Connect with us

Kerala

‘ഉര്‍വര ജൂട്ട് ബാഗ്‌സ്’; നാല് വനിതകള്‍ നെയ്തെടുത്ത ബ്രാന്‍ഡ്!

ഉര്‍വര തങ്ങളുടെ തലവര തന്നെ മാറ്റുമെന്ന് പിന്നീടാണ് ഇവര്‍ തിരിച്ചറിഞ്ഞത്. നാലുപേര്‍ക്കും ജൂട്ട് ബാഗ് നിര്‍മാണത്തെക്കുറിച്ച് സാങ്കേതികമായി യാതൊരു ധാരണയുമില്ലായിരുന്നു.

Media Ink

Published

on

ഉര്‍വര തങ്ങളുടെ തലവര തന്നെ മാറ്റുമെന്ന് പിന്നീടാണ് ഇവര്‍ തിരിച്ചറിഞ്ഞത്. നാലുപേര്‍ക്കും ജൂട്ട് ബാഗ് നിര്‍മാണത്തെക്കുറിച്ച് സാങ്കേതികമായി യാതൊരു ധാരണയുമില്ലായിരുന്നു.

‘ഭര്‍ത്താവിന്റെയും കുട്ടികളുടെയും കാര്യങ്ങള്‍ നോക്കിയശേഷം ബാക്കി സമയം ടിവിയും കണ്ട് വീട്ടിലിരുന്ന് മതിയായി.ഇനി ഇങ്ങനെ പോയാല്‍ ശരിയാവില്ല, സ്വയം വരുമാനം കണ്ടെത്തുന്നതിനായി എന്തെങ്കിലും ചെയ്‌തേ മതിയാവൂ,’വയനാട് തൃക്കൈപ്പറ്റ സ്വദേശിനികളായ നാല് വീട്ടമ്മമാര്‍ ചേര്‍ന്ന് ഇത്തരത്തിലൊരു തീരുമാനമെടുത്തപ്പോള്‍ കേട്ടുനിന്നവര്‍ സ്വപ്നത്തില്‍ പോലും വിചാരിച്ചില്ല, വയനാടിന്റെ സംരംഭക ചരിത്രത്തില്‍ ഇടം നേടാനുള്ള നീക്കമായിരിക്കും അതെന്ന്.

തീരെ പരിചിതമല്ലാത്ത മേഖലയില്‍ സംരംഭ സാധ്യത കണ്ടെത്തി , അതില്‍ പരിശീലനം നേടി, സ്വന്തം ബ്രാന്‍ഡ് നെയ്‌തെടുത്തിരിക്കുകയാണ് തൃക്കൈപ്പറ്റയിലെ ‘നാലു പെണ്ണുങ്ങള്‍’.

വയനാട്ടില്‍ അധികമാരും കേട്ടിട്ടില്ലാത്ത ജൂട്ട് ബാഗുകളുടെ നിര്‍മാണമാണ് വനിതാ സംരംഭകരായ വത്സാ ജോസ്, അല്ലി വസന്തകുമാര്‍, നിഷ ശിവദാസന്‍, പ്രസന്ന പ്രഭാകരന്‍ എന്നിവര്‍ ചേര്‍ന്ന് തെരെഞ്ഞെടുത്തത്. ‘ഉര്‍വര ജൂട്ട് ബാഗ്‌സ്’ എന്ന് തങ്ങളുടെ സംരംഭത്തിന് പേരും നല്‍കി. അങ്ങനെ തുടക്കം അതിഗംഭീരമാക്കി.

ഉര്‍വര തങ്ങളുടെ തലവര തന്നെ മാറ്റുമെന്ന് പിന്നീടാണ് ഇവര്‍ തിരിച്ചറിഞ്ഞത്. നാലുപേര്‍ക്കും ജൂട്ട് ബാഗ് നിര്‍മാണത്തെക്കുറിച്ച് സാങ്കേതികമായി യാതൊരു ധാരണയുമില്ലായിരുന്നു. അതെങ്ങനെ നേടാമെന്ന അന്വേഷണം ചെന്നു നിന്നത് ജൂട്ട് ബോര്‍ഡ് ഓഫ് ഇന്ത്യയിലാണ്.അവോടെ നിന്നും സൗജന്യ പരിശീലനം നേടി. പിന്നീട് ഉറവ് എന്ന സംഘടനയുടെ സഹായത്തോടെ പ്രവര്‍ത്തനം ആരംഭിച്ചു.

2009ലാണ് സ്ഥാപനം പവര്‍ത്തനമാരംഭിച്ചത്.നിലവില്‍ ജൂട്ട് ഷീറ്റ് ഉപയോഗിച്ച് ഓഫിസ് ബാഗ്, ബാക്ക് ബാഗ്, ലേഡീസ് ബാഗുകള്‍, ഫയലുകള്‍, പഴ്‌സ്, ബിഗ്‌ഷോപ്പര്‍ ബാഗുകള്‍, കാഷ്ബാഗ്, വോള്‍ ഹാങ്ങര്‍ തുടങ്ങി ഏകദേശം ഇരുപതില്‍പരം ഉല്‍പന്നങ്ങളാണു നിര്‍മിക്കുന്നത്.നിര്‍മിക്കുന്ന ഉല്‍പ്പന്നങ്ങള്‍ എല്ലാം തന്നെ എക്കോ ഫ്രണ്ട്‌ലി ആണ് എന്നതാണ് സ്ഥാപനത്തിന്റെ യുഎസ്പി എന്ന് സംരംഭകര്‍ പറയുന്നു. ഇതുവരെ നഷ്ടമുണ്ടാകുന്ന ഒരു അവസരമുണ്ടായിട്ടില്ല. തദ്ദേശ സ്വയംഭരണ സ്ഥാപനങ്ങള്‍, സര്‍ക്കാര്‍ഏജന്‍സികള്‍, പരിശീലന കേന്ദ്രങ്ങള്‍, രാഷ്ട്രീയ പാര്‍ട്ടികള്‍ എന്നിവരുടെ ക്ലാസുകള്‍/ക്യാംപുകള്‍, പൊതുപരിപാടികള്‍ എന്നിവയുടെ ഓര്‍ഡറുകളാണ് പ്രധാനമായും ലഭിക്കുന്നത്.

പ്രധാന അസംസ്‌കൃതവസ്തുവായ ജൂട്ട്ഷീറ്റ് ചെന്നൈയിലെ സ്വകാര്യസ്ഥാപനത്തില്‍നിന്നുമാണ് എത്തിക്കുന്നത്. 70 രൂപ മുതല്‍ 200 രൂപവരെ മീറ്ററിനു വിലവരും. ബാങ്കുകള്‍ക്ക് ബലം നല്കാന്‍ മുളകള്‍ ഉപയോഗിക്കുന്നു. ബിഗ്‌ഷോപ്പര്‍ ബാഗുകള്‍ക്ക് 100 മുതല്‍ 250 രൂപ വരെയും ഓഫിസ് ബാഗിന് 450 രൂപയും ബാക്ക് പാക്കിന് 400 മുതല്‍ 500 രൂപവരെയും പാഡുകള്‍ക്ക് 20 മുതല്‍ 200 രൂപ വരെയും വിലയിട്ടാണ് വില്‍പ്പന. 10 ല്‍ പരം ആളുകള്‍ ഇന്നിവിടെ ജോലി നോക്കിവരുന്നു. ഓഫിസ് ബാഗും ഫയല്‍ബാഗുകളും അടക്കം ഏകദേശം 300 എണ്ണമാണ് പ്രതിദിനം ഉല്‍പ്പാദിപ്പിക്കുന്നത്.

എട്ട് ആധുനിക തയ്യല്‍ മെഷീനുകളും രണ്ടു കട്ടിങ് മെഷീനും അനുബന്ധ സൗകര്യങ്ങളും ഉള്‍പ്പെടെയാണ് സ്ഥാപനം പ്രവര്‍ത്തിക്കുന്നത്.

Advertisement

Business

സിജോ കുരുവിള കേന്ദ്ര ശാസ്ത്രസാങ്കേതിക നയരൂപീകരണ സമിതിയില്‍

സ്റ്റാര്‍ട്ടപ് വില്ലേജിന്റെ സ്ഥാപക സിഇഒയും റീ തിങ്ക് ഫൗണ്ടേഷന്‍ സ്ഥാപകനുമാണ് സിജോ കുരുവിള ജോര്‍ജ്

Media Ink

Published

on

കേന്ദ്രസര്‍ക്കാരിന്റെ ശാസ്ത്ര സാങ്കേതിക നയരൂപീകരണത്തിനായുള്ള വിദഗ്ധസമിതിയിലേക്ക് മലയാളിയും സ്റ്റാര്‍ട്ടപ്പ് വില്ലേജിന്റെ സ്ഥാപക സിഇഒയുമായ സിജോ കുരുവിള ജോര്‍ജ് തിരഞ്ഞെടുക്കപ്പെട്ടു.

രാജ്യത്തെ സംരംഭകത്വ നയങ്ങള്‍ രൂപീകരിക്കുന്ന എട്ടംഗസമിതിയിലാണ് കേരളത്തിന്റെ അഭിമാനമുയര്‍ത്തി സിജോയും ഇടംപിടിച്ചിരിക്കുന്നത്. കേന്ദ്രസര്‍ക്കാരിന്റെ പ്രിന്‍സിപ്പല്‍ സയന്റിഫിക് അഡൈ്വസറും ഡിപ്പാര്‍ട്മെന്റ് ഓഫ് സയന്‍സ് ആന്‍ഡ് ടെക്നോളജിയും ചേര്‍ന്നാണ് 2020 ലെ ശാസ്ത്രസാങ്കേതിക നയം (സയന്‍സ്, ടെക്നോളജി ആന്‍ഡ് ഇന്നൊവേഷന്‍ പോളിസി 2020) രൂപീകരിക്കുന്നതിനുള്ള നടപടികള്‍ തുടങ്ങിയത്.

ഇപ്പോള്‍ പ്രാബല്യത്തിലുള്ള 2013 ലെ നയം നവീനമായ മാറ്റങ്ങളോടെ പുതുക്കുക എന്ന ദൗത്യമാണ് സിജോ ഉള്‍പ്പെട്ട സംഘത്തിനുള്ളത്. ബഹിരാകാശം, ആരോഗ്യം, അറ്റോമിക് ഫിസിക്സ് തുടങ്ങിയവയ്ക്കൊപ്പമാണ് നയത്തിലുള്‍പ്പെടുത്തേണ്ട സംരഭകത്വ മേഖലയിലെ നവീനമായ മാറ്റങ്ങളും കേന്ദ്രസര്‍ക്കാര്‍ പരിഗണിക്കുന്നത്.

നയരൂപീകരണത്തിലെ ആദ്യഘട്ടത്തിന്റെ ഭാഗമായി കേന്ദ്രം രൂപീകരിച്ച വിദഗ്ധസമിതിയിലാണ് സിജോ കുരുവിള ഇടം നേടിയിരിക്കുന്നത്. രണ്ടാംഘട്ടമായി സംസ്ഥാനങ്ങളോടും മൂന്നാം ഘട്ടമായി കേന്ദ്രസര്‍ക്കാരിലെ വിവിധ വകുപ്പുകളോടും ശുപാര്‍ശകള്‍ തേടും. ഇത് രാജ്യത്തെ അഞ്ചാമത്തെ ശാസ്ത്രസാങ്കേതിക നയമാണ്.

സിജോ ഉള്‍പ്പെട്ട സംഘത്തെ നയിക്കുന്നത് കേന്ദ്ര ശാസ്ത്രസാങ്കേതിക വകുപ്പിന്റെ തലവനായ ഹര്‍ക്കേഷ് മിത്തലാണ്. സ്റ്റാര്‍ട്ടപ് ഇന്ത്യ ഡയറക്ടര്‍ ശ്രുതി സിംഗും സംഘത്തിലുണ്ട്.

ഇന്ത്യയിലെ സ്റ്റാര്‍ട്ടപ്പ് ആവാസവ്യവസ്ഥ ശക്തിപ്പെടുത്തുന്നതില്‍ കേരളവും സ്റ്റാര്‍ട്ടപ് വില്ലേജും കൈവരിച്ചന്ന നേട്ടങ്ങളുടെ പ്രതിഫലനമായിട്ടാണ് തന്നെ തെരഞ്ഞെടുത്തതിനെ കാണുന്നതെന്ന് സിജോ കുരുവിള പറഞ്ഞു.

സ്റ്റാര്‍ട്ടപ്പ് രംഗവുമായി ബന്ധപ്പെട്ട അവസരങ്ങളും സാങ്കേതിക നയങ്ങളും സംബന്ധിച്ച്് യുവസംരംഭകര്‍ക്ക് മാര്‍ഗനിര്‍ദേശം നല്‍കുന്ന ചെയ്യുന്ന റീ-തിങ്ക് ഫൗണ്ടേഷന്റെ സ്ഥാപകന്‍ കൂടിയാണ് സിജോ കുരുവിള.

Continue Reading

Business

കൊവിഡ്; നിക്ഷേപം ആകര്‍ഷിക്കാന്‍ കേരളത്തിന് സ്‌പെഷല്‍ ഇന്‍വെസ്റ്റ്‌മെന്റ് ടാസ്‌ക് ഫോഴ്‌സ്

ഉല്‍പ്പാദന കേന്ദ്രങ്ങള്‍ മാറ്റിസ്ഥാപിക്കാന്‍ തയാറെടുക്കുന്ന വിദേശ നിക്ഷേപകരെ ആകര്‍ഷിക്കാന്‍ കേരളം ശ്രമിക്കും

Media Ink

Published

on

കേരളത്തിലെ വിവിധ വ്യവസായ മേഖലകളില്‍ നിക്ഷേപം ആകര്‍ഷിക്കാനും അതിനുള്ള നടപടികള്‍ ലഘൂകരിക്കാനും സ്‌പെഷല്‍ ഇന്‍വെസ്റ്റ്‌മെന്റ് ടാസ്‌ക് ഫോഴ്‌സ്. ഇതിനായി പ്രത്യേക കര്‍മ പരിപാടി തയാറാക്കും. സ്‌പെഷല്‍ ഇന്‍വെസ്റ്റ്‌മെന്റ് ടാസ്‌ക് ഫോഴ്‌സിന്റെ ആദ്യ യോഗം വ്യാഴാഴ്ച്ച ചേര്‍ന്നു.

ഉല്‍പ്പാദന കേന്ദ്രങ്ങള്‍ മാറ്റിസ്ഥാപിക്കാന്‍ തയാറെടുക്കുന്ന വിദേശ നിക്ഷേപകരെ ആകര്‍ഷിക്കാനുമായി മുഖ്യമന്ത്രി പിണറായി വിജയന്‍ മുന്നോട്ടുവച്ചതാണ് ഈ കര്‍മസമിതി.

ലൈഫ് സയന്‍സസ്, ആരോഗ്യപരിരക്ഷ, കാര്‍ഷിക-ഭക്ഷ്യ സംസ്‌കരണം, നഗര അടിസ്ഥാന വികസനം, ഔഷധ നിര്‍മാണം തുടങ്ങിയ മേഖലകളില്‍ കേരളത്തെ ആകര്‍ഷക നിക്ഷേപ ലക്ഷ്യസ്ഥാനമായി ബ്രാന്‍ഡ് ചെയ്യാനുള്ള പദ്ധതികളായിരിക്കും തയാറാക്കുക.

നിക്ഷേപം നടത്താനും പദ്ധതികള്‍ തുടങ്ങുന്നതിനും നടപടിക്രമങ്ങള്‍ എളുപ്പമാക്കും. സുതാര്യവുമാക്കും. ഇതിനായി ചീഫ് സെക്രട്ടറി ഡോ. വിശ്വാസ് മേത്തയുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായിട്ടുണ്ട്.

ഭൂമി ഏറ്റെടുക്കല്‍ പ്രക്രിയയുടെ ലളിതവല്‍കരണം, വ്യവസായ-വിദ്യാഭ്യാസ മേഖലകളുടെ സഹകരണം, തൊഴിലവസര സൃഷ്ടി തുടങ്ങിയവ സുഗമമാക്കാനും ഉപഭോക്തൃ സംസ്ഥാനമായ കേരളത്തെ ഉല്പാദക സംസ്ഥാനമാക്കാനും സമിതി നടപടികള്‍ക്ക് രൂപം നല്‍കും.

Continue Reading

Kerala

കൊറോണകാലത്ത് ഭാരമാകുന്ന പ്രവാസികള്‍

പ്രവാസികള്‍, അവര്‍ ഒരു മാസത്തെയും രണ്ടുമാസത്തെയും അവധിക്ക് വന്നു കഴിഞ്ഞാല്‍ പിന്നെ ബന്ധുമിത്രാതികള്‍ക്ക് ആഘോഷങ്ങളുടെ രാവുകളും പകലുകളും…

Avatar

Published

on

കുട്ടിക്കാലം മുതല്‍ പ്രവാസികള്‍ ഒരു കൗതുകമായിരുന്നു… പെട്ടി നിറയെ സുഗന്ധദ്രവ്യങ്ങളും, മിട്ടായികളും , പുത്തനുടുപ്പുകളുമായി വരുന്ന പ്രവാസികള്‍, അവര്‍ ഒരു മാസത്തെയും രണ്ടുമാസത്തെയും അവധിക്ക് വന്നു കഴിഞ്ഞാല്‍ പിന്നെ ബന്ധുമിത്രാതികള്‍ക്ക് ആഘോഷങ്ങളുടെ രാവുകളും പകലുകളും…

നാട്ടില്‍ എന്ത് വിശേഷം ഉണ്ടെങ്കിലും വാരിക്കോരി സംഭാവന കൊടുക്കുന്ന വിശാലമനസ്‌കര്‍, അവരെ ദൈവത്തെ പോലെ കണ്ടുവണങ്ങാന്‍ വീട്ടുപടിക്കല്‍ സന്ദര്‍ശകരുടെ ഇടതടവില്ലാത്ത പ്രവാഹം വിരുന്നുകാരുടെ ലിസ്റ്റ് എടുത്താല്‍ എഴുതാനൊരു പേജ് തികയാതെ വരും. കൈ നോക്കുന്ന കാക്കാത്തി മുതല്‍ രാഷ്ട്രീയക്കാര്‍, ഇന്‍ഷുറന്‍സ് ഏജന്റുമാര്‍ , റിയല്‍ എസ്റ്റേറ്റുകാര്‍ അതിങ്ങനെ നീണ്ടുപോകും .

ഒരു പോലീസുകാരനോ പട്ടാളക്കാരനോ ആകണ മെന്നതായിരുന്നു ജീവിതത്തിലെ ഏറ്റവും വലിയ സ്വപ്നം എങ്കിലും ഒരു പ്രവാസിയുടെ ലൈഫ് സ്‌റ്റൈല്‍ വല്ലാതെ ആകര്‍ഷിച്ചിരുന്നു ഞാനും ഒരു പ്രവാസിയാകുന്നത് സ്വപ്നം കണ്ടിരുന്നു ആ സ്വപ്നം തീവ്രമായിരുന്നത് കൊണ്ടാകാം കാലത്തിന്റെ കുത്തൊഴുക്കില്‍ ഞാനും ഒരു പ്രവാസിയായി ഒരുപാട് സ്വപ്നങ്ങളുമായി വിമാനം കയറി. പക്ഷെ 2008 ലെ സാമ്പത്തിക മാന്ദ്യത്തില്‍ പെട്ടുലഞ്ഞ് ആദ്യ ഉദ്യമം വന്‍പരാജയമായി തിരികെ നാട്ടിലെത്തി …കാലചക്രം കറങ്ങിയപ്പോള്‍ വിധിയെന്നെ വീണ്ടും സ്വപ്നഭൂമിയായ മണലാരണ്യത്തിലെത്തിച്ചു ,

ഇന്ന് ഇതെഴുതാന്‍ എന്നെ പ്രേരിപ്പിച്ചത് രണ്ട് കാര്യങ്ങളാണ് ഒന്ന് ഒരു കുടുംബത്തെ വീട്ടില്‍ പ്രവേശിക്കുന്നതില്‍ നിന്നും നാട്ടുകാര്‍ തടഞ്ഞതായുള്ള ഒരു പത്രവാര്‍ത്ത, രണ്ട് പഴയ ഒരു സഹപാഠിയുമായുള്ള ഒരു സംഭാഷണം മദ്ധ്യേ ആള്‍ പറഞ്ഞ ചില വാക്കുകള്‍. സ്‌നേഹാന്വേഷണത്തിനൊടുവില്‍ ഇവിടെ കൊറോണയുടെ ആഘാതവും വിശേഷവും ഒക്കെ ചോദിച്ചു തുടങ്ങിയ സംഭാഷണമധ്യേ ഞാന്‍ നാട്ടിലെ കാര്യങ്ങള്‍ അന്വേഷിച്ചതിന് മറുപടിയായി എനിക്ക് ലഭിച്ച ഉത്തരം അക്ഷരാര്‍ഥത്തില്‍ എന്നെ സ്തബ്ധനാക്കി.

‘ എടാ ഇവിടെ അത്ര പ്രശ്‌നങ്ങളൊന്നും ഇല്ലാതെ എല്ലാം നല്ല രീതിയില്‍ പോയ്കൊണ്ടിരിക്കുകയായിരുന്നു പക്ഷെ കുറച്ചുപേര്‍ ദുബായില്‍ നിന്ന് വന്ന് എല്ലാര്‍ക്കും പടര്‍ത്തി ‘

ഇത് കേട്ട ഞാന്‍ ചിരിക്കണോ കരയണോ എന്നറിയാത്ത അവസ്ഥയിലായി ഇപ്പോള്‍ പ്രവാസികള്‍ ശരിക്കും പറഞ്ഞാല്‍ ഒരു ത്രിശങ്കുവിലാണ് തൊഴില്‍ നഷ്ടവും വിസാ കാലാവധി കഴിഞ്ഞതും രോഗാവസ്ഥയുമൊക്കെ കാരണം നാട്ടില്‍ വരാം എന്ന് വിചാരിച്ചാല്‍ നാട്ടുകാര്‍ക്ക് ഭയം മറ്റൊരു കാര്യം നമ്മുടെ സര്‍ക്കാരിന്റെ താല്‍പര്യമില്ലായ്മ അതിന് കാരണം വേണ്ടത്ര സൗകര്യങ്ങള്‍ ഇല്ലത്രേ!

ആര്‍ക്ക്? ഇന്ത്യന്‍ പൗരന്മാരായ പ്രവാസികള്‍ക്ക്! ഭാരതത്തിന്റെ ജനസംഘ്യയുടെ വെറും 2.8% മാത്രമാണ് കേരളജനസംഘ്യ എന്നിരുന്നാലും ഒരുവര്‍ഷം നമ്മുടെ രാജ്യത്ത് നടക്കുന്ന ചഞക റെമിറ്റന്‍സില്‍ 19% മാണ് നമ്മുടെ വക , അതായത് നൂറു രൂപയില്‍ പത്തൊന്‍പത് രൂപ ഞാനുള്‍പ്പെടുന്ന പ്രവാസി മലയാളികളുടെ സംഭാവനയാണ് നമ്മുടെ സംസ്ഥാനത്തിന്റെ സാമ്പത്തിക ഘടനയില്‍ പ്രവാസികള്‍ വഹിക്കുന്ന പങ്ക് വളരെ വലുതാണ്. പക്ഷെ അവരെ പറ്റി നമ്മള്‍ എന്നെങ്കിലും ചിന്തിച്ചിട്ടുണ്ടോ

സുഗന്ധദ്രവ്യം പൂശി പുത്തനുടുപ്പും കൂളിംഗ് ഗ്ലാസും ഒക്കെ ഇട്ടു വര്‍ഷത്തില്‍ മുപ്പത് ദിവസ്സം വിലസി നടക്കുന്ന, എന്താവശ്യം പറഞ്ഞാലും മുന്‍പിന്‍ നോക്കാതെ സഹായിക്കുന്ന പ്രവാസികളെ മാത്രമേ നിങ്ങള്‍ക്കറിയൂ പക്ഷെബാക്കി ദിവസ്സങ്ങളില്‍ അവരുടെ ജീവിതം എങ്ങനെ എന്ന് ചിന്തിക്കാറുണ്ടോ ?

കൃത്യമായി പറഞ്ഞാല്‍ വര്‍ഷത്തില്‍ മുന്നൂറ്റിമുപ്പത്തിയഞ്ചു ദിവസ്സം സ്വന്തം നാടും വീടും വിട്ട് പ്രിയപെട്ടവരുടെ ജീവിതത്തിന് വെളിച്ചം പകരാന്‍ സ്വന്തം സുഖങ്ങള്‍ മറന്നു സ്വയം ഇരുട്ടില്‍ കഴിയുന്ന ജീവിതങ്ങളെ നിങ്ങള്‍ക്കറിയില്ല .

ഒരു ചെറിയ ശതമാനം ഒഴിച്ച് ഭൂരിപക്ഷം പേരുടെയും ജീവിതം പത്തും ഇരുപതും പേരൊന്നിച്ച് ഒരു ലേബര്‍ കാമ്പിലായിരിക്കും അല്ലെങ്കില്‍ ഒരു കുടുസ്സുമുറിയില്‍ ബെഡ്‌സ്‌പേസ് സൗകര്യത്തില്‍ ഞെങ്ങി ഞെരുങ്ങി ഉള്ള ജീവിതം .

നമ്മുടെ നാട്ടില്‍ പ്രവാസിപണത്തിന്റെ കുത്തൊഴുക്കില്‍ പടുത്തുയര്‍ത്തിയ രമ്യഹര്‍മ്മങ്ങളില്‍ ഇരുന്ന് നമ്മള്‍ പ്രവാസികളെ പുച്ഛിക്കുന്നു അവര്‍ വരുന്നത് കൊണ്ടാണത്രേ മഹാമാരി പടരുന്നത്! അപ്പോഴും നമ്മള്‍ സൗകര്യപൂര്‍വം ചിലത് മറക്കും…. രോഗ വ്യാപനത്തിന്റെ തോത് കൂടിയതെങ്ങനെ എന്ന്?….

അന്യസംസ്ഥാന ക്ഷമിക്കണം അതിഥിതൊഴിലാളികളുടെ സമരങ്ങളും (അതു പക്ഷെ അവശ്യ സാധനങ്ങളായ ടി വി , കാരം ബോര്‍ഡ്, ചിക്കന്‍, മുട്ട, പാല്‍ എന്നിവയഥാസമയം ലഭിക്കാത്തത് കൊണ്ടാണ് എന്ന് വിചാരിക്കാം ), ചില സമ്മേളനങ്ങളും , VVIP മരണങ്ങളില്‍ സോഷ്യല്‍ ഡിസ്റ്റന്‍സിങ് പാലിക്കാതെ കൂട്ടംകൂടിയതും , ബസ്സുകളിലും മറ്റും ഇടിച്ചുകുത്തി യാത്ര ചെയ്യുന്നതും, മദ്യം വാങ്ങാന്‍ കൂട്ടം കൂടി ക്യുവില്‍ നില്‍ക്കുന്നതും,ആരോഗ്യപ്രവര്‍ത്തകരുടെയും പോലീസിന്റെയും ഗവണ്‍മെന്റിന്റെയും നിര്‍ദേശങ്ങള്‍ പാലിക്കാതെ ലോക്ക്‌ഡൌണ്‍ നിര്‍ദ്ദേശങ്ങള്‍ ലംഘിച്ചു കറങ്ങി നടന്ന് രോഗ വ്യാപനത്തിന്റെ തോത് കൂട്ടിയതും എല്ലാം നമുക്ക് മറക്കാം .

പ്രളയവും ഓഖിയും മറ്റു ദുരന്തങ്ങളും വന്നപ്പോള്‍ നിങ്ങളെ കരുതലോടെ ചേര്‍ത്തുപിടിച്ചവര്‍ ആണ് പ്രവാസികള്‍ ഇപ്പോള്‍ അവര്‍ ദുരിതത്തിലാണ് സഹായിച്ചില്ലെങ്കിലും ഉപദ്രവിക്കരുത് എന്നൊരപേക്ഷയുണ്ട് പ്രവാസികളും ഇന്ത്യന്‍ പൗരന്മാരാണ് നിങ്ങള്‍ക്കുള്ള അതേ അവകാശങ്ങളും അധികാരങ്ങളും അവര്‍ക്കുമുണ്ട്.അവരെയും ചേര്‍ത്തുപിടിക്കൂ ഈ മഹാമാരിക്കെതിരെ ഒരുമിച്ചു നില്‍ക്കാം ഒരുമിച്ചു പൊരുതാം ,ഈ കാലവും കഴിഞ്ഞു പോകും……

സ്റ്റേ സേഫ് സ്റ്റേ ഹെല്‍ത്തി ….

Continue Reading
Advertisement

Facebook

Recent Posts

Advertisement

Viral

Health6 days ago

ഇതൊന്നും കാണാതെ പോകരുത്, കളക്റ്ററെ കുറിച്ചുള്ള ഹൈബിയുടെ കുറിപ്പ് വൈറല്‍

പ്രിയ കളക്ടര്‍… ഞങ്ങള്‍ നിങ്ങളോടൊപ്പമുണ്ട്. സധൈര്യം മുന്നോട്ട് പോവുക. നിങ്ങളിലെ നന്മയ്ക്ക് അഭിനന്ദനങ്ങള്‍….

Life2 months ago

ആരാണ് മദം പൊട്ടിയ കൊമ്പന്‍?

എന്നാല്‍ എന്താണ് യഥാര്‍ത്ഥത്തില്‍ ആനയുടെ മദം പൊട്ടല്‍ എന്നത് കൊണ്ട് ഉദ്ദേശിക്കുന്നത്?

Kerala3 months ago

കോവിഡിനെ തോല്‍പ്പിക്കാന്‍ കുടയും; ഇത് തണ്ണീര്‍മുക്കം സ്റ്റൈല്‍

കോവിഡിനെ കെട്ടുകെട്ടിക്കാന്‍ മാസ്‌ക്കിനും സാനിറ്റൈസറിനുമൊപ്പം കുടയും ആയുധമാണ് ഈ നാട്ടുകാര്‍ക്ക്

Politics4 months ago

ഓരോ മലയാളിയെയും നാണിപ്പിക്കുന്ന പ്രകടനങ്ങളെന്ന് കളക്റ്റര്‍

ടിവി ഷോ മത്സരാര്‍ഥിയും ഫാന്‍സ് അസോസിയേഷനും കൊച്ചി എയര്‍പോര്‍ട്ട് പരിസരത്തു നടത്തിയ പ്രകടനങ്ങള്‍ ഓരോ മലയാളിയെയും നാണിപ്പിക്കുന്നതെന്ന് കളക്റ്റര്‍

Kerala11 months ago

അയര്‍ലന്‍ഡില്‍ നിന്ന് ഇലിസ് നല്‍കി വരുമാനത്തിന്റെ ഒരു പങ്ക്

ദുരിതബാധിതര്‍ക്ക് പിന്തുണയുമായി കേരളത്തില്‍ വച്ച് കൊല്ലപ്പെട്ട ലാത്വിയന്‍ യുവതിയുടെ സഹോദരി ഇലിസ് സര്‍ക്കോണയും

Life11 months ago

‘ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നു ഇത്തരം കൈകള്‍’

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

Gulf11 months ago

കുട്ടികള്‍ക്കൊപ്പം ദുബായ് രാജകുമാരന്റെ വലിയപെരുന്നാള്‍ ആഘോഷം

കുട്ടികള്‍ക്കൊപ്പമുള്ള നിമിഷങ്ങള്‍ സോഷ്യല്‍ മീഡിയയില്‍ പങ്കുവെച്ച് ഷേഖ് ഹംദാന്‍

Business1 year ago

ചൂടില്‍ നിന്ന് തൊഴിലാളികളെ രക്ഷിക്കാന്‍ 1914ല്‍ ഐസ് മെഷീന്‍ സ്ഥാപിച്ച ടാറ്റ ഗ്രൂപ്പ്

ഐസ് ആഡംബരമായിരുന്ന കാലത്ത് തൊഴിലാളികള്‍ക്കായി ഒരു ഐസ് ആന്‍ഡ് സോഡ മെഷീന്‍ സ്ഥാപിച്ച ടാറ്റ ഗ്രൂപ്പ്

ELECTION SPECIAL1 year ago

ഇതാണോ ആവിഷ്‌കാര സ്വാതന്ത്ര്യം, തുറന്നടിച്ച് സന്തോഷ് പണ്ഡിറ്റ്

ബിജു മേനോനെതിരെ നടക്കുന്ന സൈബര്‍ ആക്രമണത്തെ പൊളിച്ചടുക്കി സന്തോഷ് പണ്ഡിറ്റ്

Video1 year ago

വിഡിയോ: തിമ്മക്ക രാഷ്ട്രപതിയെ അനുഗ്രഹിക്കുന്ന അപൂര്‍വ നിമിഷം

വിഡിയോ: തിമ്മക്ക രാഷ്ട്രപതിയെ അനുഗ്രഹിക്കുന്ന അപൂര്‍വ നിമിഷം

Opinion

Opinion7 days ago

വിശ്വസിക്കാന്‍ കൊള്ളാവുന്ന രാജ്യമോ സാമ്പത്തിക പങ്കാളിയോ അല്ല ചൈന

ചൈനയുമായുള്ള ബന്ധം പുനക്രമീകരിച്ചിരിക്കുന്നു മോദി. സ്വാശ്രയ ഭാരതത്തിന് ഊര്‍ജമേകുമത്. അവര്‍ വിശ്വസിക്കാവുന്ന സാമ്പത്തിക പങ്കാളിയുമല്ല

National2 months ago

മഹാരാഷ്ട്ര സര്‍ക്കാര്‍ തകരുമോ, രാഹുലിന്റെ മനസിലെന്ത്?

ശിവസേനയില്‍ നിന്ന് 'സാമൂഹ്യ അകലം' പാലിച്ചുള്ള രാഹുലിന്റെ പ്രസ്താവന അര്‍ത്ഥമാക്കുന്നതെന്ത്?

Business2 months ago

അസ്ഥിര ശമ്പളം, ഗിഗ് എക്കോണമി-വരാന്‍ പോകുന്ന മാറ്റങ്ങള്‍ പ്രവചനാതീതം

കോവിഡാനന്തര കാലഘട്ടത്തില്‍ സംരംഭകത്വ മേഖലയില്‍ വരാന്‍ പോകുന്ന മാറ്റങ്ങളെക്കുറിച്ച് സുധീര്‍ ബാബു എഴുതുന്നു.

Opinion3 months ago

ഇത് ഞെട്ടിപ്പിക്കുന്ന പലിശയെന്ന് മന്ത്രി തോമസ് ഐസക്ക്

കൊള്ളപ്പലിശ സംസ്ഥാനങ്ങളുടെ മേല്‍ അടിച്ചേല്‍പ്പിച്ച് അവരെ കടക്കെണിയിലേയ്ക്ക് തള്ളി നീക്കുകയാണ്-മന്ത്രി തോമസ് ഐസക്ക്

Opinion3 months ago

ട്രംപിന്റെ ഭീഷണി വിവാദം; യഥാര്‍ത്ഥത്തില്‍ സംഭവിച്ചതെന്ത്

ഡോണള്‍ഡ് ട്രംപ് വിളിച്ചാലും ഇല്ലെങ്കിലും ഈ പ്രക്രിയ ഇത്രയും സമയമെടുത്തേ പൂര്‍ത്തിയാക്കാനാകൂ

Opinion4 months ago

ശ്രദ്ധിക്കുക, കൊറോണാനന്തര കാലത്ത് ഇതെല്ലാം സംഭവിക്കും

ചില സന്ദര്‍ഭങ്ങളില്‍ കൂട്ടിവെച്ച ആയുധങ്ങളും പണവും അറിവും ഗര്‍വ്വും പുല്ലിന് സമം

Opinion4 months ago

കോവിഡ്-19, ആരാണുത്തരവാദി, ദൈവമോ ശാസ്ത്രമോ?

1981ല്‍ പുറത്തിറങ്ങിയ the Eyes of Darkness എന്നൊരു പുസ്തകത്തില്‍ എഴുത്തുകാരന്‍ പറയുന്നുണ്ട് 2020ല്‍ ചൈനയില്‍ വുഹാന്‍ എന്ന സ്ഥലത്തെ ലാബില്‍ നിന്നും ഒരു മാരക വൈറസ്...

Opinion5 months ago

ഇതാണ് മനുഷ്യന്റെ ചിന്ത, എന്താല്ലേ…

ലാകത്തില്‍ സ്വദേശികള്‍ പരദേശികളെ പുച്ഛത്തോടെയും വെറുപ്പോടെയും വീക്ഷിച്ച ചരിത്രമെയുള്ളു. ഇതിനൊരപവാദം നമ്മുടെ ഇന്ത്യ മാത്രമാണ്

Opinion5 months ago

ഏറ്റവും വലിയ ഭ്രാന്താണോ ജിഎസ്ടി, കാരണമെന്ത്?

ഇരുപത്തൊന്നാം നൂറ്റാണ്ടിലെ ഏറ്റവും വലിയ ഭ്രാന്തെന്നാണ് ജിഎസ്ടിയെ അടുത്തിടെ സുബ്രഹ്മണ്യന്‍ സ്വാമി വിശേഷിപ്പിച്ചത്

Opinion5 months ago

ഭൂമിയിലെ ‘ചിറകില്ലാത്ത മാലാഖ’മാർ

ന്യായമായ കൂലിക്കു വേണ്ടി സമരം ചെയ്യുന്ന അവർക്കു എന്ത് വില ആണ് നാം കൊടുക്കുന്നത്

Auto

Auto2 months ago

പുതിയ നിസ്സാന്‍ കിക്ക്‌സ്-2020 വില്‍പ്പന ആരംഭിച്ചു

ഏഴ് വേരിയന്റുകളില്‍ നിസ്സാന്‍ കിക്ക്‌സ് പുതുമോഡല്‍ ലഭ്യമാണ്. 9,49,990 രൂപ മുതലാണ് വില

Auto2 months ago

കോവിഡിനെയും തോല്‍പ്പിച്ച് ടെസ്ല; ലാഭം 16 മില്യണ്‍ ഡോളര്‍

ആദ്യ പാദത്തില്‍ ഇലോണ്‍ മസ്‌ക്കിന്റെ ഇലക്ട്രിക് കാര്‍ കമ്പനി 16 ദശലക്ഷം ഡോളറിന്റെ ലാഭം

Auto4 months ago

ആവേശമാകും ഫോക്‌സ്‌വാഗണ്‍ ടി-റോക്

19.99 ലക്ഷം രൂപയാണ് ഫോക്‌സ് വാഗണ്‍ ടി-റോക്കിന്റെ വില. കാര്‍ ക്ലിക്കാകുമെന്ന പ്രതീക്ഷയിലാണ് കമ്പനി

Auto4 months ago

ഇതാ വരുന്നു, ജാവയുടെ ബിഎസ്6 മോഡലുകള്‍

വിലയില്‍ 5000 രൂപ മുതല്‍ 9928 രൂപ വരെ വര്‍ധനയുണ്ടാകും

Auto4 months ago

ഹോണ്ട യൂണിക്കോണ്‍ ബിഎസ്-6; പ്രത്യേകതകള്‍ ഇതെല്ലാം…

93,593 രൂപ മുതലാണ് ഹോണ്ട യൂണികോണ്‍ ബിഎസ് 6ന്റെ വില ആരംഭിക്കുന്നത്

Auto5 months ago

ഷാര്‍ജ മോഡല്‍ ഇന്റര്‍നാഷണല്‍ ഡ്രൈവിംഗ് ട്രെയിനിംഗ് സെന്റര്‍ മലപ്പുറത്ത്

വേങ്ങരയില്‍ ഇന്‍കലിന് കീഴിലുള്ള 25 ഏക്കര്‍ സ്ഥലത്താണ് സെന്റര്‍ സ്ഥാപിക്കുക

Auto5 months ago

കേരളത്തില്‍ 163 ഇലക്ട്രിക് ചാര്‍ജിംഗ് സ്റ്റേഷനുകള്‍ വരുന്നു

തിരുവനന്തപുരം, എറണാകുളം, തൃശൂര്‍, മലപ്പുറം, കണ്ണൂര്‍ ജില്ലകളിലായി 163 ഇലക്ട്രിക് ചാര്‍ജിംഗ് സ്റ്റേഷനുകള്‍ സ്ഥാപിക്കും

Auto5 months ago

വി-ക്ലാസ് മാര്‍ക്കോ പോളോ, വോളോകോപ്ടര്‍, ഹാക്കത്തോണ്‍ എന്നിവയുമായി മെഴ്സിഡീസ്-ബെന്‍സ് ഓട്ടോ എക്സ്പോയില്‍

ഏറ്റവും മികച്ച എക്സ്റ്റീരിയറും വിശാലമായ അകത്തളങ്ങളും ആണ് മാര്‍ക്കോപോളോ യുടെ പ്രധാനപ്പെട്ട പ്രത്യേകത

Auto5 months ago

വാഹനങ്ങളുടെ വിപുലമായ നിര ഓട്ടോ എക്സ്പോയില്‍ അവതരിപ്പിച്ച് മഹീന്ദ്ര ആന്‍ഡ് മഹീന്ദ്ര

ഇന്നത്തെ ഉപഭോക്താക്കള്‍ക്ക് ആവശ്യമായ ഉല്‍പ്പന്നങ്ങള്‍ അവതരിപ്പിക്കുന്നതിനൊപ്പം സുസ്ഥിരമായ നാളെ എന്നതാണ് മഹീന്ദ്രയുടെ വാഗ്ദാനം

Auto5 months ago

ലോങ് വീല്‍ബേസ് സഹിതം മെഴ്സിഡീസ്-ബെന്‍സ് പുതിയ എസ്യുവിയായ ജിഎല്‍ഇ പുറത്തിറക്കി

ഓഫ് റോഡ് ഡ്രൈവിംഗിന് അനുയോജ്യമായ രീതിയിലാണ് വാഹനം വികസിപ്പിച്ചിരിക്കുന്നത്

Trending