Connect with us

Kerala

നവസമൂഹ സൃഷ്ടിക്കായി വേദവഴിയിലൂടെ ഒരാചാര്യന്‍

വേദങ്ങളിലെ മാനവികതയിലൂന്നിയ ദര്‍ശനങ്ങള്‍ ആയുധമാക്കിയാണ് അദ്ദേഹത്തിന്റെ മുന്നേറ്റം

Avatar

Published

on

2017 ഒക്ടോബര്‍മാസമാദ്യം തിരുവല്ലയ്ക്കടുത്തുള്ള മണപ്പുറം ശിവക്ഷേത്രത്തില്‍ യദുകൃഷ്ണന്‍ എന്ന യുവാവ് മേല്‍ശാന്തിയായി ചുമതലയേറ്റു. ദളിത് വിഭാഗത്തില്‍പെട്ട ഒരാള്‍ ക്ഷേത്രപൂജാരിയായി നിയമിക്കപ്പെടുന്നത് കേരളത്തിന്റെ ചരിത്രത്തില്‍ ആദ്യത്തെ സംഭവമാണ്.

യദുകൃഷ്ണനെ കൂടാതെ തിരുവിതാംകൂര്‍ ദേവസ്വം ബോര്‍ഡിനു കീഴിലുള്ള ക്ഷേത്രങ്ങളില്‍ 35 അബ്രാഹ്മണരെകൂടി പൂജാരികളായി നിയമിക്കാന്‍ പോവുകയാണ്. അതില്‍ അഞ്ചുപേര്‍ ദളിതരാണ്.

Advertisement

കേരളത്തിലെ ആദ്ധ്യാത്മിക നവോത്ഥാനത്തില്‍ വലിയൊരു ചുവടുവെപ്പായിട്ടാണ് ദേവസ്വംബോര്‍ഡിന്റെ നടപടിയെ മാധ്യമലോകം വാഴ്ത്തിയത്. 1936ല്‍ ക്ഷേത്രപ്രവേശന വിളംബരം നടന്നെങ്കിലും ഇപ്പോഴാണ് യഥാര്‍ഥത്തില്‍ നവോത്ഥാനം ഉണ്ടായതെന്ന രീതിയില്‍ ഇതേസംബന്ധിച്ച് ചില പത്രങ്ങള്‍ സചിത്രഫീച്ചറുകള്‍ പ്രസിദ്ധീകരിച്ചു കഴിഞ്ഞു.

ക്ഷേത്രപ്രവേശന വിളംബരവും അതേത്തുടര്‍ന്ന് തൊട്ടുകൂടാത്തവര്‍ക്കും തീണ്ടികൂടാത്തവര്‍ക്കും ആരാധനാലയങ്ങളിലേക്ക് പ്രവേശനം അനുവദിച്ചതും ഇപ്പോള്‍ ഒരു ദളിത് യുവാവിനെ ക്ഷേത്രപൂജാരിയായി നിയമിച്ചതും എല്ലാം തിളങ്ങുന്ന അദ്ധ്യായങ്ങള്‍തന്നെ. ഒരു സംശയവുമില്ല. പക്ഷേ…?

നവോത്ഥാനം എന്നത് മഹത്തരമായൊരു വാക്കും ആശയവുമാണ്. ഉദാത്തമായ ആദര്‍ശങ്ങളെ നെഞ്ചിലേറ്റി സമൂഹത്തില്‍നിന്ന് അന്തവിശ്വാസങ്ങളെയും അനാചാരങ്ങളെയും പ്രതിലോമാത്മകമായ ചിന്തകളെയും വിപത്തിന്റെ മറ്റു ലക്ഷണങ്ങളെയും തൂത്തെറിഞ്ഞാണ് ലോകത്തെവിടെയും നവോത്ഥാനം സാധ്യമായിട്ടുള്ളത്. അതിനുവേണ്ടി സ്വാര്‍ഥതയില്ലാതെ, വിശ്രമമില്ലാതെ പ്രയത്‌നിച്ച മഹദ്വ്യക്തികളെ സാമൂഹ്യപരിഷ്‌കര്‍ത്താക്കള്‍, നവോത്ഥാനനായകര്‍ എന്നൊക്കെ വിളിക്കാറുണ്ട്.

ക്രാന്തദര്‍ശിത്വത്തോടെ കാലത്തിനു മുമ്പേ നടന്നവരായിരിക്കും അവര്‍.
അത്തരമൊരു നവോത്ഥാനത്തിന് പാരമ്പര്യ ബ്രാഹ്മണകുലത്തില്‍ ജനിച്ച സാധാരണക്കാരനായ ഒരു യുവ വേദപണ്ഡിതന്‍ 15 വര്‍ഷങ്ങള്‍ക്കുമുമ്പ് ഉത്തര കേരളത്തില്‍ തുടക്കം കുറിച്ചിരുന്നു. അദ്ദേഹം ഒരു പത്രപ്രവര്‍ത്തകന്‍ കൂടിയായിരുന്നു. ആചാര്യശ്രീ രാജേഷ് എന്നാണ് അദ്ദേഹത്തിന്റെ നാമധേയം.

135 വര്‍ഷങ്ങള്‍ക്കുമുമ്പ് ഭാരതത്തില്‍ വലിയൊരു നവോത്ഥാനത്തിന് തിരികൊളുത്തിയ മഹര്‍ഷി ദയാനന്ദ സരസ്വതിയുടെ ആശയങ്ങളെ നെഞ്ചിലേറ്റിയ അദ്ദേഹത്തിന് മഹര്‍ഷിയെപ്പോലെ വേദങ്ങളായിരുന്നു പ്രചോദനം. വേദങ്ങളിലെ മാനവികതയിലൂന്നിയ ദര്‍ശനങ്ങള്‍ ആയുധവും.

ധര്‍മചിന്ത പ്രഭാപൂരം പടര്‍ത്തി വിശ്വനഭസ്സില്‍ ശോഭിച്ച നാടാണ് ഭാരതം. ധര്‍മത്തിന് ഒരു പ്രത്യേകതയുണ്ട്. അതിന് സ്വയം രക്ഷിക്കാനറിയാം. എപ്പോഴൊക്ക ധര്‍മത്തിന് ലോഭം സംഭവിക്കുന്നോ അപ്പോഴൊക്കെ മഹാപ്രഭാശാലികള്‍ ഈശ്വരേച്ഛയാല്‍ ജന്മമെടുത്ത് അതിനെ പുനഃസ്ഥാപിക്കുന്നത് ഭാരതചരിത്രത്തിലൂടെ കണ്ണോടിച്ചാല്‍ മനസ്സിലാകും. അങ്ങനെയാണ് ഉയര്‍ച്ചതാഴ്ചകളിലൂടെ കാലത്തെ അതിജീവിച്ച് സനാതനധര്‍മം നിലനിന്നുപോന്നത്.

ധര്‍മം എന്ന വാക്കിന് പകരംവെക്കാന്‍ ലോകത്തില്‍ മറ്റൊരു ഭാഷയിലും പദങ്ങളില്ല. ആ ധര്‍മത്തിന്റെ സമഗ്രമായ പ്രതിപാദനമാണ് വേദങ്ങളിലുള്ളത്. മാനവികതയും സമചിന്തയുമാണ് വേദങ്ങളുടെ മുഖമുദ്ര. ആ വേദങ്ങളില്‍ മതങ്ങളെ കുറിച്ച് പറയുന്നില്ല. ജാതിചിന്തയും വേദങ്ങളില്ല.

സ്ത്രീകള്‍ക്കും സമൂഹത്തിലെ താഴേത്തട്ടിലുള്ളവര്‍ക്കും ഭേദംകല്‍പിക്കുന്ന സമീപനമോ വേദങ്ങള്‍ക്കില്ല. അന്ധവിശ്വാസങ്ങളോ അനാചാരങ്ങളോ വേദം പ്രോത്സാഹിപ്പിക്കുന്നില്ല. ആധുനികോത്തരമെന്ന് പറയുന്ന പുരോഗമനചിന്തകളെ കവച്ചുവെക്കുന്നതാണ് വേദങ്ങളുടെ ദര്‍ശനം.

സാമൂഹികമായാലും സാംസ്‌കാരികമായാലും പാരിസ്ഥിതികമായാലും സ്ത്രീപക്ഷമായാലും യുക്തിഭദ്രവും ശാസ്ത്രീയവുമായ കാഴ്ചപ്പാടുകളാണ് വേദങ്ങള്‍ക്കുള്ളത്.

വേദങ്ങളിലെ ഉദാത്തവും ശാസ്ത്രീയവും യുക്തിഭദ്രവുമായ അറിവുകളെ അടിസ്ഥാനപ്പെടുത്തി നിരവധി ദര്‍ശനപദ്ധതികളും വിജ്ഞാനശാഖകളും ഭാരതത്തില്‍ ഉയിര്‍കൊണ്ടു. കലയിലും സാഹിത്യത്തിലും ശാസ്ത്രത്തിലും സാങ്കേതികതയിലും എന്നുവേണ്ട സമസ്തരംഗങ്ങളിലും മുന്നേറി, ഭാരതം ലോകത്തിനു വഴികാട്ടിയായി.

അറിവില്‍ അഭിരമിച്ചിരുന്ന ഒരു ഭൂതകാലം ഭാരതത്തെ സംബന്ധിച്ചിടത്തോളം കെട്ടുകഥയോ അതിശയോക്തിയോ അല്ല; ഒരു ജനതയുടെ പച്ചയായ ജീവിതാനുഭവമാണ്. ആ വേദങ്ങള്‍ ഒരു കാലത്ത് എല്ലാവര്‍ക്കും പ്രാപ്യമായിരുന്നു. സകലര്‍ക്കും വേദം പഠിക്കാമായിരുന്നു. വ്യവസ്ഥാപിതമായ വേദപഠനം നിലച്ചതോടെ ജ്ഞാനപരിസരങ്ങളില്‍നിന്നും ശാസ്ത്രചിന്തയില്‍നിന്നും ധര്‍മചിന്തയില്‍നിന്നും ആളുകള്‍ അകന്നു. അന്ധവിശ്വാസങ്ങളും അനാചാരങ്ങളും എങ്ങും പടര്‍ന്നുപിടിച്ചു. ധിഷണാശാലികളും മഹത്തുക്കളുമായ പലരും പലകാലങ്ങളിലായി ധര്‍മത്തെ പുനഃസ്ഥാപിക്കാന്‍ ശ്രമിച്ചുകൊണ്ടിരുന്നു.

അക്കാദമിക് പഠനത്തിനും ഗുരുകുല വിദ്യാഭ്യാസത്തിനുംശേഷം പത്രപ്രവര്‍ത്തകനായിട്ടാണ് ആചാര്യശ്രീ രാജേഷ് തന്റെ ഔദ്യോഗികജീവിതം ആരംഭിച്ചത്. യശഃശരീരനായ പ്രശസ്ത എഴുത്തുകാരന്‍ സുകുമാര്‍ അഴിക്കോട് രചിച്ച ‘തത്ത്വമസി’ എന്ന ഗ്രന്ഥത്തിലെ കാഴ്ചപ്പാടുകളെ പണ്ഡിതോചിതമായി ഖണ്ഡിച്ചുകൊണ്ടായിരുന്നു കേരളത്തിലെ സംസ്‌കാരിക ലോകത്തേക്ക് അദ്ദേഹം പ്രവേശിച്ചത്.

‘തത്ത്വമസി വിമര്‍ശിക്കപ്പെടുന്നു’ എന്ന പേരില്‍ മാതൃഭൂമി ആഴ്ചപ്പതിപ്പില്‍ ഖണ്ഡശ്ശയായി വന്ന ലേഖനപരമ്പര പിന്നീട് പുസ്തകരൂപത്തില്‍ പ്രസിദ്ധീകരിക്കുകയുണ്ടായി. കേരളത്തിലെ സംസ്‌കാരികആധ്യാത്മിക സദസ്സുകളില്‍ ഏറെ ചര്‍ച്ചചെയ്യപ്പെട്ട ആ ഗ്രന്ഥത്തിലെ വാദമുഖങ്ങളെ ശ്രീ സുകുമാര്‍ അഴിക്കോടും പിന്നീട് അംഗീകരിക്കുകയുണ്ടായി. തന്റെ വിമര്‍ശകനായ യുവപണ്ഡിതനെ തൃശ്ശൂരിലെ വീട്ടില്‍ വിളിച്ചുവരുത്തി യഥോചിതം സല്‍കരിച്ചും അഭിനന്ദിച്ചുമാണ് അഭിവന്ദ്യനായ സുകുമാര്‍ അഴിക്കോട് പ്രതിപക്ഷ ബഹുമാനം പ്രദര്‍ശിപ്പിച്ചത്.

ശാസ്ത്രാര്‍ഥങ്ങള്‍ നടത്തി പ്രശസ്തനാകുന്നതല്ല തന്റെ യഥാര്‍ഥപാത എന്നു തിരിച്ചറിഞ്ഞ ആചാര്യശ്രീ രാജേഷ് ചുറ്റുപാടുമുള്ള സമൂഹത്തിന്റെ പൊള്ളുന്ന ജീവിത യാഥാര്‍ഥ്യങ്ങളിലേക്ക് ശ്രദ്ധതിരിച്ചു. അന്ധവിശ്വാസങ്ങളും അനാചാരങ്ങളും അസംതൃപ്തിയും ആത്മവിശ്വാസമില്ലായ്മയും അശാന്തിയും തെറ്റായ ജീവിതശൈലികളും കൊണ്ട് മാനസികമായും ശാരീരികമായും ആദ്ധ്യാത്മികമായും രോഗാതുരമായ ജനത.

ജാതി തിരിഞ്ഞുള്ള സ്പര്‍ധ, അതിനെ വോട്ടുബാങ്കുകള്‍ക്കുവേണ്ടി ഉപയോഗപ്പെടുത്തുന്ന രാഷ്ട്രീയ നാടകങ്ങള്‍, സ്ത്രീകളോടുള്ള അനാരോഗ്യകരമായ വിവേചനം, ആദ്ധ്യാത്മികതയുടെ പേരിലുള്ള ആഭാസങ്ങള്‍, യഥാര്‍ഥ ഈശ്വരീയ പാതയില്‍നിന്ന് വഴിതെറ്റിക്കുന്ന മനുഷ്യദൈവങ്ങളുടെ സ്വാധീനം. തരംതാഴ്ന്ന ജാതിചിന്തകളാല്‍ ഒരിക്കലും ഒരുമിച്ചുനില്‍ക്കാനാവാതെ കലഹിക്കുന്ന, ആത്മവിശ്വാസം നഷ്ടപ്പെട്ട് ജീവിത യാഥാര്‍ഥ്യങ്ങള്‍ക്കു മുമ്പില്‍ പകച്ചു നില്‍ക്കുന്ന, ഐശ്വര്യവും സമൃദ്ധിയും വിട്ടൊഴിഞ്ഞ സ്വധര്‍മത്തിലെ സഹോദരങ്ങളുടെ പരിതാപകരമായ അവസ്ഥ അദ്ദേഹത്തെ ദുഃഖിപ്പിച്ചു.

ഈ ദുരവസ്ഥയ്ക്ക് ചികിത്സനല്‍കാനും ജാതീയമായ വേര്‍തിരിവുകളെ അതിലംഘിച്ച് തന്റെ ധര്‍മത്തില്‍പെട്ട ആബാലവൃദ്ധം ജനങ്ങളെയും ഒരുമിച്ചു നിര്‍ത്താനും ഒരേ ഒരുവഴി മാനവികതയുടെ യഥാര്‍ഥജ്ഞാനം അവര്‍ക്കു നല്‍കുകയാണെന്ന ഉത്തമബോധ്യം അദ്ദേഹത്തിനുണ്ടായിരുന്നു. ആ യഥാര്‍ഥജ്ഞാനം സനാതനധര്‍മത്തിന്റെ മൂലസ്രോതസ്സുകളായ വേദങ്ങളിലാണെന്നും അദ്ദേഹത്തിന് ഉറപ്പുണ്ടായിരുന്നു.

കാലങ്ങളായി വേദങ്ങളുടെ സുന്ദരവും സുരഭിലവുമായ ജ്ഞാനപരിസരങ്ങളില്‍നിന്നും ജീവിതശൈലിയില്‍നിന്നും അകന്ന് അപകടത്തിന്റെ പടുകുഴിയിലേക്കു വീണുപോയ സ്വന്തം ജനതയെ കൈപിടിച്ചുയര്‍ത്താന്‍ അതേ വേദജ്ഞാനം അവര്‍ക്ക് പകര്‍ന്നുകൊടുക്കാന്‍ അദ്ദേഹം തീരുമാനിച്ചു. ഓത്തു പഠിപ്പിച്ചതുകൊണ്ടോ കേവലം അറിവു പകര്‍ന്നുകൊടുത്തതുകൊണ്ടോ കാര്യമില്ലെന്ന് അദ്ദേഹത്തിന് നിശ്ചയമുണ്ടായിരുന്നു.

വേദങ്ങളിലെ മഹത്തായ കാഴ്ചപ്പാടുകളെ ഋഷികള്‍ പ്രയോഗപഥത്തില്‍ കൊണ്ടുവന്നിരുന്നത് ആചരണങ്ങളിലൂടെയായിരുന്നു. പഞ്ചമഹായജ്ഞങ്ങളും ഷോഡശക്രിയകളും യജ്ഞസംസ്‌കാരവും ഉള്‍ക്കൊള്ളുന്നതാണ് ആ ആചരണപദ്ധതി.

ആചരണങ്ങളേ ഇല്ലാത്ത ഒരു ജനതയെ ചിട്ടയായ ആചരണങ്ങളിലൂടെ ജീവിതത്തിന്റെ ഉയര്‍ന്ന മൂല്യങ്ങള്‍ പഠിപ്പിക്കണമായിരുന്നു. അതിന് ലളിതമായൊരു ഭാഷയും അത്യാവശ്യമായിരുന്നു. അവിടെ സ്വന്തം പാരമ്പര്യത്തിന്റെയും ദയാനന്ദഗുരു പരമ്പരയുടെയും കരുത്ത് അദ്ദേഹത്തിനു തുണയായി. തനിക്കുമുമ്പ് ഈ പ്രയത്‌നത്തിന് തയ്യാറായവര്‍ നേരിട്ട പ്രതിസന്ധികളെ അദ്ദേഹം അവലോകനം ചെയ്തു. നന്നായി ഗൃഹപാഠം ചെയ്തു. സാധാരണക്കാര്‍ക്ക് വേദ പഠനത്തിനുള്ള ഒരു പാഠ്യപദ്ധതി തയ്യാറാക്കി. തന്റെ തിരക്കുപിടിച്ച പത്രപ്രവര്‍ത്തന ജീവിതത്തിനിടയില്‍ ഇതെല്ലാം ചെയ്യാന്‍ അദ്ദേഹം സമയം കണ്ടെത്തി.

അങ്ങനെ ജാതിയും വര്‍ണവും ലിംഗവും ഒന്നും നോക്കാതെ ആ ബ്രാഹ്മണ യുവാവ് 15 വര്‍ഷം മുമ്പ് കോഴിക്കോട് ജില്ലയിലെ ബാലുശ്ശേരി ഗ്രാമത്തില്‍ ഓലമേഞ്ഞ ചെറിയൊരു പുരയില്‍ വേദപഠന ക്ലാസ്സ് ആരംഭിച്ചു. അദ്ദേഹം സംന്യാസിയായിരുന്നില്ല. പണ്ഡിതനെങ്കിലും സാധാരണക്കാരനായ ഒരു ഗൃഹസ്ഥന്‍. ഒരുപക്ഷേ വ്യാസനും ജൈമിനിക്കുംശേഷം ജാതിയോ ലിംഗമോ നോക്കാതെ ബ്രാഹ്മണനായ ഒരു ഗൃഹസ്ഥന്‍ ഏവരെയും വേദം പഠിപ്പിക്കുകയെന്ന വിപ്ലവത്തിന്, യഥാര്‍ഥ നവോത്ഥാനത്തിന് സഹസ്രാബ്ദങ്ങള്‍ക്കിപ്പുറം അവിടെ നാന്ദി കുറിക്കപ്പെടുകയായിരുന്നു. തുടക്കത്തില്‍ എട്ടു പേര്‍ മാത്രമായിരുന്നു വിദ്യാര്‍ഥികള്‍. അതൊരു കുറഞ്ഞ സംഖ്യയായി അദ്ദേഹത്തിനു തോന്നിയില്ല. വരാനിരിക്കുന്ന ജനതതിയെ അദ്ദേഹത്തിലെ ക്രാന്തദര്‍ശി മുന്‍കൂട്ടി കണ്ടിരിക്കണം.

വേഷഭൂഷാദികളുടെ പകിട്ടില്ലാത്ത, കാവിധരിക്കാത്ത, തങ്ങളെപ്പോലെ സാധാരണക്കാരനായ ഒരാള്‍… പക്ഷേ ചടുലമായ വാക്കുകള്‍, അനര്‍ഗളമായി പ്രവഹിക്കുന്ന പാണ്ഡിത്യം… കേള്‍ക്കാനും പഠിക്കാനും സാധിക്കുമെന്ന് സ്വപ്നത്തില്‍പോലും കരുതിയിട്ടില്ലാത്ത വേദമന്ത്രങ്ങള്‍ അമൃതധാരയായി അവരില്‍ അനുഭൂതി പകര്‍ന്നു.

പതിയെ പഠിതാക്കളുടെ എണ്ണം വര്‍ദ്ധിച്ചു. തന്റെ അടുത്ത് എത്തിയവരാരോടും അദ്ദേഹം ജാതിയോ മതമോ ചോദിച്ചില്ല. എല്ലാവരെയും പഠിപ്പിച്ചു. സ്ത്രീകളെയും പഠിപ്പിച്ചു. കാരണം ജാതിയേതായിക്കൊള്ളട്ടെ, വര്‍ണമേതായിക്കൊള്ളട്ടെ, മതമേതായിക്കൊള്ളട്ടെ, ദേശമേതായിക്കൊള്ളട്ടെ, പുരുഷനായിക്കൊള്ളട്ടെ, സ്ത്രീയായിക്കൊള്ളട്ടെ എല്ലാവര്‍ക്കും വേദം പഠിക്കാം, അറിവ് ആര്‍ജിക്കാം, ഒരുമിച്ച് ഐശ്വര്യവും സമൃദ്ധിയും നേടാം, സമാധാനത്തോടെയും ശാന്തിയോടെയും ജീവിക്കാം എന്നതായിരുന്നു അദ്ദഹത്തിന്റെ കാഴ്ചപ്പാട്. അത് വേദത്തിന്റെ, വൈദിക സംസ്‌കാരത്തിന്റെ സമാനതകളില്ലാത്ത ശുദ്ധമായ ദര്‍ശനമാണ്.

ഒപ്പം എതിര്‍പുകളും സ്വാഭാവികമായും ഉണ്ടായി. സമുദായത്തിനു പുറത്തുള്ളവരെയും വേദംപഠിപ്പിക്കുകയെന്ന ഉദ്യമത്തിന് ഏറ്റവും കൂടുതല്‍ എതിര്‍പ് നേരിട്ടത് സ്വസമുദായത്തില്‍ നിന്നുതന്നെയായിരുന്നു. ചടങ്ങുകളില്‍, പന്തികളില്‍ അദ്ദേഹവും കുടുബവും അവഗണിക്കപ്പെട്ടു. തിക്തമായ അനുഭവങ്ങള്‍ വേദനിപ്പിക്കുന്നതായിരുന്നെങ്കിലും ലക്ഷ്യത്തെ കുറിച്ച് ബോധ്യമുണ്ടായിരുന്നതുകൊണ്ട് എല്ലാം അവഗണിച്ചു.

പതിത്വം കല്‍പിച്ചിരുന്ന ചുണ്ടുകളില്‍ ആദ്യമായി വേദമന്ത്രങ്ങള്‍ തത്തിക്കളിച്ചു. ആദ്യമായി കേള്‍ക്കുന്ന വാക്കാണെങ്കിലും ‘ബ്രഹ്മയജ്ഞ’മെന്ന ഉപാസനയിലൂടെ മറ്റൊരാളുടെ സഹായമില്ലാതെ, ഈ പ്രപഞ്ചം മുഴുവനും നിറഞ്ഞും കവിഞ്ഞും വര്‍ത്തിക്കുന്നതും തങ്ങളുടെ ഉള്ളിലുള്ളതുമായ ഈശ്വരനെ അനുഭവിക്കാന്‍ അവര്‍ പഠിച്ചു.

മാറിനിന്ന് കണ്ടുമാത്രം ശീലിച്ച ഹോമങ്ങളും യജ്ഞങ്ങളും അവര്‍ പരിചയപ്പെട്ടു. കൈയില്‍ സ്രുവം പിടിപ്പിച്ചുകൊണ്ട് അഗ്‌നിഹോത്രമെന്ന ദേവയജ്ഞം അവരെക്കൊണ്ട് ചെയ്യിപ്പിച്ചു. ജീവിച്ചിരിക്കുന്ന അച്ഛനും അമ്മയ്ക്കും ശ്രാദ്ധവും തര്‍പണവും അര്‍പിച്ച് പിതൃഋണം എങ്ങനെയാണ് വീട്ടേണ്ടെതെന്ന് മനസ്സിലാക്കിക്കൊടുത്തു.

സകലജീവജാലങ്ങളിലും ഈശ്വരാംശമുണ്ടെന്ന് ‘ബലിവൈശ്വദേവയജ്ഞ’മെന്ന വൈദികയജ്ഞത്തിലൂടെ അവര്‍ അനുഭവിച്ചു പഠിച്ചു. ദാനധര്‍മങ്ങളുടെ മഹത്വത്തെ കുറിച്ചും അതിഥിപൂജയെ കുറിച്ചും അവര്‍ മനസ്സിലാക്കി. സംസ്‌കാരം എങ്ങനെയാണ് ആര്‍ജിക്കേണ്ടതെന്നതിന്റെ വൈദിക മാനിഫെസ്റ്റോയായ ഷോഡശസംസ്‌കാരക്രിയകളെ അവര്‍ പരിചയപ്പെടുകയും പഠിക്കാന്‍ തുടങ്ങുകയും ചെയ്തു.

പഠിതാക്കളുടെ എണ്ണം വീണ്ടും വര്‍ദ്ധിച്ചതോടെ സൗകാര്യര്‍ഥം വേദപഠന ക്ലാസ്സ് ബാലുശ്ശേരിയില്‍നിന്ന് കോഴിക്കോട് നഗരത്തിലേക്ക് മാറ്റി. വേദസംസ്‌കാരം എല്ലാവരിലും എത്തിക്കുകയെന്ന ചരിത്രദൗത്യം നിര്‍വഹിക്കുന്നതിന് ശക്തമായ ഒരു സംഘടനാ സംവിധാനം ആവശ്യമാണെന്ന് ബോധ്യമുണ്ടായിരുന്നതുകൊണ്ട് 2004ല്‍ ‘കാശ്യപ വേദ റിസര്‍ച് ഫൗണ്ടേഷന്‍’ എന്ന ധര്‍മപ്രസ്ഥാനത്തിന് രൂപംനല്‍കി.

ഫൗണ്ടേഷനുകീഴില്‍ സമൂഹ അഗ്‌നിഹോത്രയജ്ഞങ്ങളും മറ്റു വിശേഷയജ്ഞങ്ങളും നാടുനീളെ സംഘടിപ്പിച്ചു. ജാതിലിംഗഭേദമെന്യേ ആളുകള്‍ അതില്‍ പങ്കാളികളായി. 2010ല്‍ കോഴിക്കോട് നഗരത്തില്‍ ‘കാശ്യപാശ്രമം’ എന്ന പേരില്‍ സ്വന്തമായി ഒരു ആശ്രമം ഉണ്ടായപ്പോഴേക്കും ആയിരക്കണക്കിന് പേര്‍ ഓരോ വര്‍ഷവും വേദപഠിതാക്കളായി എത്തിക്കൊണ്ടിരിക്കുന്ന അവസ്ഥയിലേക്ക് കാര്യങ്ങള്‍ പരിണമിച്ചിരുന്നു.

പൂണൂല്‍ ഒരു ജാതിചിഹ്നമല്ല, അറിവുനേടി ദ്വിജനാകുന്നതിന്റെ പ്രതീകമാണെന്ന് എളിമയോടെ എന്നാല്‍ ആര്‍ജവത്തോടെ പ്രഖ്യാപിച്ചുകൊണ്ട് അര്‍ഹരായ ശിഷ്യരെ ജാതിനോക്കാതെ അദ്ദേഹം ഉപനയിപ്പിച്ചു. സ്ത്രീകള്‍ക്കും ഉപനയനം നല്‍കി. ഒരു വിപ്ലവമെന്ന രീതിയിലല്ല, മഹത്തായൊരു ദര്‍ശനത്തെ പുനഃസ്ഥാപിക്കുകയെന്ന കാഴ്ചപ്പാടോടെയാണ് അദ്ദേഹം അത് ചെയ്തത്.

ചെറുതായി മാത്രമേ താന്‍ സമൂഹത്തിനായി നല്‍കിയിട്ടുള്ളൂ എന്ന ചിന്ത കൂടുതല്‍ മഹത്തരമായത് ചെയ്യാന്‍ അദ്ദേഹത്തെ പ്രേരിപ്പിച്ചു. ഈ രംഗത്തുള്ളവര്‍ ആര്‍ഷപൈതൃകത്തെ ജ്ഞാനകാണ്ഡം, കര്‍മകാണ്ഡം എന്നു വേര്‍തിരിച്ച് തര്‍ക്കിക്കുന്നതുകണ്ട് എന്താണ് യഥാര്‍ഥത്തില്‍ കര്‍മകാണ്ഡമെന്നും ജ്ഞാനകാണ്ഡമെന്നും, അവ തമ്മിലുള്ള പരസ്പരപൂരകത്വവും സമൂഹത്തിന് മനസ്സിലാക്കിക്കൊടുക്കാന്‍ അദ്ദേഹം ആഗ്രഹിച്ചു.

ആ സങ്കല്‍പത്തിലാണ് 2014ല്‍ ജാതിലിംഗമതഭേദമെന്യേയുള്ള സോമയാഗം കോഴിക്കോട് സംഘടിപ്പിച്ചത്. അതുവരെയും യാഗാധികാരമുളള ചെറു ന്യൂനപക്ഷത്തിന്റെ നിയന്ത്രണത്തില്‍ ഭൂരിപക്ഷവും കേവലം കാഴ്ചക്കാരായി പങ്കെടുക്കുന്ന യാഗങ്ങള്‍ അരങ്ങേറിയിരുന്ന കേരളത്തില്‍ വ്യത്യസ്തമായ ഇടപെടലായിരുന്ന ആചാര്യശ്രീ രാജേഷിന്റെ നേതൃത്വത്തില്‍ സംഘടിപ്പിച്ച കോഴിക്കോട് സോമയാഗം. പതിമൂന്നര ലക്ഷം പേര്‍ ആ സോമയാഗത്തില്‍ പങ്കെടുത്തു. ആള്‍ക്കൂട്ടത്തിന്റെ ബാഹുല്യത്തില്‍ മാത്രമല്ല ഏറെ പ്രത്യേകതകളുള്ളതായിരുന്നു ആ സോമയാഗം.

ജാതിയുടെ മതില്‍ക്കെട്ടുകള്‍ അവിടെ പൊളിഞ്ഞുവീഴുകയായിരുന്നു

വേദങ്ങളുടെ അന്തഃസത്തയ്‌ക്കൊത്ത് സങ്കല്‍പത്തില്‍പോലും മൃഗബലിയില്ലാതെ കേരളത്തില്‍ ആദ്യമായി നടത്തിയ സോമയാഗമായിരുന്നു അത്. ആദിവാസികളെ നമ്പൂതിരിമാര്‍ വിളക്കുവെച്ച് വേദമന്ത്രങ്ങളുടെ അകമ്പടിയോടെ സ്വീകരിച്ചാനയിച്ച അപൂര്‍വ നിമിഷങ്ങള്‍ക്ക് സോമയാഗം വേദിയായി. ജാതിയുടെ മതില്‍ക്കെട്ടുകള്‍ അവിടെ പൊളിഞ്ഞുവീഴുകയായിരുന്നു. സോമലത യാഗവേദിയിലേക്കെത്തിച്ചത് ഒരു സാധാരണ വേദഭക്തനായിരുന്നു. ആധുനിക രാസകൃഷിയുടെ കടന്നാക്രമണത്തില്‍ നിലതെറ്റിയ കാര്‍ഷികസംസ്‌കാരത്തെ വീണ്ടെടുക്കുന്നതിന്റെയും ആരോഗ്യത്തിന് ദോഷംചെയ്യാത്ത ഭക്ഷണശീലം പ്രചരിപ്പിക്കുന്നതിന്റെയും പ്രാധാന്യം ബോധ്യപ്പെടുത്തുക എന്ന ഉദ്ദേശ്യത്തോടെ ആറരലക്ഷത്തോളം പേര്‍ക്ക് അന്നം നല്‍കിയത് ആശ്രമം സ്വന്തമായി ജൈവകൃഷിചെയ്തുണ്ടാക്കിയ അരിയും മറ്റും ഉപയോഗിച്ചായിരുന്നു.

വേദത്തെ ജനകീയമാക്കുക എന്ന ലക്ഷ്യത്തോടെ ഒരുകാലത്ത് മഹാക്ഷേത്രങ്ങളില്‍മാത്രം ഒതുങ്ങിനിന്നിരുന്ന മുറജപവും മറ്റും കോഴിക്കോട് കാശ്യപാശ്രമത്തില്‍ വര്‍ഷംതോറും ആചാര്യശ്രീയുടെ നേതൃത്വത്തില്‍ നടത്തിവരുന്നു.

2015ല്‍ ‘ദേശീയ വേദ സമ്മേളനം’ കാശ്യപാശ്രമത്തില്‍ സംഘടിപ്പിച്ചുകൊണ്ട് വൈദികജ്ഞാനസരണിയുടെ വിപുലമായ മേഖലകളെ അദ്ദേഹം സമൂഹത്തിന് പരിചയപ്പെടുത്തി. ഇന്ത്യയുടെ വിവിധ പ്രദേശങ്ങളില്‍നിന്നുള്ള വേദാലാപന സമ്പ്രദായങ്ങള്‍ വേദസമ്മേളനത്തില്‍ അവതരിപ്പിക്കപ്പെട്ടു.

ജാതിമതലിംഗ വിവേചനങ്ങള്‍ക്കതീതമായി ഏവര്‍ക്കും വേദം പഠിക്കാമെന്ന ചരിത്രപ്രധാനമായ ‘വേദാധികാര വിളംബരം’ ഒന്നരലക്ഷത്തോളം പേര്‍ പങ്കെടുത്ത പ്രജ്ഞാനംബ്രഹ്മയുടെ ഭാഗമായി നടന്നു

സ്ത്രീകള്‍ വേദം കാണരുത്, കേള്‍ക്കരുത്, പഠിക്കരുത് എന്നൊക്കെയാണ് പണ്ഡിതമന്യരെന്ന് നടിക്കുന്ന പലരും ആധുനികകാലത്തുപോലും പ്രചരിപ്പിക്കുന്നത്. വേദമന്ത്രങ്ങള്‍ ഉദ്ധരിച്ചുകൊണ്ടുതന്നെ സ്ത്രീകള്‍ക്ക് വേദം പഠിയ്ക്കാമെന്നും സ്ത്രീകള്‍ വേദം പഠിച്ചേ മതിയാകൂ എന്നും അദ്ദേഹം സ്ഥാപിച്ചു. എന്താണ് യഥാര്‍ഥ ജ്ഞാനകാണ്ഡം എന്ന് മനസ്സിലാക്കിക്കൊടുക്കുന്നതിന്റെ ഭാഗമായി 2016 ഏപ്രിലില്‍ കോഴിക്കോട് കടപ്പുറത്തുവെച്ച് അറിവ് ഈശ്വരനാണ്, അറിവ് എല്ലാവര്‍ക്കും എന്ന ആഹ്വാനമുയര്‍ത്തിക്കൊണ്ട് ‘പ്രജ്ഞാനംബ്രഹ്മ’ എന്ന പേരില്‍ ആചാര്യശ്രീയുടെ നേതൃത്വത്തില്‍ ഒരു മഹാസംഗമം നടന്നപ്പോള്‍ അതില്‍ വേദം പഠിക്കാനുള്ള സ്ത്രീകളുടെ അവകാശംകൂടി ആധികാരികമായി പ്രഖ്യാപിക്കുകയുണ്ടായി.

ജാതിമതലിംഗ വിവേചനങ്ങള്‍ക്കതീതമായി ഏവര്‍ക്കും വേദം പഠിക്കാമെന്ന ചരിത്രപ്രധാനമായ ‘വേദാധികാര വിളംബരം’ ഒന്നരലക്ഷത്തോളം പേര്‍ പങ്കെടുത്ത പ്രജ്ഞാനംബ്രഹ്മയുടെ ഭാഗമായി നടന്നു. കേരളചരിത്രത്തിലാദ്യമായി ഒരു സ്ത്രീയെ വൈദിക പുരോഹിതയായി അഭിഷിക്തയാക്കിയതും 2500 സ്ത്രീകള്‍ ഒരുമിച്ചിരുന്ന് വേദമന്ത്രങ്ങള്‍ ചൊല്ലിയതുമൊക്കെ സ്ത്രീവിവേചനത്തിനെതിരെ പ്രവര്‍ത്തിക്കുന്നവര്‍ക്കുകൂടി പഠനവിധേയമാക്കാവുന്നതാണ്.

ആചാര്യശ്രീയുടെ പ്രവര്‍ത്തനങ്ങളില്‍ ആകര്‍ഷിതനായി ആര്യസമാജിയായ ഒരു ദാനവീരന്‍, മഹാശയ് ധരംപാല്‍ ഗുലാട്ടി, അങ്ങ് ഡല്‍ഹിയില്‍നിന്നും സഹായഹസ്തവുമായി എത്തി. വിപുലമായ സൗകര്യങ്ങളോടുകൂടിയ ഒരു വൈദിക ഗുരുകുലം സ്ഥാപിക്കുന്നതിനുവേണ്ട എല്ലാ സഹായവും അദ്ദേഹം ചെയ്തു. കോഴിക്കോട് കക്കോടിയിലെ ഒറ്റത്തെങ്ങ് ഗ്രാമത്തില്‍ പൂനൂര്‍പുഴയുടെ തീരത്ത് വേദമഹാമന്ദിരം ഉയര്‍ന്നുകഴിഞ്ഞു. അവിടെയിപ്പോള്‍ വേദങ്ങളുടെയും ഉപനിഷത്തുക്കളുടെയും സാംഖ്യ, വൈശേഷിക, മീമാംസാദി ദര്‍ശനങ്ങളുടെയും ഗൗരവമായ പഠനം നടന്നുകൊണ്ടിരിക്കുന്നു.

സമൂഹത്തെ നയിക്കാന്‍ കഴിയുന്ന ശാസ്ത്രബോധമുള്ള ഒരു കൂട്ടം ആചാര്യന്‍മാരെ സൃഷ്ടിക്കാനുള്ള പ്രവര്‍ത്തനം അവിടെ മുന്നേറുകയാണ്.

വേദപ്രചരണത്തിനായി മുഴുവന്‍ സമയവും പ്രവര്‍ത്തിക്കുന്നതിനായി തന്റെ ജോലിയും അദ്ദഹം നാലു വര്‍ഷം മുമ്പ് ഉപേക്ഷിച്ചു

വേദം ജനകീയമാക്കുക എന്ന ലക്ഷ്യത്തോടെ കോഴിക്കോടിനു പുറമേ കണ്ണൂര്‍, വയനാട്, മലപ്പുറം, പാലക്കാട്, തൃശ്ശൂര്‍, എറണാകുളം, തിരുവന്തപുരം എന്നീ ജില്ലകളില്‍ കാശ്യപ വേദ റിസര്‍ച്ച് ഫൗണ്ടേഷന്റെ വ്യവസ്ഥാപിത വേദപഠന ക്ലാസ്സുകള്‍ നടക്കുന്നുണ്ട്.

കൂടാതെ നിരവധി സൗജന്യ വേദപഠന കോഴ്‌സുകളും പഠനകളരികളും ആചാര്യശ്രീയുടെ നേതൃത്വത്തില്‍ സംസ്ഥാനം മുഴുവന്‍ സംഘടിപ്പിച്ചുവരുന്നു. കേരളത്തിനു പുറത്തും വിദേശത്ത് ദുബായ്‌പോലുള്ള സ്ഥലങ്ങളിലും വേദപഠന ക്ലാസ്സുകള്‍ ആരംഭിച്ചുകഴിഞ്ഞു. ഒട്ടനവധി സേവനപ്രവര്‍ത്തനങ്ങളും വേദപ്രചരണത്തോടൊപ്പം നടത്തുകയും ചെയ്യുന്നുണ്ട്.

വേദപ്രചരണത്തിനായി മുഴുവന്‍ സമയവും പ്രവര്‍ത്തിക്കുന്നതിനായി തന്റെ ജോലിയും അദ്ദഹം നാലു വര്‍ഷം മുമ്പ് ഉപേക്ഷിച്ചു. ഭഗവദ്ഗീതയുടെ വൈദികവ്യാഖ്യാനമുള്‍പ്പടെ വൈദികവിജ്ഞാനത്തിന്റെ ബഹുലമായ ആലേഖനങ്ങളായി എഴുപതിലേറെ പ്രൗഢഗ്രന്ഥങ്ങള്‍ വൈദികസരണിയുമായി ബന്ധപ്പെട്ട് അദ്ദേഹം ഇതിനോടകം എഴുതിക്കഴിഞ്ഞിട്ടുണ്ട്.
കേരളത്തില്‍ ഇന്ന് വേദം ജനകീയമാണ്. വേദവിപ്ലവം നിശ്ശബ്ദമായി നടന്നുകൊണ്ടിരിക്കുകയാണ്.

ചട്ടമ്പിസ്വാമികളും ശ്രീനാരായണഗുരുവുമൊക്കെ സ്വപ്നംകണ്ട ജാതിമതലിംഗ ചിന്തകള്‍ക്കതീതമായ സാംസ്‌കാരിക നവോത്ഥാനം കേരളത്തില്‍ ഇന്ന് യാഥാര്‍ഥ്യമാണ്. അസാധാരണമായി സമൂഹത്തിനുവേണ്ടി സമര്‍പിക്കാന്‍ ആഗ്രഹിക്കുന്ന സാധാരണക്കാരനായ ആ വേദഭക്തന്‍ താന്‍ നടപ്പിലാക്കുന്നതെല്ലാം ഈശ്വരേച്ഛയാല്‍ വേദത്തിന്റെ മഹത്തായ കാഴ്ചപ്പാടുകളാണെന്ന പൂര്‍ണബോധ്യത്തോടെ മുന്നേറുകയാണ്.

Advertisement

Home

വൈകാരികമായി ഒറ്റപ്പെടുമ്പോള്‍… ചിന്തകള്‍ക്ക് അതീതമാണ് യാഥാര്‍ഥ്യം

വീടിനകത്ത് രണ്ടു ദ്വീപുകളായി കഴിയുകയാണ് അവളും ഭര്‍ത്താവും.ഭര്‍ത്താവിനെ അവള്‍ വല്ലാതെ സ്‌നേഹിക്കുന്നുണ്ട്..തിരിച്ചയാളും! പിന്നെവിടെയാണ് പ്രശ്‌നമെന്ന് പഠിച്ചപ്പോള്‍ മനസിലായി..
അവള്‍ emotional unavailability എന്ന അവസ്ഥയിലാണ്

Media Ink

Published

on

ദീപ സെയ്‌റ

‘എന്നെ അയാള്‍ക്ക് ഭയങ്കര സംശയം. പക്ഷെ ഞാന്‍ അതിനായാളെ കുറ്റം പറയുന്നില്ല. ഞങ്ങള്‍ തമ്മില്‍ ഒരു പ്രശ്നവുമില്ല..പക്ഷെ എത്ര ശ്രമിച്ചിട്ടും എനിക്ക് അടുത്തിടപെഴുകാനാവുന്നില്ല ,
അയാള്‍ നല്ല മനുഷ്യനാണ്..പക്ഷേ എന്റെ ഈ പ്രശനം അയാളില്‍ സംശയം ജനിപ്പിച്ചിരിക്കുന്നു. ആരെ കുറ്റം പറയാനാണ്’ മനസികസംഘര്‍ഷവുമായി ബന്ധപ്പെട്ടു കണ്ടുവരുന്ന ഫൈബ്രോമയാല്‍ജിയ എന്ന രോഗവുമായാണ് അവള്‍ എന്നെ കാണാന്‍ വന്നത്. വീടിനകത്ത് രണ്ടു ദ്വീപുകളായി കഴിയുകയാണ് അവളും ഭര്‍ത്താവും. ഭര്‍ത്താവിനെ അവള്‍ വല്ലാതെ സ്‌നേഹിക്കുന്നുണ്ട്. തിരിച്ചയാളും! പിന്നെവിടെയാണ് പ്രശ്‌നമെന്ന് പഠിച്ചപ്പോള്‍ മനസിലായി..
അവള്‍ emotional unavailability എന്ന അവസ്ഥയിലാണ്.

Advertisement

എന്താണ് emotional unavailability? Emotionally Challenged എന്ന വാക്ക് നാം ഇപ്പോഴും ഉപയോഗിക്കാന്‍ തുടങ്ങിയിട്ടില്ല. സമൂഹത്തില്‍ വലിയ ഒരു വിഭാഗം അനുഭവിക്കുന്ന ഒന്നാണിത്.

പങ്കാളികളില്‍ ഒരാള്‍,അല്ലെങ്കില്‍ രണ്ടു പേരും അവരവരുടെ കൂടിനുള്ളില്‍ ഒതുങ്ങികഴിയുന്ന ഒരവസ്ഥ ചിലയിടങ്ങളിലുണ്ട്. ശാരീരികമായി അവര്‍ ഒരുമിച്ചാണ്..മാനസിക അടുപ്പവുമുണ്ട്. എന്നാല്‍ വൈകാരികമായി അവര്‍ മറ്റൊരാള്‍ക്ക് ലഭ്യമല്ലാതാകുന്ന അവസ്ഥ.
ഡിപ്രെഷന്‍ എന്നിതിനെ വിളിക്കരുത്. സ്‌നേഹക്കുറവെന്നും അവിഹിതമെന്നും മുദ്ര ചാര്‍ത്തുകയും ചെയ്യരുത്. വ്യക്തികളെക്കാള്‍ ദാമ്പത്യത്തെയാണ് ഈ അവസ്ഥ ബാധിക്കുന്നത്.

ഈ ലക്ഷണങ്ങള്‍ ഒന്ന് ശ്രദ്ധിക്കൂ… ഇത് ഭാര്യയിലാവാം.. ഭര്‍ത്താവിലാവാം…

1.സ്വന്തം പങ്കാളിയോടും സമൂഹത്തോടും ഇടപെഴകുന്നതില്‍ സ്വയം ഒരു നിയന്ത്രണം ഏര്‍പ്പെടുത്തുക.

2.അസ്വസ്ഥമായ എന്തെങ്കിലും ഒന്ന് മനസില്‍ ഉണ്ടെങ്കില്‍ ആ അസ്വസ്ഥമായ അവസ്ഥയില്‍ തുടരുകയും , അതില്‍ നിന്ന് പുറത്തേക്ക് വരാന്‍ ശ്രമിക്കുകയോ , മറ്റൊരാളോട്, പങ്കാളിയോട് പോലും ആ അവസ്ഥ പറയുകയോ ചെയ്യാതെ സ്വയമുണ്ടാക്കിയ ചട്ടക്കൂടില്‍ കഴിയുക.

3.പങ്കാളിയെ പറ്റിയോ അവരുടെ സുഹൃത്തക്കളെ പറ്റിയോ കൂടുതല്‍ അറിയാനോ അവരുടെ യാതൊരു വിധ പ്രശ്‌നങ്ങളിലും ഇടപെടാനോ, കേള്‍ക്കാനോ താല്പര്യം കാണിക്കാത്ത പ്രകൃതം.

5.എത്ര ശ്രമിച്ചാലും ചോദ്യങ്ങള്‍ക്ക് കൃത്യമായ മറുപടി തരാതെ ഒഴിഞ്ഞു മാറുക.

6.ശാരീരികമായും മാനസികമായും പങ്കാളിയും ആയി ഒരു കൈയ്യകലം സൂക്ഷിക്കുക.

7.അവര്‍ക്കുള്ളില്‍ ഒരു ദുരൂഹതയുണ്ടെന്ന് തോന്നിപ്പിക്കും വിധം പെരുമാറുക.

8.സംസാരിക്കാന്‍ വിളിച്ചിരുത്തിയാല്‍ പോലും മുഖത്ത് നോക്കാതെ , കണ്ണില്‍ നോക്കാതെ സംസാരിക്കുക.

  1. തനിക്കൊരു ചെറിയ രോഗം വന്നാല്‍ അതുപോലും മറ്റൊരാളോട് പറയാതെ ,ഉള്ളിലൊതുക്കി ആരുടെയും സഹായം തേടാത്ത അവസ്ഥ.

മറ്റുപ്രശനങ്ങളില്‍ നിന്ന് ഇതിനെ എങ്ങനെ തിരിച്ചറിയാം?

ഓര്‍ക്കുക…ഈ ആളുകളില്‍ കള്ളത്തരങ്ങളോ ഒളിച്ചു കളികളോ ഉള്ളത് കൊണ്ടല്ല അവര്‍ ഇങ്ങനെ പെരുമാറുന്നത്.. അതവരുടെ ഒരു സ്വഭാവസവിശേഷത മാത്രം ആണ്. ഒരിക്കലും ഇവര്‍ പങ്കാളിയോട് ദേഷ്യപ്പെടുകയോ അവരുടെ ഇഷ്ടങ്ങള്‍ക്കോ സൗഹൃദങ്ങള്‍ക്ക് വിലങ്ങുതടിയാവുകയോ ചെയ്യില്ല. അവരെ ഉപദ്രവിക്കുന്ന ഒന്നും തന്നെ ഇവരുടെ ഭാഗത്ത് നിന്ന് ഉണ്ടാവില്ല. എന്നാല്‍ പ്രിയപ്പെട്ടവരുടെ കാര്യങ്ങളില്‍ ഇടപെടാതിരിക്കുക വഴി അവരെ ഒറ്റപ്പെടലെന്ന അവസ്ഥയിലേക്ക് താന്‍ തള്ളിവിടുകയാണ് എന്ന് ഈ അവസ്ഥയിലൂടെ കടന്നുപോകുന്നവര്‍ അറിയുന്നില്ല. അതു കൊണ്ടുതന്നെ ഇവര്‍ക്ക് സ്വയം ഇതില്‍ നിന്ന് പുറത്തേക്ക് കടക്കാന്‍ ബുദ്ധിമുട്ടാണ്. സത്യത്തില്‍ ഒരുപാട് സ്‌നേഹവും കരുതലും ഉള്ളിലുണ്ടാവുകയും അത് തിരിച്ചറിയാനോ മറ്റൊരാള്‍ക്ക് പകരാനോ കഴിയാത്ത അവസ്ഥ.ചികില്‍സിക്കപ്പെടേണ്ട രോഗാവസ്ഥയാണ് ഇത്.

എങ്ങനെ മാറ്റിയെടുക്കാം?

1.പങ്കാളി വൈകാരികമായി ലഭ്യമല്ലാത്ത ഒരവസ്ഥയിലേക്ക് പോവുകയാണെന്നത് ആദ്യമേ തിരിച്ചറിയുകയാണ് ഏറ്റവും പ്രധാനം.മുകളില്‍ പറഞ്ഞ ലക്ഷണങ്ങളെകുറിച്ചുള്ള അറിവ് അതിനു സഹായിച്ചേക്കാം.

  1. അങ്ങനെ ഒരു അവസ്ഥ പെട്ടെന്ന് വന്നെത്തുകയാണെങ്കില്‍ ഒരുപക്ഷെ അതിനു പിന്നില്‍ ഒരു കാരണം ഉണ്ടായേക്കാം.. ഓഫീസില്‍ അല്ലെങ്കില്‍ ആ വ്യക്തിയുടെ സുഹൃത്തുക്കള്‍ക്കിടയില്‍ അതിനെ പറ്റി ഒന്ന് അന്വേഷിക്കാം.
  2. ഒരു ദിവസത്തിന്റെ അവസാനം അവരെത്ര ഒഴിഞ്ഞു മാറാന്‍ ശ്രമിച്ചാലും നിങ്ങളുടെ ഇന്നത്തെ ദിവസം എങ്ങനെ ഉണ്ടായിരുന്നു എന്ന ഒരു ചോദ്യത്തോടെ സംസാരിക്കാന്‍ ശ്രമിക്കുക. അവര്‍ സംസാരിക്കാന്‍ തയ്യാറല്ലെങ്കില്‍ നിങ്ങള്‍ നിങ്ങളുടെ ദിവസത്തെ പറ്റി, നിങ്ങള്‍ക്കുണ്ടായ പ്രശ്‌നങ്ങളെ പറ്റി അങ്ങോട്ട് പറയുക. അതിന് ഒരു solution പറഞ്ഞു തന്നു നിങ്ങളെ സഹായിക്കാന്‍ അവര്‍ക്കു കഴിയുമോ എന്ന ചോദ്യത്തോടെ സംസാരം നീട്ടുക..
  3. അല്പമെങ്കിലും അവര്‍ താല്പര്യം കാണിക്കുന്ന വിഷയങ്ങള്‍ ഉണ്ടെങ്കില്‍ , നിങ്ങള്‍ക്ക് അതില്‍ താല്പര്യം ഇല്ലെങ്കില്‍ പോലും ഒന്ന് അല്പനേരം കൂടെ ചേരുക…ഉദാ:ഒരു സിനിമ കാണുക, ഷട്ടില്‍ കളിക്കുക തുടങ്ങിയ കാര്യങ്ങള്‍ നിങ്ങള്‍ക്ക് താല്പര്യമില്ലെങ്കില്‍ കൂടെ ഒന്നു കൂടെച്ചേരാന്‍ ശ്രമിക്കുക.
  4. ശാരീരിക ബന്ധത്തില്‍ ഏര്‍പ്പെടാന്‍ വിമുഖത കാണിക്കുന്നതാണ് കൈകാര്യം ചെയ്യാന്‍ ഏറ്റവും വിഷമം. സാധാരണ നേരിട്ട് സംസാരിക്കുക എന്നത് തന്നെയാണ് ആരോഗ്യപരമായും മാനസികപരമായും നല്ലത് . എന്നാല്‍ വൈകാരികതലത്തില്‍ പ്രശനങ്ങളുള്ള ഒരു വ്യക്തിയോട് അതിനെ പറ്റി ചോദിക്കുമ്പോള്‍ ബുദ്ധിമുട്ടുകള്‍ കൂടുന്നതായാണ് കാണുന്നത്. അതിന് പകരം നിങ്ങളുടെ ശരീരത്തെ പറ്റി, നിങ്ങളുടെ സൗന്ദര്യത്തെ പറ്റി അദ്ദേഹത്തോട് അഭിപ്രായങ്ങള്‍ ചോദിക്കാം.. കൂട്ടുകാരുടെയും അവരുടെ പങ്കാളിയുടെയും അനുഭവം എന്ന നിലയില്‍ ലൈംഗികതയെ പറ്റി സംസാരിക്കാന്‍ ശ്രമിക്കാം..

6.കുടുംബവുമായും സുഹൃത്തുക്കളുമായും നിങ്ങള്‍ ഊഷ്മളമായ ബന്ധങ്ങള്‍ ഉണ്ടാകുകയും ഇടയ്ക്കിടെ അവരെ വീട്ടിലേക്ക് വിളിക്കുകയും പങ്കാളിയും ആയി മനപൂര്‍വ്വം ഒരു ഇടപെഴകല്‍ സൃഷ്ടിക്കുകയും ചെയ്യാം.അസ്വസ്ഥതയുണ്ടാക്കുന്ന രീതിയില്‍ ഉള്ള വലിയ പാര്‍ട്ടികളും ബഹളങ്ങളും ഒഴിവാക്കുക. അത് ദോഷമേ വരുത്തൂ…

  1. നിങ്ങള്‍ക്ക് കൈകാര്യം ചെയ്യാന്‍ കഴിയുന്നില്ല എന്നു തോന്നിയാല്‍ മൂന്നാമതൊരാളുടെ സഹായം തേടുക. ദയവു ചെയ്ത് അത് കുടുംബക്കാരോ ബന്ധുക്കളോ ആകരുത്. പ്രവര്‍ത്ഥനപരിചയവും യോഗ്യതയുമുള്ള ഒരു മാനസികാരോഗ്യവിദഗ്ധരെ മാത്രം സമീപിക്കുക.

തുറന്ന സംസാരം എന്നതാണ് ഇവര്‍ക്കുള്ള മരുന്ന്.അവരെ കൊണ്ട് സംസാരിപ്പിക്കാന്‍ എത്രയും കഴിയുമോ അത്രയും നല്ലത്.

സ്‌നേഹവും വിശ്വാസവും കരുതലും കൊണ്ട് മാറ്റിയെടുക്കാവുന്ന ഒന്നിനെ ഡിവോഴ്‌സില്‍ എത്തിക്കാതിരിക്കാന്‍ ഇതൊന്നു മനസിലാക്കി വയ്ക്കുക.

Continue Reading

Kerala

56 % ഇന്ത്യന്‍ കുടുംബങ്ങളിലും ദഹന സംബന്ധമായ ആരോഗ്യ പ്രശ്നങ്ങള്‍ ഉള്ളതായി ആശീര്‍വാദ് ആട്ട വിത്ത് മള്‍ട്ടിഗ്രെയിന്‍സ് നടത്തിയ സര്‍വേ ഫലം

2021ലെ ലോക ദഹന ആരോഗ്യ ദിനത്തിന് മുന്നോടിയായി ഈ ബ്രാന്‍ഡിന് വേണ്ടി Momspresso.com നടത്തിയ സര്‍വേയിലാണ് ഈ കണ്ടെത്തല്‍

Media Ink

Published

on

വ്യക്തികള്‍ക്ക് ഡൈജസ്റ്റീവ് ക്വോഷ്യന്റ് (DQ) ടെസ്റ്റ് ഓണ്‍ലൈനായി ചെയ്യുന്നതിന് http://happytummy.aashirvaad.com/ സന്ദര്‍ശിക്കുക

കൊച്ചി: രാജ്യത്തെ പാക്കു ചെയ്ത ആട്ട വിപണിയിലെ ഒന്നാം സ്ഥാനത്തുള്ള ബ്രാന്‍ഡായ ആശീര്‍വാദിന്റെ ഉപബ്രാന്‍ഡായ ആശീര്‍വാദ് ആട്ട വിത്ത് മള്‍ട്ടിഗ്രെയിന്‍സ്, 2021 മെയ് 29 നു നടക്കുന്ന ലോക ദഹന ആരോഗ്യ ദിനത്തിനു മുന്നോടിയായി, ഇന്ത്യന്‍ കുടുംബങ്ങളിലെ ദഹന ആരോഗ്യം സംബന്ധിച്ചു നടത്തിയ ദേശീയ സര്‍വേയില്‍ പങ്കെടുത്ത 56% അമ്മമാരും അവരുടെ കുടുംബങ്ങളില്‍ ദഹന സംബന്ധമായ ആരോഗ്യ പ്രശ്നങ്ങള്‍ ഉണ്ടെന്ന് കരുതുന്നതായി ചൂണ്ടിക്കാണിച്ചു. അമ്മമാര്‍ക്കായുള്ള ഇന്ത്യയിലെ പ്രമുഖ പ്ലാറ്റ്ഫോം ആയ മോംപ്രസ്സോ ആണ് ഈ സര്‍വേ നടത്തിയത്. ഡെല്‍ഹി, മുംബൈ, കൊല്‍ക്കത്ത, ബംഗളൂരു, ഹൈദരാബാദ്, ചെന്നൈ എന്നീ നഗരങ്ങളിലെ 25-45 വയസ്സ് വിഭാഗത്തില്‍പ്പെട്ട 538 അമ്മമാരാണ് സര്‍വേയില്‍ പങ്കെടുത്തത്. ഇതില്‍ വീട്ടമ്മമാര്‍ മുതല്‍ ബിസിനസ്സുകാരും സംരംഭകരും ജോലി ചെയ്യുന്നവരും ആയ അമ്മമാര്‍ വരെ ഉള്‍പ്പെട്ടിരുന്നു.

Advertisement

ഈ കണ്ടെത്തലിനു പുറമെ ഉപഭോക്താക്കളുടെ ജീവിതശൈലിയും ഭക്ഷണ ശീലങ്ങളും സര്‍വേ വെളിപ്പെടുത്തി. സര്‍വേയില്‍ പങ്കെടുത്ത 77% അമ്മമാരും ദഹന സംബന്ധമായ ആരോഗ്യം വളരെ പ്രധാനമാണെന്ന് കരുതുന്നവരാണ്. 56% ത്തിലേറെ ഇന്ത്യന്‍ കുടുംബങ്ങളില്‍ 2-3 ദഹന സംബന്ധമായ ആരോഗ്യ പ്രശ്നങ്ങള്‍ ഉള്ളതായി പഠനം കണ്ടെത്തി. ഗ്യാസ്, അസിഡിറ്റി, ദഹനക്കേട് എന്നിവയാണ് ഏറ്റവും അധികം കാണപ്പെട്ട 3 പ്രശ്നങ്ങള്‍. 50% ത്തിലേറെ കുടുംബങ്ങളിലും ഇവയില്‍ ഏതെങ്കിലും ഒന്ന് ഉള്ളതായാണ് കണ്ടെത്തല്‍.

ദഹന സംബന്ധമായ ആരോഗ്യം ശരീര ഭാര നിയന്ത്രണത്തെയും ഊര്‍ജ നിലവാരത്തെയും ബാധിക്കുമെന്നും ഇത് മൂലം വിസര്‍ജനം ക്രമം തെറ്റാനിടയുണ്ടെന്നും 50% പേര്‍ കരുത്തുന്നു. ജീവിതശൈലിയും ഇഷ്ടപ്പെടുന്ന ഭക്ഷ്യ വിഭവങ്ങളും ആണ് ദഹനേന്ദ്രിയങ്ങളുടെ ആരോഗ്യത്തെ ബാധിക്കുന്ന പ്രധാന ഘടകങ്ങള്‍. ചിട്ടയില്ലാത്ത ഉറക്കം, കൂടുതല്‍ എണ്ണയും മസാലകളുമടങ്ങിയതും വറുത്തതുമായ ഭക്ഷ്യ വിഭവങ്ങള്‍, വെള്ളം കുടിക്കുന്ന അളവിലെ അപര്യാപ്തത, ആഴ്ചയില്‍ ശരാശി 1.5 ദിവസം മാത്രമുള്ള വ്യായാമം എന്നിവയും സര്‍വേയിലൂടെ വെളിച്ചത്തു വന്നു. വീട്ടില്‍ തന്നെ ചെയ്യാവുന്ന ഔഷധപ്രയോഗങ്ങളും നിത്യേനയുള്ള ഭക്ഷണ ശീലത്തിലെ മാറ്റങ്ങളുമാണ് ദഹന സംബന്ധമായ ആരോഗ്യ പ്രശ്നങ്ങളെ നേരിടാന്‍ തങ്ങള്‍ സ്വീകരിക്കുന്ന മാര്‍ഗ്ഗം എന്നു 70% പേരും അഭിപ്രായപ്പെട്ടു.

ഗോതമ്പ് ഉല്‍പ്പന്നങ്ങള്‍, ധാന്യങ്ങള്‍, പഴങ്ങള്‍, ഇലവര്‍ഗ്ഗങ്ങള്‍ മുതലായ നാരുകള്‍ ധാരാളമായുള്ള വിഭവങ്ങള്‍ ഭക്ഷണത്തില്‍ ഉള്‍പ്പെടുത്തുന്നത് ദഹനത്തെ സഹായിക്കുകയും വിസര്‍ജന പ്രശ്നങ്ങള്‍ കുറക്കുകയും വയര്‍ നിറഞ്ഞപോലുള്ള അനുഭവം നല്‍കുന്നതിനാല്‍ ശരീര ഭാര നിയന്ത്രണത്തിന് സഹായകമാകുകയും ചെയ്യുമെന്ന് സര്‍വേയുടെ പശ്ചാത്തലത്തില്‍ വിദഗ്ധര്‍ ചൂണ്ടിക്കാണിച്ചു.

ദഹന സംബന്ധമായ ആരോഗ്യ പ്രശ്നങ്ങള്‍ നമ്മുടെ ജീവിതത്തെ അടിസ്ഥാനപരമായിത്തന്നെ ബാധിക്കുമെന്നും എന്നാല്‍ ഭക്ഷണ രീതികളില്‍ മാറ്റം വരുത്തിക്കൊണ്ട് ഇതിനെ നിയന്ത്രിക്കാന്‍ കുഴിയുമെന്നും ഈ സര്‍വേ ഫലങ്ങളെക്കുറിച്ച് വിശദീകരിച്ച ഐടിസിയുടെ സ്റ്റേപ്പ്ള്‍സ്, സ്നാക്ക്സ് ആന്‍ഡ് ഫുഡ്സ് ഡിവിഷന്‍ എസ്ബിയു ചീഫ് എക്സിക്യൂട്ടീവ് ഗണേഷ് കുമാര്‍ സുന്ദരരാമന്‍ പറഞ്ഞു. ”ആട്ടയെ ഉയര്‍ന്ന ഫൈബര്‍ സ്രോതസ്സ് ആക്കി മാറ്റുന്ന ഗോതമ്പ്, സോയാ, ചന, ഓട്ട്സ്, ചോളം സില്ലിയം തവിട് എന്നീ 6 ധാന്യങ്ങളടങ്ങിയ ആശീര്‍വാദ് ആട്ട വിത്ത് മള്‍ട്ടിഗ്രെയിന്‍സ് പോലുള്ള ഉല്‍പന്നങ്ങള്‍ നല്‍കി ഉപഭോക്താക്കളെ സഹായിക്കാനാണ് ഞങ്ങള്‍ പരിശ്രമിക്കുന്നത്. ദിവസേനയുള്ള ഭക്ഷണത്തില്‍ ഈ ആട്ട ഉപയോഗിക്കുന്നത് ആവശ്യമായ ഫൈബര്‍ ലഭിക്കുന്നതിനുള്ള സൌകര്യപ്രദമായ മാര്‍ഗ്ഗമാണ്. ധാരാളം ഫൈബര്‍ അടങ്ങിയ മറ്റ് ഭക്ഷണങ്ങളും കഴിക്കുകയും പ്രവര്‍ത്തനോന്‍മുഖമായ ജീവിത ക്രമം സ്വീകരിക്കുകയും ചെയ്യുന്നതിലൂടെ ആരോഗ്യകരമായ ജീവിത ശൈലി നേടാനാകും,” അദ്ദേഹം പറഞ്ഞു.

പോഷക മൂല്യങ്ങള്‍ ആഗിരണം ചെയ്യുന്നതില്‍ പ്രധാന പങ്കു വഹിക്കുന്ന ദഹന സംവിധാനത്തിന് ഫൈബര്‍ തുണയാകുന്നുവെന്ന് പ്രശസ്ത ഡയറ്റീഷ്യന്‍ ആയ അനുഭ തപാരിയാ ചൂണ്ടിക്കാണിച്ചു. കോളന്‍ സെല്ലുകള്‍ അവയുടെ ആരോഗ്യം നില നിര്‍ത്തനായി ഉപയോഗിയ്ക്കുന്ന ഇന്ധനമാണ് ഫൈബര്‍. അത് ദഹനേന്ദ്രിയങ്ങളെ സുഗമമാക്കുകയും വിസര്‍ജന പ്രക്രിയ ക്രമത്തിലും തടസ്സമില്ലാതെയും ആകാന്‍ സഹായിക്കുകയും ചെയ്യും. പ്രായപൂര്‍ത്തിയായ ഒരാളുടെ പ്രതിദിന ഭക്ഷണത്തില്‍ 40 ഗ്രാം എങ്കിലും (2000 കിലോ കാലറി ഡയറ്റ് അടിസ്ഥാനമാക്കി) ഡയറ്ററി ഫൈബര്‍ ഉണ്ടായിരിക്കണമെന്നാണ് ഇന്ത്യന്‍ കൌണ്‍സില്‍ ഓഫ് മെഡിക്കല്‍ റിസര്ച്ച് ശുപാര്‍ശ ചെയ്യുന്നതെന്നും അവര്‍ കൂട്ടിച്ചേര്‍ത്തു.

നല്ല നിലയിലുള്ള ദഹന വ്യവസ്ഥയുടെ പ്രാധാന്യം ഉപഭോക്താക്കളിലെത്തിയ്ക്കുന്നതിനായി ആശീര്‍വാദ് ആട്ട വിത്ത് മള്‍ട്ടിഗ്രെയിന്‍സ് പ്രത്യേക പ്രചാരണത്തിനും തുടക്കമിട്ടിട്ടുണ്ട്. http://happytummy.aashirvaad.com/എന്ന വെബ്സൈറ്റ് സന്ദര്‍ശിച്ച് ഉപഭോക്താക്കള്‍ക്ക് അവരുടെ ഡൈജസ്റ്റീവ് ക്വോഷ്യന്റ് (ഡിക്യു) അറിയാന്‍ സാധിക്കും. വിഷയ വിദഗ്ധര്‍ ഉള്‍പ്പെടുന്ന പാനലിന്റെ സഹായത്തോടെ ഉപദേശ സേവനങ്ങളും ലഭ്യമാണ്.

Continue Reading

Kerala

യുഡിഎഫിന്റെ പരാജയത്തില്‍നിന്നും സംരംഭകര്‍ പഠിച്ചിരിക്കേണ്ട പതിമൂന്ന് പാഠങ്ങള്‍

നിയമസഭാ തെരഞ്ഞെടുപ്പില്‍ യുഡിഎഫിനുണ്ടായ കനത്ത പരാജയത്തില്‍നിന്നും സംരംഭക സമൂഹത്തിനും ഒട്ടേറെ കാര്യങ്ങള്‍ പഠിക്കാനുണ്ട്. അതില്‍ ചില പോയിന്റുകള്‍ ചൂണ്ടിക്കാട്ടുകയാണ് ഇവിടെ

Media Ink

Published

on

അനില്‍ ബാലചന്ദ്രന്‍

നിയമസഭാ തെരഞ്ഞെടുപ്പില്‍ യുഡിഎഫിനുണ്ടായ കനത്ത പരാജയത്തില്‍നിന്നും സംരംഭക സമൂഹത്തിനും ഒട്ടേറെ കാര്യങ്ങള്‍ പഠിക്കാനുണ്ട്. അതില്‍ ചില പോയിന്റുകള്‍ ചൂണ്ടിക്കാട്ടുകയാണ് ഇവിടെ.

Advertisement

1) ജീവനക്കാരെ കൈകാര്യം ചെയ്യുന്നതിലെ മനോഭാവം.

അവോയ്ഡ് ദ ക്യാന്‍സറസ് എംപ്ലോയീസ് ഫ്രം യുവര്‍ ഓര്‍ഗനൈസേഷന്‍. പ്രസ്ഥാനത്തോട് കൂറും ആത്മാര്‍ഥതയും ഇല്ലാത്ത സ്വാര്‍ഥതാല്‍പര്യക്കാരെ യഥാസമയം ഒഴിവാക്കുക.

2) സെലക്ടിങ് ദ റോങ് കോംപറ്റീറ്റര്‍.

നിലവിലുള്ള കേരളത്തിന്റെ പ്രത്യേക സാഹചര്യം മനസ്സിലാക്കി എതിരാളിയായി യുഡിഎഫ് കാണേണ്ടിയിരുന്നത് എല്‍ഡിഎഫിനെ ആയിരുന്നില്ല; ബിജെപിയെ ആയിരുന്നു. തെറ്റായ എതിരാളിയുടെ പിന്നാലെ പോയവരെല്ലാം എന്നും പരാജയപ്പെട്ടിട്ടേ ഉള്ളൂ. കൊഡാക് കമ്പനിയുടെ തകര്‍ച്ച തന്നെ ഉദാഹരണം.

3) ഡൂയിംഗ് ദ സെയിം തിങ് ആന്റ് എക്സ്പെക്ടിങ് ഡിഫറന്റ് റിസള്‍ട്ട് ഈസ് ഫെയിലുവര്‍.

പണ്ട് ചെയ്ത കാര്യങ്ങള്‍ തന്നെ ചെയ്തുകൊണ്ടിരുന്നിട്ട് പുതിയ റിസള്‍ട്ട് പ്രതീക്ഷിച്ചാല്‍ അത് ഒരിക്കലും സാധ്യമാകില്ല. ലോകസഭാ തെരഞ്ഞെടുപ്പില്‍ ശബരിമല വിഷയം യുഡിഎഫിനെ സഹായിച്ചിട്ടുണ്ടെങ്കിലും ഇത്തവണയും അത് ഉയര്‍ത്തിപ്പിടിച്ചത് പ്രയോജനപ്പെട്ടില്ല. ബിസിനസില്‍ ആയാലും നമ്മള്‍ സെലക്ട് ചെയ്യുന്ന വിഷയത്തിലും മുന്നോട്ടുവയ്ക്കുന്ന ഒബ്ജക്ടീവ്സിലും എപ്പോഴും മാറ്റങ്ങള്‍ ഉണ്ടായിക്കൊണ്ടേയിരിക്കണം.

4) ബിസിനസ് എപ്പോഴും ഒരു സ്‌കെയിലബിള്‍ പ്രൊഡക്ട് ആയിരിക്കണം.

അതിനൊരു സ്ട്രക്ചറും ശരിയായ ഒരു ഡിസിഷന്‍ മേക്കറും ഉണ്ടായിരിക്കണം. ഒരു പ്രതിപക്ഷ നേതാവിനെ തെരഞ്ഞെടുക്കുന്നതില്‍പോലും എന്തൊക്കെ പ്രശ്നങ്ങളാണ് കോണ്‍ഗ്രസില്‍ നടന്നതെന്നു നമ്മള്‍ കണ്ടതാണ്. ആര് എന്ത് എപ്പോള്‍ ചെയ്യണം, എങ്ങനെ ചെയ്യണം, ആരെക്കൊണ്ട് ചെയ്യിപ്പിക്കണം, ഇത് ആരുടെ ഉത്തരവാദിത്തമാണ് എന്നുള്ള കാര്യങ്ങളില്‍ സമ്പൂര്‍ണ വ്യക്തത നമ്മുടെ സ്ഥാപനത്തില്‍ ഉണ്ടായില്ലങ്കില്‍ ഡിസിഷന്‍ മേക്കിങില്‍ എപ്പോഴും പ്രശ്നങ്ങളുണ്ടായിക്കൊണ്ടിരിക്കും.

5) മികച്ച നേതൃത്വത്തിന്റെ അഭാവം.

ഇവിടെ ഒരു വശത്ത് പിണറായി വിജയന്‍ എന്ന ഒറ്റയൊരാള്‍. മറുവശത്ത് നില്‍ക്കുന്നതാകട്ടെ ഒരു കൂട്ടം നേതാക്കള്‍. നമ്മളുടെ ബിസിനസില്‍ പാര്‍ട്ണര്‍ഷിപ്പിലോ ബോര്‍ഡ് ഓഫ് ഡയറക്ടേഴ്സിലോ നാലോ അഞ്ചോ പത്തോ പേരുണ്ടാകുമെങ്കിലും ഒരാളായിരിക്കണം മുന്നില്‍നിന്ന് നയിക്കേണ്ടത്. അദ്ദേഹത്തെ നമുക്ക് ചെയര്‍മാന്‍ എന്നോ സിഇഒ എന്നോ മാനേജിങ് പാര്‍ട്ണര്‍ എന്നോ പ്രസിഡന്റ് എന്നോ എന്ത് പേരിട്ടുവേണമെങ്കിലും വിളിക്കാം. ആ ഒരാള്‍ കോണ്‍ഗ്രസിന് ഇല്ലാതെ പോയി.

6) എപ്പോഴും ഒരു പ്രസ്ഥാനത്തിന്റെ വളര്‍ച്ചക്ക് ഒരു ടച്ചിങ് ഇമോഷണല്‍ സ്റ്റോറി ഉണ്ടാകണം.

ഇടതുപക്ഷം മുന്നോട്ടുവച്ച, ഉറപ്പാണ് എല്‍ഡിഎഫ് എന്ന മുദ്രാവാക്യം മുന്‍നിര്‍ത്തി അവര്‍ക്കു പറയാന്‍ പ്രളയമോ നിപയോ കൊവിഡോ കിറ്റോ ഉള്‍പ്പടെ ഒരുപാട് കഥകളുണ്ടായിരുന്നു. അത് അവര്‍ വളരെ ഇമോഷണലായി പറഞ്ഞു പ്രതിഫലിപ്പിച്ചു. പക്ഷേ, നാടു നന്നാകാന്‍ യുഡിഎഫ് എന്ന മുദ്രാവാക്യം പ്രതിപക്ഷം മുന്നോട്ടുവച്ചപ്പോള്‍ അതിന്റെ പിന്നില്‍ പറയാന്‍ അവര്‍ക്ക് ഹൃദയസ്പര്‍ശിയായ ഒരു കഥ ഇല്ലാതെ പോയി. ഒരു പ്രൊഡക്ട് വില്‍ക്കാനായി ഒരു ക്യാപ്ഷന്‍ തെരഞ്ഞെടുക്കുമ്പോള്‍ അതിന്റെ പിന്നില്‍ ടച്ചിങ് ആയിട്ടുള്ള, ഇമോഷണല്‍ ആയിട്ടുള്ള കഥകള്‍ ഉണ്ടെങ്കില്‍ മാത്രമേ, അത് വില്‍ക്കാന്‍ സാധിക്കുകയുള്ളൂ.

7) കസ്റ്റമറുടെ വികാരം മനസ്സിലാക്കുന്നതിലെ വീഴ്ച.

ഇവിടെ കേരളത്തിലെ ജനങ്ങളുടെ മാനസികാവസ്ഥയെക്കുറിച്ച് പഠിക്കാന്‍ കോണ്‍ഗ്രസ് മെനക്കെട്ടില്ല. എന്താണോ കസ്റ്റമര്‍ക്കുവേണ്ടത്, ആ ആവശ്യം മനസ്സിലാക്കിക്കൊണ്ടുവേണം ഒരു പ്രൊഡക്ടോ സര്‍വീസോ ഡിഫൈന്‍ ചെയ്യേണ്ടത്.

8) ഓവര്‍ കോണ്‍ഫിഡന്‍സ്.

ലോകസഭാ തെരഞ്ഞെടുപ്പില്‍ ഇരുപതില്‍ പത്തൊമ്പതും കിട്ടിയ യുഡിഎഫ്, അതിന്റെ ആത്മവിശ്വാസത്തില്‍ ഈ നിയമസഭാ തെരഞ്ഞെടുപ്പിലും എല്ലാ അഞ്ചുകൊല്ലവും കഴിയുമ്പോള്‍ സംഭവിക്കുന്നതുപോലെ ഒരുമാറ്റം ഉണ്ടാകുമെന്നു പ്രതീക്ഷിച്ചു. ചരിത്രം ഒരിക്കലും അതുപോലെ സംഭവിക്കുമെന്ന് വിശ്വസിക്കാനോ പണ്ടത്തെ വിജയത്തില്‍ മതിമറന്നിരിക്കാനോ പാടില്ല. 2016ലെ സാഹചര്യമല്ല 2021ല്‍. കോവിഡിനു മുമ്പുള്ള സിറ്റ്വേഷനല്ല, കോവിഡിനുശേഷം. കാലത്തിനനുസരിച്ച് നമ്മുടെ സ്ട്രാറ്റജിയിലും മാറ്റം വരുത്തണം.

9) ശരിയായ സ്ട്രാറ്റജിയുടെ അഭാവം.

ഒരു ബിസിനസ് ചെയ്യുമ്പോള്‍, ഒരു പ്രൊഡക്ടോ സര്‍വീസോ വില്‍ക്കാന്‍ ശ്രമിക്കുമ്പോള്‍ നമുക്ക് ഉറപ്പായും ഒരു സ്ട്രാറ്റജി ഉണ്ടായിരിക്കണം. 2021ല്‍ ഇവിടെ ഒരു തെരഞ്ഞെടുപ്പ് വരുമെന്നും 140 മണ്ഡലങ്ങളിലും മത്സരിക്കേണ്ടിവരുമെന്നും യുഡിഎഫിന് അറിയാമായിരുന്നു. പക്ഷേ തെരഞ്ഞെടുപ്പിനു ഇരുപത് ദിവസം മുമ്പ് മാത്രം സ്ഥാനാര്‍ഥിയെ പ്രഖ്യാപിക്കുമ്പോള്‍ ആ സ്ഥാനാര്‍ഥിക്ക് എന്ത് ഇംപാക്ടാണ് അവിടെ ഉണ്ടാക്കാന്‍ സാധിക്കുമെന്ന് അവര്‍ ചിന്തിച്ചില്ല. ബിസിനസില്‍ ആയാലും സമയമുണ്ടല്ലോ എന്നുപറഞ്ഞ് ടാസ്‌കുകള്‍ അവസാനനിമിഷത്തേക്കു മാറ്റിവെക്കരുത്. മുന്‍കൂട്ടി തന്നെ കാര്യങ്ങള്‍ കണ്ടും മനസ്സിലാക്കിയും തീരുമാനങ്ങള്‍ എടുക്കാന്‍ സാധിക്കണം.

10) സോഷ്യല്‍ മീഡിയ കൈകാര്യം ചെയ്യേണ്ട രീതി.

എല്‍ഡിഎഫ് കൊണ്ടുവരുന്ന ആശയങ്ങളെ സോഷ്യല്‍ മീഡിയയിലൂടെ ജനങ്ങളിലേക്ക് എത്തിക്കുന്നതിന് കടന്നല്‍ക്കൂടുപോലെ അനുഭാവികള്‍ ഉള്ളപ്പോള്‍ യുഡിഎഫ് സോഷ്യല്‍ മീഡിയ കൈകാര്യം ചെയ്ത രീതി ദുര്‍ബലമായിരുന്നു. പ്രതിപക്ഷ നേതാവിന്റെ പത്രസമ്മേളനങ്ങളെപ്പോലും പരിഹസിച്ച് നിമിഷനേരംകൊണ്ട് എത്രയോ സ്മൈലികളും ട്രോളുകളുമാണ് വന്നുകൊണ്ടിരുന്നത്. ഇതിനെ പ്രതിരോധിക്കാന്‍ യുഡിഎഫിന് സാധിച്ചില്ല. അതേസമയം പത്രങ്ങളെയോ ചാനലുകളെയോ കാര്യമായി ശ്രദ്ധിക്കാതെ സോഷ്യല്‍ മീഡിയയുടെ പള്‍സ് കൃത്യമായി ഉപയോഗിക്കാന്‍ എല്‍ഡിഎഫിന് സാധിച്ചു. ബിസിനസില്‍ ആയാലും, പത്രപരസ്യം കൊടുക്കുന്നതും ടെലിവിഷന്‍ ആഡ്സ് കൊടുക്കുന്നതും പോലുള്ള പരമ്പരാഗതരീതികള്‍ മാറ്റിവെച്ച് സോഷ്യല്‍ മീഡിയയെ കൂടുതല്‍ ശ്രദ്ധിക്കണം.

11) ഒരു ലീഡര്‍ക്ക് ഉണ്ടാകേണ്ട ക്വാളിറ്റി.

വിമതസ്വരം ഉയര്‍ത്തി നില്‍ക്കുന്ന പാലക്കാട് മുന്‍ ഡിസിസി പ്രസിഡന്റിനെ മുതിര്‍ന്ന നേതാവായ ഉമ്മന്‍ചാണ്ടി ഡല്‍ഹിയില്‍നിന്നു വിളിച്ചതും പാലക്കാട് അദ്ദേഹത്തിന്റെ വീട്ടില്‍പോയി ചര്‍ച്ച നടത്തിയതും കേരളം കണ്ടതാണ്. ഒരു ലീഡര്‍ ഒരിക്കലും അങ്ങനെ ചെയ്യാന്‍ പാടില്ല. ഒരു സംരംഭകനും ഒരു ജീവനക്കാരന്റെയും അടുത്ത് താഴ്ന്നുകൊടുക്കരുത്. താന്‍ മാറിക്കഴിഞ്ഞാല്‍ ഈ പ്രസ്ഥാനം ഇല്ലാതാകുമെന്ന് ഒരു ജീവനക്കാരനും തോന്നലുണ്ടാകുന്ന രീതിയില്‍ ഒരു ലീഡര്‍, ഒരു എന്‍ട്രപ്രണര്‍ പ്രവര്‍ത്തിക്കാന്‍ പാടില്ല.

12) നമ്മുടെ ഉള്ളില്‍ പേടിയുണ്ട് എന്ന് ഒരിക്കലും കോംപറ്റീറ്റേഴ്സ് അറിയരുത്.

2019ലും 2014ലും ദേശീയതലത്തില്‍ നരേന്ദ്രമോദിക്ക് മുന്നില്‍ സംഭവിച്ചതുപോലെ ഇവിടെയും പിണറായി വിജയന്‍ എന്ന വലിയൊരു ഇമേജിനുമുന്നില്‍ യുഡിഎഫ് പലപ്പോഴും പകച്ചുനില്‍ക്കുന്ന കാഴ്ചയായിരുന്നു. കൈയ്യില്‍ പണമില്ല, ക്യാപിറ്റല്‍ ഫണ്ടില്ല, കോര്‍പ്പറേറ്റുകള്‍ അവരെ സഹായിക്കാനുണ്ട് എന്നൊക്കെ നേതൃത്വത്തില്‍ ഇരിക്കുന്നവര്‍തന്നെ പറയുമ്പോള്‍ പൊട്ടിനില്‍ക്കുന്ന ഒരു കമ്പനിയിലേക്ക് ആരെങ്കിലും ഇന്‍വെസ്റ്റ് ചെയ്യുമോ എന്ന് ആലോചിക്കുക. ഒരു സംരംഭകന്റെ സാഹചര്യമോ അവസ്ഥയോ വീക്നെസ്സുകളോ സമൂഹത്തോട് വിളിച്ചുപറഞ്ഞുകഴിഞ്ഞാല്‍ പിന്നെ നിലനില്‍പ്പുണ്ടാകില്ല. നമ്മളെ ആരും വിശ്വസിക്കുകയോ കൂടെ നില്‍ക്കുകയോ ചെയ്യില്ല.

13) പുതിയ തലമുറയെ ശരിയായരീതിയില്‍ വളര്‍ത്തിക്കൊണ്ടുവരുന്നതില്‍ ഉണ്ടായ വീഴ്ച.

ഒരിക്കലും ഹെലികോപ്ടര്‍ ലാന്‍ഡിങ് പോലെ ഒരു സ്ഥാപനത്തിലും പുറത്തുനിന്ന് ഒരാളെ കെട്ടിയിറക്കരുത്. അതുപോലെ ഒരു സംരംഭകനെ സംബന്ധിച്ച് നമ്മുടെ താഴെ ഒരു മാനേജരെ നിയമിച്ചിട്ടുണ്ടെങ്കില്‍ അദ്ദേഹം മുഖേന ആയിരിക്കണം കാര്യങ്ങള്‍ നടപ്പിലാക്കേണ്ടത്. ഹൈകമാന്‍ഡ് ആകുന്ന നമ്മളിലേക്ക് നേരിട്ട് ഒരു എംപ്ലോയിക്കും അപ്രോച്ച് കൊടുക്കരുത്. അങ്ങനെ സംഭവിക്കുമ്പോള്‍ തലപ്പത്ത് ഇരുത്തിയിരിക്കുന്ന ആള്‍ – അത് ജനറല്‍ മാനേജര്‍ ആയാലും പ്രസിഡന്റ് ആയാലും അവരുടെ പദവിക്ക് ഒരു പ്രാധാന്യവും ഇല്ലാതെ പോകും.

ഈ പതിമൂന്നുകാര്യങ്ങളാണ് യുഡിഎഫിന്റെ പരാജയത്തില്‍നിന്നും സംരംഭകര്‍ക്ക് പ്രധാനമായും പഠിക്കാനുള്ളത്. ഒരു ബിസിനസില്‍ ഉണ്ടാകേണ്ട ക്ലാരിറ്റി, ഒരു നല്ല മാനേജ്മെന്റ് ടീമിന് ഉണ്ടാകേണ്ട ക്ലാരിറ്റി നിര്‍ഭാഗ്യവശാല്‍ ഈ പ്രസ്ഥാനത്ത് ഉണ്ടായിരുന്നില്ല. ആര് എന്ത് ചെയ്യണം, എങ്ങനെ ചെയ്യണം എന്നുള്ള കാര്യങ്ങളില്‍ ഒരു ക്ലാരിറ്റിയോ ഓര്‍ഗനൈസേഷന്‍ സ്ട്രക്ചറോ ഒരു ഡിസിഷന്‍ മേക്കിങ് സ്‌കിലോ ഒരു ലീഡര്‍ഷിപ്പ് ക്വാളിറ്റിയോ എപ്പോഴും ഒരു പ്രസ്ഥാനത്തിന് ഉണ്ടാകണം. അതുപോലെ പാര്‍ട്ണേഴ്സിനെയും കണ്‍സള്‍ട്ടന്റുമാരെയും തെരഞ്ഞെടുക്കുന്ന കാര്യത്തിലും വ്യക്തമായ പഠനം നടത്തണം. ക്യാന്‍സറസായിട്ടുള്ള ജീവനക്കാരെ ഒരു നിമിഷം പോലും വച്ചുകൊണ്ടിരിക്കാതെ മുറിച്ചുമാറ്റാനുള്ള ആര്‍ജവം കാണിക്കുന്ന ലീഡര്‍മാരുള്ളിടത്തു മാത്രമാണ് ഒരു പ്രസ്ഥാനം ശരിയായ രീതിയില്‍ മുന്നോട്ടു പോകുന്നത്.

ഇക്കാര്യങ്ങളൊക്കെ കൃത്യമായി പഠിച്ച് മനസ്സിലാക്കി, ഓരോ പോയിന്റും എഴുതിവെച്ച്, നിങ്ങളുടെ സ്ഥാപനത്തില്‍ ഇങ്ങനെയുള്ള തെറ്റുകള്‍ സംഭിക്കില്ല എന്ന് ഓരോ സംരംഭകനും ഉറപ്പുവരുത്തുക. കൂടുതല്‍ വിശദമായി കാര്യങ്ങള്‍ മനസ്സിലാക്കാന്‍ ആഗ്രഹിക്കുന്നവര്‍ക്ക് ഈ വീഡിയോ കാണാം.

(അനില്‍ ബാലചന്ദ്രന്‍ – പ്രശസ്ത സെയില്‍സ് ട്രയിനറും ദ സെയില്‍സ്മാന്‍ എന്ന ബ്രാന്‍ഡിന്റെ അമരക്കാരനും. വിവിധ രാജ്യങ്ങളിലായി പതിനായിരക്കണക്കിന് സംരംഭകര്‍ക്ക് മികച്ചരീതിയില്‍ സെയില്‍സ് പരിശീലനം നല്‍കിവരുന്നു. കോര്‍പ്പറേറ്റുകള്‍ അടക്കമുള്ള ഒട്ടേറെ പ്രമുഖ ബ്രാന്‍ഡുകള്‍ക്ക് സെയില്‍സ് ട്രയിനിങിനു പുറമേ കണ്‍സള്‍ട്ടിങ് സേവനവും ലഭ്യമാക്കുന്നു. സെയില്‍സ് മേഖലയില്‍ ഏറ്റവും ആധികാരികമെന്നു വിശേഷിപ്പിക്കാവുന്ന ഒട്ടേറെ മലയാളം വീഡിയോകളും അനില്‍ ബാലചന്ദ്രന്‍ ദ സെയില്‍സ്മാന്‍ എന്ന യൂട്യൂബ് ചാനലിലൂടെ മുടങ്ങാതെ പ്രേക്ഷകരിലേക്ക് എത്തുന്നുണ്ട്.)

Continue Reading
Advertisement

Facebook

Recent Posts

Advertisement
Home5 days ago

വൈകാരികമായി ഒറ്റപ്പെടുമ്പോള്‍… ചിന്തകള്‍ക്ക് അതീതമാണ് യാഥാര്‍ഥ്യം

Kerala3 weeks ago

56 % ഇന്ത്യന്‍ കുടുംബങ്ങളിലും ദഹന സംബന്ധമായ ആരോഗ്യ പ്രശ്നങ്ങള്‍ ഉള്ളതായി ആശീര്‍വാദ് ആട്ട വിത്ത് മള്‍ട്ടിഗ്രെയിന്‍സ് നടത്തിയ സര്‍വേ ഫലം

Kerala3 weeks ago

യുഡിഎഫിന്റെ പരാജയത്തില്‍നിന്നും സംരംഭകര്‍ പഠിച്ചിരിക്കേണ്ട പതിമൂന്ന് പാഠങ്ങള്‍

Books3 weeks ago

മാസം 149 രൂപയ്ക്ക് വരിക്കാരാകാവുന്ന സ്റ്റാര്‍ട്ടര്‍ പാക്കേജുമായി സ്റ്റോറിടെല്‍

Business4 weeks ago

കേരളത്തിലാദ്യമായി 1 ലിറ്റര്‍ എച്ച്ഡിപിഇ ബോട്ട്ലില്‍ ഫ്രഷ് മില്‍ക്ക് വിപണിയിലിറക്കി സാപിന്‍സ്

Entertainment4 weeks ago

ബിജു മേനോനും, പാര്‍വതിയും ഒന്നിച്ച ആര്‍ക്കറിയാം’ മെയ് 19ന് നീസ്ട്രീമിലൂടെ പ്രേക്ഷകരിലേക്ക്

Business1 month ago

മലയാളി സംരംഭകരുടെ പരാജയത്തിന് പിന്നിലെ കാരണങ്ങള്‍

Business4 weeks ago

കേരളത്തിലാദ്യമായി 1 ലിറ്റര്‍ എച്ച്ഡിപിഇ ബോട്ട്ലില്‍ ഫ്രഷ് മില്‍ക്ക് വിപണിയിലിറക്കി സാപിന്‍സ്

Home5 days ago

വൈകാരികമായി ഒറ്റപ്പെടുമ്പോള്‍… ചിന്തകള്‍ക്ക് അതീതമാണ് യാഥാര്‍ഥ്യം

Kerala3 weeks ago

യുഡിഎഫിന്റെ പരാജയത്തില്‍നിന്നും സംരംഭകര്‍ പഠിച്ചിരിക്കേണ്ട പതിമൂന്ന് പാഠങ്ങള്‍

Books3 weeks ago

മാസം 149 രൂപയ്ക്ക് വരിക്കാരാകാവുന്ന സ്റ്റാര്‍ട്ടര്‍ പാക്കേജുമായി സ്റ്റോറിടെല്‍

Entertainment4 weeks ago

ബിജു മേനോനും, പാര്‍വതിയും ഒന്നിച്ച ആര്‍ക്കറിയാം’ മെയ് 19ന് നീസ്ട്രീമിലൂടെ പ്രേക്ഷകരിലേക്ക്

Kerala3 weeks ago

56 % ഇന്ത്യന്‍ കുടുംബങ്ങളിലും ദഹന സംബന്ധമായ ആരോഗ്യ പ്രശ്നങ്ങള്‍ ഉള്ളതായി ആശീര്‍വാദ് ആട്ട വിത്ത് മള്‍ട്ടിഗ്രെയിന്‍സ് നടത്തിയ സര്‍വേ ഫലം

Viral

Entertainment6 months ago

നേരും നെറിവുമുള്ള മറ്റൊരു കള്ളന്റെ കഥ സിനിമയാകുന്നു

നവംബര്‍ 24-ന് ആരംഭിച്ച ഷൂട്ടിംഗ് രാത്രികളില്‍ മാത്രമായി തുടര്‍ച്ചയായ പതിനഞ്ചു ദിവസം കൊണ്ടാണ് പൂര്‍ത്തിയാക്കിയത്

Life9 months ago

ഫോട്ടോഗ്രാഫര്‍ വീട് പണിതാല്‍ ഇങ്ങനിരിക്കും…കാമറ പോലൊരു വീട്

ഒറ്റ നോട്ടത്തില്‍ ഒരു കാമറയാണ് ഇതെന്നേ ആരും പറയൂ. എന്നാല്‍ ഇതൊരു കിടിലന്‍ വീടാണ്

Health11 months ago

ഇതൊന്നും കാണാതെ പോകരുത്, കളക്റ്ററെ കുറിച്ചുള്ള ഹൈബിയുടെ കുറിപ്പ് വൈറല്‍

പ്രിയ കളക്ടര്‍… ഞങ്ങള്‍ നിങ്ങളോടൊപ്പമുണ്ട്. സധൈര്യം മുന്നോട്ട് പോവുക. നിങ്ങളിലെ നന്മയ്ക്ക് അഭിനന്ദനങ്ങള്‍….

Life1 year ago

ആരാണ് മദം പൊട്ടിയ കൊമ്പന്‍?

എന്നാല്‍ എന്താണ് യഥാര്‍ത്ഥത്തില്‍ ആനയുടെ മദം പൊട്ടല്‍ എന്നത് കൊണ്ട് ഉദ്ദേശിക്കുന്നത്?

Kerala1 year ago

കോവിഡിനെ തോല്‍പ്പിക്കാന്‍ കുടയും; ഇത് തണ്ണീര്‍മുക്കം സ്റ്റൈല്‍

കോവിഡിനെ കെട്ടുകെട്ടിക്കാന്‍ മാസ്‌ക്കിനും സാനിറ്റൈസറിനുമൊപ്പം കുടയും ആയുധമാണ് ഈ നാട്ടുകാര്‍ക്ക്

Politics1 year ago

ഓരോ മലയാളിയെയും നാണിപ്പിക്കുന്ന പ്രകടനങ്ങളെന്ന് കളക്റ്റര്‍

ടിവി ഷോ മത്സരാര്‍ഥിയും ഫാന്‍സ് അസോസിയേഷനും കൊച്ചി എയര്‍പോര്‍ട്ട് പരിസരത്തു നടത്തിയ പ്രകടനങ്ങള്‍ ഓരോ മലയാളിയെയും നാണിപ്പിക്കുന്നതെന്ന് കളക്റ്റര്‍

Kerala2 years ago

അയര്‍ലന്‍ഡില്‍ നിന്ന് ഇലിസ് നല്‍കി വരുമാനത്തിന്റെ ഒരു പങ്ക്

ദുരിതബാധിതര്‍ക്ക് പിന്തുണയുമായി കേരളത്തില്‍ വച്ച് കൊല്ലപ്പെട്ട ലാത്വിയന്‍ യുവതിയുടെ സഹോദരി ഇലിസ് സര്‍ക്കോണയും

Life2 years ago

‘ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നു ഇത്തരം കൈകള്‍’

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

Gulf2 years ago

കുട്ടികള്‍ക്കൊപ്പം ദുബായ് രാജകുമാരന്റെ വലിയപെരുന്നാള്‍ ആഘോഷം

കുട്ടികള്‍ക്കൊപ്പമുള്ള നിമിഷങ്ങള്‍ സോഷ്യല്‍ മീഡിയയില്‍ പങ്കുവെച്ച് ഷേഖ് ഹംദാന്‍

Business2 years ago

ചൂടില്‍ നിന്ന് തൊഴിലാളികളെ രക്ഷിക്കാന്‍ 1914ല്‍ ഐസ് മെഷീന്‍ സ്ഥാപിച്ച ടാറ്റ ഗ്രൂപ്പ്

ഐസ് ആഡംബരമായിരുന്ന കാലത്ത് തൊഴിലാളികള്‍ക്കായി ഒരു ഐസ് ആന്‍ഡ് സോഡ മെഷീന്‍ സ്ഥാപിച്ച ടാറ്റ ഗ്രൂപ്പ്

Opinion

Kerala3 weeks ago

യുഡിഎഫിന്റെ പരാജയത്തില്‍നിന്നും സംരംഭകര്‍ പഠിച്ചിരിക്കേണ്ട പതിമൂന്ന് പാഠങ്ങള്‍

നിയമസഭാ തെരഞ്ഞെടുപ്പില്‍ യുഡിഎഫിനുണ്ടായ കനത്ത പരാജയത്തില്‍നിന്നും സംരംഭക സമൂഹത്തിനും ഒട്ടേറെ കാര്യങ്ങള്‍ പഠിക്കാനുണ്ട്. അതില്‍ ചില പോയിന്റുകള്‍ ചൂണ്ടിക്കാട്ടുകയാണ് ഇവിടെ

Business1 month ago

മലയാളി സംരംഭകരുടെ പരാജയത്തിന് പിന്നിലെ കാരണങ്ങള്‍

അടുത്തിടെയായി കേരളത്തിലെ സംരംഭങ്ങളുടെ പരാജയനിരക്ക് വര്‍ധിച്ചു വരികയാണ്. ബിസിനസിന് പറ്റിയ വളക്കൂറുള്ള മണ്ണായി കേരളത്തെ മാറ്റാന്‍ അവസരങ്ങള്‍ അനവധിയുണ്ടെങ്കിലും പലപ്പോഴും സംരംഭകര്‍ക്ക് അടിപതറുന്നു

Opinion6 months ago

കര്‍ഷകസമരവും ജിയോയുടെ ബിസിനസ് മോഡലും; എന്താണ് ബന്ധം?

കര്‍ഷകരെ ഇടനിലക്കാര്‍ ചൂഷണം ചെയ്യുന്നതില്‍ നിന്നും തടയാന്‍ വിപണിയിലെ കോര്‍പ്പറേറ്റ് കുത്തകവത്ക്കരണമാണോ പ്രായോഗികമായ ഒരേ ഒരു നടപടി?

Education9 months ago

2020നെ ഞങ്ങള്‍ ആംഗ്യഭാഷയില്‍ അടയാളപ്പെടുത്തുന്നു

ഞങ്ങള്‍ 2020നെ സ്‌നേഹത്തിന്റെ ആംഗ്യഭാഷയില്‍ അടയാളപ്പെടുത്തുന്നു-50 Days Of Sign Language അഥവാ 50 ഡേയ്‌സ് ഓഫ് ലവ്!

Business10 months ago

വ്യവസായങ്ങള്‍ തകരുന്നില്ല, പൂര്‍വ്വാധികം ശക്തിയോടെ തിരിച്ചു വരും

ഇത്തരം വെല്ലുവിളികള്‍ക്കൊന്നും മനുഷ്യകുലത്തിനെ വേരോടെ പിഴുതെറിയാന്‍ സാധിക്കയില്ല എന്ന് ചരിത്രം നമ്മെ ഓര്‍മ്മിപ്പിക്കുന്നുണ്ട്

Opinion10 months ago

റഫേലിന്റെ വരവ്; അതിര്‍ത്തിയില്‍ അഡ്വാന്റേജ് ഇന്ത്യ

ചൈനയുടെ നീക്കങ്ങള്‍ പ്രവചനാതീതമാണെങ്കിലും 1962 ലേതുപോലെ ഒരു യുദ്ധത്തിലേക്ക് ഈ സംഘര്‍ഷം നീങ്ങാനുള്ള സാധ്യത അനുദിനം വിരളമായിക്കൊണ്ടിരിക്കുന്നു എന്നതാണ് വാസ്തവം

Business10 months ago

കോവിഡ് കാലത്ത് ബിസിനസുകള്‍ ചെയ്യേണ്ടത്

കച്ചവടം കൂട്ടാന്‍ യാതൊരു വിധ നിയന്ത്രണങ്ങളും പാലിക്കേണ്ട എന്ന ചിന്താഗതി ഗുണത്തെക്കാളേറെ ദോഷം ചെയ്യും

Opinion10 months ago

നവകേരളം എങ്ങനെയാകണം, എന്തായാലും ഇങ്ങനെ ആയാല്‍ പോര

മദ്യത്തേയും ലോട്ടറിയേയും ടൂറിസത്തേയും ചുറ്റിപറ്റിയാണ് പതിറ്റാണ്ടുകളായി നാം നിലനിന്നു പോരുന്നത്. ഇത് മാറണ്ടേ

Opinion10 months ago

എന്തു കൊണ്ട് തര്‍ക്കങ്ങള്‍ അവസാനിക്കുന്നില്ല?

എന്തു കൊണ്ട് തര്‍ക്കങ്ങള്‍ അവസാനിക്കുന്നില്ല? അതിനുള്ള ഉത്തരം നമ്മുടെ രണ്ട് സ്‌നേഹിതന്മാരും പറയുന്നുണ്ട്.

Life11 months ago

നിഷേധാത്മക ചിന്തകളെ മറികടക്കാനൊരു മന്ത്രം

നമുക്കാ മന്ത്രത്തെ ''ട്രിപ്പിള്‍ ആര്‍'' (RRR) എന്ന് വിളിക്കാം.നമ്മെ വലിച്ചു താഴ്ത്തുന്ന ചിന്തകളെ ദിശമാറ്റി വിട്ടുകൊണ്ട് നാം മുന്നോട്ട് കുതിക്കണം.

Auto

Auto8 months ago

55 ടണ്‍ ഭാരമുള്ള ഇന്ത്യയിലെ ആദ്യത്തെ 4ഃ2 പ്രൈം മൂവര്‍ സിഗ്ന 5525.S പുറത്തിറക്കി ടാറ്റ മോട്ടോഴ്‌സ്

ഇന്ത്യയില്‍ ആദ്യമായി 55 ടണ്‍ ഭാരമുള്ള 4ഃ2 പ്രൈം മൂവറിന് ARAI സര്‍ട്ടിഫിക്കറ്റ് ലഭിക്കുന്ന നിര്‍മ്മാതാവ്

Auto9 months ago

ആര്‍സി ശ്രേണിയില്‍ പുതിയ നിറങ്ങളുമായി കെടിഎം

കെടിഎം ആര്‍സി 125ന് ഡാര്‍ക്ക് ഗാല്‍വാനോ നിറവും ആര്‍സി 200ന് ഇലക്ട്രോണിക് ഓറഞ്ച് നിറവും ആര്‍സി 390ക്ക് മെറ്റാലിക് സില്‍വര്‍ നിറവുമാണ് പുതുതായി നല്‍കിയിരിക്കുന്നത്

Auto9 months ago

മോഹിപ്പിക്കുന്ന എസ്‌യുവി; അതും 6.71 ലക്ഷത്തിന്

കിയ സോണറ്റ് ഓട്ടോ വിപണിയില്‍ വലിയ ചലനം തന്നെ സൃഷ്ടിച്ചേക്കും

Auto10 months ago

ജര്‍മനിയില്‍ റെനോ ഇലക്ട്രിക്ക് കാര്‍ സൗജന്യം!

കാറിന്റെ വില സര്‍ക്കാരിന്റെ വിവിധ സബ്‌സിഡികളിലൂടെ കവര്‍ ചെയ്യാമെന്ന വാഗ്ദാനം നല്‍കി ഡീലര്‍ഷിപ്പുകള്‍

Auto10 months ago

‘കോള്‍ ഓഫ് ദ ബ്ലൂ’,ഓണ്‍ലൈന്‍ വില്‍പ്പനയുമായി യമഹ

'കോള്‍ ഓഫ് ദ ബ്ലൂ'. യമഹയുടെ വിര്‍ച്വല്‍ സ്റ്റോര്‍ പ്രവര്‍ത്തനമാരംഭിച്ചു.

Auto10 months ago

മാരുതി വിറ്റത് 40 ലക്ഷം ഓള്‍ട്ടോ കാറുകള്‍; അത്യപൂര്‍വ നാഴികക്കല്ല്

ഇന്ത്യയില്‍ 40 ലക്ഷം യൂണിറ്റുകള്‍ വിറ്റുപോയ ഏക കാറാണ് മാരുതിയുടെ ഓള്‍ട്ടോ

Auto10 months ago

15 ലക്ഷം രൂപ നല്‍കി ഔഡി ആര്‍എസ് ക്യു8 ബുക്ക് ചെയ്യാം

അഗ്രസീവ് സ്‌റ്റൈലിംഗ് നല്‍കിയിരിക്കുന്നു. പ്രീമിയം കൂപ്പെയുടെ ഭംഗിയുമുണ്ട്

Auto10 months ago

ഇന്ത്യയിൽ വിറ്റത് അഞ്ച് ലക്ഷം ഹ്യുണ്ടായ് ക്രെറ്റ !

2015 ലാണ് കോംപാക്റ്റ് എസ് യുവി ഇന്ത്യയിൽ ആദ്യമായി അവതരിപ്പിച്ചത്

Auto10 months ago

ട്രയംഫ് സ്ട്രീറ്റ് ട്രിപ്പിള്‍ ആര്‍ ഇന്ത്യയിലെത്തി

ഇന്ത്യയില്‍ ഇതാദ്യമായാണ് സ്ട്രീറ്റ് ട്രിപ്പിള്‍ ആര്‍ അവതരിപ്പിക്കുന്നത്. വില 8.84 ലക്ഷം രൂപ

Auto10 months ago

എന്തുകൊണ്ട് കിയ സോണറ്റ് കാര്‍ പ്രേമികളുടെ ആവേശമാകും

ഇന്ത്യയില്‍ ആഗോള അരങ്ങേറ്റം നടത്തിയ കിയ സോണറ്റിന്റെ വിശേഷങ്ങളിലേക്ക്...

Trending