Connect with us

Business

തട്ടുകടയിൽ നിന്നും തുടങ്ങി , കോടികൾ വിറ്റുവരവുള്ള ഹോട്ടൽ ശൃംഖലയുടെ ഉടമയായ പട്രീഷ്യ !

കഠിധ്വാനത്തിന്റെയും അചഞ്ചലമായ ഇച്ഛാശക്തിയുടെയും ഉത്തമദൃഷ്ടാന്തമാണ് പട്രീഷ്യയുടെ ജീവിതം

Published

on

0 0
Read Time:12 Minute, 16 Second

എണ്‍പതുകളുടെ തുടക്കത്തില്‍ ചെന്നൈയിലെ മറീന ബീച്ചില്‍ ഉന്തിക്കൊണ്ടു നടക്കുന്ന ഒരു വണ്ടിയില്‍ ചായ, കാപ്പി, ഉഴുന്നുവട, സമൂസ, ബജി, സിഗരറ്റ് എന്നിവയൊക്കെ വിറ്റു നടന്നിരുന്ന യുവതിയാണ് പട്രീഷ്യ നാരായണന്‍. 2010 ല്‍ എഫ്‌ഐസിസിഐ വുമണ്‍ ഓന്‍ട്രപ്രെണര്‍ പുരസ്‌കാര ജേതാവായി അവള്‍. മുപ്പതുവര്‍ഷം കൊണ്ട് കേവലം ഒരു തട്ടുവണ്ടിയില്‍ നിന്ന് ഇന്ത്യന്‍ വ്യവസായവിഹായസില്‍ ഉയര്‍ന്നു പൊന്തിയ നക്ഷത്രം!

ചെന്നൈയിലെ ബീച്ചിനടുത്തു താമസിച്ചിരുന്ന ഒരു യാഥാസ്ഥിതിക ക്രിസ്ത്യന്‍ കുടുംബത്തിലാണ് പട്രീഷ്യ ജനിച്ചത്. അന്നവര്‍ പട്രീഷ്യ തോമസായിരുന്നു. കാര്യങ്ങള്‍ നടത്തിക്കൊണ്ടുപോകാനുള്ള സാമര്‍ത്ഥ്യം. ഉത്തരവാദിത്വബോധം. സര്‍ക്കാരുദ്യോഗസ്ഥരായ മാതാപിതാക്കള്‍ മകളില്‍ വലിയൊരു ഭാവി കണ്ടു. പാചകത്തിലും അവര്‍ക്ക് പ്രത്യേക അഭിരുചിയുണ്ടായിരുന്നു.

Advertisement

പക്ഷേ ചെന്നൈയിലെ ക്വീന്‍സ് മേരി കോളേജില്‍ പഠിക്കുമ്പോള്‍ അവര്‍ ഒരു ബ്രാഹ്മണയുവാവുമായി സ്‌നേഹത്തിലായി. അച്ഛനും അമ്മയും എതിര്‍ത്തെങ്കിലും നാരായണനെ പിരിയാന്‍ അവര്‍ക്കു കഴിഞ്ഞില്ല. ഇരുവീട്ടുകാരുടെയും എതിര്‍പ്പുകളെ അവഗണിച്ച് പട്രീഷ്യ തന്നെക്കാള്‍ 13 വയസ് കൂടുതലുള്ള നാരായണനെ വിവാഹം ചെയ്തു. പക്ഷേ ഭര്‍ത്താവ് മദ്യത്തിനും മയക്കുമരുന്നിനും അടിമയാണെന്ന സത്യം വിവാഹാനന്തരമാണ് മനസ്സിലാക്കുന്നത്. എന്തു ചെയ്യാന്‍?

വീട്ടുകാരെ ധിക്കരിച്ച് ഇഷ്ടപ്പെട്ട പുരുഷനൊപ്പം ഇറങ്ങിത്തിരിച്ച അവര്‍ ഭര്‍ത്താവിനെ നേര്‍വഴിക്ക് കൊണ്ടു വരാന്‍ ആവുംവിധം പരിശ്രമിച്ചു. പക്ഷേ കഴിഞ്ഞില്ല. ഇതിനിടെ അവര്‍ രണ്ടു കുട്ടികളുടെ അമ്മയുമായി. ലഹരിയില്‍ തന്നെയും കുട്ടികളെയും ഭര്‍ത്താവ് അപകടപ്പെടുത്തുമെന്ന നിലവന്നപ്പോള്‍ അവര്‍ കുട്ടികളുടെ കൈയും പിടിച്ച് വീടുവിട്ടിറങ്ങി. എല്ലാം ക്ഷമിക്കുന്ന മാതാപിതാക്കളെത്തന്നെ അഭയം പ്രാപിച്ചു. മകളുടെ ദുര്‍വിധിയില്‍ മനം തകര്‍ന്ന അവര്‍ എല്ലാ പിണക്കങ്ങളും മറന്ന് പട്രീഷ്യക്കും കുട്ടികള്‍ക്കും അഭയം നല്‍കി.

ജീവിതചക്രം ഉരുളാന്‍ തുടങ്ങുന്നു

മാതാപിതാക്കള്‍ക്ക് താനൊരു ബാദ്ധ്യതയാകരുതെന്ന് മനസ്സില്‍ ഉറപ്പിച്ച പട്രീഷ്യ സ്വന്തമായി ഒരു തൊഴിലിനെക്കുറിച്ച് ആലോചിച്ചു. പാചകത്തില്‍ തനിക്കുള്ള നൈപുണ്യം ഉപയോഗപ്പെടുത്താന്‍ അവര്‍ തീരുമാനിച്ചു. അമ്മയുടെ കൈയില്‍ നിന്ന് 500 രൂപ കടം വാങ്ങി സൈക്കിള്‍ ടയറുകളില്‍ ഘടിപ്പിച്ച ഒരു ചെറിയ തട്ടു കട ഉണ്ടാക്കി. അതില്‍ ചായ, കാപ്പി, ജ്യൂസ്, സിഗരറ്റ് എന്നിവയുമായി മറീന ബീച്ചിലെത്തി. നാളെയെക്കുറിച്ചുള്ള ചിന്ത, ഓരോ ദിവസവും വിറ്റുകിട്ടുന്നതിന്റെ ഒരു ചെറിയ പങ്ക് അടുത്ത ദിവസത്തേക്കുള്ള നിക്ഷേപമാക്കാന്‍ അവരെ പ്രേരിപ്പിച്ചു.

പ്രഭാതം മുതല്‍ രാത്രി വൈകുവോളം തട്ടുകടയുമായി അവര്‍ ബീച്ചില്‍ കഴിഞ്ഞു. തന്റെ കുട്ടികള്‍ക്ക് ഒന്നിനും കുറവുണ്ടാകരുതെന്ന വാശിയാണ് അവരെ മുന്നോട്ടു നയിച്ചത്. ക്രമേണ കച്ചവടം പച്ചപിടിച്ചു തുടങ്ങി. വര്‍ഷങ്ങള്‍ കടന്നു. അവരുടെ കഠിനാധ്വാനവും ഉണ്ടാക്കുന്ന ഭക്ഷണസാധനങ്ങളുടെ രുചിയും തിരിച്ചറിഞ്ഞ, ചേരി നിര്‍മ്മാര്‍ജ്ജന ബോര്‍ഡ് ചെയര്‍മാന്‍ തങ്ങളുടെ ക്യാന്റീന്റെ ചുമതല പട്രീഷ്യയെ ഏല്പിച്ചു. ക്യാന്റീന്‍ വലിയ വിജയമായി.

കാറ്ററിംഗിന്റെ പുതിയ മേഖലകള്‍

രുചികരമായ ഭക്ഷണത്തോട് മനുഷ്യനുള്ള പ്രിയം പറയേണ്ടതില്ലല്ലോ? പട്രീഷ്യയുടെ കൈപ്പുണ്യവും നേതൃത്വപാടവവും മനസ്സിലാക്കി ബാങ്ക് ഓഫ് മധുരയുടെ അധികൃതര്‍, തങ്ങളുടെ വിപുലമായ ക്യാന്റിന്‍ നടത്താനുള്ള ഓഫറുമായി പട്രീഷ്യയെ സമീപിച്ചു. കൂടുതല്‍ സൗകര്യങ്ങളും വരുമാനവും വളര്‍ച്ചയ്ക്കുള്ള അവസരങ്ങളും ലഭിക്കുന്ന ആ ഓഫര്‍ സ്വീകരിക്കാന്‍ അവര്‍ മടിച്ചില്ല. ബാങ്ക് ഓഫ് മധുരയുടെ ക്യാന്റീന്‍ നടത്തിപ്പിന്റെ ചുമതല അവരേറ്റെടുത്തു.

തുടര്‍ന്ന കേന്ദ്രഗവണ്‍മെന്റ് നടത്തുന്ന നാഷണല്‍ പോര്‍ട്ട് മാനേജ്‌മെന്റ് ട്രെയിനിംഗ് സ്‌കൂളിലെ കാറ്ററിംഗ് കരാര്‍ ജോലിക്കാരിയായി. താമസത്തിന് ക്വാര്‍ട്ടേഴ്‌സും മറ്റ് സൗകര്യങ്ങളും. ആഴ്ചയില്‍ എണ്‍പതിനായിരത്തോളം രൂപയുടെ വരുമാനം. ആ ജോലി പട്രീഷ്യയുടെ ജീവിതവീക്ഷണത്തെ അടിമുടി മാറ്റി മറിച്ചു.

സ്വന്തം റെസ്റ്റോറന്റ്

ഇതിനകം മക്കളിരുവരും വിവാഹിതരായി. 1998 ല്‍ പ്രശസ്തമായ സംഗീത റെസ്റ്റോറന്റ് ഗ്രൂപ്പ്, പട്രീഷ്യയെ അവരുടെ ഡയറക്ടര്‍മാരില്‍ ഒരാളാക്കി പാര്‍ട്ണര്‍ഷിപ് അനുവദിച്ചു. എന്നാല്‍ ആയിടയ്ക്ക് മകള്‍ പ്രതിഭാ സാന്ദീപയും മരുമകനും ഒരു റോഡപകടത്തില്‍ മരിച്ചു. മറ്റൊരു ഹോട്ടലിന്റെ പാര്‍ട്ണറാകുന്നതിനു പകരം സഹോദരിയുടെ ഓര്‍മ്മ നിലനിര്‍ത്താനായി മകന്‍ പ്രവീണ്‍ രാജ്കുമാര്‍, സാന്ദീപ എന്ന പേരില്‍ സ്വന്തമായ റെസ്റ്റോറന്റ് ആരംഭിച്ചു. പാചകത്തിന്റെയും മാനേജ്‌മെന്റിന്റെയും ചുമതല പട്രീഷ്യ തന്നെ നേരിട്ട് ഏറ്റെടുത്തു.

1982 ല്‍ മെറീന ബീച്ചില്‍ ആദ്യമായി തട്ടുകടയുമായി പോയപ്പോള്‍ അവര്‍ക്ക് വില്‍ക്കാന്‍ കഴിഞ്ഞത് ഒരു ചായ മാത്രമാണ്. ആദ്യത്തെ വിറ്റുവരവ് കേവലം 50 പൈസ. 2012 ആയപ്പോള്‍ പട്രീഷ്യയുടെ സ്ഥാപനങ്ങളുടെ വിറ്റുവരവ് പ്രതിദിനം 2 ലക്ഷത്തോളം രൂപയായി. മകളുടെ ദുരന്തത്തില്‍ മനം നൊന്ത പട്രീഷ്യ അപകടത്തില്‍പ്പെട്ടവര്‍ക്കുവേണ്ടി ആംബുലന്‍സ് സര്‍വീസും ആരംഭിച്ചു. പണമുണ്ടായപ്പോഴും മദ്യത്തിന് അടിമപ്പെട്ട ഭര്‍ത്താവിനെ അവരുപേക്ഷിച്ചില്ല. അയാളെയും അയാളുടെ ബന്ധുജനങ്ങളെയും അവര്‍ സംരക്ഷിച്ചു.

ഇന്ന് 14 ഔട്ട്‌ലെറ്റുകളുള്ള സാന്ദീപ ചെയിന്‍ ഓഫ് റെസ്റ്റോറന്റ്‌സിന്റെ ഡയറക്ടറാണ് പട്രീഷ്യ നാരായണന്‍. വേളാച്ചേരിയിലെ ഒരു ഡ്യൂപ്ലെക്‌സ് അപ്പാര്‍ട്ട്‌മെന്റിലാണ് താമസം. പുറത്ത് പോര്‍ച്ചില്‍ വില കൂടിയ ലക്ഷ്വറി കാര്‍. 2010 ല്‍ അവരുടെ സംരംഭകത്വസാമാര്‍ത്ഥ്യം പരിഗണിച്ച് എഫ്‌ഐസിസിഐ വുമണ്‍ ഓന്‍ട്രപ്രെണര്‍ ഓഫ് ദ് ഇയര്‍ പുരസ്‌കാരം നല്‍കി ആദരിച്ചു.

പ്രതിസന്ധികളെ നേരിടുക

മറീന ബീച്ചില്‍ വെറുമൊരു തട്ടുകടയുമായി ജീവിതം ആരംഭിച്ച പട്രീഷ്യയുടെ വളര്‍ച്ചയുടെ കഥ വായിക്കുമ്പോള്‍ രോമഞ്ചമുണ്ടാകുന്നു, ഇല്ലേ? കഠിധ്വാനത്തിന്റെയും അചഞ്ചലമായ ഇച്ഛാശക്തിയുടെയും ഉത്തമദൃഷ്ടാന്തമാണ് പട്രീഷ്യയുടെ ജീവിതം.

പ്രതിസന്ധികളില്‍ തളരാതെ മുന്നേറാനുള്ള അഭിവാഞ്ഛ സ്ത്രീകളില്‍ സഹജമാണ്. അന്യജാതിയില്‍പ്പെട്ട യുവാവുമായുള്ള വിവാഹം, ഭര്‍ത്താവിന്റെ മദ്യപാനവും ദുഃശീലങ്ങളും, സാമ്പത്തികബുദ്ധിമുട്ടുകള്‍, ഭര്‍ത്താവില്‍നിന്നുള്ള ശാരീരികവും മാനസികവുമായ പീഡനം, കുട്ടികളെ വളര്‍ത്തല്‍ എന്നിങ്ങനെ എന്തെല്ലാം പ്രതിസന്ധികള്‍. പക്ഷേ ഉയര്‍ന്ന ജീവിതവിജയം എന്ന ലക്ഷ്യം എല്ലാ പ്രതിസന്ധികളെയും നേരിടാനുള്ള ശക്തി അവര്‍ക്കു നല്‍കി. ലക്ഷ്യത്തിലേക്ക് മനസ് ഏകാഗ്രമാക്കിയപ്പോള്‍ അത് നേടുന്നതിനുള്ള മാര്‍ഗ്ഗങ്ങളും ഒന്നൊന്നായി അവരുടെ മുന്നില്‍ തെളിഞ്ഞു വന്നു. ഒടുവില്‍ തനിക്കു വേണ്ടി ഈ ലോകം കരുതിവച്ചത് അവര്‍ കരസ്ഥമാക്കുക തന്നെ ചെയ്തു.

കൈവരുന്ന അവസരങ്ങള്‍ ബാലിശമായ കാരണങ്ങള്‍ പറഞ്ഞ് ഉപേക്ഷിച്ച് എങ്ങുമെത്താതെ പോകുന്നവരുടെ ലോകത്ത് പട്രീഷ്യ നാരായണന്‍ ഒരു ഒറ്റപ്പെട്ട മാതൃകയാണ്. ദൃഢനിശ്ചയത്തോടെ പ്രതിസന്ധികളെ നേരിടാന്‍ കാട്ടിയ ധൈര്യമാണ് അവരുടെ വിജയത്തിന്റെ ആണിക്കല്ല്.

നിറഞ്ഞ സമ്പത്ത് ഒഴുകിയെത്താന്‍

സമ്പത്തുള്‍പ്പടെയുള്ള എല്ലാ വിജയങ്ങളും എല്ലാവര്‍ക്കും വേണ്ടി എവിടെയോ കരുതിവച്ചിട്ടുണ്ട്. ‘നിങ്ങള്‍ക്ക് സങ്കല്‍പ്പിക്കാന്‍ കഴിയുന്നതിനുപ്പറത്തുള്ള കാര്യങ്ങളാണ് ദൈവം നിങ്ങള്‍ക്ക് വേണ്ടി കരുതിവച്ചിരിക്കുന്നത്’ എന്ന് ഓപ്ര വിന്‍ഫ്രി പറഞ്ഞതോര്‍ക്കുന്നു. യഥാര്‍ത്ഥത്തില്‍ നിങ്ങളുടെ അഭിവൃദ്ധി പ്രപഞ്ചശക്തി ആഗ്രഹിക്കുന്നുണ്ട്. ആ ശക്തിയില്‍ വിശ്വസിക്കുക. അഭിവൃദ്ധിക്കായി നിങ്ങളുടെ കഴിവുകള്‍ പരമാവധി ഉപയോഗപ്പെടുത്തുക.

സമ്പത്തിന് നൈസര്‍ഗികമായ ചില നിയമങ്ങളുണ്ട്. നിങ്ങള്‍ക്ക് സാമ്പത്തികപ്രതിസന്ധികള്‍ ഉണ്ടാകുന്നത് നിങ്ങള്‍ സ്വന്തം നിയമം സമ്പത്തിന് മേല്‍ അടിച്ചേല്‍പ്പിക്കുമ്പോഴാണ്. ഓര്‍ക്കുക, നിങ്ങളുടെ അഭിവൃദ്ധി ആഗ്രഹിക്കുന്ന പ്രപഞ്ചശക്തിയാണ് സമ്പത്ത് നിങ്ങള്‍ക്ക് നല്‍കുന്നത്. കിട്ടുന്ന ഓരോ നാണയത്തിനും പ്രപഞ്ചശക്തിയോട് നന്ദി പ്രകടിപ്പിക്കുക.

നിറഞ്ഞ സമ്പത്ത് എന്നിലേക്ക് നിലയ്ക്കാതെ ഒഴുകട്ടെ എന്ന് ആഗ്രഹിക്കുകയും അങ്ങനെ ഒഴുകുമെന്ന് വിശ്വസിക്കുകയും ചെയ്യുക. ഇത്തരം ചിന്തകളാല്‍ സമ്പുഷ്ടമായ മനസില്‍ സമ്പത്തിന്റെ അനേകം ഫലവൃക്ഷങ്ങള്‍ മുളച്ചു വരും. അവ പരിപോഷിപ്പിച്ച് അവയില്‍ നിന്ന് ധനം കൊയ്‌തെടുക്കുക.

കടപ്പാട് : പി പി വിജയൻ

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Advertisement

Business

ആല്‍ഫ പാലിയേറ്റീവ് കെയര്‍ ദുരന്തനിവാരണ സാന്ത്വന സേനയുടെ ഉദ്ഘാടനവും അവാര്‍ഡ് വിതരണവും

ആല്‍ഫ പാലിയേറ്റീവ് കെയറിന്റെ 18 കേന്ദ്രങ്ങളിലെയും സന്നദ്ധ പ്രവര്‍ത്തകരെയും സ്റ്റാഫംഗങ്ങളെയും ഉള്‍പ്പെടുത്തി രൂപീകരിച്ച സേനയുടെ ഉദ്ഘാടനം ചാവക്കാട് തഹസില്‍ദാര്‍ (ഭൂരേഖ) ഉഷാകുമാരി നിര്‍വഹിച്ചു

Published

on

0 0
Read Time:4 Minute, 23 Second

കേരളം നേരിടുന്ന പാരിസ്ഥിതിക ദുരന്തങ്ങള്‍ പരിഗണിച്ച് സമൂഹത്തില്‍ ഏറ്റവും അവശതയനുഭവിക്കുന്ന കിടപ്പിലായ രോഗികളെയും കുടുംബങ്ങളെയും സഹായിക്കുവാനായി ‘ദുരന്തനിവാരണ സാന്ത്വന സേനയ്ക്ക്’ തുടക്കമായി. ആല്‍ഫ പാലിയേറ്റീവ് കെയറിന്റെ 18 കേന്ദ്രങ്ങളിലെയും സന്നദ്ധ പ്രവര്‍ത്തകരെയും സ്റ്റാഫംഗങ്ങളെയും ഉള്‍പ്പെടുത്തി രൂപീകരിച്ച സേനയുടെ ഉദ്ഘാടനം ചാവക്കാട് തഹസില്‍ദാര്‍ (ഭൂരേഖ) ഉഷാകുമാരി നിര്‍വഹിച്ചു. സാന്ത്വനമെന്ന വാക്കും അതിന്റെ വിലയും തീക്ഷ്ണതയും മനസ്സിലാക്കാന്‍ അത്തരമൊരവസ്ഥയില്‍കൂടി കടന്നുപോയവര്‍ക്കു മാത്രമേ കഴിയൂവെന്ന് സ്വന്തം അനുഭവങ്ങള്‍ വിശദീകരിച്ച് ഉദ്ഘാടക വിവരിച്ചത് ചടങ്ങിന് വ്യത്യസ്ത അനുഭവമായി.

ആല്‍ഫ ഓഡിറ്റോറിയത്തില്‍ നടത്തിയ യോഗത്തില്‍ പാലിയേറ്റീവ് കെയര്‍ പരിശീലന പരിപാടിയില്‍ മികച്ച പ്രകടനം കാഴ്ചവച്ച സ്റ്റാഫിനും വളണ്ടിയര്‍മാര്‍ക്കുമുള്ള അവാര്‍ഡുകളും സ്റ്റാന്‍ഫോര്‍ഡ് മെഡിസിന്‍, ടാറ്റാ ട്രസ്റ്റ്, നാഷണല്‍ കാന്‍സര്‍ കണ്‍ട്രോള്‍ പ്രോഗ്രാം, എക്വിപ് ഇന്ത്യ എന്നിവര്‍ സംയുക്തമായി നടത്തിയ ക്വാളിറ്റി ഇംപ്രൂവ്‌മെന്റ് പ്രോഗ്രാമില്‍ പങ്കെടുത്ത ആല്‍ഫ ടീമിനുള്ള സര്‍ട്ടിഫിക്കറ്റുകളും പാലിയേറ്റീവ് കെയര്‍ നഴ്‌സിംഗ് പരിശീലനം പൂര്‍ത്തിയാക്കിയവര്‍ക്കുള്ള സര്‍ട്ടിഫിക്കറ്റുകളും തഹസില്‍ദാര്‍ വിതരണം ചെയ്തു.

Advertisement

ദുരന്തനിവാരണ സാന്ത്വന സേനയ്ക്കു കീഴില്‍ വിദ്യാര്‍ത്ഥികളും പൊതുജനങ്ങളുമടക്കമുള്ളവരെ അണിനിരത്തിയും പരിശീലനം നല്‍കിയും വിപുലപ്പെടുത്താനാണ് ആല്‍ഫ ഉദ്ദേശിക്കുന്നതെന്ന് അധ്യക്ഷത വഹിച്ചു സംസാരിച്ച ആല്‍ഫ പാലിയേറ്റീവ് കെയര്‍ ചെയര്‍മാന്‍ അറിയിച്ചു. അതിനായി സ്റ്റുഡന്റ്‌സ് അസോസിയേഷന്‍ ഓഫ് പാലിയേറ്റീവ് കെയറുമായി ചേര്‍ന്ന് പദ്ധതി രൂപീകരിക്കും. നിലവില്‍ ഓരോ സെന്ററിലെയും 11 പേരെ ഉള്‍പ്പെടുത്തിയാണ് സേനയ്ക്കു രൂപം നല്‍കിയിട്ടുള്ളത്. ഇവര്‍ ദുരന്ത സാഹചര്യങ്ങളില്‍ വീടുകളില്‍നിന്ന് അഭയകേന്ദ്രങ്ങളിലേക്കു മാറ്റേണ്ടവരെ നേരത്തെ കണ്ടെത്തുകയും ഒട്ടും വൈകാതെ സഹായങ്ങള്‍ നല്‍കുകയും ചെയ്യും. ഓരോ സെന്ററും ചുരുങ്ങിയത് 5 രോഗികളെയെങ്കിലും പാര്‍പ്പിക്കാവുന്ന രീതിയില്‍ ഒരുങ്ങുകയും ഒപ്പം ക്യാമ്പുകളിലോ വീടുകളിലോ കഴിയുന്ന പാലിയേറ്റീവ് പരിചരണം വേണ്ടവര്‍ക്ക് അത് ലഭ്യമാക്കുകയും ചെയ്യും. കൂടാതെ ആല്‍ഫ ഡയാലിസിസ് സെന്റര്‍ കൂടുതല്‍ ഷിഫ്റ്റുകള്‍ പ്രവര്‍ത്തിപ്പിച്ച് കുറഞ്ഞത് ദിനംപ്രതി 20 അധിക ഡയാലിസിസ് ചെയ്യുമെന്നും ചെയര്‍മാന്‍ പറഞ്ഞു.

ആല്‍ഫ പാലിയേറ്റീവ് കെയര്‍ ഗവേണിംഗ് കൗണ്‍സില്‍ അംഗം കെ.എ.കദീജാബി സ്വാഗതം പറഞ്ഞ യോഗത്തില്‍ ആല്‍ഫ മെഡിക്കല്‍ ഹെഡ് ഡോ. ജോസ് ബാബു, കമ്യൂണിറ്റി ഡയറക്ടര്‍ സുരേഷ് ശ്രീധരന്‍, ട്രസ്റ്റി രവി കണ്ണമ്പിള്ളില്‍, ഗവേണിംഗ് കൗണ്‍സില്‍ അംഗം വി.ജെ.തോംസണ്‍്, എസ്.എ.പി.സി. ചീഫ് പ്രോജക്ട് കോ ഓര്‍ഡിനേറ്റര്‍ വീനസ് തെക്കല തുടങ്ങിയവര്‍ ആശംസകള്‍ നേര്‍ന്നു. ചീഫ് ഫിസിയോതെറാപ്പിസ്റ്റ് സി.കെ.സനൂപ് നന്ദി പറഞ്ഞു.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Business

യുഎഇയിലേയ്ക്കുള്ള സ്പൈസസ് കയറ്റുമതി വര്‍ധിപ്പിക്കാന്‍ ലക്ഷ്യമിട്ട് ബയര്‍-സെല്ലര്‍ സംഗമം

അബുദബി ഇന്ത്യന്‍ എംബസിയിലെ ഡെപ്യൂട്ടി ചീഫ് ഓഫ് മിഷന്‍ സന്ദീപ് കുമാര്‍ ബയ്യപ്പു ഉദ്ഘാടനം ചെയ്തു. ഇന്ത്യയില്‍ നിന്നുള്ള 250-ലേറെ കയറ്റുമതി സ്ഥാപനങ്ങളും ഗള്‍ഫ് മേഖലയില്‍ നിന്നുള്ള 40-ഓളം ഇറക്കുമതി സ്ഥാപനങ്ങളും പങ്കെടുത്തു

Published

on

0 0
Read Time:4 Minute, 6 Second

യുഎഇയിലേയ്ക്കും മറ്റ് ഗള്‍ഫ് രാജ്യങ്ങളിലേയ്ക്കുമുള്ള സുഗന്ധവ്യഞ്ജന കയറ്റുമതി വര്‍ധിപ്പിക്കാന്‍ ലക്ഷ്യമിട്ട് സ്പൈസസ് ബോര്‍ഡും അബുദബിയിലെ ഇന്ത്യന്‍ എംബസിയും ആഗോള ബയര്‍-സെല്ലര്‍ സംഗമം നടത്തി. അബുദബി ഇന്ത്യന്‍ എംബസിയിലെ ഡെപ്യൂട്ടി ചീഫ് ഓഫ് മിഷന്‍ സന്ദീപ് കുമാര്‍ ബയ്യപ്പു ഉദ്ഘാടനം ചെയ്തു. ഇന്ത്യയില്‍ നിന്നുള്ള 250-ലേറെ കയറ്റുമതി സ്ഥാപനങ്ങളും ഗള്‍ഫ് മേഖലയില്‍ നിന്നുള്ള 40-ഓളം ഇറക്കുമതി സ്ഥാപനങ്ങളും പങ്കെടുത്തു.

ഇന്ത്യയില്‍ നിന്നുള്ള സുഗന്ധവ്യഞ്ജനങ്ങളുടെ ഒരു വലിയ ഇറക്കുമതി രാജ്യമാണെന്നതിനു പുറമെ യൂറോപ്യന്‍, ആഫ്രിക്കന്‍ വിപണികളിലേയ്ക്കുള്ള വാതായനം കൂടിയാണെന്ന് ഉദ്ഘാടന പ്രസംഗത്തില്‍ സന്ദീപ് കുമാര്‍ ബയ്യപ്പു പറഞ്ഞു. ഇന്ത്യയും യുഎഇയും തമ്മിലുള്ള വാണിജ്യ, സാംസ്‌കാരിക ബന്ധങ്ങള്‍ പുരാതനകാലം മുതല്‍ ഉള്ളതാണെന്ന് കേന്ദ്ര വാണിജ്യ മന്ത്രാലയത്തിലെ പ്ലാന്റേഷന്‍ ജോയിന്റ് സെക്രട്ടറി ദിവാകര്‍ നാഥ് മിശ്ര പറഞ്ഞു. കോവിഡിനു ശേഷം രോഗപ്രതിരോധശേഷി വര്‍ധിപ്പിക്കുന്ന ഘടകങ്ങള്‍ എന്ന നിലയില്‍ സുഗന്ധവ്യഞ്ജനങ്ങളുടെ കയറ്റുമതി വര്‍ധിക്കുന്നതിലേയ്ക്കും അദ്ദേഹം വിരല്‍ ചൂണ്ടി. കോവിഡ് സമയത്ത് കയറ്റുമതി വര്‍ധിപ്പിക്കുന്നതിന് ലക്ഷ്യമിട്ട് സ്പൈസസ് ബോര്‍ഡ് തുടര്‍ച്ചയായി ബയര്‍-സെല്ലര്‍ സംഗമങ്ങള്‍ സംഘടിപ്പിച്ചു വരികയാണെന്ന് സ്പൈസസ് ബോര്‍ഡ് സെക്രട്ടറി ഡി. സത്യന്‍ പറഞ്ഞു.

Advertisement

യുഎഇയിലേയ്ക്കുള്ള സുഗന്ധവ്യഞ്ജന, ഭക്ഷ്യോല്‍പ്പന്ന കയറ്റുമതിയില്‍ ശ്രദ്ധിക്കേണ്ട കാര്യങ്ങളെപ്പറ്റി ദുബായ് മുനിസിപ്പാലിറ്റി സീനിയര്‍ ഫുഡ് ഹൈജീന്‍ ഓഫീസര്‍ ഹസ്സ അല്‍ സുമൈതി സംസാരിച്ചു.

ഇന്ത്യന്‍ സുഗന്ധ വ്യഞ്ജനങ്ങളുടെ ഇറക്കുമതിയില്‍ നാലാം സ്ഥാനമാണ് ലോകരാഷ്ട്രങ്ങള്‍ക്കിടിയില്‍ യുഎഇക്കുള്ളത്. 2020-21 വര്‍ഷം 220 മില്യണ്‍ ഡോളര്‍ മതിയ്ക്കുന്ന 1,14,400 ടണ്‍ സ്പൈസസാണ് ഇന്ത്യ യുഎഇയിലേയ്ക്ക് കയറ്റുമതി ചെയ്തത്. ഇന്ത്യയുടെ മൊത്തം സ്പൈസസ് കയറ്റുമതിയുടെ മൂല്യത്തിന്റെ 5%വും അളവിന്റെ 6%വും വരും ഇത്. 2020-21 വര്‍ഷം ഇന്ത്യയുടെ മൊത്തം സ്പൈസസ് കയറ്റുമതി 4178.81 ദശലക്ഷം ഡോളറായിരുന്നു. 17,58,985 ടണ്‍ സ്പൈസസാണ് ഇക്കാലയളവില്‍ കയറ്റുമതി ചെയ്യപ്പെട്ടത്. മൂല്യത്തില്‍ 4 ബില്യണ്‍ ഡോളര്‍ എന്ന നാഴികക്കല്ലും അതാദ്യമായി ഇന്ത്യന്‍ സ്പൈസസ് കയറ്റുമതി പിന്നിടുകയുണ്ടായി. കോവിഡുണ്ടായിട്ടും അളവില്‍ കഴിഞ്ഞ വര്‍ഷത്തെ അപേക്ഷിച്ച് 37%വും രൂപയില്‍ 16%വും ഡോളറില്‍ 11%വും വര്‍ധന.

മുളക്, ജീരകം, ജാതി, ഏലം, മഞ്ഞള്‍, തുടങ്ങിയ സുഗന്ധവ്യഞ്ജനങ്ങള്‍ക്കാണ് യുഎഇയില്‍ നിന്ന് ഏറ്റവും ഡിമാന്‍ഡുള്ളത്. സുസ്ഥാപിതമായ കയറ്റുമതി ബന്ധവും വളര്‍ച്ചാസാധ്യതകളും റീഎക്സ്പോര്‍ട് ഹബ് എന്ന നിലയും പരിഗണിക്കുമ്പോള്‍ ഇന്ത്യന്‍ സുഗന്ധവ്യഞ്ജനങ്ങളെ സംബന്ധിച്ചിടത്തോളം യുഎഇ ഏറെ പ്രധാനപ്പെട്ട വിപണിയാണെന്നും സംഗമം വിലയിരുത്തി.

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Business

ഹെല്‍ത്ത്, ബ്യൂട്ടി, വെല്‍നെസ് എക്സ്പോ ഒക്ടോ. 21 മുതല്‍ 23 വരെ ഓണ്‍ലൈനില്‍

ആയുര്‍വേദം, യോഗ, ധ്യാനം, അക്യുപങ്ചര്‍, നാച്വറോപ്പതി, പഞ്ചകര്‍മ, ഹോളിസ്റ്റിക് ചികിത്സകള്‍ തുടങ്ങിയ മേഖലകളിലുള്ള കേരളത്തിലെ സ്ഥാപനങ്ങള്‍ക്കും ഇവരുടെ ഉല്‍പ്പന്നങ്ങളും സേവനങ്ങളും അന്വേഷിക്കുന്ന ലോകമെമ്പാടുമുള്ള ടൂര്‍ ഓപ്പറേറ്റര്‍മാര്‍ ഉള്‍പ്പെടെയുള്ള സ്ഥാപനങ്ങള്‍ക്കും മേള ഏറെ ഗുണകരമാകും

Published

on

0 0
Read Time:6 Minute, 28 Second

ഹോട്ടല്‍ടെക്, ഫുഡ്ടെക്, ഇന്ത്യാ ബോട്ട് ആന്‍ഡ് മറൈന്‍ ഷോ തുടങ്ങിയ പ്രമുഖ ബി2ബി മേളകളുടെ സംഘാടകരായ ക്രൂസ് എക്സ്പോസ് കേരളത്തിലെ ആയുര്‍വേദ, ആയുഷ് മേഖലയ്ക്കായി സംഘടിപ്പിക്കുന്ന ഹെല്‍ത്ത്, ബ്യൂട്ടി ആന്‍ഡ് വെല്‍നസ് 2021 എക്സ്പോ ഒക്ടോബര്‍ 21 മുതല്‍ 23 വരെ ഓണ്‍ലൈനില്‍ നടക്കുമെന്ന് എറണാകുളം പ്രസ് ക്ലബില്‍ നടന്ന വാര്‍ത്താസമ്മേളനത്തില്‍ സംഘാടകര്‍ അറിയിച്ചു. ഈ മേഖലയില്‍ ചികിത്സാസേവനങ്ങളൊരുക്കുന്നവര്‍, പ്രകൃതിദത്തമായ സൗന്ദര്യവര്‍ധക ഉല്‍പ്പന്നങ്ങളുടെ ഉല്‍പ്പാദകര്‍, വെല്‍നസ് സേവനദാതാക്കള്‍, ഉല്‍പ്പാദകര്‍ തുടങ്ങിയ 32-ലേറെ സ്ഥാപനങ്ങള്‍ മേളയില്‍ പങ്കെടുക്കുമെന്ന് സംഘാടകരായ ക്രൂസ് എക്സ്പോസ് ഡയറക്ടര്‍ ജോസഫ് കുര്യാക്കോസ് പറഞ്ഞു.

കോവിഡ് ഭീഷണിയെ അതിജീവിച്ച വിപണികള്‍ ക്രമേണ പൂര്‍വസ്ഥിതി പ്രാപിയ്ക്കുന്നതിന്റെ പശ്ചാത്തലത്തില്‍ സാങ്കേതികവിദ്യയുടെ പുത്തന്‍ സാധ്യതകള്‍ ഉപയോഗപ്പെടുത്തി നടത്തുന്ന മേളയാകും ഹെല്‍ത്ത്, ബ്യൂട്ടി ആന്‍ഡ് വെല്‍നസ് 2021 എക്സ്പോ. കഴിഞ്ഞ വര്‍ഷം ഒക്ടോബറില്‍ അഗ്രി-ബിസിനസ് എക്സ്പോ, ഇക്കഴിഞ്ഞ ഓഗസ്റ്റില്‍ 11-ാമത് ഫുഡ്ടെക് മേള, ഫെബ്രുവരിയിലെ ഇന്ത്യാ ബോട്ട് ആന്‍ഡ് മറൈന്‍ ഷോ എന്നിവ ഓണ്‍ലൈനായി നടത്തിയപ്പോള്‍ ലഭിച്ച ആവേശകരമായ പ്രതികരണമാണ് ഹെല്‍ത്ത്, ബ്യൂട്ടി, വെല്‍നെസ് എക്സ്പോ സംഘടിപ്പിക്കാന്‍ പ്രേരണയായതെന്നും ജോസഫ് കുര്യാക്കോസ് കൂട്ടിച്ചേര്‍ത്തു.

Advertisement

കേരള ബ്യൂറോ ഓഫ് ഇന്‍ഡസ്ട്രിയല്‍ പ്രൊമോഷന്‍ (കെ-ബിപ്), കോക്കനട്ട് ഡെവലപ്മെന്റ് ബോര്‍ഡ്, ആയുര്‍വേദ ഡ്രഗ് മാനുഫാക്ചറേഴ്സ് അസോസിയോഷന്‍ (എഡിഎംഎ), ഇന്തോ-അമേരിക്കന്‍ ചേംബര്‍ ഓഫ് കോമേഴ്സ് (ഐഎസിസി) തുടങ്ങിയ സ്ഥാപനങ്ങളും അംഗീകാരവും പിന്തുണയും എക്സ്പോയ്ക്കുണ്ട്.

സംസ്ഥാനത്തെ ചെറുകിട-ഇടത്തരം മേഖലകളില്‍ നിന്നുള്ള 20 യൂണിറ്റുകളും എസ് സി/എസ്ടി മേഖലയില്‍ നിന്നുള്ള 3 യൂണിറ്റുകളുമുള്‍പ്പെടെയുള്ള സ്ഥാപനങ്ങള്‍ അണിനിരക്കുന്നതും സംസ്ഥാന വ്യവസായ വകുപ്പ് സ്പോണ്‍സര്‍ ചെയ്യുന്നതുമായ കേരള ഇന്‍ഡസ്ട്രിയല്‍ പവലിയനാകും മേളയുടെ മുഖ്യആകര്‍ഷണം. ഇവയ്ക്കു പുറമെ നാളികേരം അടിസ്ഥാനമായ ഹെല്‍ത്ത്, ബ്യൂട്ടി, വെല്‍നസ് ഉല്‍പ്പന്നങ്ങള്‍ നിര്‍മിക്കുന്ന സ്ഥാപനങ്ങളെ അവതരിപ്പിക്കുന്ന സിഡിബി പവലിയനുമായി കോക്കനട്ട് ഡെവലപ്മെന്റ് ബോര്‍ഡും മേളയില്‍ പങ്കെടുക്കും.

ഇവയ്ക്കു പുറമെ സ്വകാര്യമേഖലയില്‍ നിന്ന് ആയുര്‍വേദ ചികിത്സാകേന്ദ്രങ്ങള്‍, ഔഷധനിര്‍മാതാക്കള്‍, വെല്‍നസ് ഉല്‍പ്പന്ന നിര്‍മാതാക്കള്‍ തുടങ്ങിയവയും മേളയില്‍ പങ്കെടുക്കും. മുന്‍ മേളകളിലേതുപോലെ ഇന്ത്യ, ഗള്‍ഫ് രാജ്യങ്ങള്‍, അമേരിക്ക, യൂറോപ്പ്, റഷ്യ ഉള്‍പ്പെടുന്ന സിഐഎസ് രാജ്യങ്ങള്‍ എന്നിവിടങ്ങളില്‍ നിന്നായി ആയിരക്കണക്കിന് ബിസിനസ് സന്ദര്‍ശകര്‍ മേളയ്ക്കെത്തുമെന്നാണ് സംഘാടകരുടെ പ്രതീക്ഷ. രാവിലെ 10-30 മുതല്‍ വൈകീട്ട് 6-30 വരെയാകും പ്രദര്‍ശന സമയം.

സമീപഭാവിയില്‍ ഇന്ത്യന്‍ ടൂറിസത്തിന് വന്‍വളര്‍ച്ചയേകുമെന്ന് കണക്കാക്കപ്പെടുന്ന വെല്‍നസ് ടൂറിസം മേഖലയ്ക്ക് എക്സ്പോ ഊന്നല്‍ നല്‍കുമെന്നും ജോസഫ് കുര്യാക്കോസ് പറഞ്ഞു. ഈ രംഗത്തെ നൂതന പ്രവണതകളും പരിഷ്‌കൃത സാങ്കേതികവിദ്യകളും മേള പരിചയപ്പെടുത്തും. പുതിയ ഉല്‍പ്പന്നങ്ങളുടെ അവതരണം, സേവനങ്ങളുടെ ഡെമോണ്‍സട്രേഷനുകള്‍, നെറ്റ് വര്‍ക്കിംഗ് മീറ്റിംഗുകള്‍ എന്നിവയും മേളയുടെ ഭാഗമായി നടക്കും. ഇന്ത്യന്‍ വെല്‍നസ് മേഖലയുടെ പ്രധാന കേന്ദ്രമെന്ന നിലയില്‍ കേരളത്തിനും കേരളത്തിലെ ഈ രംഗത്തുള്ള സ്ഥാപനങ്ങള്‍ക്കും മേള ഏറെ ഉപകാരപ്പെടുമെന്നും അദ്ദേഹം പറഞ്ഞു. ആയുര്‍വേദം, യോഗ, ധ്യാനം, അക്യുപങ്ചര്‍, നാച്വറോപ്പതി, പഞ്ചകര്‍മ, ഹോളിസ്റ്റിക് ചികിത്സകള്‍ തുടങ്ങിയ മേഖലകളിലുള്ള കേരളത്തിലെ സ്ഥാപനങ്ങള്‍ക്കും ഇവരുടെ ഉല്‍പ്പന്നങ്ങളും സേവനങ്ങളും അന്വേഷിക്കുന്ന ലോകമെമ്പാടുമുള്ള ടൂര്‍ ഓപ്പറേറ്റര്‍മാര്‍ ഉള്‍പ്പെടെയുള്ള സ്ഥാപനങ്ങള്‍ക്കും മേള ഏറെ ഗുണകരമാകും.

ഓണ്‍ലൈന്‍ രജിസ്ട്രേഷന്: https://healthbeautyexp.floor.bz/cast/login

കഴിഞ്ഞ 15 വര്‍ഷമായി എക്സ്പോ സംഘാടകരംഗത്തു പ്രവര്‍ത്തിക്കുന്ന ക്രൂസ് എക്സ്പോസ് ഫുഡ്ടെക്, ഹോട്ടല്‍ടെക് കേരള മേളകളിലൂടെയാണ് ഏറെ പ്രശസ്തിയാര്‍ജിച്ചത്.

ഏഴക്കരനാട് രസായന ആയുര്‍വേദ സെന്റര്‍ പാര്‍ട്ണര്‍ ശ്രീരാജ് നായര്‍, ബോധിന മാനേജിംഗ് ഡയറക്ടര്‍ ബോബി കിഴക്കേത്തറ, അസി. ജനറല്‍ മാനേജര്‍ ഡോ. നായര്‍ അശ്വതി ഉണ്ണിക്കൃഷ്ണന്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.

വിവരങ്ങള്‍ക്ക്

Cruz Expos
Chingam, K. P. Vallon Road, Kadavanthra, Kochi – 682 020. India
Mob: +91 8893304450
E-mail: joseph@cruzexpos.comevent@cruzexpos.com
www.cruzexpos.com

About Post Author

Media Ink

Media Ink is a digitally native news website in Malayalam language
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Continue Reading

Trending