Connect with us

Life

നിഷേധാത്മക ചിന്തകളെ മറികടക്കാനൊരു മന്ത്രം

നമുക്കാ മന്ത്രത്തെ ”ട്രിപ്പിള്‍ ആര്‍” (RRR) എന്ന് വിളിക്കാം.നമ്മെ വലിച്ചു താഴ്ത്തുന്ന ചിന്തകളെ ദിശമാറ്റി വിട്ടുകൊണ്ട് നാം മുന്നോട്ട് കുതിക്കണം.

സുധീര്‍ ബാബു

Published

on

നിഷേധാത്മക ചിന്തകള്‍ ഭ്രാന്തു പിടിപ്പിക്കുന്നുണ്ടോ? ഉണ്ടാവാം. ചിന്തകള്‍ കാടുകയറുമ്പോള്‍ അത് നമ്മെ മാനസിക നില തെറ്റിക്കുന്ന അവസ്ഥയിലേക്ക് കൂട്ടിക്കൊണ്ടുപോകും. അതല്ലെങ്കില്‍ നാം വിഷാദത്തിനടിപ്പെടും. ചിന്തിക്കാന്‍ നാം പൂര്‍ണ്ണ സ്വതന്ത്രരാണ് എന്നത് ഗുണകരവും ദോഷകരവുമായ ചില പാതകളിലേക്ക് നമ്മെ നയിച്ചേക്കാം.

പ്രതികൂല സാഹചര്യങ്ങളില്‍, പ്രത്യേകിച്ചും ഇപ്പോള്‍ നാം അഭിമുഖീകരിക്കുന്ന സാമൂഹ്യ, ആരോഗ്യ പ്രശ്‌നങ്ങളുടെ ഇടയില്‍ ചിന്തകള്‍ കൈവിട്ടുപോകുന്നത് സ്വാഭാവികം. നമ്മുടെ ജീവിത സ്വാതന്ത്ര്യത്തിന് വിലക്ക് വീണിരിക്കുന്നു. ഉപജീവനമാര്‍ഗ്ഗത്തിന് തടസ്സങ്ങള്‍ ഉയര്‍ന്നിരിക്കുന്നു. ഇത് നമ്മെ ഭീതിതരും ഭാവിയെക്കുറിച്ച് ഉത്കണ്ഠാകുലരും ആക്കുന്നു. ഇനിയെന്ത്? എന്ന ചോദ്യം ഉയരുമ്പോള്‍ നാം ചകിതരാകുന്നു. അന്ധകാരത്തില്‍ ഒരു വനത്തില്‍ ഒറ്റപ്പെട്ട അവസ്ഥപോലെ നമുക്കനുഭവപ്പെടുന്നു.

Advertisement

ചുറ്റുമുള്ള ഓരോ ചലനവും നമ്മെ ഭയപ്പെടുത്തുന്നു. ചിന്തകളുടെ കാടുകയറ്റത്തെ നിയന്ത്രിക്കുവാനാവാതെ കഠിനമായ മാനസിക സമ്മര്‍ദ്ദത്തിന് ധാരാളം പേര്‍ അടിപ്പെടുന്നു.

ചിന്തകളെ നിയന്ത്രിക്കാന്‍ ശ്രമിക്കേണ്ടതില്ല

ചിന്തകളെ നിയന്ത്രിക്കുക ലളിതമായ ഒരു പ്രയത്‌നമല്ല. നാം അതിന് ശ്രമിച്ചാലും ചിന്തകള്‍ നമുക്ക് പിടി തരണമെന്നുമില്ല. ആ നിയന്ത്രണം തന്നെ ചിലപ്പോള്‍ വലിയ മാനസിക സമ്മര്‍ദ്ദത്തിലേക്ക് നയിക്കാം. എങ്ങിനെ ചിന്തിക്കണം എന്നു പഠിച്ച് ചിന്തിക്കുന്നതും എളുപ്പമല്ല. കൂട്ടിലകപ്പെട്ട മൃഗത്തെപ്പോലെ ചിന്തകള്‍ വന്യമായി, അസ്വസ്ഥമായി വട്ടംകറങ്ങുകയാണ്.

ഇവിടെ ചെറിയൊരു മന്ത്രം നമുക്ക് പരീക്ഷിച്ചു നോക്കിയാലോ? ഈ മന്ത്രം നമുക്ക് തയ്യാറെടുക്കുവാനുള്ളതാണ്. വലിയൊരു പരിശ്രമത്തിലൂടെ ചിന്തകളെ മെരുക്കാന്‍ ഒരുങ്ങുന്നതിനു പകരം നമുക്കെന്തുകൊണ്ട് മറ്റൊരു മാര്‍ഗ്ഗം നോക്കിക്കൂടാ? നമുക്കാ മന്ത്രത്തെ ”ട്രിപ്പിള്‍ ആര്‍” (RRR) എന്ന് വിളിക്കാം.

ആദ്യത്തെ R യാഥാര്‍ത്ഥ്യമാണ് (REALITY)

യാഥാര്‍ത്ഥ്യത്തെ അംഗീകരിക്കുക എന്നതാണ് ആദ്യം നാം ചെയ്യേണ്ടത്. ഇന്നത്തെ അവസ്ഥ ഇതാണ്. നമ്മുടെ നിയന്ത്രണത്തിലല്ല ഈ കാര്യങ്ങള്‍ എന്ന് യാഥാര്‍ത്ഥ്യ ബോധത്തോടെ മനസിലാക്കണം. നമ്മുടെ തെറ്റുകൊണ്ടല്ല ഇത്തരമൊരു അവസ്ഥ സംജാതമായിട്ടുള്ളതെന്നും ഇതിനെ മറികടക്കുവാന്‍ സമയമെടുക്കുമെന്നും പൂര്‍ണ്ണമായി മനസിനെ പറഞ്ഞു പഠിപ്പിക്കുവാന്‍ നാം തയ്യാറാവണം.

യാഥാര്‍ത്ഥ്യം അതേപോലെ അംഗീകരിക്കുവാന്‍ മടിക്കുന്ന അസാധാരണമായ ഒരു വ്യക്തിത്വം നമ്മുടെ മനസിനുണ്ട്. അത് കണ്ടെത്താനും ഇന്നത്തെ സ്ഥിതി ഇതാണ് എന്ന് മനസിനെ ബോധ്യപ്പെടുത്താനും നമുക്ക് കഴിയണം.

യാഥാര്‍ത്ഥ്യം അംഗീകരിക്കാന്‍ മടിച്ചാല്‍ മനസ് അലഞ്ഞുതിരിയും. അത് അസ്വസ്ഥമാകും. എന്തു കൊണ്ട് എനിക്കിങ്ങനെ വരുന്നു എന്നത് നിരന്തരം ചോദിച്ചു കൊണ്ടിരിക്കും. ഒരേ ചിന്ത നിരന്തരം കടന്നു വരുമ്പോള്‍ നിരാശയുടെ കുഴിയിലേക്ക് നാം മെല്ലെ ഇറങ്ങിപ്പോകുകയാണ്. മറിച്ച് യാഥാര്‍ത്ഥ്യം ഇതാണ് അതിനെ ഉള്‍ക്കൊണ്ടേ കഴിയൂ എന്ന സന്ദേശം മനസിനെ ശാന്തമാക്കുന്നു.

തെളിഞ്ഞ ജലാശയത്തില്‍ അടിത്തട്ടിലെ കാഴ്ചകള്‍ നമുക്ക് വ്യക്തമായി കാണാം. അതുപോലെ യാഥാര്‍ത്ഥ്യ ബോധത്തിലേക്ക് വരുന്ന മനസ് കാഴ്ചകളെ കൂടുതല്‍ തെളിമയോടെ കാണുകയും വസ്തുതകളെ ശരിയായി മനസിലാക്കുകയും ചെയ്യുന്നു.

രണ്ടാമത്തെ R വ്യതിചലനമാണ് (REDIRECTION)

അനുവാദം ചോദിക്കാതെ നമ്മില്‍ ഭീതിയുണര്‍ത്തി കയറി വരുന്ന ചിന്തകളെ വ്യതിചലിപ്പിച്ചാലോ? നാമവയെ തടുക്കാന്‍ ശ്രമിക്കുന്നില്ല. ചിന്തകളെ തടുക്കുന്നത് പ്രായോഗികമല്ല. പകരം അവയെ സ്വീകരിക്കുകയും ദിശ മാറ്റിവിടുകയും ചെയ്യുകയാണ് ബുദ്ധിപൂര്‍വ്വം ചിന്തകളെ കൈകാര്യം ചെയ്യാന്‍ നമ്മെ പ്രാപ്തമാക്കുന്ന വിദ്യ. അവയെ തടുക്കാന്‍ ശ്രമിച്ചാല്‍ അവ പൂര്‍വ്വാധികം ശക്തിയോടെ തിരിച്ചു വരും. നമുക്കവയുടെ സ്വഭാവം മെല്ലെ പരിവര്‍ത്തനം ചെയ്യാന്‍ ശ്രമിച്ചു നോക്കാം.

നിഷേധാത്മകമായ ചിന്തകള്‍ നമ്മെ വേട്ടയാടിത്തുടങ്ങുമ്പോള്‍ മെല്ലെ നമുക്കുള്ള പോസിറ്റീവ് ആയ കാര്യങ്ങളിലേക്ക് ശ്രദ്ധ തിരിക്കുക. മോശമായ കാലഘട്ടമാണെങ്കിലും ചുറ്റും ഇരുട്ടാണ് എന്ന് നമുക്ക് തോന്നുമെങ്കിലും വെളിച്ചം പകരുന്ന ചില കാര്യങ്ങള്‍ എല്ലാവരുടെയും ജീവിതത്തിലുണ്ട്. അതിലേക്ക് ശ്രദ്ധ കൊണ്ടുവരാന്‍ നാം തുനിയണം. ഇതിന് ബോധപൂര്‍വ്വമായ ശ്രമം തന്നെ നടത്താം. യാഥാര്‍ത്ഥ്യത്തെ തിരിച്ചറിഞ്ഞതോടുകൂടി മനസും അതിനായി സജ്ജമായിക്കഴിഞ്ഞു. ഇനി ചിന്തകളെ ഒന്ന് ദിശമാറ്റി വിടേണ്ട ആവശ്യമേയുള്ളൂ.

നമ്മെ മുന്നോട്ടു നയിക്കുന്ന വഴികള്‍ തിരിച്ചറിയുകയും അവയില്‍ ശ്രദ്ധ കേന്ദ്രീകരിക്കുകയും ചെയ്യുക. നിഷേധാത്മക ചിന്തകള്‍ നമ്മുടെ ശരീരത്തിന്റെയും മനസിന്റെയും ആരോഗ്യം നശിപ്പിക്കും. അതേസമയം കനത്ത ഇരുട്ടിലും മിന്നാമിനുങ്ങുകളെ കണ്ടെത്താന്‍ കഴിഞ്ഞാല്‍ മനസ് ആഹ്ലാദഭരിതമാകും. ആ മിന്നാമിനുങ്ങുകള്‍ക്ക് പിന്നാലെ അത് യാത്ര തുടങ്ങും. അതുമതി നമ്മുടെ ജീവിതത്തെ പുതിയൊരു ദിശയിലേക്ക് നയിക്കുവാന്‍. ചിന്തകളെ വ്യതിചലിപ്പിക്കുക നമുക്കുള്ള അനുഗ്രഹങ്ങളിലേക്ക് മനസര്‍പ്പിക്കുക.

മൂന്നാമത്തെ R പുനരുജ്ജീവനമാണ് (REVIVAL)

ഈ പ്രക്രിയ ഏറ്റവും പ്രാധാന്യമര്‍ഹിക്കുന്നു. ആദ്യത്തെ രണ്ട് മാര്‍ഗ്ഗങ്ങളിലൂടെ നാം മനസിനെ യാഥാര്‍ത്ഥ്യവുമായി പൊരുത്തപ്പെടുവാനും നമുക്കുള്ള ശക്തികളിലേക്കും അനുഗ്രഹങ്ങളിലേക്കും ശ്രദ്ധ നല്‍കുവാനും പരിശീലിപ്പിച്ചു. ഇനി വേണ്ടത് ഈ സന്ദര്‍ഭത്തില്‍ ജീവിതം മുന്നോട്ട് കൊണ്ടുപോകാന്‍ ഞാന്‍ എന്ത് ചെയ്യണം? എന്നതിന് ഉത്തരം കണ്ടെത്തുകയാണ്.

മുടങ്ങിക്കിടന്ന നമ്മുടെ പ്രവര്‍ത്തനങ്ങളെ പൂര്‍വ്വാധികം ശക്തിയായി പുനരുജ്ജീവിപ്പിക്കുവാന്‍ സാധിക്കണം. പുതിയതായി എന്തെങ്കിലും പ്രവൃത്തിയിലേക്ക് തിരിയണോ എന്നതും നമുക്ക് ഈ സന്ദര്‍ഭത്തില്‍ പരിഗണിക്കാം. ചിന്തകളുടെ കാടുകയറ്റത്തില്‍ നിന്നും നാം സ്വതന്ത്രരായിരിക്കുന്നു. ഇനി വേണ്ടത് ജീവിതം തിരികെപ്പിടിക്കുവാനുള്ള പ്രവൃത്തികളാണ്. അതിനുള്ള ഊര്‍ജ്ജം സംഭരിക്കുക. തോല്‍വികളെ ഭയപ്പെടാതിരിക്കുക. പോരാടുക എന്നതാണ് പ്രധാനം. അതിനുള്ള ഒരു കളിത്തട്ട് നാം തയ്യാറാക്കിക്കഴിഞ്ഞു. ഇനി അതിനായി തയ്യാറെടുക്കുകയാണ് വേണ്ടത്.

പ്രശ്‌നങ്ങളെയൊക്കെ പിന്നില്‍ ഉപേക്ഷിച്ച് നമ്മുടെ ശക്തിയില്‍ ശ്രദ്ധ കേന്ദ്രീകരിച്ച് യാഥാര്‍ത്ഥ്യ ബോധത്തോടെ ഒരു കര്‍മ്മപദ്ധതി തയ്യാറാക്കുക. ഒട്ടും സമയം കളയാതെ അത് പ്രാവര്‍ത്തികമാക്കുക. ലക്ഷ്യപ്രാപ്തി കൈവരിക്കുകയാണ് ദൗത്യം. അതിന് നാം അലസരായിട്ടു കാര്യമില്ല. നമ്മെ വലിച്ചു താഴ്ത്തുന്ന ചിന്തകളെ ദിശമാറ്റി വിട്ടുകൊണ്ട് നാം മുന്നോട്ട് കുതിക്കണം.

പ്രവൃത്തികളുടെ പുനരുജ്ജീവനം നടക്കട്ടെ. ബാക്കിയൊക്കെ അപ്രധാനമാണ്. നിരന്തരം പ്രവര്‍ത്തിച്ചുകൊണ്ടേയിരിക്കുക. അതാണ് നമ്മെ വിജയത്തിലേക്കുള്ള പാത കാണിച്ചു തരുന്നത്. ഇരുട്ടിലും മിന്നാമിനുങ്ങുകള്‍ പ്രകാശം പരത്തട്ടെ.

Advertisement

Kerala

കളിയല്ല കല്യാണം – കേരളത്തിലെ കല്യാണച്ചടങ്ങുകള്‍ക്ക് ആഗോള അവാര്‍ഡുകള്‍

വൗ അവാര്‍ഡ്സ് ഏഷ്യാ 2020-ല്‍ റെയിന്‍മേക്കര്‍ ഇവന്റ്സിന് രണ്ടു വെള്ളിയും ഒരു വെങ്കലവും

Media Ink

Published

on

മൈസ്, ലൈവ് മാര്‍ക്കറ്റിംഗ്, എന്റര്‍ടെയ്ന്‍മെന്റ് ആന്‍ഡ് സോഷ്യല്‍ ഇവന്റസ് മേഖലകളില്‍ ഏഷ്യയിലെ ഏറ്റവും വലിയ അവാര്‍ഡായ വൗ അവാര്‍ഡ്സിന്റെ 12-ാമത് പതിപ്പായ വൗ അവാര്‍ഡ്സ് ഏഷ്യാ 2020-ല്‍ കേരളത്തിലെ പ്രമുഖ ഡെസ്റ്റിനേഷന്‍, ഇന്‍ബൗണ്ട് വെഡ്ഡിംഗ് പ്ലാനിംഗ് കമ്പനിയായ റെയിന്‍മേക്കര്‍ ഇവന്റ്സ് രണ്ടു വെള്ളിയും ഒരു വെങ്കലവും നേടി. 6 വിഭാഗത്തിലായി 9 നോമിനേഷനുകള്‍ നേടിയ കമ്പനിയ്ക്ക് ബെസ്റ്റ് പോസ്റ്റ് വെഡ്ഡിംഗ് ഇവന്റ് ഓഫ് ദി ഇയര്‍, ബെസ്റ്റ് എന്റര്‍ടെയിന്‍മെന്റ് ഡിസൈന്‍ ഓഫ് ദി ഇയര്‍ വിഭാഗങ്ങളിലാണ് വെള്ളി ലഭിച്ചത്. ഇവയ്ക്കു പുറമെ ബെസ്റ്റ് എന്റര്‍ടെയിന്‍മെന്റ് ഡിസൈന്‍ വിഭാഗത്തില്‍ത്തന്നെ ഒരു വെങ്കലവും ലഭിച്ചു. 2019 കലണ്ടര്‍ വര്‍ഷം നടന്ന ഇവന്റുകളെയാണ് അവാര്‍ഡിന് പരിഗണിച്ചത്. ആറ് ഗ്രൂപ്പിലായി 106 വിഭാഗങ്ങളിലാണ് ഇത്തവണ വൗ അവാര്‍ഡുകള്‍ നല്‍കിയത്. പ്രമുഖ ജൂറി തെരഞ്ഞെടുത്ത നോമിനേഷനുകള്‍ കെപിഎംജിയാണ് റ്റാബുലേറ്റ് ചെയ്തത്. ഇവന്റ്എഫ്എക്യുഎസിന്റെ യൂട്യൂബ് ചാനലില്‍ നടന്ന അവാര്‍ഡ്ദാനചടങ്ങില്‍ 26 രാജ്യങ്ങളില്‍ നിന്നായി 5000 പ്രതിനിധികള്‍ പങ്കെടുത്തു.

റെയിന്‍മേക്കര്‍ ഇവന്റ്‌സിന് ബെസ്റ്റ് പോസ്റ്റ് വെഡിംഗ് ഇവന്റ് ഓഫ് ദി ഇയര്‍ വിഭാഗത്തില്‍ സില്‍വര്‍ വൗ നേടിക്കൊടുത്ത വിവാഹച്ചടങ്ങില്‍ നിന്ന്

തൃശൂര്‍ ലുലു കണ്‍വെന്‍ഷന്‍ സെന്ററില്‍ എകെ19 എന്ന പേരില്‍ അരങ്ങേറിയ ഒരു വിവാഹച്ചടങ്ങിന്റെ പോസ്റ്റ് വെഡിംഗ് ഇവന്റാണ് റെയിന്‍മേക്കര്‍ ഇവന്റ്സിന് ഒരു സില്‍വര്‍ വൗ നേടിക്കൊടുത്തത്. അയഥാര്‍ത്ഥമായ ഒരു അത്ഭുതലോകം സൃഷ്ടിച്ച ഈ പാര്‍ട്ടിയുടെ അലങ്കാരങ്ങള്‍, വിനോദങ്ങള്‍, അതിഥികളെക്കൂടി പങ്കെടുപ്പിച്ചുള്ള പരിപാടികള്‍ എന്നിവ ചടങ്ങിന്റെ ഓരോ ടച്ച് പോയന്റും വിസ്മയകരമാക്കിയിരുന്നു. ഒരു ലക്ഷം ക്രിസ്റ്റലുകള്‍ അലങ്കാരത്തിന് ഉപയോഗിച്ചു. ഫ്രഞ്ച് നൃത്തങ്ങള്‍, പ്രസിഡന്‍ഷ്യല്‍ മോട്ടോര്‍കേഡ്, 15 അംഗ തൈക്കൂടം ബ്രിഡ്ജ് സംഗീതം എന്നിവയും എകെ19ന് കൊഴുപ്പേകി.

Advertisement

Processed with VSCO with f2 preset

കഴിഞ്ഞ രണ്ടു വര്‍ഷമായി ബെസ്റ്റ് എന്റര്‍ടെയിന്‍മെന്റ് ഡിസൈന്‍ ഓഫ് ദി ഇയര്‍ വിഭാഗത്തില്‍ അവാര്‍ഡുകള്‍ ലഭിക്കുന്ന റെയിന്‍മേക്കറിന് ഇക്കുറിയും വൗ സില്‍വര്‍ നേടിക്കൊടുത്തത് എകെ19 എന്ന തൃശൂര്‍ വിവാഹം തന്നെ. ജോണ്‍ ഡീരെ ട്രാക്റ്റര്‍, മഹീന്ദ്ര ഓപ്പണ്‍ ജീപ്പുകള്‍, ബുള്ളറ്റുകള്‍, ധോല്‍ വാദകര്‍ എന്നിവരുള്‍പ്പെട്ടതായിരുന്നു ഹല്‍ദി ചടങ്ങ്. വളക്കട, ജ്യോതിഷം, ദാണ്ടിയ, ഉത്തരേന്ത്യന്‍ ഫുഡ് തേലാസ്, ഡപ്പാന്‍കുത്ത്, മാരി സ്‌റ്റൈല്‍ റൗഡീസ് ആന്‍ഡ് ഗുണ്ടാസ്, സിനിമാവില്ലന്‍മാരുടെ ഛായ ഉള്ള കലാകാരന്മാര്‍, ഏഴുനിലയുള്ള കേക്ക് എന്നിവയിരുന്നു മറ്റ് സവിശേഷതകള്‍.

കഴിഞ്ഞ വര്‍ഷം കൊച്ചി ബോള്‍ഗാട്ടി പാലസില്‍ നടന്ന മിഡ് സമ്മര്‍ നൈറ്റ്സ് ഡ്രീം എന്ന വിവാഹസല്‍ക്കാരമാണ് ബെസ്റ്റ് എന്റര്‍ടെയിന്‍മെന്റ് വിഭാഗത്തില്‍ കമ്പനിക്ക് വെങ്കലം നേടിക്കൊടുത്തത്. സെലിബ്രിറ്റി അതിഥികളായി മോഹന്‍ലാല്‍, മമ്മൂട്ടി, ദിലീപ്, പ്രിയദര്‍ശന്‍, ഇന്ദ്രജിത് എന്നിവര്‍ പങ്കെടുത്ത ഈ വിവാഹസല്‍ക്കാരത്തില്‍ ഹാര്‍ലി ഡേവിഡ്സണ്‍ എന്‍ടൂറേജ്, ശിങ്കാരിമേളം, 20 പേരുടെ സംഗീതപരിപാടി, 12 അടി ഉയരമുള്ള വെഡ്ഡിംഗ് കേക്ക് എന്നിവയും ഈ പരിപാടിയ്ക്ക് ആവേശം പകര്‍ന്നു.

2011-ല്‍ പ്രവര്‍ത്തനമാരംഭിച്ച റെയിന്‍മേക്കര്‍ ഇവന്റ്സ് ആന്‍ഡ് എന്റര്‍ടെയിന്‍മെന്റ്സ് തുടര്‍ച്ചയായി ഇത് മൂന്നാം തവണയാണ് വൗ അവാര്‍ഡ്സ് ഏഷ്യയില്‍ അവാര്‍ഡുകള്‍ നേടുന്നത്. ഇതുവരെ കമ്പനി 6 വൗ അവാര്‍ഡുകള്‍ നേടി.

Continue Reading

Life

തോറ്റ് തൊപ്പിയിട്ട പയ്യന്‍; പിന്നീട് ഹോളിവുഡ് സൂപ്പര്‍ സ്റ്റാര്‍

തോറ്റെന്ന് കരുതി തളര്‍ന്നിരിക്കുന്നവര്‍ക്കെല്ലാം പാഠമാണ് ജാക്കി ചാന്റെ പ്രചോദിപ്പിക്കുന്ന ജീവിതകഥ.

Media Ink

Published

on

തോറ്റെന്ന് കരുതി തളര്‍ന്നിരിക്കുന്നവര്‍ക്കെല്ലാം പാഠമാണ് ജാക്കി ചാന്റെ പ്രചോദിപ്പിക്കുന്ന ജീവിതകഥ. തന്റേടത്തോടെ ഒന്ന് സംസാരിക്കാന്‍ പോലും ഒരു കാലത്ത് പ്രയാസപ്പെട്ടിരുന്ന പയ്യന്‍ പിന്നീട് അസാധാരണമായ ആക്ഷന്‍ സാഹസികതയിലൂടെ ലോകത്തെ കീഴ്‌പ്പെടുത്തിയ കഥ…

കെട്ടിടങ്ങളില്‍ നിന്ന് കെട്ടിടങ്ങളിലേക്ക് ചാടുന്ന ആ ചൈനീസ് മനുഷ്യന്‍ ഇന്നും ജനങ്ങള്‍ക്ക് അല്‍ഭുതമാണ്. പഠിക്കാന്‍ കഴിവില്ലെന്ന് മുദ്രകുത്തിയ അയാള്‍ പിന്നീട് ലോകം മുഴുവന്‍ വാഴ്ത്തപ്പെടുന്ന ആക്ഷന്‍ താരമായി മാറി. ഇത് ജാക്കി ചാന്റെ കഥയാണ്.

Advertisement

ഹോങ്കോംഗില്‍ 1954 ഏപ്രില്‍ ഏഴിനായിരുന്നു ജാക്കി ചാന്‍ ജനിച്ചത്. അച്ഛന്‍ ചാള്‍സും അമ്മ ലീ ലീ ചാനും. ചൈനീസ് ആഭ്യന്തരയുദ്ധത്തെ തുടര്‍ന്ന് അഭയാര്‍ത്ഥികളായിരുന്നു മാതാപിതാക്കള്‍. അച്ഛന്‍ സ്‌പൈ ആയിരുന്നു എന്ന് പിന്നീട് ചാന്‍ വെളിപ്പെടുത്തിയിട്ടുണ്ട്.

വിഡിയോ കാണാം

ആറ് വയസുള്ളപ്പോള്‍ അവനെ ബോര്‍ഡിങ് സ്‌കൂളിലാക്കി അവര്‍ പോയി. ആയോധനകലയിലും അക്രോബാറ്റിക്‌സിലും നാടകത്തിലുമെല്ലാമായിരുന്നു അവന് കമ്പം. എന്നാല്‍ ചൈനീസ് ആയോധനകലയായ കുങ്ഫു ജീവനായി മാറി. സ്‌കൂളില്‍ വന്‍ പരാജയമായിരുന്നു ജാക്കി. തോറ്റ് തൊപ്പിയിട്ട പയ്യന്‍ എന്നായിരുന്നു പരിഹാസം.

കാലങ്ങളോളം പരിഹാസകഥാപാത്രമായി നിന്നു അവന്‍. തന്റേടത്തോടെ സംസാരിക്കാന്‍ പോലും മടിയായിരുന്നു. കുങ്ഫുവാണ് ജീവിതം മാറ്റി മറിച്ചത്. ഒരു ദിവസത്തിന്റെ സിംഹഭാഗവും കുങ്ഫു പരിശീലനത്തിന് മാറ്റിവച്ചു അവന്‍.

ബ്രൂസ് ലീയുടെ സിനിമകളില്‍ സ്റ്റണ്ട് മാനായി ചാന്‍സ് കിട്ടിയതോടെ ജീവിതം വഴിമാറി. ആരും ചെയ്യാത്ത സ്റ്റണ്ടുകള്‍ സാഹസികതയോടെ ചെയ്ത ജാക്കി ചാന്‍ പെട്ടെന്ന് താരമായി മാറി.

ബ്രൂസ് ലീയുടെ മരണത്തോടെ വലിയൊരു വിടവ് വന്നു. തുടര്‍ന്ന് കുങ് ഫു സിനിമകളില്‍ പ്രധാന വേഷം ചെയ്യാനുള്ള അവസരം ജാക്കി ചാന് ലഭിച്ചു. ബ്രൂസ് ലീ ശൈലിയില്‍ അഭിനയിക്കാനായിരുന്നു നിര്‍ദേശം. പടങ്ങളെല്ലാം എട്ടുനിലയില്‍ പൊട്ടി. ബ്രൂസ് ലീയുടെ അതിഗംഭീര ശൈലി പകര്‍ത്താന്‍ ഒരിക്കലും അവന് സാധിച്ചില്ല.

നാട്ടിലേക്ക് തിരിച്ച ചാന്‍ പിന്നീട് ഓസ്‌ട്രേലിയയിലേക്ക് പോയി കണ്‍സ്ട്രക്ഷന്‍ ജോലിക്കാരനായി. എന്നാല്‍ അഭിനയമെന്ന തന്റെ സ്വപ്‌നം മുറുകെപിടിച്ചു.സാഹചര്യങ്ങള്‍ക്ക് നമ്മുടെ മേല്‍ നിയന്ത്രണങ്ങള്‍ ചെലുത്താന്‍ ഇട നല്‍കരുത്. സാഹചര്യങ്ങളെ നമ്മള്‍ മാറ്റുകയാണ് വേണ്ടത്. ഇതായിരുന്നു അവന്‍ വിശ്വസിച്ചത്.

തന്റേതായ ഒരു പുതിയ ശൈലി രൂപപ്പെടുത്തി ജാക്കി ചാന്‍ സിനിമയിലേക്ക് തിരിച്ചുവന്നു. കോമഡിയും മാര്‍ഷ്യല്‍ ആര്‍ട്‌സും ചേര്‍ത്തുവച്ചുള്ള പ്രയോഗമായിരുന്നു അത്. വമ്പന്‍ ഹിറ്റായി മാറി ആ ശൈലി. രണ്ട് വര്‍ഷത്തിനുള്ളില്‍ ഏഷ്യയിലെ ഏറ്റവും പ്രതിഫലം വാങ്ങുന്ന താരമായി ജാക്കി ചാന്‍ മാറി.

42 വയസുള്ളപ്പോഴാണ് ആദ്യ ഹോളിവുഡ് ചിത്രമെത്തുന്നത്. റമ്പിള്‍ ഇന്‍ ദ ബ്രോന്‍ക്‌സ്. 50 വര്‍ഷത്തിനിടെ 100ലധികം ചിത്രങ്ങളാണ് ജാക്കി ചാന്‍ പുറത്തിറക്കിയത്. സംവിധായകനായും നിര്‍മാതാവായും നടനായുമെല്ലാം തിളങ്ങിനിന്നു. ജാക്കി ചാന്റെ ശരീരത്തില്‍ പൊട്ടാത്ത ഒരെല്ലുപോലും ഉണ്ടാകില്ലെന്നാണ് പറയാറുള്ളത്.

ഏറ്റവും കൂടുതല്‍ സ്റ്റണ്ട് ചെയ്തിട്ടുള്ള നടനെന്ന റെക്കോഡും ഇന്ന് ജാക്കി ചാന് അവകാശപ്പെട്ടതാണ്. ഒരിക്കല്‍ ഏറോപ്ലെയിനില്‍ നിന്ന് ചാടിയ ജാക്കി ചാന്‍ ലാന്‍ഡ് ചെയ്തത് ചൂടുള്ള ഒരു എയര്‍ ബലൂണിന് മേലെയാണ.് ഏഴ് ഭാഷകള്‍ സംസാരിക്കുന്ന ജാക്കി ചാന് ലോകത്തിന്റെ ഏത് ഭാഗത്തും ഇന്ന് ആരാധകരുണ്ടെന്നതാണ് സവിശേഷത.

ജീവിതം നമ്മെ തട്ടി താഴെയിടും. എന്നാല്‍ എണീറ്റ് വീണ്ടും നടക്കണോ എന്നത് നമ്മുടെ തീരുമാനമാണ്. തന്നെ മുന്നോട്ട് നയിക്കുന്ന ചിന്ത ഇതാണെന്നാണ് ജാക്കി എപ്പോഴും പറയാറുള്ളത്.

Continue Reading

Education

2020നെ ഞങ്ങള്‍ ആംഗ്യഭാഷയില്‍ അടയാളപ്പെടുത്തുന്നു

ഞങ്ങള്‍ 2020നെ സ്‌നേഹത്തിന്റെ ആംഗ്യഭാഷയില്‍ അടയാളപ്പെടുത്തുന്നു-50 Days Of Sign Language അഥവാ 50 ഡേയ്‌സ് ഓഫ് ലവ്!

ആര്‍ഷ അഭിലാഷ്‌

Published

on

2020 എന്ന വര്‍ഷത്തിനെ എങ്ങനെയൊക്കെ അടയാളപ്പെടുത്തണം എന്ന് ഒരു തരത്തിലും അറിയാതെയാണ് ഈ വര്‍ഷം തുടങ്ങിയത്. പതിയെപ്പതിയെ എല്ലാവരും ഒരേ അനുഭവങ്ങളില്‍ക്കൂടി കടന്നുപോകാന്‍ തുടങ്ങിയത് മാര്‍ച്ചോടെ ആണ്. പക്ഷേ ഈ വര്‍ഷം, എല്ലാ നെഗറ്റീവ് അനുഭവങ്ങള്‍ക്കുമിടയിലും താത്വിക് എന്ന ഞങ്ങളുടെ ഒന്‍പതുവയസുകാരന്‍ ജീവിതത്തിലേക്ക് കയറുന്നത് മനോഹരങ്ങളായ ആംഗ്യങ്ങളും ചിഹ്നങ്ങളുമായാണ്-50 Days Of Sign Language.

മാര്‍ച്ച് പകുതിയിലെ ഒരു വ്യാഴാഴ്ചയാണ് അതുവരെ കേട്ടിരുന്ന ചൈനയിലേയും ഇറ്റലിയിലേയും കോവിഡ് വാര്‍ത്തകളിലേക്ക് അമേരിക്കയുടെ പേരുകൂടി ചേര്‍ത്ത് കേള്‍ക്കാന്‍ തുടങ്ങിയതും മകന്റെ സ്‌കൂളില്‍ നിന്നും തിങ്കളാഴ്ച മുതല്‍ വെര്‍ച്വല്‍ ക്ളാസുകള്‍ ആണെന്നുള്ള അറിയിപ്പുകള്‍ വരുന്നതും. എല്ലാവരേയുംപോലെ ഞങ്ങളും വീടിനുള്ളിലേക്ക് ചുരുങ്ങിയത് ആ ആഴ്ച മുതലാണ്.

Advertisement

വെര്‍ച്ച്വല്‍ ക്ളാസുകളുടെ തുടക്കകാലം ആയിരുന്നത് കൊണ്ടുതന്നെ സ്‌കൂളുകാര്‍ക്കും വലിയ പിടിത്തമില്ല, രക്ഷിതാക്കള്‍ക്കും വലിയ പിടിത്തമില്ല എന്ന അവസ്ഥയില്‍ ആണ് രാവിലെ അരമണിക്കൂര്‍ സൂം മീറ്റുകള്‍ കഴിഞ്ഞാല്‍ കുട്ടികള്‍ക്ക് ചെയ്യാന്‍ വേണ്ടിയുള്ള കാര്യങ്ങളുടെ ഒരു ടൈംടേബിള്‍ ഞങ്ങളുടെ കയ്യിലേക്ക് കിട്ടിയത്.

പെട്ടെന്ന് വീടിനുള്ളിലേക്ക് ഒതുക്കപ്പെട്ടുപോയ കുഞ്ഞുങ്ങള്‍! അവരെ എങ്ങനെ ഉഷാറാക്കാം എന്നത് ഒരു ചിന്ത തന്നെയായിരുന്നു ഞങ്ങള്‍ക്ക്. മ്യൂസിക്കും, പിറ്റി (PT) യും ഉള്‍പ്പെടെയുള്ള കാര്യങ്ങള്‍ ചെയ്യാന്‍ അവനും ഉഷാര്‍ ആകട്ടെ എന്ന് കരുതിയാണ് ഓണ്‍ലൈന്‍ സ്‌കൂളിലെ വിശേഷങ്ങള്‍ ഫേസ്ബുക്കില്‍ ഒരു ദിവസത്തില്‍ രണ്ടു ലൈവ് സെഷന്‍സിലൂടെ പകരുക എന്നൊരു ഐഡിയയിലേക്ക് ഞങ്ങള്‍ എത്തിയത്. വലിയ കുഴപ്പമില്ലാതെ ആദ്യ ആഴ്ച കടന്നുപോയപോഴേക്കും സ്‌കൂള്‍ ‘സ്പ്രിങ്ങ് ബ്രേക്ക്’-നു വേണ്ടി അടച്ചു. ഫേസ്ബുക്കിലെ ലൈവ് ഞങ്ങളെ സംബന്ധിച്ച് ആളുകളോട് സംസാരിക്കാനുള്ള ഒരു മാര്‍ഗം ആയിരുന്നു. കുഞ്ഞുങ്ങളും ഞങ്ങളും വളരെയധികം ആസ്വദിക്കുന്ന 15 -20 മിനിറ്റുകളായി അത് അപ്പോഴേക്കും മാറി.

ലോക്ക്ഡൗണിന്റെ വിരസതയും ഭയവും ആശങ്കയും ഒക്കെ ഒഴിവാക്കാന്‍ ഉള്ള ഒരു നല്ല മാര്‍ഗമായിരുന്നു ഫേസ്ബുക്ക് ലൈവുകള്‍. ഇനിയുള്ള ഒരാഴ്ച എന്തുചെയ്യും എന്നാലോചിച്ചപ്പോള്‍ ആണ് ഓരോ ദിവസവും ഓരോ സൂത്രങ്ങള്‍ കാണിച്ചാലോ എന്ന ആശയം മകന്‍ മുന്നോട്ട് വെക്കുകയും അതിന്റെ ആദ്യ ദിവസം സ്‌കൂളിലെ ഒരു ഏകദിന വര്‍ക്ക്‌ഷോപ്പില്‍ നിന്നും പഠിച്ച ആംഗ്യഭാഷയുടെ പ്രാഥമിക പാഠങ്ങള്‍ അവന്‍ പഠിപ്പിക്കാം എന്നൊരു തീരുമാനത്തില്‍ എത്തുകയും ചെയ്തത്.

സ്‌കൂളുകള്‍ അടയ്ക്കുന്നതിന് രണ്ടോ മൂന്നോ ദിവസം മുന്‍പ് താത്വിക് സ്‌കൂളില്‍ നിന്നും വന്നയുടനെ ആവേശത്തോടെ പറഞ്ഞ വിശേഷം അന്ന് അവനൊരു സൈന്‍ ലാംഗ്വേജ് വര്‍ക്ക് ഷോപ് ഉണ്ടായിരുന്നു എന്നും ‘ ഹായ്, ഹലോ, പേര്, എബിസിഡി’ ഒക്കെ ആംഗ്യഭാഷയില്‍ പറയാന്‍ പഠിച്ചു എന്നുമായിരുന്നു.

എല്ലാം വളരെയധികം ഉത്സാഹത്തോടെ ഞങ്ങളെ കാണിച്ചു തരുന്ന കൂട്ടത്തില്‍ ആശാന്‍ അടുത്ത വര്‍ഷം നാലാം ക്ളാസില്‍ ആകുമ്പോള്‍ ഓപ്ഷണല്‍ ആയി സൈന്‍ ലാംഗ്വേജ് എടുക്കാന്‍ പോകുകയാണ് എന്നൊരു തീരുമാനവും പറഞ്ഞിരുന്നു. ഒന്‍പതുവയസുകാരന്‍ സ്വയം അറിയാതെ ‘Inclusiveness’ പഠിക്കുന്നു എന്നാണ് ഞങ്ങള്‍ക്ക് രണ്ടുപേര്‍ക്കും തോന്നിയത്. കുട്ടികള്‍ക്ക് അങ്ങനെയൊരു ചിന്ത ഉണ്ടാകാന്‍ സഹായിക്കുന്ന സ്‌കൂള്‍സിസ്റ്റത്തിനോട് ഉള്ള ബഹുമാനവും സ്‌നേഹവും ഒക്കെ സംസാരിച്ചാണ് അന്നത്തെ ഞങ്ങളുടെ ദിവസം അവസാനിച്ചതും. അത് ഇങ്ങനെ ലോക്ഡൗണ്‍ കാലത്തില്‍ അവനിലേക്ക് തിരികെ എത്തും എന്ന് തീരെ പ്രതീക്ഷിച്ചിരുന്നില്ല.

ആദ്യ ദിവസത്തെ ലൈവില്‍ ‘ഹായ് , ഹലോ, ഗുഡ് മോര്‍ണിംഗ്, പേരെന്താ’ എന്നൊക്കെയുള്ള അടിസ്ഥാന ചിഹ്നങ്ങള്‍ കാണിക്കുകയും ഇതൊക്കെ വീട്ടിലെ കുഞ്ഞുങ്ങളെ കാണിച്ചു അവരെക്കൊണ്ട് ചെയ്യിച്ചുള്ള വീഡിയോകള്‍ അയച്ചു തരണം എന്ന് പറയുകയും ചെയ്ത ഞങ്ങളെത്തന്നെ അത്ഭുതപ്പെടുത്തിക്കൊണ്ട് ഏകദേശം പത്തോളം കുഞ്ഞുകൂട്ടുകാരുടെ വിഡിയോകള്‍ ആണ് എന്റെ ഇന്‍ബോക്‌സില്‍ എത്തിയത്. മുതിര്‍ന്നവരും നാളത്തെ ക്ളാസിനു കാത്തിരിക്കുന്നു എന്ന് സന്ദേശങ്ങള്‍ വന്നതോടെ ഇവിടുത്തെ ‘കുട്ടി സാറി’ന് ആവേശമായി. എന്നാല്‍ പിന്നെ ആ ആഴ്ച സൈന്‍ ലാംഗ്വേജ് തന്നെ ലൈവ് പോകാം എന്ന് തീരുമാനിക്കുകയും പിറ്റേന്ന് വീണ്ടും ചില അടിസ്ഥാന ഭാഷ പ്രയോഗങ്ങള്‍ കാണിക്കുകയും ചെയ്തു. ഓരോ ദിവസവും ലൈവ് കാണുന്നവരുടെ എണ്ണവും കിട്ടുന്ന വീഡിയോ റെസ്‌പോണ്‍സിന്റെ എണ്ണവും കൂടിവന്നതോടെ ഞങ്ങള്‍ക്കും ആവേശമായി.

രണ്ടുമൂന്നു ദിവസത്തെ ക്ളാസിനു വേണ്ട ‘പഠിത്തം’ മാത്രമേ ആശാന്റെ കയ്യിലുണ്ടായിരുന്നുളളൂ എന്നതുകൊണ്ട് അതിനെക്കുറിച്ചു കൂടുതല്‍ പഠിക്കാന്‍ മകന്‍ തീരുമാനിച്ചു. ജീവിതത്തില്‍ ഒരിക്കല്‍ പോലും സൈന്‍ ലാംഗ്വേജ് ഉപയോഗിക്കേണ്ടി വന്നിട്ടില്ലാതിരുന്നിട്ടും മകന്‍ അത് പഠിക്കാന്‍ കാണിക്കുന്ന ഉത്സാഹം കണ്ടപ്പോള്‍ ഈ ലോക്ക്ഡൗണ്‍ കാലം എങ്ങനെ ഉപയോഗപ്രദം ആക്കണമെന്നു എനിക്കും ഒരു ഐഡിയ തെളിഞ്ഞു വരികയായിരുന്നു.

പിന്നീടുള്ള 50 പ്രവൃത്തി ദിവസങ്ങള്‍ ഞങ്ങള്‍ മുടങ്ങാതെ സൈന്‍ ലാംഗ്വേജ് ക്ളാസുകള്‍ എടുത്തു എഫ്ബി ലൈവിലൂടെ. #കൊറോണസൈന്‍സ് #coronasigns എന്ന ടാഗ് കൊടുത്ത വീഡിയോകള്‍ അഞ്ഞൂറ് പേരോളം സ്ഥിരമായി കാണാന്‍ തുടങ്ങിയത് ഒരു ഒന്‍പത് വയസുകാരനെ സംബന്ധിച്ച് വളരെ വലിയ കാര്യമായിരുന്നു. അനിയന്‍ നാലുവയസുകാരനെ സന്തോഷിപ്പിക്കാന്‍ അതില്‍ത്തന്നെ കുട്ടിപ്പാട്ടുകളും ഉള്‍പ്പെടുത്തി.

അങ്ങനെയങ്ങനെ ഇവിടെ വേനലവധിക്ക് സ്‌കൂള്‍ അടയ്ക്കുന്നത് വരെയുള്ള 50 സ്‌കൂള്‍ ദിനങ്ങള്‍ ഞങ്ങളെ സംബന്ധിച്ച് സൈന്‍ ലാംഗ്വേജ് ദിനങ്ങളായി മാറി. ഓരോ ദിവസവും അന്നത്തേക്ക് വേണ്ട ടോപ്പിക്കുകള്‍ – കളറുകള്‍, ആഴ്ചകള്‍, വീട്ടുപകരണങ്ങള്‍, പഴങ്ങള്‍ -അങ്ങനെ ഒരോന്നു തിരഞ്ഞെടുക്കാനും യൂട്യൂബില്‍ നിന്നും, ASL (അമേരിക്കന്‍ സൈന്‍ ലാംഗ്വേജ് ) വെബ്‌സൈറ്റില്‍ നിന്നും ക്ളാസുകള്‍ തിരഞ്ഞെടുക്കാനും ഞങ്ങള്‍ അവനെ സഹായിച്ചു.

ആദ്യത്തെ സ്റ്റുഡന്റ് ആയി അമ്മയെ കിട്ടുന്നതില്‍ അവനും സന്തോഷമായി- അങ്ങനെ തിരികെ പഠിപ്പിക്കാന്‍ ഒരവസരം ആണല്ലോ അത്. എന്നും ഉച്ചക്ക് ഇവിടെ 12.00 മണിയാകുമ്പോള്‍, നാട്ടിലെ രാത്രി 10.30 ആകുമ്പോള്‍ ഞങ്ങള്‍ എല്ലാവരും ലൈവ് ക്ളാസിനു റെഡി ആകും. സ്ഥിരമായി വരുന്ന ആന്റിമാരും മാമന്മാരും അപ്പൂപ്പന്മാരും അമ്മൂമ്മമാരും അവന്റെ പ്രായക്കാര്‍ കൂട്ടുകാരും ഒക്കെയായി സന്തോഷം നിറയ്ക്കുന്ന 15 -20 മിനിറ്റുകള്‍!

50 ദിവസങ്ങള്‍ കൊണ്ട് ആംഗ്യഭാഷയുടെ അടിസ്ഥാന കാര്യങ്ങള്‍ ഒക്കെ ഒന്ന് പറഞ്ഞുപോകാന്‍ കഴിഞ്ഞു എങ്കിലും കൂടുതല്‍ ആഴത്തില്‍ പഠിക്കണം എന്ന് തീരുമാനിച്ചാണ് – മറ്റുള്ളവര്‍ക്ക് ഉറപ്പ് കൊടുത്താണ് – താത്വിക് ലൈവുകള്‍ നിര്‍ത്തിയത്. ഇപ്പോള്‍ ASL ന്റെ ബേസിക് സെര്‍ട്ടിഫിക്കേഷന്‍ കോഴ്‌സ് ഓണ്‍ലൈന്‍ ആയി ചെയ്യുകയാണ് അവന്‍. ഒരു ASL സെര്‍ട്ടിഫൈഡ് ട്രെയിനര്‍ കൂടി ആകണം എന്നാണ് ഈ ഒമ്പതുവയസുകാരന്റെ ഇപ്പോഴത്തെ ആഗ്രഹം.

ഞങ്ങള്‍ 2020നെ സ്‌നേഹത്തിന്റെ ആംഗ്യഭാഷയില്‍ അടയാളപ്പെടുത്തുന്നു-50 Days Of Sign Language അഥവാ 50 ഡേയ്‌സ് ഓഫ് ലവ്!

Continue Reading
Advertisement

Facebook

Recent Posts

Advertisement
Business2 weeks ago

ഉല്‍സവ കാലത്തിന് ആവേശം പകരാന്‍ ആകര്‍ഷകമായ ഓഫറുകളുമായി ഗോദ്റെജ്

Auto2 weeks ago

55 ടണ്‍ ഭാരമുള്ള ഇന്ത്യയിലെ ആദ്യത്തെ 4ഃ2 പ്രൈം മൂവര്‍ സിഗ്ന 5525.S പുറത്തിറക്കി ടാറ്റ മോട്ടോഴ്‌സ്

Business2 weeks ago

പ്രീ-ഓണ്‍ഡ് കാറുകള്‍ക്കായി കൊച്ചിയില്‍ ഫോക്സ്വാഗണിന്റെ എക്‌സലന്‍സ് സെന്റര്‍

Entertainment2 weeks ago

ഹ്രസ്വ വീഡിയോ ആപ്ലിക്കേഷനുമായി ഡെയ്‌ലിഹണ്ട്

Entertainment2 weeks ago

ഏറെ പ്രതീക്ഷയോടെ കാത്തിരിക്കുന്ന മലയാള കോമഡി-ഡ്രാമ ഹലാല്‍ ലൗ സ്റ്റോറിയുടെ ടീസര്‍ ആമസോണ്‍ പ്രൈം വീഡിയോ റിലീസ് ചെയ്യുന്നു

Business2 weeks ago

ഫെറേറോ റോഷര്‍ മൊമെന്റ്സ് പുറത്തിറക്കി

Kerala2 weeks ago

കളിയല്ല കല്യാണം – കേരളത്തിലെ കല്യാണച്ചടങ്ങുകള്‍ക്ക് ആഗോള അവാര്‍ഡുകള്‍

Viral

Life1 month ago

ഫോട്ടോഗ്രാഫര്‍ വീട് പണിതാല്‍ ഇങ്ങനിരിക്കും…കാമറ പോലൊരു വീട്

ഒറ്റ നോട്ടത്തില്‍ ഒരു കാമറയാണ് ഇതെന്നേ ആരും പറയൂ. എന്നാല്‍ ഇതൊരു കിടിലന്‍ വീടാണ്

Health4 months ago

ഇതൊന്നും കാണാതെ പോകരുത്, കളക്റ്ററെ കുറിച്ചുള്ള ഹൈബിയുടെ കുറിപ്പ് വൈറല്‍

പ്രിയ കളക്ടര്‍… ഞങ്ങള്‍ നിങ്ങളോടൊപ്പമുണ്ട്. സധൈര്യം മുന്നോട്ട് പോവുക. നിങ്ങളിലെ നന്മയ്ക്ക് അഭിനന്ദനങ്ങള്‍….

Life5 months ago

ആരാണ് മദം പൊട്ടിയ കൊമ്പന്‍?

എന്നാല്‍ എന്താണ് യഥാര്‍ത്ഥത്തില്‍ ആനയുടെ മദം പൊട്ടല്‍ എന്നത് കൊണ്ട് ഉദ്ദേശിക്കുന്നത്?

Kerala6 months ago

കോവിഡിനെ തോല്‍പ്പിക്കാന്‍ കുടയും; ഇത് തണ്ണീര്‍മുക്കം സ്റ്റൈല്‍

കോവിഡിനെ കെട്ടുകെട്ടിക്കാന്‍ മാസ്‌ക്കിനും സാനിറ്റൈസറിനുമൊപ്പം കുടയും ആയുധമാണ് ഈ നാട്ടുകാര്‍ക്ക്

Politics7 months ago

ഓരോ മലയാളിയെയും നാണിപ്പിക്കുന്ന പ്രകടനങ്ങളെന്ന് കളക്റ്റര്‍

ടിവി ഷോ മത്സരാര്‍ഥിയും ഫാന്‍സ് അസോസിയേഷനും കൊച്ചി എയര്‍പോര്‍ട്ട് പരിസരത്തു നടത്തിയ പ്രകടനങ്ങള്‍ ഓരോ മലയാളിയെയും നാണിപ്പിക്കുന്നതെന്ന് കളക്റ്റര്‍

Kerala1 year ago

അയര്‍ലന്‍ഡില്‍ നിന്ന് ഇലിസ് നല്‍കി വരുമാനത്തിന്റെ ഒരു പങ്ക്

ദുരിതബാധിതര്‍ക്ക് പിന്തുണയുമായി കേരളത്തില്‍ വച്ച് കൊല്ലപ്പെട്ട ലാത്വിയന്‍ യുവതിയുടെ സഹോദരി ഇലിസ് സര്‍ക്കോണയും

Life1 year ago

‘ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നു ഇത്തരം കൈകള്‍’

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

Gulf1 year ago

കുട്ടികള്‍ക്കൊപ്പം ദുബായ് രാജകുമാരന്റെ വലിയപെരുന്നാള്‍ ആഘോഷം

കുട്ടികള്‍ക്കൊപ്പമുള്ള നിമിഷങ്ങള്‍ സോഷ്യല്‍ മീഡിയയില്‍ പങ്കുവെച്ച് ഷേഖ് ഹംദാന്‍

Business1 year ago

ചൂടില്‍ നിന്ന് തൊഴിലാളികളെ രക്ഷിക്കാന്‍ 1914ല്‍ ഐസ് മെഷീന്‍ സ്ഥാപിച്ച ടാറ്റ ഗ്രൂപ്പ്

ഐസ് ആഡംബരമായിരുന്ന കാലത്ത് തൊഴിലാളികള്‍ക്കായി ഒരു ഐസ് ആന്‍ഡ് സോഡ മെഷീന്‍ സ്ഥാപിച്ച ടാറ്റ ഗ്രൂപ്പ്

ELECTION SPECIAL2 years ago

ഇതാണോ ആവിഷ്‌കാര സ്വാതന്ത്ര്യം, തുറന്നടിച്ച് സന്തോഷ് പണ്ഡിറ്റ്

ബിജു മേനോനെതിരെ നടക്കുന്ന സൈബര്‍ ആക്രമണത്തെ പൊളിച്ചടുക്കി സന്തോഷ് പണ്ഡിറ്റ്

Opinion

Education4 weeks ago

2020നെ ഞങ്ങള്‍ ആംഗ്യഭാഷയില്‍ അടയാളപ്പെടുത്തുന്നു

ഞങ്ങള്‍ 2020നെ സ്‌നേഹത്തിന്റെ ആംഗ്യഭാഷയില്‍ അടയാളപ്പെടുത്തുന്നു-50 Days Of Sign Language അഥവാ 50 ഡേയ്‌സ് ഓഫ് ലവ്!

Business2 months ago

വ്യവസായങ്ങള്‍ തകരുന്നില്ല, പൂര്‍വ്വാധികം ശക്തിയോടെ തിരിച്ചു വരും

ഇത്തരം വെല്ലുവിളികള്‍ക്കൊന്നും മനുഷ്യകുലത്തിനെ വേരോടെ പിഴുതെറിയാന്‍ സാധിക്കയില്ല എന്ന് ചരിത്രം നമ്മെ ഓര്‍മ്മിപ്പിക്കുന്നുണ്ട്

Opinion2 months ago

റഫേലിന്റെ വരവ്; അതിര്‍ത്തിയില്‍ അഡ്വാന്റേജ് ഇന്ത്യ

ചൈനയുടെ നീക്കങ്ങള്‍ പ്രവചനാതീതമാണെങ്കിലും 1962 ലേതുപോലെ ഒരു യുദ്ധത്തിലേക്ക് ഈ സംഘര്‍ഷം നീങ്ങാനുള്ള സാധ്യത അനുദിനം വിരളമായിക്കൊണ്ടിരിക്കുന്നു എന്നതാണ് വാസ്തവം

Business2 months ago

കോവിഡ് കാലത്ത് ബിസിനസുകള്‍ ചെയ്യേണ്ടത്

കച്ചവടം കൂട്ടാന്‍ യാതൊരു വിധ നിയന്ത്രണങ്ങളും പാലിക്കേണ്ട എന്ന ചിന്താഗതി ഗുണത്തെക്കാളേറെ ദോഷം ചെയ്യും

Opinion2 months ago

നവകേരളം എങ്ങനെയാകണം, എന്തായാലും ഇങ്ങനെ ആയാല്‍ പോര

മദ്യത്തേയും ലോട്ടറിയേയും ടൂറിസത്തേയും ചുറ്റിപറ്റിയാണ് പതിറ്റാണ്ടുകളായി നാം നിലനിന്നു പോരുന്നത്. ഇത് മാറണ്ടേ

Opinion2 months ago

എന്തു കൊണ്ട് തര്‍ക്കങ്ങള്‍ അവസാനിക്കുന്നില്ല?

എന്തു കൊണ്ട് തര്‍ക്കങ്ങള്‍ അവസാനിക്കുന്നില്ല? അതിനുള്ള ഉത്തരം നമ്മുടെ രണ്ട് സ്‌നേഹിതന്മാരും പറയുന്നുണ്ട്.

Life3 months ago

നിഷേധാത്മക ചിന്തകളെ മറികടക്കാനൊരു മന്ത്രം

നമുക്കാ മന്ത്രത്തെ ''ട്രിപ്പിള്‍ ആര്‍'' (RRR) എന്ന് വിളിക്കാം.നമ്മെ വലിച്ചു താഴ്ത്തുന്ന ചിന്തകളെ ദിശമാറ്റി വിട്ടുകൊണ്ട് നാം മുന്നോട്ട് കുതിക്കണം.

Life3 months ago

ജീവിതത്തിന്റെ പുതുമ നിലനിര്‍ത്താന്‍ ഒരു ഫോര്‍മുല

ഈ മാന്ത്രിക ഫോര്‍മുലയെ നമുക്ക് DCA എന്നു വിളിക്കാം. എന്തെല്ലാമാണത്, ഒന്ന് നോക്കാം

Opinion3 months ago

ഇത്തരം സര്‍ട്ടിഫിക്കറ്റുകളുമായി നാടിനെതിരെ പ്രവര്‍ത്തിക്കുന്ന എത്രപേര്‍ ഉണ്ടാകും

ഇത്തരം സര്‍ട്ടിഫിക്കറ്റുകളുമായി വിദേശങ്ങളില്‍ ചെന്ന് ജോലി നേടി നാടിനെതിരെ പ്രവര്‍ത്തിക്കുന്ന എത്രപേര്‍ ഉണ്ടാകും?

Opinion4 months ago

വിശ്വസിക്കാന്‍ കൊള്ളാവുന്ന രാജ്യമോ സാമ്പത്തിക പങ്കാളിയോ അല്ല ചൈന

ചൈനയുമായുള്ള ബന്ധം പുനക്രമീകരിച്ചിരിക്കുന്നു മോദി. സ്വാശ്രയ ഭാരതത്തിന് ഊര്‍ജമേകുമത്. അവര്‍ വിശ്വസിക്കാവുന്ന സാമ്പത്തിക പങ്കാളിയുമല്ല

Auto

Auto2 weeks ago

55 ടണ്‍ ഭാരമുള്ള ഇന്ത്യയിലെ ആദ്യത്തെ 4ഃ2 പ്രൈം മൂവര്‍ സിഗ്ന 5525.S പുറത്തിറക്കി ടാറ്റ മോട്ടോഴ്‌സ്

ഇന്ത്യയില്‍ ആദ്യമായി 55 ടണ്‍ ഭാരമുള്ള 4ഃ2 പ്രൈം മൂവറിന് ARAI സര്‍ട്ടിഫിക്കറ്റ് ലഭിക്കുന്ന നിര്‍മ്മാതാവ്

Auto3 weeks ago

ആര്‍സി ശ്രേണിയില്‍ പുതിയ നിറങ്ങളുമായി കെടിഎം

കെടിഎം ആര്‍സി 125ന് ഡാര്‍ക്ക് ഗാല്‍വാനോ നിറവും ആര്‍സി 200ന് ഇലക്ട്രോണിക് ഓറഞ്ച് നിറവും ആര്‍സി 390ക്ക് മെറ്റാലിക് സില്‍വര്‍ നിറവുമാണ് പുതുതായി നല്‍കിയിരിക്കുന്നത്

Auto1 month ago

മോഹിപ്പിക്കുന്ന എസ്‌യുവി; അതും 6.71 ലക്ഷത്തിന്

കിയ സോണറ്റ് ഓട്ടോ വിപണിയില്‍ വലിയ ചലനം തന്നെ സൃഷ്ടിച്ചേക്കും

Auto2 months ago

ജര്‍മനിയില്‍ റെനോ ഇലക്ട്രിക്ക് കാര്‍ സൗജന്യം!

കാറിന്റെ വില സര്‍ക്കാരിന്റെ വിവിധ സബ്‌സിഡികളിലൂടെ കവര്‍ ചെയ്യാമെന്ന വാഗ്ദാനം നല്‍കി ഡീലര്‍ഷിപ്പുകള്‍

Auto2 months ago

‘കോള്‍ ഓഫ് ദ ബ്ലൂ’,ഓണ്‍ലൈന്‍ വില്‍പ്പനയുമായി യമഹ

'കോള്‍ ഓഫ് ദ ബ്ലൂ'. യമഹയുടെ വിര്‍ച്വല്‍ സ്റ്റോര്‍ പ്രവര്‍ത്തനമാരംഭിച്ചു.

Auto2 months ago

മാരുതി വിറ്റത് 40 ലക്ഷം ഓള്‍ട്ടോ കാറുകള്‍; അത്യപൂര്‍വ നാഴികക്കല്ല്

ഇന്ത്യയില്‍ 40 ലക്ഷം യൂണിറ്റുകള്‍ വിറ്റുപോയ ഏക കാറാണ് മാരുതിയുടെ ഓള്‍ട്ടോ

Auto2 months ago

15 ലക്ഷം രൂപ നല്‍കി ഔഡി ആര്‍എസ് ക്യു8 ബുക്ക് ചെയ്യാം

അഗ്രസീവ് സ്‌റ്റൈലിംഗ് നല്‍കിയിരിക്കുന്നു. പ്രീമിയം കൂപ്പെയുടെ ഭംഗിയുമുണ്ട്

Auto2 months ago

ഇന്ത്യയിൽ വിറ്റത് അഞ്ച് ലക്ഷം ഹ്യുണ്ടായ് ക്രെറ്റ !

2015 ലാണ് കോംപാക്റ്റ് എസ് യുവി ഇന്ത്യയിൽ ആദ്യമായി അവതരിപ്പിച്ചത്

Auto2 months ago

ട്രയംഫ് സ്ട്രീറ്റ് ട്രിപ്പിള്‍ ആര്‍ ഇന്ത്യയിലെത്തി

ഇന്ത്യയില്‍ ഇതാദ്യമായാണ് സ്ട്രീറ്റ് ട്രിപ്പിള്‍ ആര്‍ അവതരിപ്പിക്കുന്നത്. വില 8.84 ലക്ഷം രൂപ

Auto3 months ago

എന്തുകൊണ്ട് കിയ സോണറ്റ് കാര്‍ പ്രേമികളുടെ ആവേശമാകും

ഇന്ത്യയില്‍ ആഗോള അരങ്ങേറ്റം നടത്തിയ കിയ സോണറ്റിന്റെ വിശേഷങ്ങളിലേക്ക്...

Trending