Connect with us

Kerala

അന്താരാഷ്ട്ര ജൈവവൈവിധ്യ കോണ്‍ഗ്രസ് തിരുവനന്തപുരത്ത് തിരിച്ചെത്തുന്നു

ലോകമെമ്പാടുനിന്നും ആയിരത്തിലേറെ പ്രതിനിധികള്‍ സമ്മേളനത്തിന്റെ ഭാഗമാകും

Published

on

തിരുവനന്തപുരം: ഇത്തവണത്തെ അന്താരാഷ്ട്ര ജൈവവൈവിധ്യ കോണ്‍ഗ്രസിന് (ഇന്റര്‍നാഷണല്‍ ബയോഡൈവേഴ്‌സിറ്റി കോണ്‍ഗ്രസ്-ഐ ബി സി) തിരുവനന്തപുരം വേദിയാകും. പത്തുവര്‍ഷത്തിനു ശേഷമാണ് ദേശീയ, അന്തര്‍ദേശീയ തലങ്ങളില്‍ ഏറെ ശ്രദ്ധിക്കപ്പെടുന്ന പരിപാടി തിരുവനന്തപുരത്ത് തിരിച്ചെത്തുന്നത്. പ്രമുഖ പരിസ്ഥിതി പ്രവര്‍ത്തകയും സംഘാടകരില്‍ ഒരാളുമായ ഡോ. വന്ദന ശിവ പത്രസമ്മേളനത്തില്‍ അറിയിച്ചതാണ് ഇക്കാര്യം. ഈ വര്‍ഷം നവംബര്‍ 25 മുതല്‍ 27 വരെ തിരുവനന്തപുരം കാര്യവട്ടത്തുള്ള കേരള സര്‍വകലാശാല ക്യാമ്പസില്‍ വച്ചാണ് ഐ ബി സി 2020 നടക്കുക.

തിരുവനന്തപുരം ആസ്ഥാനമായ സെന്റര്‍ ഫോര്‍ ഇന്നൊവേഷന്‍ ഇന്‍ സയന്‍സ് ആന്‍ഡ് സോഷ്യല്‍ ആക്ഷനും (സിസ്സ) ഡല്‍ഹി ആസ്ഥാനമായ നവ്ധാന്യയുമാണ് ഐ ബി സി യുടെ സംഘാടകര്‍. ലോകമെമ്പാടുനിന്നും ആയിരത്തിലേറെ പ്രതിനിധികള്‍ സമ്മേളനത്തിന്റെ ഭാഗമാകും. അക്കാദമിക്കുകള്‍, ഗവേഷകര്‍, വിദ്യാര്‍ഥികള്‍, സിറ്റിസണ്‍ സയന്റിസ്റ്റുകള്‍, കര്‍ഷകര്‍, സാമൂഹ്യപ്രവര്‍ത്തകര്‍, സര്‍ക്കാര്‍-സര്‍ക്കാറിതര സന്നദ്ധ സംഘടനകള്‍, കമ്മ്യൂണിറ്റി പ്രതിനിധികള്‍, വ്യാപാര സമൂഹം തുടങ്ങി വിവിധ മേഖലകളെ പ്രതിനിധാനം ചെയ്യുന്നവരുടെ ഏറ്റവും വിപുലമായ ഒത്തുചേരലാണ് നടക്കുന്നത്. പരിപാടിയുടെ ഭാഗമായി അന്തര്‍ദേശീയ സെമിനാറുകള്‍, പ്രദര്‍ശനങ്ങള്‍, യൂത്ത് ബയോ ഡൈവേഴ്‌സിറ്റി കോണ്‍ഗ്രസ്( വൈ ബി സി ), പൗരസമൂഹ സമ്മേളനം, ശില്പശാലകള്‍, ദേശീയ ഫോട്ടോഗ്രഫി മത്സരം, ഡോക്യുമെന്ററി ചലച്ചിത്രോത്സവം എന്നിവയും അരങ്ങേറുന്നുണ്ട്. ഐക്യരാഷ്ട്രസഭയുടെ ഭാഗമായ ജൈവവൈവിധ്യ കണ്‍വെന്‍ഷന്‍ (സി ബി ഡി ), ഐക്യരാഷ്ട്ര പരിസ്ഥിതി പദ്ധതി( യു എന്‍ ഇ പി ), അന്താരാഷ്ട്ര പ്രകൃതി സംരക്ഷണ സമിതി( ഐ യു സി എന്‍) എന്നിവയുടെ പ്രതിനിധികളും എത്തിച്ചേരുമെന്നാണ് പ്രതീക്ഷിക്കുന്നത്.

സുസ്ഥിര വികസന ലക്ഷ്യങ്ങള്‍ കൈവരിക്കും വിധത്തില്‍ ജൈവവൈവിധ്യ സംരക്ഷണത്തില്‍ ഊന്നിയുള്ള പാരിസ്ഥിതിക നാഗരികത രൂപപ്പെടുത്തുക, ജൈവവൈവിധ്യ ദര്‍ശനം കൂടുതല്‍ ജനവിഭാഗങ്ങളില്‍ എത്തിച്ചേരാന്‍ പര്യാപ്തമായ വിപുലമായ സംവിധാനവും ശൃംഖലയും കെട്ടിപ്പടുക്കുക, വിവിധ പഠനശാഖകളുടെ പങ്കാളിത്തത്തോടെ പൊതുവേദി രൂപീകരിക്കുക; സമ്പദ് വ്യവസ്ഥ, സൗന്ദര്യശാസ്ത്രം, സാംസ്‌കാരിക പരിണാമം എന്നിവയ്ക്കും ജൈവവൈവിധ്യത്തിനും ഇടയ്ക്കുള്ള പാരസ്പര്യത്തിന്റെ പ്രാധാന്യം ഊട്ടിയുറപ്പിക്കുക തുടങ്ങി ജൈവവൈവിധ്യ കോണ്‍ഗ്രസ് മുന്നോട്ടുവെയ്ക്കുന്ന ലക്ഷ്യങ്ങള്‍ നിരവധിയാണെന്ന് ഡോ.വന്ദന ശിവ പറഞ്ഞു. ഈ രംഗത്ത് നിലവില്‍ സ്വീകരിക്കേണ്ടതും ഭാവിയില്‍ പിന്തുടരേണ്ടതുമായ സമീപനങ്ങളെയും നിലപാടുകളെയും കുറിച്ച് ചര്‍ച്ച ചെയ്യുകയും വിദ്യാഭ്യാസ, ബോധവല്‍ക്കരണ പ്രവര്‍ത്തനങ്ങളിലൂടെ പാരിസ്ഥിതിക നാഗരികത കൈവരിക്കുകയുമാണ് ഉദ്ദേശ്യം.

ഇന്ത്യന്‍ ജൈവവൈവിധ്യ വ്യവസ്ഥ ഇപ്പോള്‍ പുതിയ രണ്ടുതരം ഭീഷണികളെ നേരിടുന്നതായി വന്ദനാശിവ പറഞ്ഞു. ‘കൃഷി അപ്രത്യക്ഷമാകുന്ന ഈ കാലത്ത് ഓര്‍ഗാനിക് കൃഷി രീതിയാണ് നമ്മുടെ പ്രതീക്ഷ. എന്നാല്‍ കൃത്രിമ രീതിയില്‍ ആഹാര പദാര്‍ഥങ്ങള്‍ ഇപ്പോള്‍ വിപണി കീഴടക്കുകയാണ്. ഫാം ഫ്രീ ഫുഡ്, ഡയറി ഫ്രീ മില്‍ക്ക് എന്നൊക്കെ പലപേരുകളിലാണ് അവ നമുക്കിടയിലേക്ക് വരുന്നത്. വളരെ ഗുരുതരമായ ആരോഗ്യ പ്രശ്‌നങ്ങളാണ് അവ ഉണ്ടാക്കുക. വിത്തുകളുടെ പഠനമെന്ന പേരില്‍ ‘ജെനറിക്ക് മാപ്പിംഗ്’ നടത്തി പുതിയ ഭക്ഷ്യ വിളകള്‍ ഉത്പാദിപ്പിച്ച് അവയ്ക്ക് പേറ്റന്റ് നേടാനുമുള്ള ശ്രമങ്ങള്‍ വ്യാപകമായി നടക്കുന്നു. ഇത് വളരെ അപകടകരമായ കാര്യമാണ്’, അവര്‍ പറഞ്ഞു.

‘ജൈവവൈവിധ്യ ലക്ഷ്യങ്ങള്‍ 2020 -ലും ശേഷവും: തല്‍സ്ഥിതിയും പ്രതീക്ഷകളും’ എന്ന വിഷയമാണ് പുതിയ പതിപ്പ് ചര്‍ച്ചചെയ്യുന്നത്. ജൈവവൈവിധ്യ സംരക്ഷണത്തിനായി തന്ത്രപരമായ പദ്ധതികള്‍ ആവിഷ്‌കരിക്കുകയും പരിസ്ഥിതി സൗഹൃദ ജീവിതരീതി രൂപപ്പെടുത്തുകയും ചെയ്യുക എന്ന ഉദ്ദേശ്യത്തോടെ 2011 മുതല്‍ 2020 വരെയുള്ള പത്തുവര്‍ഷക്കാലം ജൈവവൈവിധ്യ ദശാബ്ദമായി ഐക്യരാഷ്ട്രസഭ ആചരിക്കുന്നതിന്റെ പശ്ചാത്തലത്തിലാണ് പ്രസ്തുത വിഷയം തിരഞ്ഞെടുത്തത്.

‘ജൈവവൈവിധ്യം, വികസനം, പാരിസ്ഥിതിക പുനഃസ്ഥാപനം’ എന്ന വിഷയത്തില്‍ പ്രത്യേക സിമ്പോസിയം ഇത്തവണ അരങ്ങേറും. വികസനത്തിന്റെ സമ്മര്‍ദങ്ങള്‍ക്കിരയായി കാര്‍ഷിക മേഖലയിലുള്‍പ്പെടെ വ്യാപകമായിരിക്കുന്ന ജൈവവൈവിധ്യ ശോഷണം തടയാനും പരിസ്ഥിതിയെ തിരിച്ചുപിടിക്കുന്ന പ്രവര്‍ത്തനങ്ങള്‍ക്ക് ആക്കം കൂട്ടാനുമായി 2021 മുതല്‍ 2030 വരെയുള്ള പത്തുവര്‍ഷക്കാലം ആവാസവ്യവസ്ഥയുടെ പുനരുദ്ധാരണ ദശാബ്ദമായി ആചരിക്കാന്‍ ഐക്യരാഷ്ട്രസഭ നല്‍കിയിട്ടുള്ള നിര്‍ദേശങ്ങളുടെ പശ്ചാത്തലത്തിലാണ് പ്രസ്തുത മേഖലയില്‍ ഊന്നല്‍ നല്‍കിയുള്ള സിമ്പോസിയം സംഘടിപ്പിക്കുന്നത്.

‘ജൈവവൈവിധ്യം, വനങ്ങള്‍, ജീവനോപാധികള്‍’ എന്ന വിഷയത്തെ ആസ്പദമാക്കി പൊതുപ്രദര്‍ശനവും നടക്കുന്നുണ്ട്. സര്‍ക്കാര്‍-സര്‍ക്കാറിതര സന്നദ്ധ സംഘടനകള്‍, അക്കാദമിക്- ഗവേഷണ സ്ഥാപനങ്ങള്‍, സിവില്‍ സമൂഹങ്ങള്‍, വ്യവസായ ഗ്രൂപ്പുകള്‍ എന്നിവ എക്‌സ്‌പോയുടെ ഭാഗമാകും. ജൈവവൈവിധ്യ സംരക്ഷണത്തിന്റെ പ്രാധാന്യത്തെപ്പറ്റി പൊതുജനങ്ങള്‍ക്കിടയില്‍ അവബോധം വര്‍ധിപ്പിക്കുകയാണ് ലക്ഷ്യം. വെല്ലുവിളികളെ ബോധ്യപ്പെടുത്തിയും പരിഹാരങ്ങള്‍ നിര്‍ദേശിച്ചും മുന്നേറുന്ന വിധത്തിലാവും പ്രദര്‍ശനത്തിന്റെ രൂപകല്പന.

രണ്ടുവര്‍ഷത്തിലൊരിക്കല്‍ നടക്കുന്ന ഐ ബി സിയുടെ ഒന്നാം പതിപ്പ് അരങ്ങേറിയത് 2010-ല്‍ തിരുവനന്തപുരത്ത് വെച്ചായിരുന്നു. തുടര്‍ന്നുള്ള എഡിഷനുകള്‍ നടന്നത് ബെംഗളൂരു( ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്), ചെന്നൈ(എസ് ആര്‍ എം യൂണിവേഴ്‌സിറ്റി), പോണ്ടിച്ചേരി(കേന്ദ്ര സര്‍വകലാശാല), ഡെഹ്‌റാഡൂണ്‍( വനഗവേഷണ കേന്ദ്രം) എന്നിവിടങ്ങളിലാണ്. ഡോ. എ ജി പാണ്ഡുരംഗന്‍( മുന്‍ ഡയറക്ടര്‍, കെ എസ് സി എസ് ടി ഇ -ജെ എന്‍ ടി ബി ജി ആര്‍ ഐ), ഡോ. സി സുരേഷ്‌കുമാര്‍(ജനറല്‍ സെക്രട്ടറി, സിസ്സ), ഡോ. പി കൃഷ്ണന്‍(എമിരറ്റസ് സയന്റിസ്റ്റ്, മലബാര്‍ ബൊട്ടാണിക് ഗാര്‍ഡന്‍), പ്രൊഫ. എ ബിജുകുമാര്‍ (കേരള സര്‍വകലാശാല), അജിത്ത് വെണ്ണിയൂര്‍ (സിസ്സ) എന്നിവരും പത്ര സമ്മേളനത്തില്‍ പങ്കെടുത്തു. കൂടുതല്‍ വിവരങ്ങള്‍ക്ക് 9447216157 എന്ന നമ്പറില്‍ ബന്ധപ്പെടുക.

Advertisement

Kerala

രാജ്യത്തെ ആദ്യ ഇന്റര്‍നെറ്റ് ഓഫ് തിംഗ്‌സ് നിയന്ത്രിത സമ്മേളനമായി കൊച്ചി ഡിസൈന്‍ വീക്ക്

മികച്ച സന്ദര്‍ശനാനുഭവം സൃഷ്ടിക്കാനായി ഡിസൈന്‍ വീക്കിന്റെ എല്ലാ നടപടിക്രമങ്ങളും ഐഒടി അധിഷ്ഠിതമായാണ് നടത്തിയത്

Published

on

കൊച്ചി: ഡിസംബറില്‍ നടന്ന കൊച്ചി ഡിസൈന്‍ വീക്ക് രാജ്യത്തെ ആദ്യ ഇന്റര്‍നെറ്റ് ഓഫ് തിംഗ്‌സ്(ഐഒടി) നിയന്ത്രിത സമ്മേളനമായി മാറി. മികച്ച സന്ദര്‍ശനാനുഭവം സൃഷ്ടിക്കാനായി ഡിസൈന്‍ വീക്കിന്റെ എല്ലാ നടപടിക്രമങ്ങളും ഐഒടി അധിഷ്ഠിതമായാണ് നടത്തിയത്.

കോതമംഗലം സ്വദേശിയായ ടിബി കുരുവിള നേതൃത്വം വഹിക്കുന്ന ജപ്പാന്‍ സ്റ്റാര്‍ട്ടപ്പായ പിന്‍മൈക്രോയാണ് ഈ സൗകര്യം കൊച്ചി ഡിസൈന്‍ വീക്കില്‍ ഒരുക്കിയത്. ഒ2ഒ (ഓണ്‍ലൈനില്‍നിന്ന് ഓഫ്‌ലൈനിലേയ്ക്കും തിരിച്ചും), ചില്ലറ വാണിജ്യം, കോണ്‍ടാക്ട്‌ലെസ് പേയ്‌മെന്റ്, ഇന്‍വെന്ററി മാനേജ്‌മെന്റ് എന്നീ വിഭാഗങ്ങളിലായിരുന്നു ഈ സ്ഥാപനത്തിന്റെ സേവനം.

പിന്‍മൈക്രോയുടെ ഇവന്റ്പ്ലസ് പ്ലാറ്റ്‌ഫോമാണ് കൊച്ചി ഡിസൈന്‍ വീക്കിന് ഉപയോഗിച്ചത്. 5,500 സന്ദര്‍ശകരായിരുന്നു ഡിസംബര്‍ 12 മുതല്‍ 14 വരെ നടന്ന സമ്മേളനത്തിലെത്തിയത്. ഡിസൈന്‍ വീക്കിന്റെ ആദ്യ ലക്കത്തേക്കാള്‍ ഗണ്യമായ വര്‍ധന രണ്ടാം ലക്കത്തിനുണ്ടായി എന്ന് പരിപാടിയുടെ സ്‌പെഷ്യല്‍ ഓഫീസറും, മുഖ്യമന്ത്രിയുടെ ഓഫീസിലെ ഫെലോയുമായ അരുണ്‍ ബാലചന്ദ്രന്‍ പറഞ്ഞു.

സന്ദര്‍ശകര്‍ക്ക് സമ്മേളനത്തില്‍ നടക്കുന്ന സെമിനാറുകള്‍, പാനല്‍ ചര്‍ച്ചകള്‍, പ്രദര്‍ശനങ്ങള്‍ എന്നിവയെക്കുറിച്ചുള്ള വിവരങ്ങള്‍ എളുപ്പത്തില്‍ ലഭിച്ചിരുന്നു. കടലാസ്രഹിത ടിക്കറ്റ്, രജിസ്‌ട്രേഷന്‍, അതിഥി മാനേജ്‌മെന്റ് തുടങ്ങി എല്ലാ ഘട്ടങ്ങളിലും ഇവന്റ്പ്ലസ് ഡിസൈന്‍ വീക്കിനെ സഹായിച്ചു. ഡിസൈന്‍ വീക്കിന്റെ മൊബൈല്‍ ആപ്പില്‍ കാര്യപരിപാടികള്‍, ഇവന്റ് നാവിഗേഷന്‍, ഭക്ഷണ കൂപ്പണ്‍, അലര്‍ട്ടുകള്‍ തുടങ്ങിയവ ഉള്‍പ്പെടുത്തിയിരുന്നു.

സമ്മേളന വേദിയുടെ വിവിധയിടങ്ങളില്‍ നിന്ന് തത്സമയ വിവരങ്ങള്‍ ലഭിക്കുന്നതിനുവേണ്ടി ഊര്‍ജ്ജ ഉപഭോഗം കുറഞ്ഞ ബ്ലൂടൂത്ത് സാങ്കേതിക വിദ്യയാണ് ഉപയോഗിച്ചതെന്ന് പിന്‍മൈക്രോയുടെ സിഇഒ രവീന്ദ്രനാഥ് അങ്ങേവീട്ടില്‍ പറഞ്ഞു. ഇതിനകം തന്നെ ആഗോളതലത്തില്‍ 350 ഓളം സമ്മേളനങ്ങളില്‍ ഇവന്റ്പ്ലസ് ഉപയോഗപ്പെടുത്തിയിട്ടുണ്ടെന്ന് അദ്ദേഹം കൂട്ടിച്ചേര്‍ത്തു.

ലോകത്തിലെ ഏറ്റവും വലിയ ഡിസൈന്‍ സമ്മേളനമായി കൊച്ചി ഡിസൈന്‍ വീക്കിനെ മാറ്റാനാണ് പരിശ്രമിക്കുന്നതെന്ന് അരുണ്‍ ബാലചന്ദ്രന്‍ പറഞ്ഞു. ഇവന്റ് പ്ലസ് പോലുള്ള ആധുനിക സാങ്കേതികവിദ്യ പ്ലാറ്റ്‌ഫോമുകള്‍ ഈ നാഴികക്കല്ല് നേടാന്‍ സഹായിക്കും. ഭാവിയില്‍ കൂടുതല്‍ മെച്ചപ്പെട്ട സാങ്കേതികവിദ്യ ഈ രംഗത്ത് ഉണ്ടാകുമെന്ന് രവീന്ദ്രനാഥും കൂട്ടിച്ചേര്‍ത്തു.

Continue Reading

Education

കേരളത്തില്‍ വരുന്നൂ, ഡിജിറ്റല്‍ സര്‍വകലാശാല

‘ദി കേരള യൂണിവേഴ്‌സിറ്റി ഓഫ് ഡിജിറ്റല്‍ സയന്‍സസ് ഇന്നവേഷന്‍ ആന്റ് ടെക്‌നോളജി’ എന്ന പേരിലായിരിക്കും പുതിയ സര്‍വകലാശാല

Published

on

ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്‌നോളജി ആന്റ് മാനേജ്‌മെന്റ് കേരളയെ (ഐഐഐടിഎംകെ) ഡിജിറ്റല്‍ സര്‍വ്വകലാശാലയായി ഉയര്‍ത്താന്‍ മന്ത്രിസഭ തീരുമാനിച്ചു

‘ദി കേരള യൂണിവേഴ്‌സിറ്റി ഓഫ് ഡിജിറ്റല്‍ സയന്‍സസ് ഇന്നവേഷന്‍ ആന്റ് ടെക്‌നോളജി’ എന്ന പേരിലായിരിക്കും പുതിയ സര്‍വകലാശാല

തിരുവനന്തപുരത്തെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്‌നോളജി ആന്റ് മാനേജ്‌മെന്റ് കേരളയെ (ഐഐഐടിഎംകെ) ഡിജിറ്റല്‍ സര്‍വ്വകലാശാലയായി ഉയര്‍ത്താന്‍ മന്ത്രിസഭ തീരുമാനിച്ചു. ഇതിനുവേണ്ടി ഓര്‍ഡിനന്‍സ് പുറപ്പെടുവിക്കാന്‍ ഗവര്‍ണറോട് ശുപാര്‍ശ ചെയ്യാനും നിശ്ചയിച്ചു.

‘ദി കേരള യൂണിവേഴ്‌സിറ്റി ഓഫ് ഡിജിറ്റല്‍ സയന്‍സസ് ഇന്നവേഷന്‍ ആന്റ് ടെക്‌നോളജി’ എന്ന പേരിലായിരിക്കും പുതിയ സര്‍വ്വകലാശാല. ഇന്‍ഫര്‍മേഷന്‍ ടെക്‌നോളജി വ്യവസായവും ഡിജിറ്റല്‍ സാങ്കേതികവിദ്യയും വികസിപ്പിക്കാന്‍ സംസ്ഥാന സര്‍ക്കാര്‍ സ്വീകരിച്ചുവരുന്ന നടപടികളുടെ തുടര്‍ച്ചയാണ് ഡിജിറ്റല്‍ സര്‍വ്വകലാശാലയുടെ രൂപീകരണം.

ഡിജിറ്റല്‍ ടെക്‌നോളജി എന്ന വിശാല മണ്ഡലത്തില്‍ നൂതന ഗവേഷണവും സംരംഭകത്വവും വളര്‍ത്തുന്നതിനും വ്യവസായവിദ്യാഭ്യാസ സഹകരണം ശക്തിപ്പെടുത്തുന്നതിനും ഉദ്ദേശിച്ചാണ് സര്‍വ്വകലാശാല രൂപീകരിക്കുന്നത്. ഗുണനിലവാരമുള്ള മാനവശക്തി വികസിപ്പിക്കാന്‍ ഇത് പ്രയോജനപ്പെടും.

ഡിജിറ്റല്‍ രംഗത്തെ പുതിയ സാങ്കേതിക വിദ്യകളായ ആര്‍ട്ടിഫിഷ്യല്‍ ഇന്റലിജന്‍സ്, ഡാറ്റാ അനലിറ്റിക്‌സ്, ബ്ലോക്ക് ചെയിന്‍, കോഗ് നിറ്റീവ് സയന്‍സ്, ഇന്റര്‍നെറ്റ് ഓഫ് തിംഗ്‌സ്, ഓഗ് മെന്‍ഡഡ് റിയാലിറ്റി തുടങ്ങിയ മേഖലകള്‍ക്ക് ഡിജിറ്റല്‍ സര്‍വ്വകലാശാല ഊന്നല്‍ നല്‍കും. ഡിജിറ്റല്‍ മേഖലയില്‍ ഉയര്‍ന്ന നിലവാരമുള്ള മാനവ ശക്തിയുടെ കുറവ് പരിഹരിക്കുക എന്ന ലക്ഷ്യത്തോടെ സര്‍വ്വകലാശാലയ്ക്കു കീഴില്‍ അഞ്ച് സ്‌കൂളുകള്‍ സ്ഥാപിക്കും. സ്‌കൂള്‍ ഓഫ് കമ്പ്യൂട്ടിംഗ്, സ്‌കൂള്‍ ഓഫ് ഇലക്ട്രോണിക്‌സ് ഡിസൈന്‍ ആന്റ് ഓട്ടോമേഷന്‍, സ്‌കൂള്‍ ഓഫ് ഇന്‍ഫര്‍മാറ്റിക്‌സ്, സ്‌കൂള്‍ ഓഫ് ഡിജിറ്റല്‍ ബയോ സയന്‍സ്, സ്‌കൂള്‍ ഓഫ് ഡിജിറ്റല്‍ ഹ്യൂമാനിറ്റീസ് എന്നിവയാണ് അഞ്ച് സ്‌കൂളുകള്‍.

ഡിജിറ്റല്‍ സാങ്കേതികവിദ്യാ മേഖലകളുടെ ഗവേഷണത്തിലും ബിരുദാന്തര ബിരുദ വിദ്യാഭ്യാസത്തിലുമായിരിക്കും നിര്‍ദിഷ്ട സര്‍വ്വകലാശാല ശ്രദ്ധ കേന്ദ്രീകരിക്കുക. നിലവില്‍ ഗവേഷണ കേന്ദ്രങ്ങളില്ലാത്ത കേരള സാങ്കേതിക സര്‍വ്വകലാശാലയുടെ പ്രവര്‍ത്തനങ്ങള്‍ക്ക് പുതിയ സര്‍വ്വകലാശാല മുതല്‍ക്കൂട്ടായിരിക്കും.
വിദ്യാഭ്യാസം, ഗവേഷണം എന്നിവയില്‍ മികവ് പുലര്‍ത്തുന്നതിന് വ്യവസായങ്ങളുമായുള്ള ബന്ധവും സഹകരണവും ശക്തമാക്കാനും അക്കാദമിക് രംഗത്ത് അന്താരാഷ്ട്ര സ്ഥാപനങ്ങളുമായി സഹകരിക്കാനും പുതിയ സര്‍വ്വകലാശാല ലക്ഷ്യം വെയ്ക്കുന്നു.

Continue Reading

Entertainment

ഒരു ലക്ഷത്തില്‍പ്പരം റെക്കോഡുകള്‍, 260 പ്ലെയറുകള്‍ – സണ്ണി മാത്യുവിന്റെ ഗ്രാമഫോണ്‍ മ്യൂസിയം ദേശീയശ്രദ്ധയില്‍

കോട്ടയം പ്ലാശനാലുള്ള ഇന്ത്യയുടെ ഗ്രാമഫോണ്‍ മ്യൂസിയത്തെ ദേശീയതലത്തില്‍ പ്രശസ്തമാക്കിക്കൊണ്ട് ഹിസ്റ്ററിടിവി18-ലെ ഒഎംജി! യേ മേരാ ഇന്ത്യയുടെ എപ്പിസോഡ് നാളെ (ജനു 13)

Published

on

കൊച്ചി/കോട്ടയം: മൊബൈല്‍ ഫോണിലും ബ്ലൂടൂത്ത് സ്പീക്കറിലുമെല്ലാമായി സംഗീതം എപ്പോഴും എവിടെയും ലഭ്യമാകുന്ന ഈ ഇരുപത്തൊന്നാം നൂറ്റാണ്ടിലിരുന്നുകൊണ്ട് കഴിഞ്ഞ നൂറ്റാണ്ടിന്റെ തുടക്കത്തിലെ ഒരേയൊരു മ്യൂസിക് പ്ലേയറായിരുന്ന ഗ്രാമഫോണ്‍ റെക്കോഡ് പ്ലേയറിനെ ഓര്‍ക്കുന്നത് രസകരമായിരിക്കും. പുതിയ തലമുറയിലെ പലരും നേരിട്ടു കണ്ടിട്ടുപോലുമില്ലാത്ത ഒരുപകരണം. അങ്ങനെ കണ്ടു മറന്നവര്‍ക്കും കാണാത്തവര്‍ക്കുമായി ഒരു ഗ്രാമഫോണ്‍ മ്യൂസിയം സങ്കല്‍പ്പിച്ചാലോ? കോട്ടയം ജില്ലയിലെ ഈരാറ്റുപേട്ടയ്ക്കടുത്ത പ്ലാശനാല്‍ മുതലക്കുഴി സ്വദേശിയായ സണ്ണി മാത്യുവാണ് (64) ഇന്ത്യയിലെത്തന്നെ ഇത്തരത്തില്‍പ്പെട്ട ഒരേയൊരു മ്യൂസിയം നടത്തുന്നത്. ഈ വരുന്ന തിങ്കളാഴ്ച (ജനുവരി 13) രാത്രി 8 മണിക്ക് സംപ്രേഷണം ചെയ്യുന്ന ‘ഒഎംജി! യേ മേരാ ഇന്ത്യയുടെ പുതിയ എപ്പിസോഡിലൂടെ ദേശീയതലത്തില്‍ത്തന്നെ പ്രസിദ്ധാനാകാന്‍ പോകുന്നതിന്റെ ആവേശത്തിലാണ് സണ്ണി മാത്യു. കുട്ടിക്കാലം മുതല്‍ തന്നെ ഗ്രാമഫോണ്‍ റെക്കോഡുകളോടും പ്ലേയറുകളോടും ഉണ്ടായിരുന്ന ഇഷ്ടമാണ് 2013-ല്‍ ജോലിയില്‍ നിന്ന് വിരമിച്ചപ്പോള്‍ ലഭിച്ച തുകയുടെ ഒരു ഭാഗം കൊണ്ട് ഗ്രാമഫോണ്‍ മ്യൂസിയം തുടങ്ങാന്‍ സണ്ണി മാത്യുവിന് പ്രേരണയായത്.

സണ്ണി മാത്യുവിനെപ്പോലെ അസാധാരണ കാര്യങ്ങള്‍ ചെയ്യുന്ന സാധാരണക്കാരുടെ കഥകളാണ് ഹിസ്റ്ററിടിവി18-ന്റെ ഏറ്റവും പുതിയ ‘ഒഎംജി! യേ മേരാ ഇന്ത്യയുടെ സീസണ്‍ 6-ന്റെ തിങ്കള്‍, ചൊവ്വ രാത്രികളിലെ എപ്പിസോഡുകളിലൂടെ ഇപ്പോള്‍ ജനലക്ഷങ്ങളെ ആവേശഭരിതരാക്കുന്നത്. 260 റെക്കോഡ് പ്ലേയറുകളും 1 ലക്ഷത്തിലേറെ വരുന്ന റെക്കോഡുകളുമാണ് സണ്ണി മാത്യുവിന്റെ ശേഖരത്തിലുള്ളത്. 1902-ല്‍, നൂറിലേറെ വര്‍ഷം മുമ്പ്, ഇന്ത്യയില്‍ ഏറ്റവും ആദ്യമായി റെക്കോഡ് ചെയ്യപ്പെട്ട ഗാനത്തിന്റെ വിനൈല്‍ റെക്കോഡ് ഉള്‍പ്പെടെയുള്ളതാണ് സണ്ണി മാത്യുവിന്റെ ശേഖരം.

ഇത്തരത്തില്‍പ്പെട്ട അപൂര്‍വതകളാണ് ജനുവരി 13, 14 തീയതികളില്‍ രാത്രി 8-ന് ഹിസ്റ്ററിടിവി18 -ല്‍ സംപ്രേഷണം ചെയ്യുന്ന ‘ഒഎംജി! യേ മേരാ ഇന്ത്യ എപ്പിസോഡുകളില്‍ പ്രേക്ഷകരെ കാത്തിരിക്കുന്നത്.

Continue Reading
Advertisement

Facebook

Recent Posts

Advertisement

Viral

Kerala5 months ago

അയര്‍ലന്‍ഡില്‍ നിന്ന് ഇലിസ് നല്‍കി വരുമാനത്തിന്റെ ഒരു പങ്ക്

ദുരിതബാധിതര്‍ക്ക് പിന്തുണയുമായി കേരളത്തില്‍ വച്ച് കൊല്ലപ്പെട്ട ലാത്വിയന്‍ യുവതിയുടെ സഹോദരി ഇലിസ് സര്‍ക്കോണയും

Life5 months ago

‘ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നു ഇത്തരം കൈകള്‍’

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

Gulf5 months ago

കുട്ടികള്‍ക്കൊപ്പം ദുബായ് രാജകുമാരന്റെ വലിയപെരുന്നാള്‍ ആഘോഷം

കുട്ടികള്‍ക്കൊപ്പമുള്ള നിമിഷങ്ങള്‍ സോഷ്യല്‍ മീഡിയയില്‍ പങ്കുവെച്ച് ഷേഖ് ഹംദാന്‍

Business9 months ago

ചൂടില്‍ നിന്ന് തൊഴിലാളികളെ രക്ഷിക്കാന്‍ 1914ല്‍ ഐസ് മെഷീന്‍ സ്ഥാപിച്ച ടാറ്റ ഗ്രൂപ്പ്

ഐസ് ആഡംബരമായിരുന്ന കാലത്ത് തൊഴിലാളികള്‍ക്കായി ഒരു ഐസ് ആന്‍ഡ് സോഡ മെഷീന്‍ സ്ഥാപിച്ച ടാറ്റ ഗ്രൂപ്പ്

ELECTION SPECIAL9 months ago

ഇതാണോ ആവിഷ്‌കാര സ്വാതന്ത്ര്യം, തുറന്നടിച്ച് സന്തോഷ് പണ്ഡിറ്റ്

ബിജു മേനോനെതിരെ നടക്കുന്ന സൈബര്‍ ആക്രമണത്തെ പൊളിച്ചടുക്കി സന്തോഷ് പണ്ഡിറ്റ്

Video10 months ago

വിഡിയോ: തിമ്മക്ക രാഷ്ട്രപതിയെ അനുഗ്രഹിക്കുന്ന അപൂര്‍വ നിമിഷം

വിഡിയോ: തിമ്മക്ക രാഷ്ട്രപതിയെ അനുഗ്രഹിക്കുന്ന അപൂര്‍വ നിമിഷം

Opinion11 months ago

‘അല്ല സര്‍, പട്ടാളക്കാരന്റെ ജോലി മറ്റേതൊരു ജോലിയും പോലെയല്ല’

എന്റെ ജീവിതം ബുദ്ധിമുട്ടിലാകുമെന്ന് തോന്നിയാല്‍ ആ ജോലി ഉപേക്ഷിച്ച് പോരുന്നതിന് എനിക്ക് ഒരു വിലക്കുമില്ല. പക്ഷെ പട്ടാളക്കാരന്റെ കഥ അങ്ങനെയല്ല

Entertainment11 months ago

‘മായാനദിയിലെ അപ്പു നായികയല്ല, മലയാള സിനിമയിലെ ഏറ്റവും മികച്ച സൈക്കോ വില്ലത്തി’

അപ്പു ആരെയും സ്‌നേഹിച്ചിട്ടില്ല എല്ലാവരുടെ മുന്നിലും മികച്ച ഒരു നടി ആയിരുന്നു.

Entertainment1 year ago

ലൂസിഫറില്‍ ഞങ്ങള്‍ പോലുമറിയാത്ത ഹൈപ്രൊഫൈല്‍ അതിഥി താരമുണ്ടെന്ന് കണ്ടെത്തല്‍

ഇത്തരം 'വാര്‍ത്ത'കളാണ് സിനിമയെന്ന കലയെയും വ്യവസായത്തെയും കൊല്ലുന്നതെന്ന് മുരളിഗോപി

Entertainment1 year ago

ലാലിന്റെയും മഞ്ജുവിന്റെയും ഫോട്ടോ ക്ലിക്ക് ചെയ്ത് പൃഥ്വി

ലൂസിഫറിനെ സംബന്ധിച്ച ഓരോ വാര്‍ത്തയും ആരാധകര്‍ക്ക് ആഘോഷമാണ്

Opinion

Business3 months ago

കംഗാരു ബിസിനസും ഐടി സെക്രട്ടറിയുടെ ചോദ്യവും പ്രസക്തമാകുന്നതിന് കാരണം

കേരളത്തിലെ വന്‍കിട കമ്പനികള്‍ സ്റ്റാര്‍ട്ടപ്പുകളെ ദത്തെടുക്കണമെന്ന ഐടി സെക്രട്ടറിയുടെ നിര്‍ദേശം ഒന്നര വര്‍ഷം മുമ്പ് മീഡിയ ഇന്‍കിലൂടെ മാനേജ്‌മെന്റ് കണ്‍സള്‍ട്ടന്റ് സുധീര്‍ ബാബുവും മുന്നോട്ട് വച്ചിരുന്നു

Business10 months ago

അമേരിക്കക്കാരെ കരിക്കിന്‍ വെള്ളം കുടിപ്പിക്കുന്ന ഫോക്കോ

കരിക്കിന്‍ വെള്ളം പല ഫ്‌ളേവറുകളിലാക്കി കച്ചോടം പൊടിപൊടിക്കുന്ന ആഗോള ബ്രാന്‍ഡ് ഫോക്കോയെകുറിച്ച് ബ്രമ്മ സിഇഒ

Business11 months ago

ഹര്‍ത്താല്‍ നിയന്ത്രണബില്‍ കേരളത്തില്‍ നിയമമാകുമോ?

കേരളത്തിലേക്ക് കൂടുതല്‍ നിക്ഷേപം എത്തണമെങ്കില്‍ ഹര്‍ത്താല്‍ നിയന്ത്രണ ബില്‍ ഉടന്‍ നിയമമാക്കണമെന്നാണ് സംരംഭകര്‍ ആവശ്യപ്പെടുന്നത്

Opinion11 months ago

രാഷ്ട്രീയ പക്ഷപാതിത്വം; ഇന്ത്യയില്‍ ട്വിറ്റിന് പിടി വീഴുമോ?

പാര്‍ലമെന്ററി സമിതിക്ക് മുന്നില്‍ ഹാജരാകില്ലെന്ന ട്വിറ്ററിന്റെ നിലപാട് നീതീകരിക്കത്തക്കതല്ല. സാമൂഹ്യമാധ്യമങ്ങള്‍ക്ക് തെരഞ്ഞെടുപ്പുകളെ വരെ സ്വാധീനിക്കാന്‍ ശേഷിയുണ്ടെന്നത് സിഇഒ ഓര്‍മിക്കേണ്ടതുണ്ട്

Opinion12 months ago

ട്വിറ്ററിന് പക്ഷമുണ്ടോ; ഉണ്ടെന്ന് ബിജെപി, ഇല്ലെന്ന് ട്വിറ്റര്‍

വലതുപക്ഷ സ്വഭാവമുള്ള ട്വീറ്റുകളുടെ റീച്ച് കുറയുന്നതായും ട്രെന്‍ഡിംഗ് ലിസ്റ്റില്‍ നീതിയുക്തമായ തരത്തിലുള്ള വിഷയങ്ങള്‍ വരുന്നില്ലെന്നുമാണ് ആക്റ്റിവിസ്റ്റുകളുടെ പ്രധാന ആരോപണം.

Opinion1 year ago

വ്യാജവാര്‍ത്തകള്‍ക്കെതിരെ റിപ്പോര്‍ട്ട്, വെട്ടിലായി ബിബിസി

വ്യാജവാര്‍ത്തകള്‍ക്കെതിരെ ബിബിസി പ്രസിദ്ധീകരിച്ച പഠന റിപ്പാര്‍ട്ട് വ്യാപകമായ വിമര്‍ശനത്തിന് വിധേയമാവുകയാണ്

Opinion1 year ago

‘റിസര്‍വ് ബാങ്ക് ദ്രാവിഡിനെപ്പോലെ കളിക്കണം; സിദ്ധുവിനെ പോലെയല്ല’

ആര്‍ബിഐയും കേന്ദ്രസര്‍ക്കാരും തമ്മിലുള്ള പ്രശ്‌നത്തില്‍ നയം വ്യക്തമാക്കി രഘുറാം രാജന്‍

Opinion1 year ago

ആധാര്‍ ആഫ്രിക്കയെ മാറ്റി മറിച്ചേക്കും!

ആഫ്രിക്കയ്ക്ക് ഇന്ന് ഏറ്റവും ആവശ്യം ആധാറിന് സമാനമായ ഡിജിറ്റല്‍ തിരിച്ചറിയല്‍ സംവിധാനമാണെന്ന് വിലയിരുത്തല്‍

Opinion1 year ago

പെട്രോളിനെ ജിഎസ്ടിക്ക് കീഴില്‍ കൊണ്ടുവരണമെന്ന് ചേതന്‍ ഭഗത്

ജിഎസ്ടിക്ക് കീഴിലായാല്‍ നിലവിലെ നിലവാരത്തില്‍ പോലും പെട്രോളിന് 55 രൂപയേ വരൂ

National1 year ago

സനാതനമാണ്, വിശ്വം കീഴടക്കിയ വിവേകവാണികള്‍

"സമ്മേളനത്തില്‍ പങ്കെടുക്കാന്‍ സ്വാമിയോട് യോഗ്യതയും അര്‍ഹതയും ചോദിക്കുന്നത് സൂര്യന്‍ പ്രകാശം പരത്താന്‍ അനുമതി ചോദിക്കുന്നതിന് സമാനമാണ്."

Auto

Auto2 days ago

മെഴ്സിഡീസ്-ബെന്‍സിന്റെ ബ്രാന്‍ഡ് ‘ഇക്യു’ ഇന്ത്യയില്‍ അവതരിപ്പിച്ചു

ഇക്യുസി 1886 എഡിഷനും അവതരിപ്പിച്ചു

Auto1 week ago

വൈദ്യുത വാഹനങ്ങള്‍-പൊതു ഗതാഗതത്തിനാകണം പ്രഥമ പരിഗണന: അസെന്‍ഡ് 2020

വൈദ്യുത വാഹനങ്ങളിലും ഹൈഡ്രജന്‍ അധിഷ്ഠിത വാഹനങ്ങളിലുമാണ് ഗതാഗതത്തിന്റെ ഭാവിയുള്ളത്

Auto4 weeks ago

ഹോണ്ടയുടെ ബിഎസ്-6 ടൂവീലറുകളുടെ വില്‍പ്പന 60,000 യൂണിറ്റ് കടന്നു

ബിഎസ്-6 യുഗത്തിലേക്കുള്ള ഹോണ്ടയുടെ നിശബ്ദ വിപ്ലവത്തിന് എല്ലാ മേഖലയിലും മികച്ച സ്വീകരണമാണ് ലഭിക്കുന്നത്

Auto1 month ago

ഹെൽമെറ്റിൽ എസി, ബ്ലൂട്ടൂത്ത്, സ്മാർട്ട്ഫോൺ കണക്റ്റ്…ഇനിയെന്ത് വേണം ?

ഫോണിലെ വോയ്സ് അസിസ്റ്റിലൂടെ കൂളറില്‍ അവശേഷിക്കുന്ന കൂളന്റിന്റെ അളവ്, ഫാന്‍ സ്പീഡ് നിയന്ത്രണം, ഫോണിലെ നോട്ടിഫിക്കേഷന്‍, നാവിഗേഷന്‍, ടെക്സ്റ്റ് മെസേജ് വായന എന്നീ സൗകര്യങ്ങള്‍ ഹെഡ്സെറ്റ് വഴി...

Auto2 months ago

വേനൽ ചൂടിൽ ഫുൾടാങ്ക് പെട്രോൾ അടിച്ചാൽ വാഹനത്തിന് തീ പിടിക്കുമോ ?

പകുതി ഇന്ധമുള്ളതിനെക്കാൾ സുരക്ഷിതമാണ് ഈ അവസ്ഥ.

Auto2 months ago

ഈ വാഹനം തരും ലിറ്ററിന് 200 കിലോമീറ്റര്‍ വരെ ഇന്ധനക്ഷമത

75 ശതമാനം പരിസ്ഥിതി സൗഹൃദ വസ്തുക്കള്‍കൊണ്ടാണ് മലയാളി വിദ്യാര്‍ത്ഥികള്‍ വാഹനം നിര്‍മ്മിച്ചത്

Auto2 months ago

ഹോണ്ടയുടെ ആദ്യ ബിഎസ് 6 മോട്ടോര്‍ സൈക്കിള്‍ പുറത്തിറങ്ങി

നിശബ്ദമായി വണ്ടി സ്റ്റാര്‍ട്ടാക്കാം. മൈലേജില്‍ 16 ശതമാനത്തിലധികം വര്‍ദ്ധന. വില 72,900 രൂപ മുതല്‍

Auto3 months ago

നിസ്സാന്റെ ഇലക്ട്രോണിക് കണ്‍സെപ്റ്റ് കാര്‍ അരിയ അവതരിപ്പിച്ചു

46ാമത് ടോക്കിയോ മോട്ടോര്‍ ഷോയിലാണ് കണ്‍സെപ്റ്റ് അവതരിപ്പിച്ചത്

Auto4 months ago

ഇതാ കിടന്നോടിക്കാവുന്ന സൈക്കിള്‍; കിടിലന്‍

ബേര്‍ഡ് ഓഫ് േ്രപ എന്ന ഈ സൈക്കിള്‍ കിടന്ന് ഓടിക്കാം. പുറം വേദന വരില്ല. കസ്റ്റമൈസ്ഡുമാണ്

Auto4 months ago

ഇലക്ട്രിക് ഓട്ടോ മഹീന്ദ്ര ട്രിയോ കേരളത്തിലെത്തി

മഹീന്ദ്ര ട്രിയോ ഓടിക്കുന്നതിലൂടെ ഡ്രൈവറുടെ സമ്പാദ്യം പ്രതിവര്‍ഷം 21,600 രൂപ വരെ വര്‍ദ്ധിപ്പിക്കാമെന്ന് കമ്പനി

Trending