേശിച്ചതനുസരിച്ചാണ് വസ്ത്രങ്ങള്‍ ഹോള്‍സെയില്‍ ആയെടുത്ത് ചില്ലറ വില്‍പന നടത്തുന്ന ഒരു സംരംഭത്തിന് തുടക്കം കുറിച്ചത്. എന്നാല്‍ വസ്ത്ര വിപണിയുടെ നിലവിലെ ട്രെന്‍ഡ്, ഫാഷന്‍, ആളുകളുടെ പര്‍ച്ചേസിംഗ് പവര്‍ തുടങ്ങിയ കാര്യങ്ങള്‍ ഒന്നും ചര്‍ച്ച ചെയ്യാതെ ആരംഭിച്ച ആ സംരംഭത്തിന് അല്‍പായുസ്സായിരുന്നു ഫലം.

ഒരു മികച്ച ടെക്‌സ്‌റ്റൈല്‍ ഷോപ്പ് എന്ന നിലയില്‍ പേരെടുക്കാന്‍ കഴിയാതിരുന്ന ആ സംരംഭം മാസങ്ങള്‍ക്കുള്ളില്‍ തന്നെ അടച്ചു പൂട്ടേണ്ടതായി വന്നു. മാത്രമല്ല, കട ബാധ്യത മൂലം, ഒരിക്കല്‍ ഉപേക്ഷിച്ച ഗള്‍ഫ് ജോലിയില്‍ തന്നെ അഭയം പ്രാപിക്കേണ്ട അവസ്ഥയും ഫിറോസിനുണ്ടായി. ഫിറോസ് എന്ന ഈ സംരംഭകന്റെ ജീവിതം ഒരു ഒറ്റപ്പെട്ട സംഭവമല്ല. മറിച്ച് കേരളത്തിലെ പരാജയപ്പെട്ടു പോകുന്ന സംരംഭകരുടെ ഒരു നേര്‍ചിത്രമാണ് അദ്ദേഹം. ഫിറോസിന്റെ പരാജയം വിശകലനം ചെയ്യുമ്പോള്‍ എന്തുകൊണ്ടാണ് കേരളത്തിലെ സ്റ്റാര്‍ട്ടപ്പ് സംരംഭങ്ങള്‍ പരാജയപ്പെടുന്നത് എന്നതിന് വ്യക്തമായ കാരണാണ് ലഭിക്കും.

പ്രൊഫഷണലിസത്തിന്റെ അപര്യാപ്തത

എന്തുകൊണ്ട് കേരളത്തിലെ സ്റ്റാര്‍ട്ടപ്പ് സംരംഭങ്ങള്‍ പരാജയപ്പെടുന്നു എന്ന ചോദ്യത്തിനുള്ള പ്രധാന ഉത്തരം പ്രൊഫഷണലിസത്തിന്റെ പോരായ്മ എന്നതാണ്. എളുപ്പമാര്‍ഗത്തില്‍ വരുമാനം ഉണ്ടാക്കുന്നതിനുള്ള ഒരു വഴിയായി മാത്രമേ നല്ലൊരുവിഭാഗം ജനങ്ങള്‍ ബിസിനസിനെ കാണുന്നുള്ളൂ. എന്ത് ബിസിനസ് ചെയ്യണമെന്നോ? അത് എങ്ങനെ ചെയ്യണമെന്നോ, വ്യക്തമായ ഒരു ധാരണ കൂടാതെയാണ് മിക്ക സംരംഭകരും ബിസിനസിലേക്ക് ഇറങ്ങുന്നത്. വേറെ ചിലരാകട്ടെ, മറ്റൊരാള്‍ക്ക് കീഴില്‍ ജോലി ചെയ്യാനുള്ള ബുദ്ധിമുട്ട് കണക്കിലെടുത്താണ് ബിസിനസിലേക്ക് കടക്കുന്നത്. ഇത് രണ്ടും ആകരുത് ഒരു യഥാര്‍ത്ഥ സംരംഭകന്റെ മാനദണ്ഡം.

തികഞ്ഞ പ്രൊഫഷണലിസത്തോടുകൂടി പ്രവര്‍ത്തിക്കുന്ന ഒരു വ്യക്തിക്ക് മാത്രമേ ബിസിനസില്‍ ശോഭിക്കാന്‍ കഴിയൂ. മലയാളികള്‍ പരാജയം സമ്മതിക്കുന്ന പല ബിസിനസുകളിലും മാര്‍വാടികളും തമിഴരും വിജയിക്കുന്നതിന്റെ പ്രധാനകാരണമാണ് ഈ പ്രൊഫഷണലിസം. നിശിത കാലയളവിനുള്ളില്‍ ബിസിനസില്‍ കൈവരിക്കേണ്ട നേട്ടങ്ങളെപ്പറ്റിയുള്ള ഒരു രൂപരേഖ തുടക്കം മുതല്‍ വികസിപ്പിച്ചെടുത്തശേഷം മാത്രമായിരിക്കണം ബിസിനസില്‍ പണം നിക്ഷേപിക്കുവാന്‍. പ്രവര്‍ത്തനം തുടങ്ങിയശേഷം ഒരിക്കല്‍ പോലും നെഗറ്റിവ് ചിന്താഗതി മനസ്സില്‍ സൂക്ഷിക്കരുത്.

വിജയമാതൃകകള്‍ പിന്തുടരുന്നതിലെ പരാജയം

ബിസിനസ് ആശയങ്ങള്‍ തെരഞ്ഞെടുക്കുമ്പോള്‍ പലപ്പോഴും ഏറ്റവും ചെറിയ സമയത്തിനുള്ളില്‍ മികച്ച വരുമാനം നേടിയ ബിസിനസുകള്‍ തെരെഞ്ഞെടുക്കാനാണ് ആളുകള്‍ ശ്രമിക്കുക. എന്നാല്‍ ആ മാതൃക തനിക്കും, തന്റെ സമ്പദ്‌വ്യവസ്ഥക്കും ചേര്‍ന്നതാണോ എന്ന് ആദ്യം തിരിച്ചറിയണം. പലപ്പോഴും ന്യൂജെന്‍ സംരംഭകര്‍ക്ക് പരാജയം നേരിടുന്നത് ഇവിടെയാണ്. മറ്റുള്ളവര്‍ ചെയ്യുന്നത് അതേ പോലെ പിന്തുടരാന്‍ ശ്രമിക്കുന്നു. ഈ രീതിക്ക് ആദ്യം വ്യത്യസം വരുത്തണം. തന്റെ കഴിവിനും, പ്രൊഫഷണല്‍ സ്‌കില്ലിനും അറിവിനും അനുസരിച്ചുള്ള ബിസിനസ് ആശയങ്ങള്‍ വേണം പ്രാവര്‍ത്തികമാക്കാന്‍.അല്ലാത്തപക്ഷം പരാജയം രുചിക്കുന്നത് വളരെ വേഗത്തിലായിരിക്കും.

ആശയങ്ങള്‍ പഠിച്ചശേഷം മാത്രം നിക്ഷേപം

നമ്മുടെ കൈവശമുള്ള ആശയങ്ങള്‍ മികച്ചതായിരിക്കാം. എന്നാല്‍ ഈ സമൂഹത്തിന് നമ്മള്‍ മുന്നോട്ട് വയ്ക്കുന്ന സെവന്‍നഗലും ഉല്‍പ്പന്നങ്ങളും എത്രമാത്രം അനിവാര്യമാണ് എന്നത് സംബന്ധിച്ച് വിശദമായ ഒരു വിപണി പഠനം നടത്തുക. വിപണിയിലെ വിവിധ പ്രായപരിധിയില്‍പെട്ട ആളുകള്‍ക്കിടയില്‍ നാം വിപണിയില്‍ എത്തിക്കുന്ന ഉല്‍പ്പന്നത്തോടുള്ള സമീപനം എന്താണ്, അവരുടെ പര്‍ച്ചേസിംഗ് പവര്‍ എന്താണ് തുടങ്ങിയ കാര്യങ്ങള്‍ പഠിക്കുക. ശേഷം സംതൃപതമായ ഉത്തരമാണ് ലഭിക്കുന്നത് എങ്കില്‍ മാത്രം നിക്ഷേപം മാടത്തുക. എല്ലാവരും തുടങ്ങുന്നു എന്ന് കരുതി നിങ്ങളും ബിസിനസ് തുടങ്ങിയേക്കാം എന്ന് ചിന്തിക്കുന്നത് അപകടകരമാണ്.

സാമ്പത്തിക അച്ചടക്കമില്ലായ്മ

കഴിഞ്ഞ പത്തു വര്‍ഷത്തിനുള്ളില്‍ പരാജയപ്പെട്ട 45 ശതമാനം സ്റ്റാര്‍ട്ടപ്പ് സംരംഭങ്ങളുടെയും പ്രധാന പരാജയ കാരണം സാമ്പത്തികമായ അച്ചടക്കമില്ലായ്മയാണ്. തുടക്കത്തില്‍ മ്പളയിടങ്ങളില്‍ നിന്നായി കണ്ടെത്തിയ അത്യാവശ്യം നല്ല ഒരു നിക്ഷേപത്തുക കൈവശമുണ്ടായിരിക്കും. തുടക്കം മുതല്‍ക്ക് ലാഭം ലഭിക്കും എന്ന പ്രതീക്ഷയില്‍ ഈ തുക മുഴുവനും വിവിധ പദ്ധതികളില്‍ നിക്ഷേപിക്കും. ബിസിനസില്‍ നിന്നുണ്ടാകുന്ന വരുമാനം തിരികെ ബിസിനസില്‍ നിക്ഷേപിക്കാന്‍ മലയാളികള്‍ വിമുഖരാണ്. ലഭിക്കുന്നലാഭം മുഴുവനും ചെലവഴിക്കുക, ഒരേ സമയം വ്യത്യസ്തങ്ങളായ ബിസിനസുകളില്‍ നിക്ഷേപം കൊണ്ടുവരിക, ബജറ്റ് അനുസരിച്ചുള്ള സാമ്പത്തിക ക്രമീകരണന്നാണ് നടത്താതിരിക്കുക തുടങ്ങിയ നടപടികള്‍ പലപ്പോഴും ബിസിനസ് പരാജയത്തിന് കാരണമാകുന്നു.ഇത്തരത്തില്‍ പ്രവര്‍ത്തിക്കുന്ന സംരംഭകര്‍ക് ക്രമേണ പ്രവര്‍ത്തന മൂലധനം ഇല്ലാതാകുകയും നഷ്ടം സംഭവിക്കുകയും ചെയ്യുന്നു.

മണി മാനേജ്‌മെന്റിലെ പരാജയം

പല മേഖലകളില്‍ ഒരുമിച്ചു നിക്ഷേപം നടത്തുന്നത് പോലെ തന്നെ അപകടകരമാണ് മണി മാനേജ്‌മെന്റിലെ പരാജയം. ഒരു ബിസിനസ് തുടങ്ങുമ്പോള്‍ ഏതിനൊക്കെ എത്രയൊക്കെ പണം ചെലവിടണം എന്നതിനെയൊക്കെ സംബന്ധിച്ച് കൃത്യമായ കാഴ്ചപ്പാടും മുന്‍ഗണനാക്രമങ്ങളും വേണം. സ്ഥാപനത്തിനകത്ത് പണം എങ്ങനെ വിനിയോഗിക്കണം എന്നത് സംബന്ധിച്ച് വ്യക്തമായ അറിവുണ്ടായിരിക്കണം. അനാവശ്യമായ പര്‍ച്ചേസ്, അമിതമായ തൊഴിലാളികളുടെ എണ്ണം, ഇന്‍ഡസ്ട്രി സ്റ്റാന്‍ഡേര്‍ഡിനും മുകളിലായി നല്‍കുന്ന ശമ്പളം, തുടങ്ങിയവയെല്ലാം തന്നെ അമിതമായ ചെലവുകളാണ് ഉണ്ടാക്കുന്നത്. അത് പോലെ തന്നെ പ്രധാനമാണ് വൈദ്യുതി, വാടക, മറ്റ് ചെലവുകള്‍ എന്നിവ. സംരംഭം തുടങ്ങുമ്പോള്‍ തന്നെ ചുരുങ്ങിയത് ആറുമാസത്തേക്കെങ്കിലും ഇത്തരം ചെലവുകള്‍ നടത്തുന്നതിനാവശ്യമായ പണം കണ്ടെത്തി വക്കണം. സംരംഭം തുടങ്ങി അടുത്ത മാസം മുതല്‍ വരുമാനം ലഭിച്ചു തുടങ്ങും എന്ന ചിന്താഗതി വേണ്ട.

ബിസിനസ് നയങ്ങളെപ്പറ്റി ധാരണയുണ്ടാകണം

ബിസിനസ് നയങ്ങളെപ്പറ്റി വ്യക്തമായ ധാരണയോടു കൂടിവേണം നിക്ഷേപം നടത്തുവാന്‍. വിവിധ ലൈസസന്‍സ് സംവിധാനഗേല്‍, അവയുടെ നിയമവശങ്ങള്‍, നികുതി വ്യവസ്ഥകള്‍, ഏതെല്ലാം ഡിപ്പാര്‍ട്ട്‌മെന്റുകളുമായി ബന്ധപ്പെടേണ്ടതുണ്ട് തുടങ്ങി എല്ലാവിധ കാര്യങ്ങളും മുന്‍കൂട്ടി ചോദിച്ചറിയണം. എല്ലാ കാര്യങ്ങളും തൊഴിലാളികള്‍ നോക്കിക്കൊള്ളും എന്ന ചിന്താഗതി ദോഷം ചെയ്യും. നിക്ഷേപം നടത്തി, ഭൂമി വാങ്ങി കെട്ടിടം വച്ച് പ്രവര്‍ത്തനം തുടങ്ങുന്നതിനു മുന്‍പായി അനുമതി നിഷേധിക്കപ്പെട്ട കെട്ടിടങ്ങളും സ്ഥാപനങ്ങളും നിരവധിയുള്ള നാടാണ് ഇതെന്ന ചിന്ത മനസ്സില്‍ സൂക്ഷിക്കുക. അതിനാല്‍ തന്നെ സര്‍ക്കാര്‍ രേഖകള്‍ എല്ലാം അതിന്റേതായ മുറക്ക് കൃത്യതയോടെ സൂക്ഷിക്കുക. അവസാന നിമിഷത്തില്‍ രേഖകള്‍ സംബന്ധിച്ച തുറക്കാം ഒഴിവാക്കുന്നതിനായി ഒരു കണ്‍സള്‍ട്ടന്റിന്റെ സഹായം തേടുന്നത് അനുയോജ്യമാണ്. ഇത് കെട്ടിടത്തിന്റെ കാര്യത്തില്‍ മാത്രമല്ല, ഏത് ഉല്‍പ്പന്നമായാലും സേവനമായാലും വിപണി കീഴടക്കുന്നതിനു മുന്‍പായി ഒരു കണ്‍സള്‍ട്ടന്റിന്റെ പിന്തുണയുള്ളത് നല്ലതാണ്.

മാര്‍ക്കറ്റിംഗിലും ബ്രാന്‍ഡിംഗിലും ശ്രദ്ധയാവാം

ഉല്‍പ്പന്നങ്ങള്‍ മികച്ച രീതിയില്‍ ഉപഭോക്താക്കളിലേക്ക് എത്തിക്കുക എന്നത് ഏറെ പ്രധാനപ്പെട്ട കാര്യമാണ്. ഇതിനായി മാര്‍ക്കറ്റിംഗ്, ബ്രാന്‍ഡിംഗ് തുടങ്ങിയ മേഖലകളില്‍ പ്രത്യേക സീദ്ധ പതിപ്പിക്കണം. എന്താണ് നിങ്ങളുടെ ഉല്‍പ്പന്നത്തിന്റെ അല്ലെങ്കില്‍ സേവനത്തിന്റെ യുഎസ്പി എന്ന് മനസിലാക്കി അത് മാര്‍ക്കറ്റ് ചെയ്യണം. മികസിച്ച ഉപഭോക്തൃ നിര നേടാന്‍ കഴിഞ്ഞാല്‍ പിന്നെ ഒരു ഉല്‍പ്പന്നത്തിന് തിരിഞ്ഞു നോക്കേണ്ടി വരില്ല. പാക്കേജിംഗ്, ബ്രാന്‍ഡിംഗ് തുടങ്ങിയ ഘടകങ്ങള്‍ പ്രധാനമാണ്. ആവശ്യമെങ്കില്‍ ബജറ്റ് അനുസരിച്ച് പരസ്യങ്ങളില്‍ സജീവമാകാനും മടിക്കേണ്ട കാര്യമില്ല. ബ്രാന്‍ഡ് വിജയമാണ് ഒരു ഉല്‍പ്പന്നത്തിന്റെ യഥാര്‍ത്ഥ വിജയം. അതിനാല്‍ അത് മനസിലാക്കിയശേഷം മാത്രം നിക്ഷേപത്തുക വിനിയോഗിക്കുക. ഉല്‍പ്പാദിപ്പിക്കപ്പെട്ട വസ്തുക്കള്‍ വിപണിയില്‍ എത്താത്ത അവസ്ഥ ഒരിക്കലും ശോചനീയമല്ല.

കുറഞ്ഞ ലാഭം, കൂടുതല്‍ വില്‍പ്പന അതാവണം ചിന്ത

വളരെ ചുരുങ്ങിയ നിക്ഷേപത്തില്‍ നിന്നും വന്‍ലാഭം നേടണം എന്ന ആഗ്രഹം നന്നല്ല. കുറഞ്ഞ ലാഭം മനസില്‍ വെച്ചുകൊണ്ട് കൂടുതല്‍ വില്‍പ്പന വളര്‍ത്താന്‍ ശ്രമിക്കണം. എന്നാല്‍ ഇത്തത്തിലുള്ള ചിന്താഗതിയോടെ പ്രവര്‍ത്തിക്കുന്നവര്‍ വളരെ കുറവാണ്. ഈ ഒരു തലത്തിലേക്ക് വളരാന്‍ കഴിഞ്ഞാല്‍ തന്നെ പരാജയസാധ്യത 20 ശതമാനത്തോളം കുറയും.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Business

മുരുകവേല്‍ ജനകീരാമന്‍; ഭാരതത്തിന്റെ ‘കല്യാണരാമന്‍’

ദേശങ്ങള്‍ കടന്ന് തന്റെ അഭിരുചിക്ക് ചേരുന്ന പങ്കാളികളെ കണ്ടെത്താന്‍ ആളുകള്‍ക്കായി. പറഞ്ഞു വരുന്നത് മുരുകവേല്‍ ജനകീരാമന്‍ എന്ന സംരംഭകന്റെയും ഭാരത് മാട്രിമോണി സംരംഭത്തെയും കുറിച്ചാണ്

Published

on

0 0
Read Time:19 Minute, 47 Second

ഒരു കമ്പ്യുട്ടര്‍ പ്രോഗ്രാമര്‍ സംരംഭകന്റെ വേഷം സ്വീകരിച്ചപ്പോള്‍ നാട്ടിലുണ്ടായ മാറ്റം വലുതായിരുന്നു.പ്രത്യേകിച്ച് വിവാഹ മേഖലയില്‍. അന്വേഷണ പരിമിതിക്കുള്ളില്‍ നിന്നുകൊണ്ടുള്ള വിവാഹാലോചനകള്‍ക്കപ്പുറം, ദേശങ്ങള്‍ കടന്ന് തന്റെ അഭിരുചിക്ക് ചേരുന്ന പങ്കാളികളെ കണ്ടെത്താന്‍ ആളുകള്‍ക്കായി. പറഞ്ഞു വരുന്നത് മുരുകവേല്‍ ജനകീരാമന്‍ എന്ന സംരംഭകന്റെയും ഭാരത് മാട്രിമോണി സംരംഭത്തെയും കുറിച്ചാണ്. ടെക് സംരംഭങ്ങള്‍ ഇന്ത്യയില്‍ ചുവടുപിടിച്ച് തുടങ്ങുന്ന കാലത്ത് അമേരിക്കയില്‍ നിന്നും ഇന്ത്യയില്‍ മടങ്ങിയെത്തിയ ഈ ചെന്നൈ സ്വദേശി ഭാരത് മാട്രിമോണി എന്ന പേരില്‍ ഒരു വിവാഹ വെബ്‌സൈറ്റ് തുടങ്ങിയതോടെ, ഒരു വലിയ മാറ്റത്തിനാണ് നാട് സാക്ഷ്യം വഹിച്ചത്.

മുരുകവേല്‍ ജനകീരാമന്‍

2008 ലെ സാമ്പത്തിക മാന്ദ്യം ഉള്‍പ്പെടെയുള്ള ഒട്ടേറെ പ്രതിസന്ധികള്‍ മറികടന്നാണ് ഈ സംരംഭത്തെ ജാനകിരാമന്‍ ഉയരങ്ങളിലെത്തിച്ചത്. ഇന്ന് ഏറ്റവും മികച്ച വളര്‍ച്ചാ നിരക്കുള്ള സംരംഭങ്ങളില്‍ ഒന്നായി ഡിലോയിറ്റ് ടെക്‌നോളജി സര്‍വേ ഭാരത് മാട്രിമോണിയെ വിലയിരുത്തുന്നു. ഒരു സാധാരണ വ്യക്തിയുടെ അസാധാരണ വിജയത്തിന്റെ നേര്‍ചിത്രമാണ് മുരുകവേല്‍ ജാനകീയ രാമന്റെ ജീവിതം. ലക്ഷക്കണക്കിന് ആളുകള്‍ക്ക് മനസിനങ്ങുന്ന ജീവിതപങ്കാളികളെ സമ്മാനിച്ചുകൊണ്ട് ഭാരത് മാട്രിമോണിയിലൂടെ സ്വന്തം ജീവിതം കെട്ടിപ്പടുക്കുകയായിരുന്നു മുരുകവേല്‍ ജനകീരാമന്‍.

Advertisement

1000 പുരുഷന്മാര്‍ക്ക് 943 സ്ത്രീകള്‍ എന്നതാണ് ഇന്ത്യയിലെ സ്ത്രീ പുരുഷാനുപാതത്തിന്റെ കണക്ക്. എന്നിട്ടും വിവാഹാവശ്യം വരുമ്പോള്‍ പലര്‍ക്കും തനിക്ക് ചേരുന്ന പുരുഷനേയോ സ്ത്രീയേയോ ലഭിക്കാതെ പോകുന്നു. എന്താണിതിനുള്ള പ്രധാനകാരണം? കാലഹരണപ്പെട്ട ചിന്താഗതിയുടെ ചുവടുപിടിച്ചതും, വിവാഹ ദല്ലാള്‍മാരുടെ വാക്കുകേട്ടും ചുറ്റുവട്ടത്ത് നിന്നും പങ്കാളികളെ തെരഞ്ഞെടുക്കുന്നത് തന്നെയാണ്. കാലം മാറുന്നതിനനുസരിച്ച് ചിന്താഗതികളും മാറണം. ഓരോ വ്യക്തിയും അവരവരുടെ ആഗ്രഹങ്ങള്‍ക്കും അഭിരുചിക്കും ചേര്‍ന്ന പങ്കാളികളെ വേണം കണ്ടെത്താന്‍. അതിപ്പോള്‍ ചുറ്റുവട്ടത്ത് നിന്നുതന്നെയാകണം എന്ന് യാതൊരു നിര്‍ബന്ധവുമില്ല.

വിശാലമായ ലോകത്തിന്റെ ഏത് കോണില്‍ നിന്നുമാകാം. ഈ ചിന്ത 19 വര്‍ഷങ്ങള്‍ക്ക് മുന്‍പ് മനസ്സില്‍ വന്നപ്പോഴാണ് ചെന്നൈ സ്വദേശിയായ മുരുകവേല്‍ ജാനകീരാമന്‍ എന്ന യുവാവ് വിവാഹ വെബ്‌സൈറ്റ് എന്ന ആശയവുമായി മുന്നോട്ട് വന്നത്. കാലം മാറുന്നതിനനുസരിച്ച് ടെക്‌നൊളജിയുമായി ചങ്ങാത്തം കൂടിയവരാണ് മനുഷ്യര്‍. അതിനാല്‍ ടെക്‌നോളജിയുടെ സഹായത്തോടെ തങ്ങളുടെ ജീവിത പങ്കാളിയെ കണ്ടെത്താന്‍ ജാനകീരാമന്‍ ഒരു അവസരം ഒരുക്കിയപ്പോള്‍ പക്ഷെ സമ്മിശ്ര പ്രതികരണമാണ് ലഭിച്ചത്. ‘ഇന്റര്‍നെറ്റിലൂടെ കല്യാണം ആലോചിക്കാനോ’ എന്ന് സംശയിച്ചിരുന്നവരുടെ അടുത്തേക്ക് 2000 ല്‍ ഭാരത് മാട്രിമോണി എന്ന സംരംഭവുമായി ജനകീരാമന്‍ കയറിച്ചെന്നു.

പരസ്പരം കാണാതെ, തങ്ങളുടെയും കുടുംബത്തിന്റെയും ഇഷ്ടാനിഷ്ടങ്ങള്‍ പങ്കുവച്ചുകൊണ്ട് താന്‍ ആഗ്രഹിക്കുന്നത് പോലുള്ള ഒരു പങ്കാളിയെ കണ്ടെത്തുന്നതിയായുള്ള ഈ ഉദ്യമത്തിന് വളരെ വേഗത്തിലാണ് പ്രസക്തി ലഭിച്ചത്. ഡേറ്റിംഗ് ആപ്പുകളുടെ കാലത്തും ഒന്നാം നിരയില്‍ തുടരുന്ന ഈ ബിസിനസിലൂടെ കോടികളുടെ സമ്പാദ്യമാണ് കഴിഞ്ഞ രണ്ടു പതിറ്റാണ്ടിനുള്ളില്‍ ജാനകീരാമന്‍ നേടിയത്. ബിസിനസില്‍ സംഭവിച്ചതെന്ന് പറയപ്പെടുന്ന മായാജാലങ്ങള്‍ ഒന്നും തന്നെയില്ലാതെ, ഏതൊരു സംരംഭകനും മാതൃകയും പ്രചോദനവുമാകുന്ന സ്വപ്രയത്‌നത്തിന്റെ വിജയകഥയാണ് ഭാരത് മാട്രിമോണിക്ക് പിന്നിലുള്ളത്. 2008 ലെ സാമ്പത്തിക മാന്ദ്യം ഉള്‍പ്പെടെയുള്ള ഒട്ടേറെ പ്രതിസന്ധികള്‍ മറികടന്നാണ് ഈ സംരംഭത്തെ ജാനകിരാമന്‍ ഉയരങ്ങളിലെത്തിച്ചത്. 2000 ല്‍ തുടയ്ക്കും കുറിച്ച കമ്പനിക്ക് ആരംഭത്തില്‍ ഉണ്ടായിരുന്ന ബാലാരിഷ്ടതകള്‍ എല്ലാം തന്നെ ഇദ്ദേഹം മറികടന്നത് ആത്മവിശ്വാസം ഒന്നുകൊണ്ട് മാത്രമായിരുന്നു.

വെളിച്ചമില്ലാത്ത ലൈംവീടുകളില്‍ നിന്നും തുടക്കം

സംരംഭകത്വത്തില്‍ എന്നാല്‍, ജീവിതത്തിന്റെ ഒരു ഘട്ടത്തിലും പകിട്ടും ആഡംബരവും സൂക്ഷിച്ചിരുന്ന ഒരു വ്യക്തിയായിരുന്നില്ല ജാനകീരാമന്‍. ബാല്യത്തെക്കുറിച്ച് ചിന്തിക്കുമ്പോള്‍ പങ്കുവയ്ക്കുവാന്‍ നല്ല ഓര്‍മകള്‍ ഒന്നും തന്നെ ജാനകീരാമനില്ല. തമിഴ്‌നാട്ടിലെ റോയാപുരത്തെ ലൈന്‍ വീടുകളിലൊന്നില്‍ ആയിരുന്നു ബാല്യകാലം ചെലവഴിച്ചിരുന്നത്. സാമ്പത്തികമായി ഏറെ ബുദ്ധിമുട്ടുകള്‍ നിറഞ്ഞു നിന്നിരുന്ന സാഹചര്യത്തിലും മികച്ച രീതിയില്‍ പഠിച്ച് തന്റെ വേദനകളെ മറികടക്കാനാണ് ജനകീരാമന്‍ ശ്രമിച്ചിരുന്നത്. പലപ്പോഴും ഫീസ് കൊടുക്കാനില്ല അവസ്ഥയുണ്ടായി.ക്ലാസില്‍ നിന്നും പുറത്താക്കപ്പെട്ടു. എന്നാല്‍ അതൊന്നും തന്നെ ജനകീരാമനെ തളര്‍ത്തിയില്ല. തീയില്‍ കുരുത്തത് വെയിലത്ത് വാടില്ല എന്ന രീതിയുള്ള സമീപനമായിരുന്നു അദ്ദേഹത്തിനുണ്ടായിരുന്നത്. ഏറെ കഷ്ടപ്പെട്ടാണ് അദ്ദേഹം പഠനം പൂര്‍ത്തിയാക്കിയത്. അപ്പോഴേക്കും പ്രതീക്ഷകളുടെയും പ്രാരാബ്ധങ്ങളുടെയും ഒരു വലിയ ഭണ്ഡാരം തന്നെ അദ്ദേഹത്തിന്റെ ചുമലില്‍ ഉണ്ടായിരുന്നു.

കമ്പ്യൂട്ടര്‍ സയന്‍സില്‍ ബിരുദം നേടിയ ജനകീയരാമന്‍ തന്റെ കുടുംബത്തില്‍ നിന്നും ബിരുദം നേടുന്ന ആദ്യത്തെ വ്യക്തിയായിരുന്നു. എന്നാല്‍ പഠനം പൂര്‍ത്തിയാക്കിയതോടെ അദ്ദേഹത്തിന്റെ രാശി തെളിഞ്ഞു. കുറച്ചുകാലം നാട്ടില്‍ ജോലി ചെയ്തശേഷം അദ്ദേഹം സിംഗപ്പൂരിലേക്ക് പറന്നു. വലിയ സാമ്പത്തികമൊന്നും കയ്യില്‍ നീക്കിയിരുപ്പായി ഉണ്ടായിരുന്നില്ല എങ്കിലും വിജയിക്കാനായി ജനിച്ചവനാണ് താന്‍ എന്ന ധാരണ അദ്ദേഹത്തിനുണ്ടായിരുന്നു. തുടര്‍ന്ന്, അമേരിക്കയില്‍ പ്രമുഖ കമ്പനികളുടെ കണ്‍സള്‍ട്ടന്റായി ജോലി ചെയ്യുന്ന സമയത്താണ് ഇന്റര്‍നെറ്റ് ടെക്‌നോളജിയെക്കുറിച്ച് കൂടുതല്‍ മനസിലാക്കുന്നതും ഈ മേഖലയിലെ സാധ്യതകള്‍ തിരിച്ചറിയുന്നതും.പഠിക്കുന്ന കാലം മുതല്‍ക്ക് മനസ്സില്‍ സൂക്ഷിച്ചിരുന്ന ആഗ്രഹമായിരുന്നു ഒരു സംരംഭകനാകുക എന്നത്. എന്നാല്‍ അത് പ്രവര്‍ത്തികമാക്കുന്നതിനായി അമേരിക്ക വരെ എത്തേണ്ടതായി വന്നു എന്നതാണ് വാസ്തവം.

കമ്യൂണിറ്റി വെബ്‌സൈറ്റില്‍ നിന്നും മാട്രിമോണിയിലേക്ക്

സംരംഭകത്വം എന്ന മോഹം മനസ്സില്‍ ശക്തമായതോടെ, താന്‍ പഠിച്ച മേഖല തന്നെ അതിനായി വിനിയോഗിച്ചു. ആദ്യം തുടങ്ങിയത് sysindia.com എന്ന കമ്മ്യൂണിറ്റി പോര്‍ട്ടല്‍ ആയിരുന്നു. എന്‍ആര്‍ഐകള്‍ക്ക് ആവശ്യമായ വിവരങ്ങള്‍ ലഭ്യമാക്കുന്ന ഒരു പോര്‍ട്ടല്‍ എന്ന നിലക്കാണ് ഇതിനു രൂപം നല്‍കിയത്. ഇതിലെ ഒരു സെക്ഷന്‍ മാത്രമായിരുന്നു മാട്രിമോണി.എന്നാല്‍ ഏറ്റവും കൂടുതല്‍ സന്ദര്‍ശകര്‍ ഉണ്ടായിരുന്നത് ഈ വിഭാഗത്തിനായിരുന്നു. എന്തുകൊണ്ടാണ് മാട്രിമോണി എന്ന വിഭാഗത്തിന് ഇത്രയേറെ ആവശ്യക്കാര്‍ എത്തുന്നത് എന്ന ചോദ്യത്തിനുള്ള ഉത്തരം തേടിയിറങ്ങിയ ജനകീരാമനെ വരവേറ്റത് ഈ മേഖലയിലെ വലിയ അവസരങ്ങളായിരുന്നു. ലോകത്തിന്റെ ഏത് ഭാഗത്തിരുന്നും വിവാഹാലോചന നടത്തം എന്നതും തങ്ങളുടെ അഭിരുചിക്ക് ചേര്‍ന്ന പങ്കാളിയെ ലോകത്തിന്റെ ഏത് ഭാഗത്ത് നിന്നും കണ്ടെത്താനാകും എന്നതുമാണ് ഈ മേഖലയിലേക്ക് ആളുകളെ ആകര്‍ഷിച്ച പ്രധാന ഘടകം.

വിവാഹ കമ്പോളത്തില്‍ ഇത്തരത്തിലുള്ള ഒരു വെബ്‌സൈറ്റിന് ഏറെ സാധ്യതകളുണ്ട് എന്ന് മനസിലാക്കിയ അദ്ദേഹം അമേരിക്കയില്‍ നിന്ന് നാട്ടിലെത്തി തമിഴ്മാട്രിമോണി. കോം എന്ന വെബ്‌സൈറ്റിന് രൂപം നല്‍കി. തമിഴ്‌നാട് സ്വദേശിയായതിനാല്‍ തന്നെ തന്റെ സ്വന്തം നാട്ടിലെ ആളുകളില്‍ നിന്നും ബിസിനസ് ആരംഭിക്കാനായിരുന്നു അദ്ദേഹത്തിന് താല്‍പര്യം. ദല്ലാള്‍മാരുടെ കപട നാടകവും പട്ടികളും ഇല്ല എന്നതായിരുന്നു മാട്രിമോണി വെബ്‌സൈറ്റുകളിലേക്ക് ആളുകളെ ആകര്‍ഷിച്ച പ്രധാന ഘടകം. തമിഴ്മാട്രിമോണി. കോംമിനു മികച്ച സ്വീകരണം ലഭിച്ചതോടെ സമാനമായ വെബ്‌സൈറ്റുകള്‍ മറ്റ് സംസ്ഥാനങ്ങളെ മുന്‍നിര്‍ത്തിയും ആരംഭിക്കാന്‍ അദ്ദേഹം തീരുമാനിച്ചു. അങ്ങനെ, ഇന്ത്യയിലെ വ്യത്യസ്തമായ വിവാഹാചാരങ്ങളും ഓരോ സമുദായത്തിന്റെയും ആവശ്യങ്ങളും മനസിലാക്കി വിവിധ ഭാഷകളില്‍ സൈറ്റുകള്‍ തുടങ്ങി, അവയെല്ലാം ഭാരത് മാട്രിമോണി. കോം എന്ന പൊതുവായ ഒരു ബ്രാന്‍ഡിന്റെ കീഴിലാക്കി. ഇരുപത്താറാം വയസില്‍ അങ്ങനെ ജാനകിരാമന്‍ സംരംഭകനായി.

എന്നാല്‍ ഇത്തരത്തില്‍ ഇന്റര്‍നെറ്റ് കേന്ദ്രീകൃതമായി പ്രവര്‍ത്തിക്കുന്ന ഒരു സ്ഥാപനം നടത്തിക്കൊണ്ട പോകുക എന്നത് ഒട്ടും എളുപ്പമുള്ള കാര്യമായിരുന്നില്ല. തികച്ചും പരമ്പരാഗതമായ രീതിയില്‍ നടന്നിരുന്ന വിവാഹാലോചനകള്‍ ഓണ്‍ലൈന്‍ വഴിയാക്കുക എന്നതുതന്നെ ഒരു വിപ്ലവകരമായ മാറ്റമായിരുന്നു. പുതിയ ആശയത്തോട് യുവാക്കള്‍ പിന്തുണപ്രഖ്യാപിച്ചു എങ്കിലും, മുതിര്‍ന്ന തലമുറ ഇടഞ്ഞു നിന്നു. ഏതെങ്കിലും വിധത്തിലുള്ള തട്ടിപ്പുകള്‍ ഉണ്ടാകുമോ? എങ്ങനെ വിശ്വസിക്കാനാകും തുടങ്ങി പ്രായമായ ആളുകളുടെ ഭാഗത്ത് നിന്നുള്ള സംശയങ്ങള്‍ നിരവധിയായിരുന്നു. ഇത് തികച്ചും സുരക്ഷിതമാണ് എന്ന വിശ്വാസം ആളുകളില്‍ സൃഷ്ടിക്കുന്നതും എളുപ്പമായിരുന്നില്ല. പലപ്പോഴും ഈ മേഖലയില്‍ നിക്ഷേപം നടത്തിയത് ശരിയായില്ല എന്ന രീതിയിലുള്ള പഴിവാക്കുകള്‍ ജനകീരാമന് കേള്‍ക്കേണ്ടി വന്നിരുന്നു. എന്നാല്‍ അന്തിമ വിജയം തന്റേതായിരിക്കും എന്ന ഉറപ്പുള്ളതിനാല്‍ അത്തരം കുറ്റപ്പെടുത്തലുകള്‍ അദ്ദേഹം അവഗണിച്ചു. ഡോട്ട്‌കോമുകള്‍ തകരുന്ന കാലത്ത് ഒരു ഓണ്‍ലൈന്‍ ബ്രാന്‍ഡ് മാര്‍ക്കറ്റ് ചെയ്യുക എന്ന ബുദ്ധിമുട്ട് എത്രത്തോളമുണ്ടെന്ന് അദ്ദേഹം താമസിയാതെ പഠിച്ചു. മാത്രമല്ല, ബിസിനസ് വിപുലീകരിക്കാന്‍ വേണ്ട ഫണ്ട് ഇല്ലാത്തതും മറ്റൊരു തടസമായിരുന്നു. ആവശ്യത്തിന് തൊഴിലാളികള്‍ ഇല്ലാത്ത അവസ്ഥയും തിരിച്ചടിയായി.

ഒറ്റയാള്‍ പട്ടാളത്തിന് കീഴിലെ പോരാട്ടം

എന്നാല്‍ പ്രശ്‌നങ്ങളും ആവലാതികളും ഇത്തരത്തില്‍ വര്‍ധിച്ചു വരാന്‍ തുടങ്ങിയതോടെ സ്വന്തമായി അതിനുള്ള പോംവഴിയും ജനകീരാമന്‍ കണ്ടെത്തി. കഠിനാധ്വാനം ചെയ്യുക എന്ന ഫോര്‍മുലയായിരുന്നു അത്. ഒരു ദിവസം പതിനാറ് മണിക്കൂറിലേറെ ജോലി ചെയ്യാനുള്ള മനസ് അദ്ദേഹം വികസിപ്പിച്ചെടുത്തു. പകല്‍ കണ്‍സള്‍ട്ടിംഗ് ജോലിയും വൈകുന്നേരം മുതല്‍ ബിസിനസ് മാനേജ്‌മെന്റും എന്നതായിരുന്നു സംരംഭത്തിന്റെ ആദ്യകാലഘട്ടത്തില്‍ അദീഹം പിന്തുടര്‍ന്ന രീതി. പ്രോഗ്രാമിംഗ് മുതല്‍ കസ്റ്റമര്‍ കെയര്‍ വരെ ചെയ്തിരുന്നത് ജാനകിരാമന്‍ തന്നെയായിരുന്നു. എന്നാല്‍ തന്റെ വെബ്‌സൈറ്റിലൂടെ ആളുകള്‍ക്ക് ഗുണം ലഭിക്കാന്‍ തുടങ്ങിയതോടെ, താന്‍ ലക്ഷ്യത്തിലേക്ക് അടുക്കുന്നതായി അദ്ദേഹത്തിനു മനസിലായി. എന്നിട്ടും പലവിധ തിരിച്ചടികള്‍ അദ്ദേഹത്തെ തേടിയെത്തി. അതിലൊന്നായിരുന്നു 2008 ലെ സാമ്പത്തിക മാന്ദ്യം.

സാമ്പത്തിക മാന്ദ്യകാലത്ത് ജീവനക്കാരുടെ എണ്ണം കുറച്ചും ചെറിയ വെബ്‌സൈറ്റുകള്‍ പലതും അടച്ചുപൂട്ടിയുമാണ് ജാനകിരാമന്‍ ബിസിനസ് നിലനിര്‍ത്തിയത്. തുടക്കം മുതല്‍ക്ക് ആര്‍ഭാടങ്ങള്‍ ഒഴിവാക്കിയിരുന്നതിനാല്‍ അമിതമായ ചെലവുകള്‍ ഒരിക്കലും കമ്പനിക്ക് ഭീഷണിയായില്ല. സംരംഭകന്‍ എന്ന തലത്തില്‍ നിന്ന് ജാനകിരാമന്‍ സിഇഒ പദവിയിലേക്ക് ഉയരുന്നതിന് ഏറെ കാലതാമസമെടുത്തതും അതിനാലാണ്. ഭാരത് മാട്രിമോണി എന്ന തന്റെ സ്ഥാപനത്തില്‍ പ്യൂണ്‍ ജോലി മുതല്‍ മാനേജര്‍ ജോലി വരെ അദ്ദ്‌ദേഹം ചെയ്തിട്ടുണ്ട്. തന്റെ സ്ഥാപനത്തെ ഏത് വിധേനയും മുന്‍നിരസ്ഥാപനമാക്കണം എന്ന ചിന്ത അദ്ദേഹത്തിനുണ്ടായിരുന്നു. മാര്‍ക്കറ്റിംഗും ഫിനാന്‍സും സ്വയം കൈകാര്യം ചെയ്യാന്‍ പഠിച്ചതും അതുകൊണ്ടുതന്നെയാണ്.

‘ഓരോ വെല്ലുവിളിയും പുതിയ സാധ്യതകള്‍ തുറന്നുതരുന്നു’ എന്ന് വിശ്വസിക്കുന്ന വ്യക്തിയാണ് മുരുകവേല്‍ ജനകീരാമന്‍. ടെക്‌നൊളജിയിലാണ് നാളെത്തെ ലോകം എന്ന് മുന്‍കൂട്ടി മനസിലാക്കിയ അദ്ദേഹത്തിന്റെ ദീര്‍ഘവീക്ഷണത്തിന്റെ ഫലമാണ് ഭാരത് മാട്രിമോണി എന്ന സ്ഥാപനം. ഇന്ത്യയില്‍ വിവാഹം എന്ന ചടങ്ങിലേക്ക് എത്തുന്നതിനു മുന്‍പുള്ള അനവധി കാര്യങ്ങളും അവയുടെ പ്രാധാന്യവും മനസിലാക്കി, വ്യത്യസ്ത സമുദായങ്ങളില്‍ നിന്നും പ്രദേശങ്ങളില്‍ നിന്നുമുള്ള ഉപഭോക്താക്കള്‍ക്ക് ചേരുന്ന സേവനങ്ങള്‍ ഉള്‍പ്പെടുത്തിയതിലൂടെയാണ് ഭാരത് മാട്രിമോണി ഒന്നാം നിരയില്‍ സ്ഥാനം ഉറപ്പിച്ചത്.

കൈകാര്യം ചെയ്യാനുള്ള എളുപ്പം

ഒരു വിവാഹ ദല്ലാളില്‍ നിന്നും വിവാഹം കഴിക്കാന്‍ ആഗ്രഹിക്കുന്ന വ്യക്തിയുടെ വിവരങ്ങള്‍ അറിഞ്ഞെടുക്കുക എന്നതിനേക്കാള്‍ എളുപ്പമായിരുന്നു ഭാരത് മാട്രിമോണി വഴിയുള്ള വിവാഹാലോചന. ഓരോ സമുദായത്തിന്റെയും ആവശ്യങ്ങള്‍ മനസിലാക്കിയാണ് വെബ്‌സൈറ്റ് രൂപീകരിച്ചത്. ജാതകം എഴുത്തും റഫറന്‍സും കൃത്യമായ വെരിഫിക്കേഷനുള്ള സൗകര്യങ്ങളും ലഭ്യമാക്കിയതോടെ സൈറ്റിലെ രജിസ്‌ട്രേഷനുകളുടെ എണ്ണം കൂടി. അത് ആളുകളുടെ വിഷ്വസ്യത വര്‍ധിച്ചതിനുള്ള തെളിവായിരുന്നു. പിന്നീട് വളര്‍ച്ചയുടെ പടവുകള്‍ താണ്ടിയതോടെ കൂടുതല്‍ മികച്ച സര്‍വീസുകള്‍ ഏകോപിപ്പിച്ചു. ഇന്ന് ഫോട്ടോഗ്രാഫി സര്‍വീസും വിവാഹ ചടങ്ങുകള്‍ക്കായി ഓഡിറ്റോറിയം കണ്ടെത്താനുള്ള സൗകര്യവും ഭാരത് മാട്രിമോണിയല്‍ ലഭ്യമാണ്.

എലീറ്റ് മാട്രിമോണി, കമ്മ്യുണിറ്റി മാട്രിമോണി, ഡയറക്റ്ററി എന്നിങ്ങനെ ഒട്ടേറെ പുതിയ സേവനങ്ങള്‍ ഭാരത് മാട്രിമോണിയോട് അനുബന്ധിച്ചുണ്ട്. ലാഭകരമാകില്ല എന്ന് പറഞ്ഞ് പല സിലിക്കണ്‍ വാലി നിക്ഷേപകരും 1999 ല്‍ തള്ളിക്കളഞ്ഞ ഒരു ആശയമാണ് ഈ വിജയങ്ങള്‍ നേടിയിരിക്കുന്നത് എന്നിടത്താണ് ഈ സംരംഭകന്റെ വിജയം. ഭാരത് മാട്രിമോണിയിലൂടെ കണ്ടെത്തിയ പെണ്‍കുട്ടിയാണ് ജനകീരാമന്റെ ഭാര്യ എന്നത് പരസ്യമായ രഹസ്യമാണ്.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Trending