Connect with us

Entertainment

മോദിയെ വെല്ലുവിളിച്ച് വിരാട് കോഹ്ലി!

മോദിയെക്കൂടാതെ, സ്വന്തം ഭാര്യ അനുഷ്‌ക ശര്‍മ്മയെയും ക്രിക്കറ്റ് താരം മഹേന്ദ്ര സിങ് ധോനിയേയുമാണ് കോഹ്ലി ചാലഞ്ച് ചെയ്തത്

Published

on

0 0
Read Time:2 Minute, 0 Second

സോഷ്യൽ മീഡിയയിൽ തരംഗമായിക്കൊണ്ടിരിക്കുന്ന #HumFitTohIndiaFit എന്ന ഫിറ്റ്നസ് ചലഞ്ചിൽ പ്രധാനമന്ത്രി നരേന്ദ്രമോദിയെ വെല്ലുവിളിച്ച് ക്രിക്കറ്റ് തരാം വിരാട് കോഹ്ലി. #HumFitTohIndiaFit എന്ന ടാഗില്‍ കേന്ദ്ര യുവ, കായിക മന്ത്രി രാജ്യവര്‍ധന്‍ സിങ് രാത്തോര്‍ ആണ് ഫിറ്റ്നസ് ചലഞ്ച് തുടങ്ങി വച്ചത്.

കോഹ്ലിയെ #HumFitTohIndiaFit ചലഞ്ചിനായി വെല്ലുവിളിച്ചത് രാജ്യവര്‍ധനാണ്. ചലഞ്ച് പ്രകാരം തങ്ങളുടെ ഫിറ്റ്നസ് തെളിയിക്കുന്ന വീഡിയോ എടുത്ത് ട്വീറ്റ് ചെയ്ത് മൂന്നുപേരെ ചാലഞ്ച് ചെയ്യണം. ഇത്തരത്തിൽ ചലഞ്ച് ചെയ്യപ്പെട്ട ആ മൂന്നു പേരും ഇതുപോലെ മറ്റ് ആളുകളെ ചലഞ്ച് ചെയ്യണം. . എവിടെയും വീഡിയോ നിര്ബന്ധമാണ്.

Advertisement

മോദിയെക്കൂടാതെ, സ്വന്തം ഭാര്യ അനുഷ്‌ക ശര്‍മ്മയെയും ക്രിക്കറ്റ് താരം മഹേന്ദ്ര സിങ് ധോനിയേയുമാണ് കോഹ്ലി ചാലഞ്ച് ചെയ്തത്.തനിക്ക് ഏറ്റവും ഇഷ്ടപെട്ട ഫിറ്റ്നസ് വർക്ക്ഔട്ട് ചെയ്തുകൊണ്ടായിരുന്നു കോഹ്ലി മോദിയെയും അനുഷ്കയെയും ധോണിയേയും ചലഞ്ച് ചെയ്തത്.

കോഹ്ലിയുടെ ചലഞ്ച് പ്രധാനമന്ത്രിയും അനുഷ്‌കയും ധോണിയും ഏറ്റെടുക്കുമോ എന്ന ആശങ്കയിലാണ് ആരാധകർ. അങ്ങനെ ഏറ്റെടുത്താൽ അവർ ആരെയാകും ചലഞ്ച് ചെയ്യുക എന്നതും ആരാധകരെ ഏറെ കുഴപ്പിക്കുന്നു.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Advertisement

Entertainment

ബിജു മേനോനും, പാര്‍വതിയും ഒന്നിച്ച ആര്‍ക്കറിയാം’ മെയ് 19ന് നീസ്ട്രീമിലൂടെ പ്രേക്ഷകരിലേക്ക്

ഈ മാസം 19നാണ് സ്ട്രീമിങ് ആരംഭിക്കുന്നത്. മികച്ച പ്രേക്ഷക നിരൂപക പ്രശംസ നേടിയ ചിത്രം, കൊവിഡ് രണ്ടാം തരംഗത്തില്‍ തീയേറ്ററുകള്‍ അടഞ്ഞതോടെയാണ് പ്രദര്‍ശനം നിലച്ചത്

Published

on

0 0
Read Time:2 Minute, 10 Second

ബിജു മേനോന്‍ പാര്‍വതി ഷറഫുദ്ദിന്‍ എന്നിവര്‍ പ്രധാന കഥാപാത്രങ്ങളായി എത്തിയ ‘ആര്‍ക്കറിയാം’ തീയേറ്റര്‍ റിലീസിന് ശേഷം നീസ്ട്രിം ഒടിടി പ്ലാറ്റ്ഫോമിലൂടെ എത്തുന്നു. ഈ മാസം 19നാണ് സ്ട്രീമിങ് ആരംഭിക്കുന്നത്. മികച്ച പ്രേക്ഷക നിരൂപക പ്രശംസ നേടിയ ചിത്രം, കൊവിഡ് രണ്ടാം തരംഗത്തില്‍ തീയേറ്ററുകള്‍ അടഞ്ഞതോടെയാണ് പ്രദര്‍ശനം നിലച്ചത്. നീസ്ട്രീമില്‍ ചിത്രമെത്തുന്നതോടെ പ്രേക്ഷകര്‍ വലിയ പ്രതീക്ഷിയിലാണ്.

72 വയസ്സുള്ള ഇട്ടിയവിര എന്ന കഥാപാത്രമായിയാണ് ബിജു മേനോന്‍ ഈ സിനിമയില്‍ എത്തുന്നത്. പ്രശസ്ത ഛായാഗ്രാഹകന്‍ സാനു ജോണ്‍ വര്‍ഗീസ് ആദ്യമായി സംവിധാനം ചെയ്ത ചിത്രമാണ് ആര്‍ക്കറിയാം.

Advertisement

കൊവിഡ് കാലം പശ്ചാത്തലമാക്കുന്ന സിനിമയാണ് ഇത്. മൂണ്‍ഷോട്ട് എന്റര്‍ടെയ്ന്‍മെന്റ്സിന്റെയും ഒപിഎം ഡ്രീംമില്‍ സിനിമാസിന്റെയും ബാനറുകളില്‍ സന്തോഷ് ടി കുരുവിളയും ആഷിഖ് അബുവും ചേര്‍ന്നാണ് ചിത്രത്തിന്റെ നിര്‍മ്മാണം.ജി ശ്രീനിവാസ് റെഡ്ഢി ഛായാഗ്രഹണം. നേഹ നായരുടെയും യെക്‌സാന്‍ ഗാരി പെരേരയും ചേര്‍ന്നാണ് ഗാനങ്ങള്‍ ഒരുക്കിയിട്ടുള്ളത്.മഹേഷ് നാരായണന്‍ എഡിറ്റിംഗ് ഒരുക്കിയിട്ടുള്ള ചിത്രത്തിന് തിരക്കഥ എഴുതിയിരിക്കുന്നത് സാനു ജോണ്‍ വര്‍ഗീസിനൊപ്പം രാജേഷ് രവി, അരുണ്‍ ജനാര്‍ദ്ദനന്‍ എന്നിവരൊരുമിച്ചാണ്. ചിത്രത്തിന്റെ ഓണ്‍ലൈന്‍ അഡ്വാന്‍സ് ബുക്കിങ്ങ് സൗകര്യവുംനീസ്ട്രീമിലൂടെ ആരംഭിച്ചിരിക്കുന്നു.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Business

‘ശബ്ദം’ കേള്‍ക്കാന്‍ കാശ് നല്‍കിയാലെന്താ പ്രശ്‌നം?

ഗുണനിലവാരമുള്ള പോഡ്കാസ്റ്റുകള്‍ക്ക് ജനങ്ങള്‍ കാശ് മുടക്കുമെന്ന് സ്‌റ്റോറിയോ സിഇഒ രാഹുല്‍ നായര്‍

Published

on

0 0
Read Time:1 Minute, 52 Second

ഗുണനിലവാരമുള്ള പോഡ്കാസ്റ്റുകള്‍ക്ക് ജനങ്ങള്‍ കാശ് മുടക്കുമെന്ന് സ്‌റ്റോറിയോ സിഇഒ രാഹുല്‍ നായര്‍

ശബ്ദ ഉള്ളടക്കത്താല്‍ തരംഗം തീര്‍ക്കുന്ന വ്യവസായമാണ് പോഡ്കാസ്റ്റ്. ഈ രംഗത്തിന്റെ വളര്‍ച്ച ആശ്രയിച്ചിരിക്കുന്നത് ഉപയോക്താക്കളിലാണ്. പോഡ്കാസ്റ്റ് കേള്‍ക്കാന്‍ ജനങ്ങള്‍ കാശ് മുടക്കുമോയെന്നതാണ് പലരിലുമുള്ള പ്രധാന സംശയം.

Advertisement

എന്നാല്‍ ഇതിന് ആത്മവിശ്വാസത്തോടെ മറുപടി പറയുന്നു പ്രശസ്ത സോഷ്യല്‍ പോഡ്കാസ്റ്റ് സംരംഭമായ സ്‌റ്റോറിയോയുടെ മേധാവി രാഹുല്‍ നായര്‍.

ജനങ്ങള്‍ കാശ് മുടക്കി സിനിമ കാണുന്നുണ്ടെങ്കില്‍ കാശ് കൊടുത്ത് പോഡ്കാസ്റ്റും കേള്‍ക്കുമെന്ന് രാഹുല്‍ നായര്‍ മീഡിയ ഇന്‍കിനോട് പറയുന്നു.

ഞങ്ങള്‍ റെവന്യൂ പോസിറ്റീവാണ് ഇപ്പോള്‍. അതായത് കാശ് മുടക്കി ഞങ്ങളുടെ പ്ലാറ്റ്‌ഫോമില്‍ ആളുകള്‍ പോഡ്കാസ്റ്റുകള്‍ കേള്‍ക്കുന്നുണ്ട്. അങ്ങനെ ഒരാള്‍ക്ക് കാശ് തന്ന് കണ്ടന്റ് കേള്‍ക്കാമെങ്കില്‍ അത് മറ്റുള്ളവര്‍ക്കും പറ്റും. ഇതാണ് ഞങ്ങളുടെ ബിസിനസ് മോഡലിന്റെ യുക്തി-രാഹുല്‍ ചൂണ്ടിക്കാട്ടുന്നു.

ഓരോ മലയാളിയുടെ മനസിലും പോഡ്കാസ്റ്റുകള്‍ ജനകീയമാക്കുകയെന്ന ലക്ഷ്യത്തിലധിഷ്ഠിതമായാണ് തങ്ങളുടെ പ്രവര്‍ത്തനമെന്ന് രാഹുല്‍ നായര്‍ പറയുന്നു.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Entertainment

നേരും നെറിവുമുള്ള മറ്റൊരു കള്ളന്റെ കഥ സിനിമയാകുന്നു

നവംബര്‍ 24-ന് ആരംഭിച്ച ഷൂട്ടിംഗ് രാത്രികളില്‍ മാത്രമായി തുടര്‍ച്ചയായ പതിനഞ്ചു ദിവസം കൊണ്ടാണ് പൂര്‍ത്തിയാക്കിയത്

Published

on

0 0
Read Time:7 Minute, 30 Second

അസമയത്ത് അപ്രതീക്ഷിതമായ ഒരിടത്തു പെട്ടുപോവുകയും അപ്രതീക്ഷിതമായി സംഭവിച്ച അനീതിയ്ക്ക് സാക്ഷിയാവുകയും ഇരയയ്ക്ക് നീതി ലഭിക്കാന്‍ വേണ്ടി നീണ്ട 28 വര്‍ഷം പോരാടുകയും ചെയ്ത ഒരു വ്യക്തിയായായിരുന്നല്ലോ കഴിഞ്ഞ ഏതാനും ദിവസങ്ങളില്‍ കേരളത്തിലെ ചര്‍ച്ചാവിഷയമായത്. യാദൃശ്ചികമെന്നു പറയട്ടെ ചരിത്രം കുറിച്ച ആ ന്യായവിധി വരുന്നതിനു മുന്‍പു തന്നെ നേരും നെറിവുമുള്ള മറ്റൊരു കള്ളന്റെ കഥ സിനിമയാവുകയായിരുന്നു. യഥാര്‍ത്ഥത്തില്‍ സംഭവിച്ചതുപോലെത്തന്നെ അപ്രതീക്ഷിതമായ ഒരിടത്ത് അപ്രതീക്ഷിതമായ നേരത്ത് വന്നുപെടുകയും അവിടെ കാണുന്ന തിന്മകള്‍ക്കെതിരെ പോരാടുകയും ചെയ്യുന്ന നന്മയുള്ള ഒരു കള്ളന്റെ കഥ. ചോരന്‍ എന്ന ആ സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങിയതിന് പിന്നാലെയാണ് അഭയക്കേസിലെ വിധി വന്നത്. അന്തിമ വിജയം എന്നും നന്മയുടെ പക്ഷത്താണെന്ന് തെളിയിച്ചുകൊണ്ട് കാലത്തിനപ്പുറത്തേയ്ക്ക് കണ്ണയക്കാന്‍ അങ്ങനെ ചോരന്റെ സംവിധായകന്‍ സാന്റോ അന്തിക്കാടിലൂടെ ദൈവീകമായ ഇടപെടല്‍ നടന്നുവെന്നാണ് ചോരനിലെ മുഖ്യകഥാപാത്രത്തെ അവതരിപ്പിച്ച ഡോ. പ്രവീണ്‍ റാണ സോഷ്യല്‍ മീഡിയയില്‍ കുറിച്ചത്.

നവംബര്‍ 24-ന് ആരംഭിച്ച ഷൂട്ടിംഗ് രാത്രികളില്‍ മാത്രമായി തുടര്‍ച്ചയായ പതിനഞ്ചു ദിവസം കൊണ്ടാണ് പൂര്‍ത്തിയാക്കിയത്. പകല്‍ ഉറങ്ങിയും രാത്രികളില്‍ ഒരുപോള കണ്ണടയ്ക്കാതെയും വൈകീട്ട് 6 മുതല്‍ വെളുപ്പിന് 6 വരെ ജോലി ചെയ്തുകൊണ്ട് സാങ്കേതിക വിദഗ്ധരും താരങ്ങളും മിനക്കെട്ടത് വെറുതെയായില്ലെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ചിത്രത്തിന്റെ ഇതിവൃത്തത്തിനിണങ്ങുന്ന ഡാര്‍ക്ക് മോഡ് ഉടനീളം നിലനിര്‍ത്താനായിരുന്നു രാത്രി മാത്രം ഷൂട്ടിംഗ് നടത്തിയത്. ഒരു പക്ഷേ ഇന്ത്യയില്‍ത്തന്നെ ഇതാദ്യമായിരിക്കും ഉടനീളം രാത്രി മാത്രം ഒരു സിനിമ ചിത്രീകരിച്ചിട്ടുണ്ടാവുകയെന്ന് സംവിധായകന്‍ സാന്റോ അന്തിക്കാട് പറഞ്ഞു. രാത്രിയുടെ യഥാര്‍ത്ഥ വശ്യത അതേപടി പകര്‍ത്താന്‍ ഈ നിശ്ചയദാര്‍ഢ്യത്തിലൂടെ സാധിച്ചു.

Advertisement

ഡോ പ്രവീണ്‍ റാണ, രമ്യ പണിക്കര്‍, സിനോജ് വര്‍ഗീസ് – ഒരു ചോരന്‍ സ്റ്റില്‍

സംവിധായകനും നിര്‍മാതാവും സേഫ് ആന്‍ഡ് സ്‌ട്രോങ്ങ് ബിസിനസ്സ് കണ്‍സള്‍ട്ടന്റ് മാനേജിങ് ഡയറക്ടറും രണ്ടാം ഷെഡ്യൂളിനൊരുങ്ങുന്ന അനാനിലെ റെവലൂഷനറി ഹീറോ അനാന്‍ എന്ന ചെറുപ്പക്കാരനെ അവതരിപ്പിക്കുന്ന ഡോ പ്രവീണ്‍ റാണയുടെ രണ്ടാമത് ചിത്രമാണ് ചോരന്‍. ഇന്ദ്രന്‍സ്, മണികണ്ഠന്‍ ആചാരി എന്നിവര്‍ക്കൊപ്പം നായകകഥാപാത്രത്തെ അവതരിപ്പിക്കുന്ന പ്രവീണ്‍ റാണ നിര്‍മാണവും സംവിധാനവും നിര്‍വഹിക്കുന്ന ത്രില്ലര്‍ ചിത്രമായ അനാന്‍ അണിയറയില്‍ ഒരുങ്ങവെയാണ് ചോരന്‍ അദ്ദേഹം പൂര്‍ത്തിയാക്കിയത്. ഇതിനിടെ കോവിഡ് മൂലം തൊഴിലില്ലാതായ സിനിമാ സാങ്കേതികപ്രവര്‍ത്തകര്‍ക്ക് അദ്ദേഹം സഹായമെത്തിച്ചതിനെപ്പറ്റി അനാന്റെ പിന്നണി പ്രവര്‍ത്തകരായ രാജീവ് കോവിലകം, മേക്കപ്പ് കലാകാരന്‍ റോണി വെള്ളത്തൂവല്‍, കോസ്റ്റിയൂം ഡിസൈനര്‍ ബുസി ബേബി ജോണ്‍ എന്നിവര്‍ ഫേസ്ബുക്കില്‍ പോസ്റ്റു ചെയ്തത് ജനശ്രദ്ധ നേടിയിരുന്നു. ഇതിനു പിന്നാലെയാണ് കേരളത്തിലെ ആദ്യത്തെ ജീപ്പ് റാംഗ്ലര്‍ റുബിക്കോണ്‍ ഡെലിവറിയെടുത്ത് 6.25 ലക്ഷം രൂപ മുടക്കി അതിന് KL 08 BW 1 എന്ന ഫാന്‍സി നമ്പര്‍ ലേലത്തില്‍പ്പിടിച്ചും യുവനടി സനുഷയുമായി പരസ്യചിത്രത്തില്‍ അഭിനയിച്ചും പ്രവീണ്‍ റാണ വാര്‍ത്തകളില്‍ നിറഞ്ഞത്.

ചങ്ക്സ്, പൊറിഞ്ചു മറിയം ജോസ് തുടങ്ങിയ ചിത്രങ്ങളിലഭിനയിച്ച രമ്യ പണിക്കരാണ് ചോരനിലെ നായികാവേഷം കൈകാര്യം ചെയ്യുന്നത്. രമ്യ സോഷ്യല്‍ മീഡിയയില്‍ ഷെയര്‍ ചെയ്ത ചോരന്റെ ലൊക്കേഷന്‍ ചിത്രങ്ങള്‍ ഇതിനകം തന്നെ വൈറലായിരുന്നു.

അങ്കമാലി ഡയറീസ് ഫെയിം സിനോജ് വര്‍ഗീസാണ് ചോരനിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. രമ്യയും സിനോജും പൊറിഞ്ചു മറിയം ജോസിന് ശേഷം ഒന്നിച്ചഭിനയിക്കുന്ന ചിത്രം കൂടിയാണ് ചോരന്‍. പതിനഞ്ചു ദിവസം തുടര്‍ച്ചയായി രാത്രി മാത്രം ഷൂട്ട്ചെയ്തഭിനയിച്ചത് ഒരു നടന്‍ എന്ന നിലയില്‍ വെല്ലുവിളി ഉയര്‍ത്തുന്നതായിരുന്നുവെന്ന്് സിനോജ് പറഞ്ഞു.

റാണാസ് ഫിലിം ഫാക്ടറിയുടെ ബാനറില്‍ പ്രജിത് കെ. എം. നിര്‍മിക്കുന്ന ഈ ചിത്രത്തിന്റെ ഛായാഗ്രഹണം സുരേഷ് ബാബു നിര്‍വഹിക്കുന്നു. സ്റ്റാന്‍ലി ആന്റണി കഥയും തിരക്കഥയും സംഭാഷണവുമെഴുതുന്നു. അടുത്തിടെ ഹിറ്റായ ഏതാനും മനോഹരഗാനങ്ങളിലൂടെ മലയാളികളുടെ മനസ്സില്‍ ഇടം പിടിച്ച ഗാനരചയിതാവു കൂടിയായ സംഗീത സംവിധായകന്‍ കിരണ്‍ ജോസിന്റെ അഞ്ചാമത് സിനിമയാണ് ചോരന്‍. എഡിറ്റര്‍ മെന്റോസ് ആന്റണി. പ്രൊഡക്ഷന്‍ കണ്‍ട്രോളര്‍ നിജില്‍ ദിവാകരന്‍. പ്രൊജക്റ്റ് ഡിസൈനര്‍ സുനില്‍ മേനോന്‍. ചിട്ടയോടും കുട്ടായ്മയോടും കൂടി പ്രവര്‍ത്തിച്ചതാണ് കോവിഡ് നിയന്ത്രണങ്ങള്‍ക്കിടയിലും പ്ലാന്‍ ചെയ്തപോലെത്തന്നെ ചിത്രം പൂര്‍ത്തികരിക്കാന്‍ സഹായിച്ചതെന്നും ദൈവത്തിന്റെ നിയോഗംപോലെ സാന്റോ അന്തിക്കാടിലൂടെ നടപ്പിലായ ചോരന്‍ നന്മയുള്ള കള്ളന്റെ കാഴ്ചകള്‍ ഒപ്പിയെടുത്തത് തീര്‍ത്തും അത്ഭുതകരമായി സുംഭവിച്ചതാണെന്നും ഡോ പ്രവീണ്‍ റാണ പറഞ്ഞു.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Trending