Connect with us

Auto

വൈദ്യുത വാഹനങ്ങള്‍-പൊതു ഗതാഗതത്തിനാകണം പ്രഥമ പരിഗണന: അസെന്‍ഡ് 2020

വൈദ്യുത വാഹനങ്ങളിലും ഹൈഡ്രജന്‍ അധിഷ്ഠിത വാഹനങ്ങളിലുമാണ് ഗതാഗതത്തിന്റെ ഭാവിയുള്ളത്

Published

on

0 0
Read Time:3 Minute, 58 Second

വൈദ്യുത വാഹനങ്ങളിലും ഹൈഡ്രജന്‍ അധിഷ്ഠിത വാഹനങ്ങളിലുമാണ് ഗതാഗതത്തിന്റെ ഭാവിയുള്ളത്

വൈദ്യുത വാഹനങ്ങളിലേക്ക് മാറുമ്പോള്‍ പൊതുഗതാഗതത്തിനാകണം പ്രഥമ പരിഗണനയെന്ന് വ്യവസായ വകുപ്പ് കൊച്ചിയില്‍ സംഘടിപ്പിക്കുന്ന ആഗോള നിക്ഷേപക സംഗമമായ അസെന്‍ഡ് കേരള 2020 അഭിപ്രായപ്പെട്ടു. സ്വകാര്യമേഖലയെ കൂടി പങ്കാളികളാക്കി ഇത് നടപ്പാക്കാനാകുമെന്നാണ് പ്രതീക്ഷയെന്ന് ഗതാഗത വകുപ്പ് പ്രിന്‍സിപ്പല്‍ സെക്രട്ടറി കെ ആര്‍ ജ്യോതിലാല്‍ പറഞ്ഞു.

Advertisement

‘പ്രൊജക്ട് ഓണ്‍ മൊബിലിറ്റി ഡവലപ്മന്റ് ആന്‍ഡ് ഇലക്ട്രിക് വെഹിക്കിള്‍’ എന്ന വിഷയത്തിലാണ് അസെന്‍ഡില്‍ പാനല്‍ ചര്‍ച്ച നടന്നത്. മെട്രോ റെയില്‍ മുന്‍ എംഡിയും കെപിഎംജി ഇന്ത്യയുടെ അടിസ്ഥാന സൗകര്യവികസന മേധാവിയുമായ ശ്രീ ഏലിയാസ് ജോര്‍ജ്ജ് മോഡറേറ്ററായിരുന്ന ചര്‍ച്ചയില്‍ കെആര്‍ഡിസിഎല്‍ എംഡി ശ്രീ വി അജിത് കുമാര്‍, പോപുലര്‍ മെഗാ മോട്ടോര്‍സ് സിഇഒ ശ്രീ നവീന്‍ ഫിലിപ്പ്, ഹ്യുണ്ടായി മോട്ടോര്‍ ഇന്ത്യ വൈസ് പ്രസിഡന്റ് ശ്രീ ദത്ത ബിസി എന്നിവരാണ് പങ്കെടുത്തത്.

വൈദ്യുത വാഹനങ്ങളിലും ഹൈഡ്രജന്‍ അധിഷ്ഠിത വാഹനങ്ങളിലുമാണ് ഗതാഗതത്തിന്റെ ഭാവിയുള്ളത്. അതില്‍ തന്നെ പ്രഥമ പരിഗണന പൊതുഗതാതത്തിനായിരിക്കണമെന്ന് കെ ആര്‍ ജ്യോതിലാല്‍ പറഞ്ഞു. മുച്ചക്ര വിപണിയില്‍ കേരളത്തില്‍ വൈദ്യുത വാഹനങ്ങള്‍ക്ക് വന്‍ ഡിമാന്‍ഡാണുള്ളത്. എന്നാല്‍ ഇരു ചക്രവിപണയില്‍ ഈ ഡിമാന്‍ഡ് പ്രകടമല്ല. കേരളത്തിലെ ഏറ്റവും വലിയ സാധ്യത പൊതു ഗതാഗതത്തിലാണെന്നും അദ്ദേഹം അഭിപ്രായപ്പെട്ടു. ഫ്രാഞ്ചൈസി മാതൃകയില്‍ ഈ വിഭാഗത്തില്‍ സ്വകാര്യമേഖലയെ പങ്കാളികളാക്കാനും ശ്രമിക്കുമെന്ന് അദ്ദേഹം പറഞ്ഞു.

ശുദ്ധ ഊര്‍ജ്ജം ഉപയോഗിച്ചുള്ള ഗതാഗതത്തില്‍ കേരളത്തിലെ മാതൃകയാകാന്‍ പോകുന്ന പദ്ധതിയാണ് തിരുവനന്തപുരം-കാസര്‍കോഡ് സില്‍വര്‍ ലൈന്‍ അതിവേഗ ഇടനാഴിയെന്ന് കേരള റെയില്‍ ഡവലപ്മന്റ് കോര്‍പറേഷന്‍ ലിമിറ്റഡ് എംഡി വി അജിത് കുമാര്‍ പറഞ്ഞു. 15,000 കോടി രൂപയുടെ അടിയന്തര നിക്ഷേപ സാധ്യത ഇതിലുണ്ടെന്നും അദ്ദേഹം പറഞ്ഞു.

വൈദ്യുത വാഹനങ്ങളിലേക്ക് ദ്രുതഗതിയില്‍ മാറാന്‍ ആഗ്രഹിക്കുന്ന സംസ്ഥാനമെന്ന നിലയില്‍ ബാറ്ററി നിര്‍മ്മാണ യൂണിറ്റ് തുടങ്ങുകയാണ് കേരളം ചെയ്യേണ്ടതെന്ന് ദത്ത ബിസി പറഞ്ഞു. വൈദ്യുത വാഹനത്തിന്റെ 30 ശതമാനം ചെലവ് വരുന്നത് ബാറ്ററിയില്‍ നിന്നാണ്. കേന്ദ്രസര്‍ക്കാര്‍ നല്‍കുന്ന ഇളവുകള്‍ക്ക് പുറമെ സംസ്ഥാന സര്‍ക്കാരും കൂടുതല്‍ ഇളവുകള്‍ നല്‍കണമെന്നും അദ്ദേഹം പറഞ്ഞു.

വൈദ്യുതവാഹനങ്ങളിലേക്ക് മാറുന്നതിനു സമാന്തരമായി അടിസ്ഥാന സൗകര്യങ്ങളും വികസിപ്പിക്കണമെന്ന് പോപ്പുലര്‍ മെഗാ മോട്ടോര്‍സിന്റെ സിഇഒ നവീന്‍ ഫിലിപ്പ് ചൂണ്ടിക്കാട്ടി.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Advertisement

Auto

35 രൂപയ്ക്ക് ഡീസല്‍; സംഗതി കൊള്ളാലോ!

35 രൂപയ്ക്ക് ബയോഡീസല്‍ ഉണ്ടാക്കാം എന്ന ഒരു പ്രഫസറുടെ കണ്ടെത്തല്‍ ശ്രദ്ധേയമാകുകയാണ്

Published

on

0 0
Read Time:1 Minute, 29 Second

35 രൂപയ്ക്ക് ബയോഡീസല്‍ ഉണ്ടാക്കാം എന്ന ഒരു പ്രഫസറുടെ കണ്ടെത്തല്‍ ശ്രദ്ധേയമാകുകയാണ്

കോഴിയുടെ ബാക്കി വരുന്ന വേസ്റ്റില്‍ നിന്ന് ഡീസലുണ്ടാക്കാമെന്ന കണ്ടെത്തല്‍ ശ്രദ്ധേയമാകുന്നു. വയനാട് പൂക്കോട് വെറ്ററിനറി കോളേജിലെ അസോഷിയേറ്റ് പ്രൊഫസറായ ഡോ. ജോണ്‍ ഏബ്രഹാമിന്റെ കണ്ടെത്തലാണ് ശ്രദ്ധ പിടിച്ചുപറ്റുന്നത്.

Advertisement

അന്തരീക്ഷ മലിനീകരണം ഉണ്ടാക്കാത്ത അസ്സല്‍ ബയോഡീസല്‍ വെറും 35.68 രൂപയ്ക്ക് കിട്ടുമെന്ന് സയന്‍സ് പ്രസിദ്ധീകരണമായ സയന്‍സ് ഇന്‍ഡിക്കയില്‍ പ്രസിദ്ധീകരിച്ച ലേഖനത്തില്‍ പറയുന്നു.

കോഴിയുടെ മാലിന്യം മാത്രമല്ല, ചത്ത കോഴിയെയും ഒരു തരി പോലും ബാക്കി വരാത്ത തരത്തില്‍ ഉപയോഗിച്ച് ബയോഡീസലാക്കാനുള്ള ഡോ. ജോണ്‍ ഏബ്രഹാമിന്റെ കണ്ടെത്തലിന് പേറ്റന്റും ലഭിച്ചതായി റിപ്പോര്‍ട്ടില്‍ പറയുന്നുണ്ട്.

ഇദ്ദേഹം വികസിപ്പിച്ച സാങ്കേതികവിദ്യ ഉപയോഗിച്ച് ബയോഡീസല്‍ വാണിജ്യ ഉപയോഗത്തിനും ഒരുങ്ങുകയാണെന്നാണ് റിപ്പോര്‍ട്ട്.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
100 %

Continue Reading

Auto

55 ടണ്‍ ഭാരമുള്ള ഇന്ത്യയിലെ ആദ്യത്തെ 4ഃ2 പ്രൈം മൂവര്‍ സിഗ്ന 5525.S പുറത്തിറക്കി ടാറ്റ മോട്ടോഴ്‌സ്

ഇന്ത്യയില്‍ ആദ്യമായി 55 ടണ്‍ ഭാരമുള്ള 4ഃ2 പ്രൈം മൂവറിന് ARAI സര്‍ട്ടിഫിക്കറ്റ്
ലഭിക്കുന്ന നിര്‍മ്മാതാവ്

Published

on

0 0
Read Time:9 Minute, 44 Second

പ്രധാന സവിശേഷതകള്‍:
• പ്രൈം മൂവറിന് ഏറ്റവുമുയര്‍ന്ന 55 ടണ്‍ ഗ്രോസ് കോമ്പിനേഷന്‍ വെയ്റ്റ് (GCW)
• അനുയോജ്യമായ ട്രെയ്‌ലര്‍ കോമ്പിനേഷന്‍ സഹിതം 51ഠ, 52ഠ, 53ഠ, 54ഠ, 55ഠ എന്നീ വിവിധ ജിസിഡബ്ല്യു ശ്രേണിയില്‍ ലഭ്യം
• ലോകത്ത് ഏറ്റവുമധികം വില്‍ക്കപ്പെടുന്ന യൂറോ 6 വാണിജ്യ വാഹന എന്‍ജിനായ കമ്മിന്‍സ്-6.7 ലിറ്റര്‍ എന്‍ജിന്‍ കരുത്തു പകരുന്നു
• 250വു പവര്‍, 950ചാ ടോര്‍ക്ക് റേറ്റിംഗ്; 1000-1800ൃുാ ഫ്‌ളാറ്റ് ടോര്‍ക്ക് കേര്‍വ് റേഞ്ച്
• മൂന്ന് ഡ്രൈവ് മോഡുകള്‍, ഗിയര്‍ ഷിഫ്റ്റ് അഡൈ്വസര്‍, ഹില്‍ സ്റ്റാര്‍ട്ട് അസിസ്റ്റ് തുടങ്ങി വിപണിയില്‍ ഏറ്റവുമധികം മൂല്യമുള്ള ഫീച്ചറുകള്‍

മുംബൈ, 30 സെപ്തംബര്‍, 2020: ഇന്ത്യയിലെ പ്രമുഖ വാണിജ്യ വാഹന നിര്‍മ്മാതാക്കളായ ടാറ്റ മോട്ടോഴ്‌സ് 4ഃ2 വിഭാഗത്തിലെ ഇന്ത്യയിലെ ഏറ്റവുമുയര്‍ന്ന ജിസിഡബ്ല്യു പ്രൈം മൂവറായ (ട്രാക്ടര്‍) സിഗ്ന 5525.ട പുറത്തിറക്കി. 55 ടണ്‍ ജിസിഡബ്ല്യുവുള്ള സിഗ്ന 5525.ട 4ഃ2 ഉപഭോക്താക്കള്‍ക്ക് പരമാവധി ലാഭം നല്‍കുന്ന സവിശേഷമായ മൂല്യാനുപാതം നല്‍കുന്നു. ടാറ്റ മോട്ടോഴ്‌സിന്റെ പവര്‍ ഓഫ് 6 ആശയം അടിസ്ഥാനമാക്കി രൂപകല്‍പ്പന ചെയ്തിരിക്കുന്ന മോഡല്‍ മെച്ചപ്പെട്ട പെര്‍ഫോമന്‍സ്, കുറഞ്ഞ മുതല്‍മുടക്ക്, ഉയര്‍ന്ന കംഫര്‍ട്ടും സൗകര്യവും എന്നിവ ഉപഭോക്താക്കള്‍ക്ക് നല്‍കുകയും അതുവഴി കുറഞ്ഞ പ്രവര്‍ത്തനച്ചെലവും വരുമാന വര്‍ധനവും സാധ്യമാക്കുന്നു.

Advertisement

250വു പവറും 1000-1800rpm ല്‍ 950Nm ടോര്‍ക്കും നല്‍കുന്ന കമ്മിന്‍സ് 6.7 ലിറ്റര്‍ കരുത്തുപകരുന്ന സിഗ്ന 5525.ട 4ഃ2 പ്രൈം മൂവര്‍ അനായാസമായ ഡ്രൈവിംഗും കുറഞ്ഞ ടേണ്‍എറൗണ്ട് സമയവും നല്‍കുന്നു. ഇത് കൂടുതല്‍ ട്രിപ്പുകള്‍ നടത്താനും ഉയര്‍ന്ന വരുമാനം നേടാനും സഹായിക്കുന്നു. വിപണിയില്‍ ഏറ്റവും മികച്ചതെന്ന് തെളിയിക്കപ്പെട്ട G1150 9-സ്പീഡ് ഗിയര്‍ ബോക്‌സ്, 430ാാ ഡയമീറ്റര്‍ ക്ലച്ച്, അധിക പുള്ളിംഗ് കരുത്ത് നല്‍കുന്ന ഹെവി-ഡ്യൂട്ടി RA110 റിയര്‍ ആക്‌സില്‍ എന്നിവയാല്‍ രൂപകല്‍പ്പന ചെയ്തിരിക്കുന്ന ഡ്രൈവ്‌ട്രെയ്ന്‍ ഭൂപ്രതലത്തിന്റെ സവിശേഷതകള്‍ക്കും വിവിധ ആപ്ലിക്കേഷനുകള്‍ക്കും അനുയോജ്യമാകുന്ന വിധത്തിലാണ് നിര്‍മ്മിച്ചിരിക്കുന്നത്. ലൈറ്റ്, മീഡിയം, ഹെവി എന്നീ മൂന്ന് ഡ്രൈവ് മോഡുകള്‍ സജ്ജമാക്കിയിട്ടുള്ള സിഗ്ന 5525.ട ല്‍ ഭാരത്തിന്റെയും ഭൂപ്രതലത്തിന്റെയും അടിസ്ഥാനത്തില്‍ പരാമവധി കരുത്തും ടോര്‍ക്കും ഉറപ്പുനല്‍കുന്ന ഗിയര്‍ ഷിഫ്റ്റ് അഡൈ്വസറുമുണ്ട്. ഉയര്‍ന്ന ഇന്ധനക്ഷമതയും ഈ വിഭാഗത്തിലെ ഏറ്റവും കുറഞ്ഞ പ്രവര്‍ത്തന ചെലവും ഉറപ്പാക്കുന്ന ശരിയായ ഗിയര്‍ തിരഞ്ഞെടുക്കുന്നതിനുള്ള ഓണ്‍-ഡ്രൈവ് കോച്ചിംഗും ലഭ്യമാക്കിയിട്ടുണ്ട്.

ഉയര്‍ന്ന വരുമാനവും കുറഞ്ഞ പ്രവര്‍ത്തനച്ചെലവും ലഭ്യമാക്കി ഉപഭോക്താക്കളുടെ ആകെ ലാഭം വര്‍ധിപ്പിക്കുന്ന ഏറ്റവും മികച്ച സേവനം നല്‍കുന്ന വിശാല ശ്രേണിയിലുള്ള ഉത്പന്നങ്ങള്‍ക്കൊപ്പം സിഗ്ന 5525.ട 4ഃ2 അവതരിപ്പിച്ചുകൊണ്ട് ഇന്ത്യന്‍ വാണിജ്യ വാഹന വിപണിയിലെ മേധാവിത്വം തുടരുകയാണ് ടാറ്റ മോട്ടോഴ്‌സെന്ന് ടാറ്റ മോട്ടോഴ്‌സ് എം&എച്ച്‌സിവി പ്രൊഡക്ട് ലൈന്‍ വൈസ് പ്രസിഡന്റ് ആര്‍.ടി. വാസന്‍ പറഞ്ഞു. ഉപഭോക്താക്കള്‍ക്ക് ഏറ്റവും മികച്ച ഉത്പന്നങ്ങള്‍ ലഭ്യമാക്കാന്‍ നിരന്തരം പരിശ്രമിക്കുന്ന കമ്പനിയാണ് പ്രൈം മൂവറില്‍ 55-ടണ്‍ ജിസിഡബ്ല്യു അവതരിപ്പിക്കുന്ന ആദ്യ നിര്‍മ്മാതാക്കളെന്ന് സന്തോഷപൂര്‍വ്വം അറിയിക്കുന്നു. പവര്‍ ഓഫ് 6 ആശയത്തിന്റെ അടിസ്ഥാനത്തില്‍ കാര്‍ഗോ, കോണ്‍സ്ട്രക്ക് വിഭാഗങ്ങളിലെ മുന്‍നിര സ്ഥാനം കൂടുതല്‍ ശക്തിപ്പെടുത്താന്‍ ഏറ്റവും മികച്ച ഉത്പന്നങ്ങളും സേവനങ്ങളും ലഭ്യമാക്കുന്നത് തുടരും. ഫ്‌ളീറ്റിന്റെ ഉത്പാദന ക്ഷമതയും ഉപഭോക്താവിന്റെ ലാഭവും വര്‍ധിപ്പിക്കുന്ന ഫ്‌ളീറ്റ് എഡ്ജ് എന്ന ഒപ്റ്റിമല്‍ ഫ്‌ളീറ്റ് മാനേജ്‌മെന്റിനുള്ള ടാറ്റ മോട്ടോഴ്‌സിന്റെ ഡിജിറ്റല്‍ സൊല്യൂഷന്‍ ഫാക്ടറി ഫിറ്റഡ് ആയി പുതിയ ഓരോ വാഹനങ്ങള്‍ക്കും ലഭിക്കുമെന്നും അദ്ദേഹം പറഞ്ഞു.

മൂന്ന് വിധത്തില്‍ ക്രമീകരിക്കാവുന്ന ഡ്രൈവിംഗ് സീറ്റ്, സ്ഥലവിസ്തൃതിയുള്ള സ്ലീപ്പര്‍ ബെര്‍ത്ത്, ടില്‍റ്റ് ആന്‍ഡ് സ്റ്റീരിയോസ്‌കോപിക് സ്റ്റിയറിംഗ് സംവിധാനം, വിശാലമായ യൂട്ടിലിറ്റി സ്‌പേസ് എന്നിവ ലഭ്യമാക്കുന്ന രാജ്യത്തെ ഏറ്റവുമധികം വിറ്റഴിക്കപ്പെടുന്ന എം&എച്ച്‌സിവി ക്യാബിനായ ജനപ്രിയ സിഗ്ന ക്യാബിനിലാണ് പുതിയ മോഡല്‍ ലഭ്യമാകുക. സിഗ്ന 5525.ട’ സസ്‌പെന്‍ഡഡ് ക്യാബിന്‍ കുറഞ്ഞ എന്‍വിഎച്ച് സവിശേഷതകളും ദുഷ്‌ക്കരമായ പ്രതലത്തില്‍ പോലും സുഖകരമായ ഡ്രൈവിംഗ് അനുഭവവും നല്‍കുന്നു. ആംബിയന്റ് എയര്‍ ടെംപറേച്ചര്‍ സെന്‍സറോടു കൂടിയ കരുത്തുറ്റ എയര്‍ കണ്ടീഷനിംഗ് സംവിധാനം എല്ലാ കാലാവസ്ഥയിലും സുഖകരമായ ഡ്രൈവിംഗും കുറഞ്ഞ ഇന്ധന ഉപഭോഗവും ഉറപ്പു നല്‍കുന്നു. ക്രാഷ് ടെസ്റ്റഡ് ക്യാബിന്‍, ഉയര്‍ന്ന സീറ്റിംഗ് സ്ഥാനം, വലിയ ഡേലൈറ്റ് ഓപ്പണിംഗ്, റിയര്‍ വ്യൂ മിറര്‍, ബ്ലൈന്‍ഡ് സ്‌പോട്ട് മിറര്‍, സോളിഡ് സ്റ്റീല്‍ 3-പീസ് ബമ്പര്‍ എന്നിവ സുരക്ഷിതമായി ഡ്രൈവ് ചെയ്യാവുന്ന ക്യാബിന്‍ ലഭ്യമാക്കുന്നു. നൂതന സാങ്കേതികവിദ്യ ഉപയോഗിച്ചുള്ള ആധുനിക ഫീച്ചറുകളായ എന്‍ജിന്‍ ബ്രേക്ക്, ഐസിജിടി എന്നിവ വാഹനത്തിന് മികച്ച കണ്‍ട്രോള്‍ നല്‍കുകയും പ്രവര്‍ത്തനച്ചെലവ് കുറയ്ക്കുകയും ചെയ്യുന്നു. ഒപ്റ്റിമല്‍ ഫ്‌ളീറ്റ് മാനേജ്‌മെന്റിനുള്ള ടാറ്റ മോട്ടോഴ്‌സിന്റെ പുതുതലമുറ ഡിജിറ്റല്‍ പരിഹാരമാര്‍ഗമായ ഫ്‌ളീറ്റ് എഡ്ജ് സ്റ്റാന്‍ഡേര്‍ഡ് ഫിറ്റ്‌മെന്റായി ലഭിക്കുന്നു. ഇത് പ്രവര്‍ത്തനസമയം വീണ്ടും വര്‍ധിപ്പിക്കുകയും ഉടമസ്ഥതാവകാശത്തിനുള്ള ചെലവ് കുറയ്ക്കുകയും ചെയ്യുന്നു.

മികച്ച ധനകാര്യ വ്യവസ്ഥകള്‍, ഡെലിവറി ദിവസം മുതല്‍ വരുമാനം, രാജ്യവ്യാപക സര്‍വീസ് വാറന്റി, ഉയര്‍ന്ന റീസെയ്ല്‍ മൂല്യം തുടങ്ങിയ വിവിധ നേടങ്ങള്‍ ലഭ്യമാക്കി ഉപഭോക്താക്കള്‍ക്ക് വണ്‍-സ്‌റ്റോപ്പ് സൊല്യൂഷന്‍ നല്‍കുന്ന ആധുനികവും വിശാല ശ്രേണിയിലുള്ളതുമായ സേവനങ്ങളുമായാണ് സിഗ്ന 5525.ട 4ഃ2 എത്തുന്നത്. ഇതുവഴി ഉപഭോക്താക്കള്‍ക്ക് മികച്ച മൂല്യാനുപാതവും ലഭിക്കുന്നു.

വിപണിയില്‍ ലഭിക്കുന്ന ഏറ്റവും മികച്ച ആറു വര്‍ഷത്തെ/6 ലക്ഷം കിലോമീറ്ററുകളുടെ വാറന്റി സഹിതമാണ് ടാറ്റ മോട്ടോഴ്‌സിന്റെ എം&എച്ച്‌സിവി ട്രക്കുകളുടെ സമ്പൂര്‍ണ്ണ ശ്രേണി എത്തുന്നത്. വാണിജ്യ വാഹന ഡ്രൈവര്‍മാരുടെ ക്ഷേമത്തിനായുള്ള സമ്പൂര്‍ണ്ണ സേവ 2.0, ടാറ്റ സമര്‍ഥ്, ഉറപ്പായ പ്രവര്‍ത്തന സമയം, ഓണ്‍-സൈറ്റ് സര്‍വീസ്, കസ്റ്റമൈസ്ഡ് വാര്‍ഷിക അറ്റകുറ്റപ്പണി, ഫ്‌ളീറ്റ് മാനേജ്‌മെന്റ് സേവനങ്ങള്‍ എന്നിവ ഓരോ എം& എച്ച്‌സിവിയോടുമൊപ്പം ടാറ്റ മോട്ടോഴ്‌സ് ലഭ്യമാക്കുന്നു.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Auto

ആര്‍സി ശ്രേണിയില്‍ പുതിയ നിറങ്ങളുമായി കെടിഎം

കെടിഎം ആര്‍സി 125ന് ഡാര്‍ക്ക് ഗാല്‍വാനോ നിറവും ആര്‍സി 200ന് ഇലക്ട്രോണിക് ഓറഞ്ച് നിറവും ആര്‍സി 390ക്ക് മെറ്റാലിക് സില്‍വര്‍ നിറവുമാണ് പുതുതായി നല്‍കിയിരിക്കുന്നത്

Published

on

0 0
Read Time:2 Minute, 33 Second

ഇന്ത്യയില്‍ അതിവേഗം വളരുന്ന പ്രീമിയം മോട്ടോര്‍സൈക്കിള്‍ ബ്രാന്‍ഡായ കെടിഎം ആര്‍സി ശ്രേണിയില്‍ പുതിയ നിറങ്ങള്‍ അവതരിപ്പിച്ചു. കെടിഎം ആര്‍സി 125ന് ഡാര്‍ക്ക് ഗാല്‍വാനോ നിറവും ആര്‍സി 200ന് ഇലക്ട്രോണിക് ഓറഞ്ച് നിറവും ആര്‍സി 390ക്ക് മെറ്റാലിക് സില്‍വര്‍ നിറവുമാണ് പുതുതായി നല്‍കിയിരിക്കുന്നത്. ഈ വര്‍ഷം ആദ്യം ബിഎസ് 6 അപ്‌ഗ്രേഡിനൊപ്പം അവതരിപ്പിച്ച നിറങ്ങള്‍ക്ക് പുറമേയാണ് ആര്‍സി സീരീസിന് പുതിയ നിരറങ്ങള്‍ നല്‍കിയിരിക്കുന്നത്. വാഹനങ്ങളുടെ വിലയില്‍ മാറ്റമില്ലാതെ തന്നെയാണ് നിലവിലുള്ള നിറങ്ങള്‍ക്ക് പുറമെ പുതിയ ഓപ്ഷനുകള്‍ അവതരിപ്പിച്ചിരിക്കുന്നത്.

മോട്ടോജിപി റേസര്‍- കെടിഎം ആര്‍സി 16ല്‍ നിന്ന് പ്രചോദനം ഉള്‍ക്കൊണ്ട് അതേ സാങ്കേതികവിദ്യയിലും രൂപത്തിലും നിര്‍മ്മിച്ചിട്ടുള്ളതാണ് കെടിഎം ആര്‍സി ബൈക്കുകള്‍. ഈ മോട്ടോര്‍സൈക്കിളുകള്‍ക്ക് കെടിഎം പോര്‍ട്ട്‌ഫോളിയോയില്‍ ശക്തമായ വളര്‍ച്ചയാണുള്ളത്. നിലവിലുള്ള നിറങ്ങളുടെ ശ്രേണിയെ പരിപൂര്‍ണ്ണമാക്കുന്നതാണ് പുതിയ നിറങ്ങള്‍. കെടിഎം ആര്‍സി മോഡലുകളിലെ ഈ അധിക കളര്‍ ഓപ്ഷനുകള്‍ യുവാക്കളേയും ബൈക്കിംഗ് പ്രേമികളേയും കൂടുതല്‍ ആകൃഷ്ടരാക്കും. ബജാജ് ഓട്ടോ ലിമിറ്റഡ് പ്രസിഡന്റ് (പ്രോബൈക്കിംഗ്) സുമിത് നാരംഗ് പറഞ്ഞു.

Advertisement

എല്ലാ ആര്‍സി മോഡലുകളും ഭാരത്തിന്റെ അനുപാതത്തില്‍ മികച്ച കരുത്തുള്ളവയാണ്. 4-വാല്‍വ്, ലിക്വിഡ് കൂള്‍ഡ്, ഡിഒഎച്സി എഞ്ചിന്‍ പോലുള്ള റേസ് ടെക്നോളജി ഘടകങ്ങള്‍; കട്ടിയുള്ള 43 മിമി അപ്സൈഡ് ഡൗണ്‍ ഫോര്‍ക്കുകള്‍; ഭാരം കുറഞ്ഞ റേസിംഗ് ചേസിസ്; വിന്‍ഡ്ഷീല്‍ഡ് മുതല്‍ പിറക് വശം വരെയുള്ള എയറോഡൈനാമിക് സൂപ്പര്‍സ്‌പോര്‍ട്ട് സ്റ്റൈലിംഗ് എന്നിവ ആര്‍സി മോഡലുകളുടെ സവിശേഷതകളാണ്.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Trending