Connect with us

Life

‘ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നു ഇത്തരം കൈകള്‍’

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

Published

on

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

പ്രളയബാധിതരിലേക്ക് ചാക്കില്‍ പുതുവസ്ത്രങ്ങള്‍ വാരി നിറച്ച് അയക്കാന്‍ തയാറായ നൗഷാദിന്റെ കഥ സോഷ്യല്‍ മീഡിയയില്‍ വലിയ ചര്‍ച്ചയാണ്. ബ്രോഡ് വേയില്‍ വഴിയോരക്കച്ചവടം നടത്തുന്ന പി എം നൗഷാദിന്റെ സഹജീവിസ്‌നേഹത്തില്‍ പലര്‍ക്കും അമ്പരപ്പാണുണ്ടായത്. നൗഷാദിനെക്കുറിച്ച് നടന്‍ സിദ്ദിഖ് എഴുതിയ സാമൂഹ്യ മാധ്യമ കുറിപ്പും ഇപ്പോള്‍ ശ്രദ്ധ പിടിച്ചുപറ്റുകയാണ്. അതിങ്ങനെ…

ഈ മനുഷ്യന്‍….. നൗഷാദ്…..????

ദുരിതാശ്വാസത്തിനായി തുണിത്തരങ്ങളും ചെരുപ്പുകളും തെണ്ടി ബ്രോഡ്വേയിലെ കടകള്‍ തോറും കയറിയിറങ്ങി നടക്കുമ്പോള്‍ ‘നിങ്ങള്‍ക്ക് കുഞ്ഞുടുപ്പുകള്‍ വേണോ’ എന്നു ചോദിച്ച് കൂട്ടിക്കൊണ്ടു പോയി, അഞ്ച് ചാക്കു നിറയെ തുണിത്തരങ്ങള്‍ എടുത്തു തന്നൊരു മട്ടാഞ്ചേരിക്കാരന്‍. നിങ്ങള്‍ക്കിത് വലിയ നഷ്ടം വരുത്തില്ലേത്? എന്നു ചോദിച്ചപ്പോള്‍, ‘നമ്മള്‍ പോകുമ്പോള്‍ ഇതൊന്നും ഇവിടുന്ന് കൊണ്ടുപോവാന്‍ പറ്റൂല്ലല്ലോ? എനിക്ക് നാട്ടുകാരെ സഹായിക്കുന്നതാണ് എന്റെ ലാഭം. നാളെ പെരുന്നാളല്ലേ.. എന്റെ പെരുന്നാളിങ്ങനെയാ.’ എന്നുപറഞ്ഞ് ചിരിച്ചൊരു മനുഷ്യന്‍.

ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നത് വലിയ മനുഷ്യരുടെ കാണാന്‍ കഴിയാത്ത കൈയുകളാണെന്നു പറഞ്ഞു കേട്ടിട്ടുണ്ട്. നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു.

ചില നുണ പ്രചരണങ്ങള്‍ക്കിപ്പുറവും, കരുതല്‍ പങ്കു വയ്ക്കുന്ന, ചേര്‍ത്തു പിടിക്കുന്ന, നിസ്വാര്‍ത്ഥരായ മനുഷ്യരെക്കണ്ട് മനസ്സു നിറയുന്നു..????

സ്‌നേഹം.
നമ്മള്‍ അതിജീവിക്കുക തന്നെ ചെയ്യും.

Advertisement

Life

‘അമേരിക്കയല്ല, കണ്ട് പഠിക്കേണ്ടത് ഇന്ത്യയിലെ ക്ഷേത്രങ്ങള്‍’

കേരളത്തിലെ ക്ഷേത്രങ്ങളുടെ കുത്തഴി കണ്ട് പ്രചോദിതനായാണ് പല ഇന്ത്യന്‍ നിര്‍മാണങ്ങളിലും താന്‍ ലുവുര്‍ ഉപയോഗിക്കുന്നതെന്ന് വിശ്വോത്തര അമേരിക്കന്‍ ആര്‍ക്കിടെക്റ്റ് ക്രിസ്റ്റഫര്‍ ചാള്‍സ് ബെനിഞ്ചര്‍

Published

on

കേരളത്തിലെ ക്ഷേത്രങ്ങളുടെ കുത്തഴി കണ്ട് പ്രചോദിതനായാണ് പല ഇന്ത്യന്‍ നിര്‍മാണങ്ങളിലും താന്‍ ലുവുര്‍ ഉപയോഗിക്കുന്നതെന്ന് വിശ്വോത്തര അമേരിക്കന്‍ ആര്‍ക്കിടെക്റ്റ് ക്രിസ്റ്റഫര്‍ ചാള്‍സ് ബെനിഞ്ചര്‍

ആര്‍ക്കിടെക്ചര്‍ പഠിക്കാന്‍ ഇന്ത്യയില്‍ നിന്നുള്ള കുട്ടികള്‍ അമേരിക്കന്‍ സര്‍വകലാശാലകളിലേയ്ക്ക് പോകേണ്ട ആവശ്യമില്ലെന്നും ആര്‍ക്കിടെക്ചര്‍ പഠിക്കാന്‍ പ്രധാനമായും അവര്‍ ചെയ്യേണ്ടത് 89 മാസമെടുത്ത് ഇന്ത്യ മുഴുവന്‍ യാത്ര ചെയ്ത് ഇന്ത്യയുടെ തദ്ദേശീയ വാസ്തുശില്‍പ്പ മാതൃകകളും അവയുടെ നിര്‍മാണത്തിലുപയോഗിച്ച മെറ്റീരിയലുകളുമെല്ലാം അടുത്തറിയുകയാണെന്നും കഴിഞ്ഞ അമ്പതു വര്‍ഷമായി ഇന്ത്യയില്‍ താമസിച്ച് ലോകമെങ്ങും പ്രശസ്തമായ വാസ്തുശില്‍പ്പസൃഷ്ടികള്‍ രചിക്കുന്ന വിശ്വോത്തര അമേരിക്കന്‍ ആര്‍ക്കിടെക്റ്റ് ക്രിസ്റ്റഫര്‍ ചാള്‍സ് ബെനിഞ്ചര്‍. ഒക്ടോബറിലെ ആദ്യ തിങ്കളാഴച ലോകപാര്‍പ്പിടദിനമായി ആചരിക്കുന്നതിനു മുന്നോടിയായി കൊച്ചിയില്‍ അസറ്റ് ഹോംസ് സംഘടിപ്പിച്ച ബിയോണ്ട് സ്‌ക്വയര്‍ ഫീറ്റ് പ്രഭാഷണപരമ്പരയില്‍ സംസാരിക്കുകയായിരുന്നു അദ്ദേഹം.

അമ്പതു ലക്ഷം രൂപ മുടക്കി അമേരിക്കയില്‍ പോയി പഠിച്ച് അവിടെത്തന്നെ കൂടിയാല്‍ ഈ രംഗത്ത് വലിയ സംഭാവനകള്‍ ചെയ്യാന്‍ സാധിക്കാതെ വരും, കാരണം നിര്‍മാണത്തിന്റെ സംസ്‌കാരമാണ് (കള്‍ച്ചര്‍ ഓഫ് കണ്‍സ്ട്രക്ഷന്‍) പ്രധാനം, അദ്ദേഹം പറഞ്ഞു. രണ്ടാം ലോക മഹായുദ്ധത്തിനു ശേഷം അമേരിക്കയും അവരുടെ തനത് ആര്‍ക്കിടെക്ചര്‍ ഉപേക്ഷിച്ച് യൂറോപ്യന്‍ മാതൃകകള്‍ പകര്‍ത്തിത്തുടങ്ങി. ഒരു സ്ഥലത്തെ മെറ്റീരിയലുകള്‍, കാലാവസ്ഥ, അവിടെത്തന്നെയുള്ള തൊഴിലാളികള്‍ എന്നിവ ഉപയോഗപ്പെടുത്താനാണ് ആര്‍ക്കിടെക്റ്റുകള്‍ ശ്രമിക്കേണ്ടത്. ഉദാഹരണത്തിന് ഇന്ത്യയിലെ ഓട്ടോമൊബീല്‍ ഹബ്ബായതിനാല്‍ സ്റ്റീല്‍ ധാരാളം ലഭ്യമായതുകൊണ്ട് പൂനെയില്‍ സ്റ്റീല്‍ സ്ട്രക്ചറുകളാണ് പലപ്പോഴും ഉപയോഗിക്കുന്നത്. ഒരിക്കലും നമ്മള്‍ ഒരു ശൈലി പകര്‍ത്തുകയോ സ്വീകരിക്കുകയോ അരുത്. കാലം മാറിയെങ്കില്‍ അതിനനുസരിച്ചുള്ള ആധുനികവും അതേ സമയം തദ്ദേശിയവുമായ വാസ്തുശില്‍പ്പകല വികസിപ്പിച്ചെടുക്കുകയാണ് വേണ്ടത്.

1971ല്‍ ആര്‍ക്കിടെക്റ്റ് ബാലകൃഷ്ണ ദോഷിയുമായിച്ചേര്‍ന്ന് അഹമ്മദാബാദില്‍ സ്‌കൂള്‍ ഓഫ് പ്ലാനിംഗ് സ്ഥാപിക്കുന്നതിന്റെ ഭാഗമായാണ് 1972ല്‍ ആദ്യമായി ഡോ കെ എന്‍ രാജിനേയും ലാറി ബേക്കറേയും കാണാന്‍ കേരളത്തില്‍ വന്നത്. 20 വര്‍ഷത്തിനു ശേഷം വീണ്ടും വന്നു. കൊച്ചി റിഫൈനറിയുടെ കോര്‍പ്പറേറ്റ് നിര്‍മാണം നടക്കുന്ന സമയമായിരുന്നു അത്. കോര്‍പ്പറേറ്റ് ഓഫീസുകള്‍ സ്ഫടിക ബോക്‌സുകളായിരിക്കണം എന്നതായിരുന്നു അന്നത്തെ ട്രെന്‍ഡ്. അങ്ങനെ ഇവിടുത്തെ കാലാവസ്ഥ നോക്കാതെ യൂറോപ്യന്‍ മാതൃക അനുകരിച്ച് ചൂട് ആഗിരണം ചെയ്ത് വന്‍തോതില്‍ വൈദ്യുതിച്ചെലവ് വരുത്തിവെയ്ക്കുകയായിരുന്നു ഫലം. അതുകൊണ്ട് ആ ഡിസൈനില്‍ മാറ്റം വരുത്തി. അന്ന് റിഫൈനറിയിലെ തുടക്കക്കാരനായിരുന്ന ബാബു നൈനാന്‍ തന്നെ കേരളത്തിലെ പഴയ അമ്പലങ്ങളും പള്ളികളുമെല്ലാം കാണിയ്ക്കാന്‍ കൊണ്ടുപോയി. കേരളത്തിലെ പരമ്പരാഗത ക്ഷേത്രങ്ങളിലെ കുത്തഴിയാണ് പിന്നീട് റിഫൈനറിയുടെ കോര്‍പ്പറേറ്റ് ഓഫീസിലും പില്‍ക്കാലത്ത് ഡിസൈന്‍ ചെയ്ത ഒട്ടേറെ കെട്ടിടങ്ങളിലും ഉപയോഗിച്ചിരിക്കുന്നത്. ആധുനിക ആര്‍ക്കിടെക്ചറിലെ ലുവുര്‍ തന്നെയാണ് പഴയ കേരളീയ ക്ഷേത്രങ്ങളിലെ കുത്തഴി.

ഇന്ത്യയിലും വിദേശത്തും താന്‍ രൂപകല്‍പ്പന ചെയ്ത പല കെട്ടിടങ്ങളുടേയും നിര്‍മാണത്തില്‍ തേപ്പില്ലാതെ കോണ്‍ക്രീറ്റ് അങ്ങനെ തന്നെ ഉപയോഗിച്ചിരിക്കുന്നതും അദ്ദേഹം വിശദീകരിച്ചു. ചെലവു ഗണ്യമായി കുറയും, കൃത്രിമായി റഫ് ലുക്ക് വരുത്തേണ്ട കാര്യമില്ല എന്നിങ്ങനെ എക്‌സ്‌പോസ്ഡ് കോണ്‍ക്രീറ്റിന് ഗുണങ്ങള്‍ ഏറെയാണ്. പ്ലൈവുഡോ മരപ്പലകകളോ ഉപയോഗിക്കുന്നതിനു പകരം മെറ്റല്‍ ഷട്ടറിംഗ് ഉപയോഗിച്ച് കോണ്‍ക്രീറ്റ് വാര്‍ക്കുന്നതിനാല്‍ കുഴിവും ചെരിവുമില്ലാത്ത പ്രതലം ഉറപ്പുവരുത്താനാവും. നേര്‍ത്ത ചെമ്പു പാളികള്‍ ഉപയോഗിച്ച് മേല്‍ക്കൂര ചെയ്ത കെട്ടിടങ്ങള്‍, പകല്‍വെളിച്ചം വന്‍തോതില്‍ ഉപയോഗപ്പെടുത്തി വൈദ്യുതി ബി്ല്ലില്‍ കുറവു വരുത്തുന്ന സൃഷ്ടികള്‍, ഒരു കെട്ടിടത്തില്‍ നിന്നു തന്നെ അതിന്റെ 9% വൈദ്യുതിബില്‍ നല്‍കാവുന്ന വിന്‍ഡ്, സോളാര്‍ എനര്‍ജി സംവിധാനങ്ങള്‍ തുടങ്ങിയവയും അദ്ദേഹം വിശദീകരിച്ചു.

താന്‍ രൂപകല്‍പ്പന ചെയ്ത് ലോകത്തിന്റെ വിവിധ ഭാഗങ്ങളില്‍ നിര്‍മിച്ചതും നിര്‍മിക്കപ്പെട്ടുകൊണ്ടിരിക്കുന്നതുമായ കെട്ടിടങ്ങളും പട്ടണങ്ങളുമുള്‍പ്പെട്ട വാസ്തുശില്‍പ്പങ്ങളെപ്പറ്റി വിശദീകരിച്ചുകൊണ്ടാണ് അദ്ദേഹം തന്റെ കാഴ്ചപ്പാട് വ്യക്തമാക്കിയത്.

അമേരിക്കയില്‍ ജനിച്ചു വളര്‍ന്ന് എംഐടി, ഹാര്‍വാര്‍ഡ് എന്നീ പ്രമുഖ സര്‍വകലാശാലകളില്‍ നിന്ന് ബിരുദമെടുത്ത പ്രൊഫ. ബെന്നിംഗര്‍ കഴിഞ്ഞ അമ്പതു വര്‍ഷമായി ഇന്ത്യയിലാണ് താമസിക്കുന്നത്. ഇന്ത്യയുടെ ആര്‍ക്കിടെക്ചര്‍, പ്ലാനിംഗ് മേഖലകള്‍ക്ക് ഗണ്യമായ സംഭാവനകളാണ് ഇക്കാലത്തിനിടെ അദ്ദേഹം നല്‍കിവരുന്നത്. 1968ല്‍ അഹമ്മദാബാദിലെ സ്‌കൂള്‍ ഓഫ് ആര്‍ക്കിചെക്ചര്‍ തന്റെ അധ്യാപനജീവിതമാരംഭിച്ച അദ്ദേഹം 1969 മുതല്‍ 1971 വരെ ഹാര്‍വാര്‍ഡ് ഗ്രാജ്വേറ്റ് സ്‌കൂള്‍ ഓഫ് ഡിസൈനിലും പഠിപ്പിച്ചു. 1971ല്‍ ഇന്ത്യയിലേയ്ക്കു തിരിച്ചു വന്ന് ആര്‍ക്കിടെക്റ്റ് ബാലകൃഷ്ണ ദോഷിയുമായിച്ചേര്‍ന്ന് അഹമ്മദാബാദില്‍ സ്‌കൂള്‍ ഓഫ് പ്ലാനിംഗ് സ്ഥാപിച്ചു. ഒട്ടേറെ ആഗോള അംഗീകാരങ്ങള്‍ നേടിയിട്ടുള്ള അദ്ദേഹത്തിന്റെ വിവിധങ്ങളായ വാസ്തുശില്‍പ്പങ്ങള്‍ ഇന്ത്യ, ഭൂട്ടാന്‍, ശ്രീലങ്ക തുടങ്ങിയ രാജ്യങ്ങളിലുണ്ട്. ഭൂട്ടാനില്‍ ഏതാനും പട്ടണങ്ങള്‍ തന്നെ അദ്ദേഹം രൂപകല്‍പ്പന ചെയ്യുകയുണ്ടായി. ചൈനയിലെ ഷാംഗായില്‍ ലോകത്തിലെ ഏറ്റവും വലിയ ഫാര്‍മസി റിസര്‍ച്ച് സെന്ററായി ഉയര്‍ന്നു വരുന്ന യൂണിവേഴ്‌സിറ്റി ഓഫ് വുഹാന്റെ രൂപകല്‍പ്പനയിലാണ് ഇപ്പോള്‍ അദ്ദേഹം. ബാംഗ്ലൂരിലെ അസിം പ്രേംജി യൂണിവേഴ്‌സിറ്റി, ഹൈദ്രാബാദ് ഐഐടി തുടങ്ങിയവയാണ് അദ്ദേഹത്തിന്റെ നിലവിലുള്ള മറ്റു സൃഷ്ടികള്‍. പൂനെയിലാണ് അദ്ദേഹത്തിന്റെ വീടും സ്റ്റുഡിയോയുമുള്ളത്. ചെറുപ്പക്കാരായ ആര്‍ക്കിടെക്റ്റുകളെ ലക്ഷ്യമിട്ട് അദ്ദേഹമെഴുതിയ ലെറ്റേഴ്‌സ് റ്റു എ യംഗ് ആര്‍ക്കിടെക്റ്റ് എന്ന പുസ്തകം 2012ലെ ബെസ്റ്റ് ആര്‍ക്കിടെക്ചര്‍ പുസ്തകത്തിനുള്ള അവാര്‍ഡ് നേടി. ഏറെ മാസങ്ങളോളം ഏറ്റവും വില്‍പ്പനയുള്ള നോണ്‍ഫിക്ഷന്‍ പുസ്തകങ്ങളുടെ ലിസ്റ്റിലും ഈ പുസ്തകം ഉന്നതസ്ഥാനത്തുണ്ടായിരുന്നു. ആര്‍ക്കിടെക്ചര്‍ ഫോര്‍ മോഡേണ്‍ ഇന്ത്യയാണ് അദ്ദേഹത്തിന്റെ പുതിയ പുസ്തകം.

700 കോടിയിലേറെ മനുഷ്യരുള്ള ഭൂമിയില്‍ 160 കോടി മനുഷ്യരാണ് ഇന്ന് പാര്‍പ്പിടങ്ങള്‍ക്കായി കാത്തിരിക്കുന്നതെന്ന് ചടങ്ങില്‍ സ്വാഗതമാശംസിച്ച അസറ്റ് ഹോംസ് എംഡി സുനില്‍ കുമാര്‍ വി. പറഞ്ഞു. ഭാരതത്തിന്റെ നഗരങ്ങളില്‍ മാത്രം സാമ്പത്തികമായി പിന്നോക്കം നില്‍ക്കുന്നവരുടെ കൂട്ടത്തില്‍ 2.5 കോടി ഭവനങ്ങളുടേയും താഴ്ന്ന വരുമാനക്കാരുടെ കൂട്ടത്തില്‍ 3 കോടി ഭവനങ്ങളുടേയും കുറവുണ്ടെന്നത് ഞെട്ടിക്കുന്ന യാഥാര്‍ത്ഥ്യമാണെന്നും അദ്ദേഹം പറഞ്ഞു.

വര്‍ഷം തോറും ലോക പരിസ്ഥിതി, ജല, പാര്‍പ്പിടദിനങ്ങളിലായി മൂന്നു പ്രഭാഷണങ്ങളാണ് ബിയോണ്ട് ദി സ്‌ക്വയര്‍ഫീറ്റ് പ്രഭാഷണപരമ്പരയുടെ ഭാഗമായി അസറ്റ് ഹോംസ് സംഘടിപ്പിച്ചു വരുന്നത്.

Continue Reading

Health

പ്ലാസ്റ്റിക്ക് വിപത്തിനെപ്പറ്റി കുട്ടികളെ പഠിപ്പിക്കേണ്ടത് അത്യാവശ്യം: കാനായി കുഞ്ഞിരാമന്‍

ഏകോപയോഗ പ്ലാസ്റ്റിക്കിനെതിരെ സംഘടിപ്പിച്ച ബഹുമുഖ ബോധവത്കരണ പരിപാടിയ്ക്ക് മികച്ച പ്രതികരണം

Published

on

തിരുവനന്തപുരം: പാഠപുസ്തകം പഠിപ്പിക്കുന്ന അതേ പ്രാധാന്യത്തോടു കൂടി പ്ലാസ്റ്റിക്കിന്റെ വിപത്തിനെക്കുറിച്ച് കുട്ടികളെ വീടുകളില്‍ നിന്നു പഠിപ്പിക്കേണ്ടത് അത്യാവശ്യമാണെന്ന് പ്രശസ്ത ശില്പി കാനായി കുഞ്ഞിരാമന്‍ അഭിപ്രായപ്പെട്ടു. ഏകോപയോഗ പ്ലാസ്റ്റിക്ക് നിരോധനം നടപ്പിലാക്കി, ഗാന്ധിജി വിഭാവനം ചെയ്ത ഒരു സുസ്ഥിരഗ്രാമം എന്ന ആശയം പ്രാവര്‍ത്തികമാക്കാന്‍ ഒരു ഗ്രാമത്തെയെങ്കിലും മാതൃകയായി കൊണ്ട് വരാന്‍ ശ്രമിക്കണമെന്നും, അതിനായി തന്റെ പൂര്‍ണ പിന്തുണ ഉണ്ടായിരിക്കുമെന്നും അദ്ദേഹം പറഞ്ഞു. പ്ലാസ്റ്റിക്ക് മുക്ത ഭാരതത്തിനായുള്ള ബഹുമുഖ പ്രചരണ കാമ്പയിന്‍ തലസ്ഥാന നഗരിയിലെ പ്രശസ്തമായ മാനവീയം വീഥിയില്‍ ചിത്രം രചിച്ച് ഉദ്ഘാടനം ചെയ്തശേഷം സംസാരിക്കുകായായിരുന്നു അദ്ദേഹം.
തിരുവനന്തപുരം ആസ്ഥനമായി പ്രവര്‍ത്തിക്കുന്ന സെന്റര്‍ ഫോര്‍ ഇന്നവേഷന്‍ ഇന്‍ സയന്‍സ് ആന്‍ഡ് സോഷ്യല്‍ ആക്ഷന്‍ (സിസ്സ) സമാനലക്ഷ്യങ്ങളോടെ പ്രവര്‍ത്തിക്കുന്ന മറ്റു നിരവധി സംഘടനകളുമായിച്ചേര്‍ന്നാണ് ബഹുമുഖ പ്രചാരണ യജ്ഞം സംഘടിപ്പിച്ചത്. രാഷ്ട്രപിതാവായ മഹാത്മാ ഗാന്ധിയുടെ നൂറ്റിയമ്പതാം ജന്മവാര്‍ഷികദിനത്തോടനുബന്ധിച്ചാണ് ബഹുമുഖ ബോധവത്കരണ പരിപാടി നടന്നത്.
പ്ലാസ്റ്റിക്ക് ഉത്പാദകര്‍ തന്നെ ഒരു കാലപരിധിക്കുശേഷം ഉല്‍പ്പന്നങ്ങള്‍ തിരിച്ചെടുക്കണമെന്ന പൊതു വികാരം ഉയര്‍ന്നു വന്ന ബഹുമുഖ ക്യാമ്പയിന്റെ ഉദ്ഘാടന വേദിയില്‍ എത്തിയത് വിവിധ തുറകളില്‍ വ്യക്തിമുദ്ര പതിപ്പിച്ച അനവധി വിശിഷ്ട വ്യക്തിത്വങ്ങളാണ്.
സിക്കിം പോലെയുള്ള ഒരു സംസ്ഥാനത്തിന് 2002 മുതല്‍ പ്ലാസ്റ്റിക്കിനെതിരെ ശക്തമായ നിലപാടെടുക്കാന്‍ സാധിച്ചു. എന്നാല്‍ കേരളം ഇത്രത്തോളം വൈകിയത് തെറ്റായി പോയി, എന്ന് ചടങ്ങില്‍ അധ്യക്ഷത വഹിച്ച എല്‍ രാധാകൃഷ്ണന്‍ ഐ എ എസ് പറഞ്ഞു. ബോധവത്ക്കരണത്തോടൊപ്പം നിയമങ്ങള്‍ നടപ്പിലാക്കാനുള്ള ഇച്ഛാശക്തി സര്‍ക്കാര്‍ കാട്ടേണ്ടതുണ്ട്. ഏകോപയോഗ പ്ലാസ്റ്റിക് ഉല്‍പ്പാദനം പാടില്ല എന്ന നിയമം സര്‍ക്കാര്‍ കൊണ്ട് വരണം. ഒപ്പം, ഇറക്കുമതി, വില്‍പ്പന തുടങ്ങിയവയും നിരോധിക്കണമെന്നും, എല്ലാവരും ബോധവത്ക്കരണത്തില്‍ ഒരു പോലെ പങ്കാളികളാകണമെന്നും അദ്ദേഹം ആഹ്വാനം ചെയ്തു.
ഏകോപയോഗ പ്ലാസ്റ്റിക്ക് വിരുദ്ധ ബോധവത്ക്കരണവും ബദല്‍ വസ്തുക്കളുടെ പ്രചരണവും വിവിധ സന്നദ്ധ സംഘടനകളുമായി ചേര്‍ന്ന് യുവാക്കളെ ഉള്‍ക്കൊള്ളിച്ച് കൊണ്ട് സിസ്സ നടപ്പാക്കുമെന്ന് ചടങ്ങില്‍ സംസാരിച്ച കേരള സര്‍വകലാശാല അക്വാട്ടിക് ബയോളജി വിഭാഗം മേധാവി ഡോ ബിജു കുമാര്‍ പറഞ്ഞു. അതോടൊപ്പം തന്നെ ഉത്പാദകന്റെ അധികരിച്ച ഉത്തരവാദിത്തം നടപ്പിലാക്കാനുള്ള സമ്മര്‍ദ ശക്തിയായി സിസ്സ നിലകൊള്ളും, അദ്ദേഹം പറഞ്ഞു.
ഉത്ഘാടന വേദിയില്‍ സംസാരിച്ച ചലച്ചിത്ര നിര്‍മാതാവ് ജി സുരേഷ്‌കുമാര്‍ സ്വച്ഛ് ഭാരത് എന്ന ആശയം പ്രചരിപ്പിക്കുവാന്‍ മുന്‍കൈ എടുത്ത പ്രധാനമന്ത്രിയെ അഭിനന്ദിച്ചു. ഒരു സിനിമാപ്രവര്‍ത്തകര്‍ എന്ന നിലയില്‍ നടീനടന്മാരോട് പ്ലാസ്റ്റിക്ക് ഉത്പന്നങ്ങളുടെ പരസ്യങ്ങളില്‍ അഭിനയിക്കരുത് എന്ന് പറയും, അദ്ദേഹം ഉറപ്പു നല്‍കി.
നമ്മള്‍ വിലകുറവിന്റെയും നിരത്തിന്റെയും സൗന്ദര്യത്തിന്റെയും പിന്നാലെ പോയി എന്നതാണ് പ്ലാസ്റ്റിക്ക് ഉപയോഗം വ്യാപകമായത്, എന്ന് തിരുവനന്തപുരം വിമന്‍സ് കോളേജ് പ്രിന്‍സിപ്പലും ശാസ്ത്രപ്രചാരകനുമായ പ്രൊഫ സി പി അരവിന്ദാക്ഷന്റെ അഭിപ്രായപ്പെട്ടു. അത് ഉപേക്ഷിക്കുക തന്നെ വേണം, അദ്ദേഹം കൂട്ടിച്ചേര്‍ത്തു.
മുഖ്യ സംഘാടകരായ സിസ്സയുടെ ജനറല്‍ സെക്രട്ടറി ഡോ സി സുരേഷ് കുമാറിന്റെ അഭിപ്രായത്തില്‍, പ്ലാസ്റ്റിക്കിനെതിരെ പോരാടുവാന്‍ മുന്‍പ് നാം ഉപഭോക്താവിനോട് പറഞ്ഞെങ്കിലും നിയമങ്ങള്‍ കാറ്റില്‍ പറത്തപ്പെട്ടു. എന്നാലിപ്പോള്‍ ഉത്പാദകരെ ലക്ഷ്യം വച്ച് കൊണ്ട് പ്ലാസ്റ്റിക്കിനെതിരെ പോരാടുവാന്‍ സര്‍ക്കാര്‍ മുന്നിട്ടിറങ്ങുന്നു എന്നത് സ്വാഗതാര്‍ഹമാണ്. അത്തരത്തില്‍ ഒരു പ്രയത്‌നത്തിന് പൊതുജന പിന്തുണയോടെ സിസ്സയും മുന്നിട്ടിറങ്ങുകയാണ്, അദ്ദേഹം പറഞ്ഞു.
അര്‍ജുന അവാര്‍ഡ് ജേതാവ് പത്മിനി തോമസ് പ്ലാസ്റ്റിക്കിനെതിരായ പ്രതിജ്ഞ ചൊല്ലിക്കൊടുത്തു. ചടങ്ങില്‍നെത്തിയ വിശിഷ്ടാതിഥികള്‍ സിഗ്‌നേച്ചര്‍ വാളില്‍ ഒപ്പു രേഖപ്പെടുത്തി പ്ലാസ്റ്റിക്ക് ബോധവത്കരണത്തിനായി പിന്തുണ പ്രഖ്യാപിച്ചു.
യു വി ജോസ് ഐ എ എസ്, പി ആര്‍ ഡി ഡയറക്ടര്‍, എന്‍ പി രാജീവ്, വൈസ് ചെയര്‍മാന്‍, നാഷണല്‍ ഇന്നൊവേഷന്‍ ഫൗണ്ടേഷന്‍; സി ജയകുമാര്‍, എക്‌സിക്യൂട്ടീവ് ഡയറക്ടര്‍, തണല്‍, അജിത് വെണ്ണിയൂര്‍, സിസ്സ തുടങ്ങി നിരവധിപ്പേര്‍ പങ്കെടുത്തു. ചടങ്ങില്‍ പരിസ്ഥിതി പ്രവര്‍ത്തകയും പ്രമുഖ കവയിത്രിയുമായ സുഗതകുമാരിയുടെ പ്ലാസ്റ്റിക്ക് വിരുദ്ധ സന്ദേശം വായിച്ചു. മുന്‍ മിസോറാം ഗവര്‍ണര്‍ കുമ്മനം രാജശേഖരന്‍, ചലച്ചിത്ര സംവിധായകന്‍ വേണു നായര്‍ തുടങ്ങി നിരവധിപ്പേര്‍ ബഹുമുഖ പ്രചാരണ പരിപാടികള്‍ സന്ദര്‍ശിച്ചു.
പ്ലാസ്റ്റിക്കിന്റെ ചരിത്രവും ദൂഷ്യങ്ങളും സംബന്ധിച്ച പോസ്റ്റര്‍ പ്രദര്‍ശനം, ഫോട്ടോ പ്രദര്‍ശനം, ചിത്രരചനാ ക്യാമ്പ്, സ്‌കൂള്‍ കോളേജ് വിദ്യാര്‍ഥികള്‍ അവതരിപ്പിച്ച സാംസ്‌ക്കാരിക പരിപാടികള്‍, പ്ലാസ്റ്റിക്കിനു ബദലായി ഉപയോഗിക്കാവുന്ന വസ്തുക്കളുടെ പ്രദര്‍ശനം, സന്നദ്ധ സംഘടനകള്‍ ഒരുക്കിയ സ്റ്റാളുകള്‍ തുടങ്ങി വിവിധ പരിപാടികള്‍ ബഹുമുഖ ക്യാമ്പയിനിന്റെ ഭാഗമായി. എന്‍ സി സി യുടെ ഓള്‍ ഗേള്‍സ് ബറ്റാലിയനില്‍ നിന്നുള്ള 100 കാഡറ്റുകളും, സ്‌കൂള്‍ കോളേജ് വിദ്യാര്‍ത്ഥികളും സന്നിഹിതരായിരുന്നു. ചിത്രകലാ സംഘം പ്രവര്‍ത്തകര്‍ സംഘടിപ്പിച്ച ചിത്ര രചനയും പരിപാടിയുടെ ഭാഗമായിരുന്നു.
യു എന്‍ യൂണിവേഴ്‌സിറ്റി അംഗീകാരമുള്ള ആര്‍ സി ഇ തിരുവനന്തപുരം; നെഹ്റു യുവകേന്ദ്ര; നാഷണല്‍ സര്‍വീസ് സ്‌കീം, ഭാരതീയ വിചാര കേന്ദ്രം; സി 5; കേരള സര്‍വകലാശാലയിലെ അക്വാട്ടിക് ബയോളജി വിഭാഗം; നാഷണല്‍ ഗ്രീന്‍ കോര്‍; എര്‍ത്ത് ഫൗണ്ടേഷന്‍; വേള്‍ഡ് വൈല്‍ഡ് ലൈഫ് ഫണ്ട്; തണല്‍; ഫ്രണ്ട്‌സ് ഓഫ് മറൈന്‍ ലൈഫ്; ലഘു ഉദ്യോഗ് ഭാരതി; ശ്രീചിത്ര തിരുനാള്‍ കോളേജ് ഓഫ് എന്‍ജിനീയറിങ്; തപസ്യ; ശാന്തിഗ്രാം; തുടങ്ങി ഒട്ടേറെ സ്ഥാപനങ്ങളും സംഘടനകളും പരിപാടിയില്‍ സജീവ പങ്കാളിത്തം വഹിച്ചു. സ്‌കൂള്‍, കോളേജ് വിദ്യാര്‍ത്ഥികള്‍ക്കായി സംഘടിപ്പിച്ച മത്സരങ്ങളിലെ വിജയികള്‍ക്ക് പ്രശസ്ത സാഹിത്യകാരന്‍ ഡോ ജോര്‍ജ്ജ് ഓണക്കൂര്‍ സമ്മാനങ്ങള്‍ വിതരണം ചെയ്തു. പോസ്റ്റര്‍ ഡിസൈനിങ് മത്സരത്തില്‍ ഗവ. ജിഎച്ച് എസ് എസ് കോട്ടണ്‍ ഹില്‍ സ്‌കൂളിലെ റുഷ്ദമോള്‍ ആര്‍.എസ് ഒന്നാം സ്ഥാനവും, ഗവ. വിമന്‍സ് കോളേജിലെ ചിത്ര ശിവകാമി രണ്ടാം സ്ഥാനവും നേടി. ചിത്ര രചന മത്സരത്തില്‍ ഹൈസ്‌കൂള്‍ വിഭാഗത്തില്‍ പാറശ്ശാല ബിവിപിസിഎസിലെ അശ്വിന്‍. ബി ജയന്‍ ഒന്നാം സ്ഥാനവും, തൈക്കാട് ഗവ .മോഡല്‍ ബിഎച്ച്എസ്എസിലെ കാര്‍ത്തിക് എസ് രണ്ടാം സ്ഥാനവും നേടിയപ്പോള്‍, തൈക്കാട് ഗവ .മോഡല്‍ ബിഎച്ച്എസ്എസിലെ മുകുന്ദന്‍ വി എസ് മൂന്നാം സ്ഥാനം കരസ്ഥമാക്കി. സാന്ദിപനി സ്‌കൂളിലെ വിഷ്ണു ജെ എസിന് പ്രോത്സാഹന സമ്മാനം ലഭിച്ചു. ഹയര്‍ സെക്കന്ററി തലത്തില്‍ കോട്ടണ്‍ ഹില്‍ സ്‌കൂളിലെ സി. ലക്ഷ്മി ഒന്നാം സ്ഥാനവും, ഏയ്ഞ്ചല്‍ ജി ഓസ്വിന്‍ രണ്ടാം സ്ഥാനവും, ലക്ഷ്മി എസ് മൂന്നാം സ്ഥാനവും നേടിയപ്പോള്‍ അതെ സ്‌കൂളിലെത്തന്നെ സാന്ദ്രയ്ക്ക് പ്രോത്സാഹന സമ്മാനവും ലഭിച്ചു.

Continue Reading

Kerala

ചെമ്മീനും അലങ്കാര മത്സ്യത്തിനും ജീവനുള്ള തീറ്റ വികസിപ്പിച്ച് ആര്‍ജിസിഎ

ആര്‍ട്ടീമിയ എന്ന പൊതുവിഭാഗത്തില്‍ പെടുന്ന ഈ തീറ്റ ‘പേള്‍’ എന്ന ബ്രാന്‍ഡിലാണ് വില്‍ക്കുന്നത്. മേക്ക് ഇന്‍ ഇന്ത്യ പദ്ധതിയനുസരിച്ചാണ് ഇത് വികസിപ്പിച്ചത്

Published

on

ആര്‍ട്ടീമിയ എന്ന പൊതുവിഭാഗത്തില്‍ പെടുന്ന ഈ തീറ്റ ‘പേള്‍’ എന്ന ബ്രാന്‍ഡിലാണ് വില്‍ക്കുന്നത്. മേക്ക് ഇന്‍ ഇന്ത്യ പദ്ധതിയനുസരിച്ചാണ് ഇത് വികസിപ്പിച്ചത്

ചെമ്മീന്‍, അലങ്കാര മത്സ്യക്കൃഷി എന്നിവയ്ക്കായി സമുദ്രോത്പന്ന കയറ്റുമതി വികസന അതോറിറ്റിയ്ക്ക്(എംപിഇഡിഎ) കീഴിലുള്ള രാജീവ് ഗാന്ധി സെന്റര്‍ ഫോര്‍ അക്വാകള്‍ച്ചര്‍(ആര്‍.ജി.സി.എ) തദ്ദേശീയമായി ജീവനുള്ള തീറ്റ (ലൈവ് ഫീഡ്) വികസിപ്പിച്ചെടുത്തു.
ആര്‍ട്ടീമിയ എന്ന പൊതുവിഭാഗത്തില്‍ പെടുന്ന ഈ തീറ്റ ‘പേള്‍’ എന്ന ബ്രാന്‍ഡിലാണ് വില്‍ക്കുന്നത്. മത്സ്യകൃഷിയ്ക്ക് ഊര്‍ജ്ജം പകരുമെന്നു മാത്രമല്ല, ഈ മേഖലയില്‍ ചൈന, അമേരിക്ക എന്നീ രാജ്യങ്ങളില്‍ നിന്നുള്ള ഇറക്കുമതിയെ ആശ്രയിക്കേണ്ടെന്ന മെച്ചം കൂടി ഇതിലൂടെ കൈവരിച്ചിട്ടുണ്ട്. കേന്ദ്രസര്‍ക്കാരിന്റെ മേക്ക് ഇന്‍ ഇന്ത്യ പദ്ധതി പ്രകാരമാണ് പേള്‍ വികസിപ്പിച്ചെടുത്തത്.

എം.പി.ഇ.ഡി.എ ഹൈദരാബാദില്‍ നടത്തിയ ‘അക്വഅക്വേറിയ ഇന്ത്യ 2019’ ഷോയില്‍ വച്ച് ഉപരാഷ്ട്രപതി എം. വെങ്കയ്യനായിഡു ഇത് ഔപചാരികമായി പുറത്തിറക്കി. നിലവില്‍ 300 ടണ്‍ ആര്‍ട്ടീമിയയാണ് ഇന്ത്യയില്‍ ഇറക്കുമതി ചെയ്യുന്നതെന്ന് എം.പി.ഇ.ഡി.എ ചെയര്‍മാന്‍ കെ എസ് ശ്രീനിവാസ് പറഞ്ഞു. വര്‍ഷത്തില്‍ 300 കോടി രൂപയാണ് ഇതിന് ചെലവ് വരുന്നത്. ഷ്രിംപ് ഹാച്ചറിയിലെ ഏറ്റവും പ്രധാനമായ തീറ്റയാണിതെന്നും അദ്ദേഹം പറഞ്ഞു.

ഗാഢമായ ഉപ്പുവെള്ളത്തില്‍ മാത്രമേ ആര്‍ട്ടീമിയ കാണപ്പെടുകയുള്ളൂ. രാജ്യത്തെ വര്‍ധിച്ചു വരുന്ന ആവശ്യം കണക്കിലെടുത്താല്‍ മഹാരാഷ്ട്ര, ഗുജറാത്ത് പോലുള്ള സംസ്ഥാനങ്ങളിലേക്ക് ഇതിന്റ ഉത്പാദനം വ്യാപിപ്പിക്കാനാകുമെന്നും കെ.എസ് ശ്രീനിവാസ് പറഞ്ഞു.

2024 ആകുമ്പോഴേക്കും രാജ്യത്തു നിന്നുള്ള സമുദ്രോത്പന്ന കയറ്റുമതി 7 ബില്യണ്‍ അമേരിക്കന്‍ ഡോളര്‍മൂല്യത്തില്‍ നിന്നും 15 ബില്യണ്‍ ആക്കാനാണ് ലക്ഷ്യമിടുന്നത്. വൈവിദ്ധ്യമാര്‍ന്ന പുതിയ മത്സ്യഇനങ്ങള്‍, മത്സ്യകൃഷി വ്യാപനം തുടങ്ങിയ മാര്‍ഗങ്ങള്‍ക്കൊപ്പം തദ്ദേശീയമായി വികസിപ്പിച്ച പേള്‍ ആര്‍ട്ടീമിയ വലിയ ചുവടുവയ്പാണെന്ന് കെ എസ് ശ്രീനിവാസ് പറഞ്ഞു.

രാജ്യത്തെ മത്സ്യകൃഷി ചരിത്രത്തിലെ സുപ്രധാന ഏടാണ് തദ്ദേശീയമായി ആര്‍ട്ടീമിയ വികസിപ്പിച്ചെടുത്തതെന്ന് എം.പി.ഇ.ഡി.എആര്‍.ജി.സി.എ പ്രൊജക്ട് ഡയറക്ടര്‍ ഡോ. എസ് കന്ദന്‍ പറഞ്ഞു. ആര്‍ട്ടീമിയ സര്‍ട്ടിഫൈ ചെയ്യുന്ന ബെല്‍ജിയത്തിലെ കെന്റ് സര്‍വകലാശാല ലോകത്തിലെ ഏറ്റവും മികച്ച ഉത്പന്നമായാണ് പേള്‍ ആര്‍ട്ടീമിയയെ രേഖപ്പെടുത്തിയത്.

ഇറക്കുമതി ചെയ്ത ആര്‍ട്ടീമിയ 450 ഗ്രാമിന് 5,300 രൂപയാണ് വിലയെങ്കില്‍ തദ്ദേശീയമായി വികസിപ്പിച്ച പേള്‍ ആര്‍ട്ടീമിയയ്ക്ക് 3,500 രൂപ മാത്രമേയുള്ളു. ഉത്പാദനം വര്‍ധിപ്പിച്ച് വില ഇനിയും കുറയ്ക്കാനാകുമെന്ന് ഡോ കന്ദന്‍ ചൂണ്ടിക്കാട്ടി. തമിഴ്‌നാട്ടിലെ തൂത്തുക്കുടി, രാമനാഥപുരം എന്നിവിടങ്ങളിലാണ് ഇപ്പോള്‍ പേള്‍ ആര്‍ട്ടീമിയ ഉത്പാദിപ്പിക്കുന്നത്. വര്‍ഷം 500 കിലോയാണ് ഉത്പാദന ശേഷി.

Continue Reading
Advertisement

Facebook

Recent Posts

Advertisement
Business4 hours ago

സംരംഭങ്ങളുമായി ധീരമായി മുന്നോട്ടുവരാന്‍ വിദ്യാര്‍ഥികളോട് ആഹ്വാനം: 4300 പ്രതിനിധികളും 100 സ്റ്റാര്‍ട്ടപ്പുകളുമായി കെഎസ് യുഎം ഐഇഡിസി ഉച്ചകോടി

Business2 days ago

കാന്‍സറിനെ നേരിടാന്‍ സാങ്കേതികവിദ്യ: കെഎസ് യുഎം-സിസിആര്‍സി

Sport3 days ago

‘കേശു’ കേരള ബ്ലാസ്റ്റേഴ്‌സിന്റെ ഔദ്യോഗിക ഭാഗ്യ ചിഹ്നം

Business4 days ago

സുസ്ഥിരത പ്രോല്‍സാഹിപ്പിക്കാന്‍ ‘ഗ്രീന്‍ റിവാര്‍ഡ് പോയിന്റ്’ അവതരിപ്പിച്ച് എസ്ബിഐ

Business4 days ago

ബ്രിട്ടീഷ് ഇലക്ട്രോണിക് ഡിസൈന്‍ കമ്പനി ‘ആം’ മേക്കര്‍ വില്ലേജുമായി കൈകോര്‍ക്കുന്നു

Business5 days ago

വിദ്യാര്‍ഥി സ്റ്റാര്‍ട്ടപ്പുകള്‍ക്ക് വമ്പിച്ച അവസരങ്ങള്‍: കെഎസ് യുഎം ഐഇഡിസി ഉച്ചകോടി ഒക്ടോ. 19 ന്

Business5 days ago

ബ്രിട്ടനിലെ മികച്ച ഹോട്ടലുകളുടെ പട്ടികയില്‍ ലുലു ഗ്രൂപ്പിന്റെ വാള്‍ഡ്രോഫ് അസ്റ്റോറിയ എഡിന്‍ബറൊയും

Viral

Kerala2 months ago

അയര്‍ലന്‍ഡില്‍ നിന്ന് ഇലിസ് നല്‍കി വരുമാനത്തിന്റെ ഒരു പങ്ക്

ദുരിതബാധിതര്‍ക്ക് പിന്തുണയുമായി കേരളത്തില്‍ വച്ച് കൊല്ലപ്പെട്ട ലാത്വിയന്‍ യുവതിയുടെ സഹോദരി ഇലിസ് സര്‍ക്കോണയും

Life2 months ago

‘ആകാശം ഭൂമിയിലേക്കു വീഴാതെ താങ്ങി നിര്‍ത്തുന്നു ഇത്തരം കൈകള്‍’

നൗഷാദിക്കാ, തീര്‍ച്ചയായും, അതിലൊരു കൈ നിങ്ങളുടെയാണെന്നു ഞാന്‍ വിശ്വസിക്കുന്നു: നടന്‍ സിദ്ദിഖ്

Gulf2 months ago

കുട്ടികള്‍ക്കൊപ്പം ദുബായ് രാജകുമാരന്റെ വലിയപെരുന്നാള്‍ ആഘോഷം

കുട്ടികള്‍ക്കൊപ്പമുള്ള നിമിഷങ്ങള്‍ സോഷ്യല്‍ മീഡിയയില്‍ പങ്കുവെച്ച് ഷേഖ് ഹംദാന്‍

Business6 months ago

ചൂടില്‍ നിന്ന് തൊഴിലാളികളെ രക്ഷിക്കാന്‍ 1914ല്‍ ഐസ് മെഷീന്‍ സ്ഥാപിച്ച ടാറ്റ ഗ്രൂപ്പ്

ഐസ് ആഡംബരമായിരുന്ന കാലത്ത് തൊഴിലാളികള്‍ക്കായി ഒരു ഐസ് ആന്‍ഡ് സോഡ മെഷീന്‍ സ്ഥാപിച്ച ടാറ്റ ഗ്രൂപ്പ്

ELECTION SPECIAL6 months ago

ഇതാണോ ആവിഷ്‌കാര സ്വാതന്ത്ര്യം, തുറന്നടിച്ച് സന്തോഷ് പണ്ഡിറ്റ്

ബിജു മേനോനെതിരെ നടക്കുന്ന സൈബര്‍ ആക്രമണത്തെ പൊളിച്ചടുക്കി സന്തോഷ് പണ്ഡിറ്റ്

Video7 months ago

വിഡിയോ: തിമ്മക്ക രാഷ്ട്രപതിയെ അനുഗ്രഹിക്കുന്ന അപൂര്‍വ നിമിഷം

വിഡിയോ: തിമ്മക്ക രാഷ്ട്രപതിയെ അനുഗ്രഹിക്കുന്ന അപൂര്‍വ നിമിഷം

Opinion8 months ago

‘അല്ല സര്‍, പട്ടാളക്കാരന്റെ ജോലി മറ്റേതൊരു ജോലിയും പോലെയല്ല’

എന്റെ ജീവിതം ബുദ്ധിമുട്ടിലാകുമെന്ന് തോന്നിയാല്‍ ആ ജോലി ഉപേക്ഷിച്ച് പോരുന്നതിന് എനിക്ക് ഒരു വിലക്കുമില്ല. പക്ഷെ പട്ടാളക്കാരന്റെ കഥ അങ്ങനെയല്ല

Entertainment8 months ago

‘മായാനദിയിലെ അപ്പു നായികയല്ല, മലയാള സിനിമയിലെ ഏറ്റവും മികച്ച സൈക്കോ വില്ലത്തി’

അപ്പു ആരെയും സ്‌നേഹിച്ചിട്ടില്ല എല്ലാവരുടെ മുന്നിലും മികച്ച ഒരു നടി ആയിരുന്നു.

Entertainment10 months ago

ലൂസിഫറില്‍ ഞങ്ങള്‍ പോലുമറിയാത്ത ഹൈപ്രൊഫൈല്‍ അതിഥി താരമുണ്ടെന്ന് കണ്ടെത്തല്‍

ഇത്തരം 'വാര്‍ത്ത'കളാണ് സിനിമയെന്ന കലയെയും വ്യവസായത്തെയും കൊല്ലുന്നതെന്ന് മുരളിഗോപി

Entertainment11 months ago

ലാലിന്റെയും മഞ്ജുവിന്റെയും ഫോട്ടോ ക്ലിക്ക് ചെയ്ത് പൃഥ്വി

ലൂസിഫറിനെ സംബന്ധിച്ച ഓരോ വാര്‍ത്തയും ആരാധകര്‍ക്ക് ആഘോഷമാണ്

Opinion

Business2 weeks ago

കംഗാരു ബിസിനസും ഐടി സെക്രട്ടറിയുടെ ചോദ്യവും പ്രസക്തമാകുന്നതിന് കാരണം

കേരളത്തിലെ വന്‍കിട കമ്പനികള്‍ സ്റ്റാര്‍ട്ടപ്പുകളെ ദത്തെടുക്കണമെന്ന ഐടി സെക്രട്ടറിയുടെ നിര്‍ദേശം ഒന്നര വര്‍ഷം മുമ്പ് മീഡിയ ഇന്‍കിലൂടെ മാനേജ്‌മെന്റ് കണ്‍സള്‍ട്ടന്റ് സുധീര്‍ ബാബുവും മുന്നോട്ട് വച്ചിരുന്നു

Business7 months ago

അമേരിക്കക്കാരെ കരിക്കിന്‍ വെള്ളം കുടിപ്പിക്കുന്ന ഫോക്കോ

കരിക്കിന്‍ വെള്ളം പല ഫ്‌ളേവറുകളിലാക്കി കച്ചോടം പൊടിപൊടിക്കുന്ന ആഗോള ബ്രാന്‍ഡ് ഫോക്കോയെകുറിച്ച് ബ്രമ്മ സിഇഒ

Business8 months ago

ഹര്‍ത്താല്‍ നിയന്ത്രണബില്‍ കേരളത്തില്‍ നിയമമാകുമോ?

കേരളത്തിലേക്ക് കൂടുതല്‍ നിക്ഷേപം എത്തണമെങ്കില്‍ ഹര്‍ത്താല്‍ നിയന്ത്രണ ബില്‍ ഉടന്‍ നിയമമാക്കണമെന്നാണ് സംരംഭകര്‍ ആവശ്യപ്പെടുന്നത്

Opinion8 months ago

രാഷ്ട്രീയ പക്ഷപാതിത്വം; ഇന്ത്യയില്‍ ട്വിറ്റിന് പിടി വീഴുമോ?

പാര്‍ലമെന്ററി സമിതിക്ക് മുന്നില്‍ ഹാജരാകില്ലെന്ന ട്വിറ്ററിന്റെ നിലപാട് നീതീകരിക്കത്തക്കതല്ല. സാമൂഹ്യമാധ്യമങ്ങള്‍ക്ക് തെരഞ്ഞെടുപ്പുകളെ വരെ സ്വാധീനിക്കാന്‍ ശേഷിയുണ്ടെന്നത് സിഇഒ ഓര്‍മിക്കേണ്ടതുണ്ട്

Opinion9 months ago

ട്വിറ്ററിന് പക്ഷമുണ്ടോ; ഉണ്ടെന്ന് ബിജെപി, ഇല്ലെന്ന് ട്വിറ്റര്‍

വലതുപക്ഷ സ്വഭാവമുള്ള ട്വീറ്റുകളുടെ റീച്ച് കുറയുന്നതായും ട്രെന്‍ഡിംഗ് ലിസ്റ്റില്‍ നീതിയുക്തമായ തരത്തിലുള്ള വിഷയങ്ങള്‍ വരുന്നില്ലെന്നുമാണ് ആക്റ്റിവിസ്റ്റുകളുടെ പ്രധാന ആരോപണം.

Opinion11 months ago

വ്യാജവാര്‍ത്തകള്‍ക്കെതിരെ റിപ്പോര്‍ട്ട്, വെട്ടിലായി ബിബിസി

വ്യാജവാര്‍ത്തകള്‍ക്കെതിരെ ബിബിസി പ്രസിദ്ധീകരിച്ച പഠന റിപ്പാര്‍ട്ട് വ്യാപകമായ വിമര്‍ശനത്തിന് വിധേയമാവുകയാണ്

Opinion12 months ago

‘റിസര്‍വ് ബാങ്ക് ദ്രാവിഡിനെപ്പോലെ കളിക്കണം; സിദ്ധുവിനെ പോലെയല്ല’

ആര്‍ബിഐയും കേന്ദ്രസര്‍ക്കാരും തമ്മിലുള്ള പ്രശ്‌നത്തില്‍ നയം വ്യക്തമാക്കി രഘുറാം രാജന്‍

Opinion1 year ago

ആധാര്‍ ആഫ്രിക്കയെ മാറ്റി മറിച്ചേക്കും!

ആഫ്രിക്കയ്ക്ക് ഇന്ന് ഏറ്റവും ആവശ്യം ആധാറിന് സമാനമായ ഡിജിറ്റല്‍ തിരിച്ചറിയല്‍ സംവിധാനമാണെന്ന് വിലയിരുത്തല്‍

Opinion1 year ago

പെട്രോളിനെ ജിഎസ്ടിക്ക് കീഴില്‍ കൊണ്ടുവരണമെന്ന് ചേതന്‍ ഭഗത്

ജിഎസ്ടിക്ക് കീഴിലായാല്‍ നിലവിലെ നിലവാരത്തില്‍ പോലും പെട്രോളിന് 55 രൂപയേ വരൂ

National1 year ago

സനാതനമാണ്, വിശ്വം കീഴടക്കിയ വിവേകവാണികള്‍

"സമ്മേളനത്തില്‍ പങ്കെടുക്കാന്‍ സ്വാമിയോട് യോഗ്യതയും അര്‍ഹതയും ചോദിക്കുന്നത് സൂര്യന്‍ പ്രകാശം പരത്താന്‍ അനുമതി ചോദിക്കുന്നതിന് സമാനമാണ്."

Auto

Auto3 weeks ago

ഇതാ കിടന്നോടിക്കാവുന്ന സൈക്കിള്‍; കിടിലന്‍

ബേര്‍ഡ് ഓഫ് േ്രപ എന്ന ഈ സൈക്കിള്‍ കിടന്ന് ഓടിക്കാം. പുറം വേദന വരില്ല. കസ്റ്റമൈസ്ഡുമാണ്

Auto4 weeks ago

ഇലക്ട്രിക് ഓട്ടോ മഹീന്ദ്ര ട്രിയോ കേരളത്തിലെത്തി

മഹീന്ദ്ര ട്രിയോ ഓടിക്കുന്നതിലൂടെ ഡ്രൈവറുടെ സമ്പാദ്യം പ്രതിവര്‍ഷം 21,600 രൂപ വരെ വര്‍ദ്ധിപ്പിക്കാമെന്ന് കമ്പനി

Auto1 month ago

പുറത്തിറങ്ങി, ടിവിഎസ് റേഡിയോണ്‍ കമ്യൂട്ടര്‍ ഓഫ് ദ ഇയര്‍

2018 ഓഗസ്റ്റില്‍ പുറത്തിറക്കിയ ടി.വി.എസ്. റേഡിയോണ്‍ സ്ഥിരം യാത്രക്കാരുടെ പ്രിയപ്പെട്ട വാഹനമായി മാറിയിരിക്കുകയാണ്

Auto2 months ago

ഈ കടയില്‍ ജാഗ്വാര്‍ സെയില്‍സും സര്‍വീസും സ്‌പെയര്‍ പാര്‍ട്‌സും

ജാഗ്വാര്‍ ലാന്‍ഡ് റോവറിന്റെ 3എസ് കേന്ദ്രം തുടങ്ങി. ഇവിടെ തന്നെ സെയ്ല്‍സും സര്‍വീസും സ്‌പെയര്‍ പാര്‍ട്‌സും ലഭ്യമാണ്

Auto2 months ago

ഇതാ ബുഗാറ്റിയുടെ അതിശക്ത സൂപ്പര്‍ കാര്‍; വില 71 കോടി

അവതരിച്ചു ബുഗാറ്റിയുടെ സെന്റോഡിയക്കൈ, വില 71 കോടി. സൂപ്പര്‍കാറുകളിലെ സൂപ്പര്‍ താരം

Auto3 months ago

മസ്‌ക്കിന്റെ ടെസ്ലയുടെ ഇന്ത്യ എന്‍ട്രി തടയുന്നതാര്?

കേ്ന്ദ്ര സര്‍ക്കാറിന്റെ നികുതി നിയമങ്ങള്‍ കര്‍ക്കശമാണെന്നാണ് ഇലോണ്‍ മസ്‌ക്കിന്റെ പരാതി.

Auto3 months ago

ദേ എയര്‍ലെസ് ടയറുകളുടെ കാലം വരുന്നു…സൂപ്പര്‍

ഫ്‌ളാറ്റ് ടയറുകള്‍ ഒരു പക്ഷേ ചരിത്രത്തിന്റെ ഭാഗമാകും. കാറ്റില്ലാത്ത ടയറുകളുടെ കാലം വരുകയാണ്

Auto4 months ago

ആര്‍വി400: കൃത്രിമ ബുദ്ധിയിലധിഷ്ഠിതമായ സൂപ്പര്‍ ബൈക്ക്

റിബെല്‍ റെഡ്, കോസ്മിക് ബ്ലാക്ക് എന്നീ നിറങ്ങളില്‍ ആര്‍വി 400 ലഭ്യമാകും. 4ജി സിമ്മോടു കൂടിയാണ് ബൈക്ക് എത്തുന്നത്

Auto4 months ago

ഓണത്തിനെത്തുമോ കേരളത്തിന്റെ സ്വന്തം ഇ-ഓട്ടോ?

രാജ്യത്ത് ആദ്യമായാണ് ഒരു പൊതുമേഖല സ്ഥാപനത്തിന് ഇ-ഓട്ടോ നിര്‍മിക്കാന്‍ അനുമതി ലഭിക്കുന്നത്, കേരളത്തിന് അഭിമാനം തന്നെ. 1 കി.മീറ്റര്‍ പിന്നിടുന്നതിന് 50 പൈസയാണ് ചെലവ് വരുന്നത്

Auto4 months ago

റെനോ ട്രൈബര്‍; സ്‌പേസ് കൂടുതലുള്ള ആകര്‍ഷക മോഡല്‍

ആകര്‍ഷകമായ രൂപകല്‍പ്പനയാണ് പുതിയ റെനോ ട്രൈബറിന്റേത്. അകത്ത് സ്‌പേസ് കൂടുതലുണ്ട്. ഏഴു പേര്‍ക്ക് സുഖമായി ഇരിക്കാം

Trending